omyaser
مبروك عليكم البيت الجديد اختي .. الله يهينكم فيه
بالنسبة لصبغ الممر الصغير اللي يسبق الصالة يعتمد اللون على لون الصالة نفسها .. وان كان الممر مفتوح على الصالة بقوس او متصل او حتى مفصول بباب
لازم تراعي التنسيق بين لون الممر ولون الصالة لو كانت مفتوحة على هذا الممر
وتتعاملي مع هالممر على انه مكمل لديكور الصالة وليس منفصلا عنها
اما غرفة الاولاد ... فالحيرة اللي تقع فيها الام عادة تكون بسبب ان البنت والولد يشتركون في غرفة وحدة
انا اول ما أحد يسألني عن ديكورات هالغرف يخطر على بالي تشكيلة لونية رائعة تناسب الجنسين ومن سن ال 4 سنوات الى 12 سنة تقريبا
وهي
احب هالألوان لانها تناسب غرفة الاطفال المشتركة والسر انك راح تخلي الالوان مشتركة بينهم لكن الديكوارت هي اللي تختلف
فقسم البنت راح تزينيه بالورود والقلوب والالعاب البناتية وقسم الولد تقدري تعلقي فيه صور للسيارات وديكورات اولاد
البعض يراها الوان قوية وكاتمة لكن عن تجربة هي من اروع الاختيارات اللونية
لكن الصعب فيها هو اختيار لون مناسب للأثاث
هذي غرفة الولد
وهذي غرفة البنت
شفتي كيف الاضافات في كل غرفة على الالوان الاساسية راح تخليك تشوفي الغرفة الوحدة كأنهم غرفتين منفصلتين وفي نفس الوقت يكملون بعض من ناحية الالوان
وهذي الغرفة ايضا اشوفها مناسبة لغرفة بطفلين ( بنت وولد )
الونها محايدة
اما غرفة نومك فيعتمد على الستايل اللي حابة تسويه
كلاسيك او مودرن والالوان المفضلة لك
لو كانت كبيرة انصحك تختاري ستايل فخم من ناحية الصبغ والارضية والاثاث
الحين موضة الأصباغ اللي تشبه ورق الجدران
