عقلي مقفل!! ابي فكره لخطيبي! ساعدووني
أم الحر
14-11-2006
14 رد
2,302 مشاهدة
السلام عليكم و رحمه الله و بركاته
خواتي جزااكم الله خير !! أنا واااايد متأزمه و هذي احس انها مشكله مب قادره أفكر
أول شي انا عندي امتحانات فهذا الي يعيق يعني يبيلي 4 أيام أخلص فيها الشي الي بسويه حق خطيبي
المشكله للحين مب لاقيه فكره أسويها مفاجـاه حق يوم ميلاده !! هديه بسيطه أو حركه و شي يعني يستانس منه
المشكله انه هو في الشارقه يداوم و انا في العين أدرس بالجامعه!! و يوم ميلاده بيصادف نصف الاسبوع !! يعني لازم اشتغل و أسوي الشي بسرعه!!
المهم أنا قلت بشتري ساعه أو نعال أو أي شي يعني من الي يحبونها الرجاجيل!! بس اكتشف انه هو عنده كل شي و يمكن يكون أحسن من الشي الي راح أجييبه!!
فالمشكله اهني!! ساعدوووني الله يخليكم و يزيدكم من الخير!!! ماعرف شو أسوي بالضبط !!
الي عندها فكره و اقتراح أو حل لي ترد علي!!! (w) أتمنى يكون قبل تاريخ 20 من هذا الشهر
انتظر ردودكم !!!بفاااااااارغ الصبر
هلا وغلا
عندي لج فكره ...شو رايج تهديه شئ بسيط مثلا ( ساعه أو نعال للعيد، مجموعه عطور مع كريمات
ميدليه في صورته، باقه ورد......الخ
وتخبرين واحد من اخوانج ياخذ الهديه لخطيبج....
أو
قبل يوم ميلاده أهديه عادي ...مو مشكله..
أو
تعطين الهديه لأخته ،واتفقي معاها..بأن توضع الهديه ف السياره ، واهنيه يوم بسير الدوام بشوف الهديه...
وسموحه
شو رايج..؟؟؟
ما ادري شو قصدج مخطوبه المهم لو كنتي مالجه (عقد)
امممممممم اشتريله باقه ورد وهديه على كيف كيفج
واتفقي ويا اخته انها اتحط الباقه ع السرير او عند الابجوره
او اي مكان ثاني مع كرت من خط ايدج بعباره صغيره وحلوه
+ صورتج فبرواز كتكووت
وان شااء الله بيستانس
^_^
هلا الغالية انصحج لا تهدينة نعال من زمان امهاتنا لا تهدين ريل ج انعال مب زين اهدية قلم ماركة او محفظة وطلبي باقة ورد من محل دماس للزهور بوصