قمورة ريلها:
هلا هلا بالغالية
شحالج وشو مسويه ؟؟
سيري وخبريني شو الي يستاهل لأني ناوية أسير على الشهر الياي
والله يسلمج ماسوينا الا الواجب
حبيبتي في بوظبي شي 3 بيبي شوب :clap:
واحد فالكاسر هذا يديد ويقولون كبير وواحد فالخالدية وواحد فالجمعية
أنا شفت الإعلان الي مكتوب عالخالدية انه عندهم سيل انتي دقي وتخبري اذا شي في الفروع الثانية
الله يسهل علينا يارب
هلا بالغلا كله والله
انا زينه الحمدلله على كل حال
اليوم تعبت شوي من يومين ياييني مغص الله لا يراويكم وبس صيااح :(:( ريلي مسكين ييني في الويك اند بس والله البارحه تم سهراان علي فديته والله متعبتنه ويايه
المهم سرت مستشفى الكورنيش الطواريء .. :( بطلولي ملف بس موووول ما عيبتني معاملتهم ... دخلوني عند وحده هنديه قهرتني :angry: ماده بوزها شبرين ويالسه اشرحلها واخبرها كله تشعمني :( كل ما اقولها شي تو ما كملت رمستيه ترد علي قبل ما اخلص رمستي اقولها المغص هلكنيييي وااايد تقولي عادي كل الحوامل جيه عقب قالت لي منو قالج انج حامل
انا ويهي جيه استوى :qaq: ومضااايجه ومحرجه عقب قالت وين سرتي وقالولج حامل قلت لها شو سرت عيادة الروضه المهم قلت لها عن الادويه اللي خذيتها وما كنت اعرف اني حامل تعرفوون شو قالت ... ما قدر اسويلج شيء ادعي الله اذا في شيء والله حسيت اني تضايجت حييل
وكل ما قلت لها شيء جعمتني :( وااااايد
الخلاصه قالت انتي توج الشهر الاول عقب قالت لا شهر 12 تعالي بطلي ملف من اول ويديد واوراق يديده انا قلت في خاطريه تتمصخر شوه ... اخرتها عطتني حبوب الفوليك اسيد
والله جنه نحن الغرب وهم رعاة البلاد :(:( تدرون رريلي قالي تخسين تربين هنيه بتربين في دبي ان شاءالله
واااااااايد كان محرج ومن حقه بهدلوني والله عقب صح قلت لها عن حبوب معذبتني تطلع تحت صدري قالت تعالي ع السرير اجوف من راويتها قالت نحن ما يخصنا سيري الجلديه هم بيتصرفووون يانااااس شو هالاسلووب حشا اول مره اجوف الكورنيش جيه كلنا انصدمنا والله بس قلت مب مبطله ملف عندهم وريلي مصمم الا ابطل في دبي
الله يعين بس
طولت عليكم سامحوني
صح حبيبتي قمورة .. سرت والله في اشياء وااايد تستااااهل وظنتي كل الفرووع فيهم
عيبني ملز كان ب 390 واستوى 180 دش خاااطري وااايد وبعدين حلو ترومين تحطين الياهل فيه وتشلين اي مكان شرات هالسلال وعقب تردين تحطينه على استاند ويتثبت عدل عيبني حيل بس ريلي قال وااااايد مبجر
وخذيت مرضعه صغيييييييره مالت الماي ^_^ مادري جان تعرفونها هاللي تييج صغييره وايد
وخذيت قماط قطن لونه بيج .. وطاقيه بيج ودلاغات بيج بس لأن اغلبه شتوي وتعرفون نحن بنربي بالصيف بس فيله اشيااااء تينن وتستاااهل السيره والتنزيلات هي 50% يعني نص السعر .. القماط كان سعره ب 39 وعقب الخصم 19 وااايد استانست عليه .. صح ان الوالده هزبتني اونه مبجر شو ها ... بس شسوي اسعارهم ما تتفوت صراحه
طولت عليكم سامحوني
بس تحملوني فديتكم
يلله اجوفكم على خير
^_^
وادعوووووووووووووووووووووولي الله يثبت حملي