مستشفى المواساه بالدمام او سعد التخصصي بالخبر

ليه محد يرد

شوفي حبيبتي
أنا ما أنصحك لا بهذا ولاهذا
واعذريني على عدم ذكر الاسباب
بس اذ تبين نصيحتي..بشرط انه يهمك الدكتوره والعنايه أكثر من المظاهر والجخة
روحي لأسطون في ال خبر ...عن تجربة
فيه هناك الدكتورة سناء وعزه وغيرها

ومانع الخبر يمدحونه.. بس ما جربته
واالله يسهل عليك يارب

أنا أختي تولد في المواساة وبصراحة رووووووووووعة عندهم دكتورات فيهم حنان و خوف من الله

والله يااختي انا بعد حيرانه مثلك تماما

بخصوص مانع الخبر انا ولدت البكرية هناك وكانت ولادتهم يعني علشان بكرية حطولي صناعي وتأخرت بالنسبه عن طاقم التوليد كانو ممتازين ومتعاونين معاي والغرفه كانت مريحه بس في شي ناقص فيها ان الحمام الله يعز السامعين ما كان في غرفة الولادة يعني تعرفين الباقي..........

بالنسبه عن مستشفي سعد مين يقولك ان الولادة مع الاستشارات تكون بـ 3000 هم اساسا يبتدون بـ 5500 وبعد الولادة والاجراءات عادي ترا تنصدمين وتوصل فاتورتك الى 12000 هذي منقول من صديقة احصلت لها تفس السالفة ..........

انا ماعندي مشكله بالنسبه للولادة في سعد لان التأمين مغطي بس صراحه لا الولادة الطبيعية ولا القيصرية يمدحونها،، انا كنت معزمه ان ولادتي تكون هناك بس بعد ماسمعت غيرت رأيي......

عموما اختي الولادة مفاجأت.........والله يعينا اجمعين

اما اختي اسطون اذا بغيتى ولادة من غير الم ولدي هناك انصحك فيه بالدكتورة عزة.........

انا ياأخواتي جا دوري انا اسأل عن مستشفي المواساة اللي في الجبيل ردو علي اذا كان عندكم اي فكرة؟؟؟

سامحوني طولت عليكم

هلا اختي.......
كل واحد على حسب تجربته انا ولدت ببنتي في سعد
صراحه الولاده مافي اروع منها العنايه تمام

اختي k k صراحه بردتي قلبي شوي لما رديتي بس ياريت هذا اذا ماكان عندك مانع انك تعرضين لنا تجربتك في الولادة عندهم علشان نستفيد وتعطينا التفاصيل من ناحية الدكتورة اللي ولدتك وطريقه عنايتهم في غرفة الولادة وغرفة الولادة نفسها كيف صايرة وطبعا بعد الولادة كيف الجراحه وتوابعها ::::::::::: هذا بعداذنك واذامافي احراج ..........

ارجو انك ماتهملين رسالتي لان ولادتي جربت وانا لسه ماقررت بخصوص مستشفي الولادة...........

وجزاك الله خير

اهلا اختي عالم الهدؤ....
وليش امانع اصلا حنا هنا علشان نساعد بعض مو احنا اخوات ولا لا
الدكتوره الي ولدتني كان اسمها مها
مشاء الله عليها في قمة الذوق والانسانيه والصبر على المريضه
غرفة الولاده هي نفسها غرفة الطلق ومهيئه كجناح خاص بس المريضه ومسموح بدخول الزوج وفيها الله يعزش الحمام
يكون متواجد بالغرفه من طاقم طبي ممرضتين والدكتوره لا عاملات نظافه ولا احد رايح جاي
انا وقت الطلق طلبت ابرة الظهر فماحسيت بألم وايد الابس ساعة خروج البيبي حاجه بسيطه ولازم يركبون لش قسطره للبول وبعد الولاده ب12 ساعه يشيلونها
الدكتوره الي تولدش مو لازم هي نفسها الي تتابعين عندها على حسب الدكتوره المناوبه وقت الولاده
اما بالنسبه للخياطه خياطه تجميليه داخليه مافيها خيوط جراحيه ومايبين لها اي اثر ولا كأنش ولدتين لوكنتين بكريه .

بعد الولاده مباشره يعطونش البيبي علشان ترضعينه لانهم يهتمون بالرضاعه الطبيعيه فهو مستشفى صديق الطفل

تقريبا ربع اونص ساعه ثم ياخدونه للحضانه اما الوالد تتم تحت الملاحظه تقريبا لمدة ساعه ثم ياخدونها للقسم
الغرف الي عندهم على حسب الدفع
بالنسبه لي كانت الغرفه العاديه الي تغطي التأمين الصحي
تتكون الغرفه من سرير لشخص واحد وكنبه كبيره ووحده صغيره المكان بشكل عام يعتبر واسع ومرتب ونظيف
الخدمه الموجوده تعتبر فندقيه
اول مارحت جابت لي الممرضه منيو علشان اختار الفطور والغداء والعشاء. الطفل يكون على كيفش تبينه في الحضانه او عندش او شوي عندش وشوي في الحضانه انتي الي تقرريين وادا صار البيبي عندش كل مابين فتره والأخرى تتصل تسأل ادا تبين شي او تجي تاخده
وعندهم سرعه في الإستجابه يعني او ما تدقيين الجرس على طول تجي النيرس وماطنش طلبش وادا استدعت الحاجه تجي الدكتوره المناوبه
وتجي لش وحده تعلمش تماريين مابعد الولاده والنظام الغذائي
وهم مشرفة الرضاعه الطبيعيه تعلمش كيف ترضعين
وادا جاوا وانتي نايمه او بالحمام ممكن انش تطلبينهم مره ثانيه ويأتؤن
وفي اليل مااحد يدخل عليش من عاملات نظافه او ممرضات ويصحونش من النوم
المكان كان بالنسبه لي هادئ ومريح
الولاده الاولى لي كانت في المانع الدمام الولاده اوكي بس بعد الولاده بالمره ماعجبني
هذه تجربتي اتمنا اني افدتك واي استفسار او سؤال نحن بالخدمه

انا بعد ولادتي كانت بسعد روووعه والتفاصيل هيه نفسها اللي قالتها الاخت kk
وانا اللي ولدتني فلبينيه مااذكر اسمها اعتقد كريستسن بس من جد رووووعه ورغم ان الجناح اللي يحطوك فيه عادي بس حلو والحمام اكرمكم الله نظييييييف كانك في فندق 5 نجوم
بجد ماافكر اني اغير لو حملت مره ثانيه وراح ارجع سعد
وسالفة ال12000 هذي مبالغ فيها يعني موصحيح وكثير سمعنا هالكلام لكن اخذي كلام مجربات انا مااذكر كم اخذوا علي علشان الولاده بس مايزيد عن 5000 بكثير يعني ماوصل 6000

هلا باختي kk

صراحه كفيتي ووفيتي والله يجزيك خير انشاءالله على التوضيح صراحه راح اخذ بكلامك انشاء الله وتوكل على الله صراحه ماقصرتي جاوبتيني على كل استفساراتي وتساؤلاتي!!!!!!!!!!

بس في استفسار أخر بالنسبه عن ابرة الظهر اللي عطاكي اياها هل كان دكتور البنج؟ وهل حصلتي صعوبه في الدفع في نهاية الولادة؟ لاني حسب مااعرف ان الجزء السفلي من الجسم يكون مبنج فكيف تتحكمين بعمليه الدفع؟ لاني انا مش اول ولادة لي هذي الثالثه ودائما احصل صعوبه في الدفع الاخير هذي وبعد مساعدات الدكتورة اطول فيها يعني تقريبا اخذ ساعة في الدفع النهائي.....ترا انا ما جربت ابرة الظهر.....وهل انتي عانيتي بألم بعد فترة من الولادة في مكان ابرة الظهر لاني بعد سمعت ان الألم يظل فترة 6 اشهور وبعدين يتلاشي؟؟؟

اختي foo6a

كانت اضافة طيبه منك والله يعطيك الف عافية ماقصرتي.

انشاء اخدمكم في المستقبل في اي استفسار اقدر اساعدكم فيه..................

وسلامتكم

نفس سؤال عالم الهدوء
وعندي سؤال ثاني .. هل 5 الاف تشمل متابعه + ولاده أو قصدكم بس ولاده ؟؟؟

لأني راح أولد فقط عندهم مع متابعه الشهر التاسع...........

هلا اختي ...
الي عطتني ابرة الظهر كانت اخصائية تخدير وادا تفكريين انش تاخدينهاقوليلهم اول ماتروحين المستشفى لأنه أخصائية التخدير تجي وتقعد تشرح لش وين بتضرب الابره وش بتحسين مضاعفات ..الخ ويخلونش توقعين على الموافقه
اول ماتضربها تحسين بحراره في المنطقه وشوي ماتحسين بالجزء السفلي الأبره تكون موصله فيش مثل المحلول الوريدي الي ينحط في اليد
ادا قلتيلهم انش تحسين بألم يزيدون الجرعه
ادا قربت وقت الولاده يقللون الجرعه وتحسين بالدفع بس بألم خفيف والله انا يوم ولدت بنتي ماصدقت اني ولدت
ووقت الخياطه مايحطون لش اي بنج لانه المنطقه مخدره فما تحسين اصلا حتى بدخول الأبره

اما بالنسبه للقسطره بعد مايشيلونها تحسين بشوية حرقان وقت التبول يوم اويومين
بالنسبه لألم الظهر انا حسيت بألم مكان اعطاء الابره لمدة اسبوبع وبعدين راح مثل كأنه عاطينش ابره في الفخد
وتبقى اّلام الظهر العاديه بعد الولاده
على فكره انا ايضاَ حامل بالحمل الثالث وان شاء الله بأطلب ابرة الظهر مره ثانيه

الأخت.....mrsdini

والله بالنسبه للأسعار ماعندي اي فكره لأني على التأمين الطبي

ا

مرحبا

انا بعد حابة اعرف تفاصيل اكثر عن مستشفى المواساة والاسعار عندهم للولادة فقط

وبالنسبة لسعد سمعت ان الولادة 3000 + اقامة يومين في غرفة مشتركة
و 3500 + اقامة يومين في غرفة خاصة

فكيف الحين وحده تقول 12 الف ووحده تقول 6000 ياليت تخبرونا

تحياتي

الأخت kk بردتي خاطري ::smile:
أنا كنت أ تمنى اسمع عن وحدة جربت تولد بمستشفى سعد
مع أني للحين ما حملت بس لو صار حمل أفكر أروح عندهم
بس لوتكرمتي عندي لك كم سؤال...
بالنسبة للقسطرة ليش يخلونها يومين؟؟ وبعدين ماتحسين بألم بسبب وجودها؟
أنا أول ولادة لي كانت في المانع ولما سووا لي القسطرة قبل الولادة حسيت أنها اتألم
وبعدين شالوها
أنا عندي مشكلة حرقان البول( الله يعزكم ) شلون لو يسووا لي قسطرة؟؟؟
في حقنة يعطوها الحامل قبل الولادة وبعدها تروح الحمام حتى ......
هذي الحقنة عطوك إياها والا لاء؟؟
سؤال أخير : أنتي تابعتي حملك عند سعد والا بس الولادة؟
ومن هي الدكتورة اللي ارتحتي عندها ؟؟
أدري غثيتك بسئلتي الله يعينك علي ومشكورة سلفاًً

:flower:

القسطره يخلونها لزيين ما تطلبين تروحين الحمام يعني ممكن من6_12 ساعه
وتحسين بحرقان وقت التبول من يوم الى يومين
ايوه يعطونش حقنه شرجيه
كنت اتابع عند دكتوره ايمان وكانت حبابه
اما هذا الحمل اتابع عند استشاري د/ كمال الأتربي لأنه صارت لي مشاكل بداية الحمل ففضلت اسير للاستشاري وصرت اتابع معاه

الاخت .....عطر المودة

القسطره يخلونها لزيين ما تطلبين تروحين الحمام يعني ممكن من6_12 ساعه
وتحسين بحرقان وقت التبول من يوم الى يومين
ايوه يعطونش حقنه شرجيه
كنت اتابع عند دكتوره ايمان وكانت حبابه
اما هذا الحمل اتابع عند استشاري د/ كمال الأتربي لأنه صارت لي مشاكل بداية الحمل ففضلت اسير للاستشاري وصرت اتابع معاه
الاستشاري في قمة الدوق والانسانيه
بصراحه ما اعتقد اني بأجرب مستشفى ثاني

مشكورة حبيبتي على سرعة الرد:flower: :flower:

والله يسهل عليك حملك وتقومين بالسلامة

نسيت أسأل عن الخياطة بعد الولادة الألم كان خفيف

لأن أنتي ماخذة إبرة والا شلون ؟؟

يعني إذا الحامل ما تبغى تاخذ إبرة ممكن تحس بألم الخياطة؟؟

والحقنة الشرجية تعبتك والا لاء؟؟

الاخت عطر الموده....
الخياطه ماحسيت بأي ألم لأني ما خده ابرة الظهر
ادا مابتاخدين ابرة الظهر أكيد بيعطونش تخد ير موضعي
اكيد الحقنه متعبه

مشكورة اختي kk على التوضيح وشفتي يعني مو بس انا اللي استفدت من خبرتك..........

الله يساعدك في حملك الحالي ويثبته باذن الله ويسهل عليك وعلينا اجمعين.........آمين

هلااا وغلااا اختي
انا الحين حامل بالشهر الثامن
واتابع في سعد عند الدكتورة رانيا من اول شهر بصراحه ماقد مره رحت فيها موعد من المواعيد واتضايقت
كل شئ فيهم حلوو
من معامله واهتمام ورعايه وسئلت عن الولاده كذا وحده الصراحه كلهم يمدحونها عندهم
واذكر مره رحت فيها قسم الطؤارى وانا بالشهر الخامس
على طووووول طلعوني قسم متابعة الحمل في غرفه مجهزه للولاده من الى وماخلووني دقيقه الا لما تاكدوا ان كل شئ سليم
اذا تبينها مني روحي ولا تترددين
واذا احتجتي شئ احنا بالخدمه
اختك . جرح العيون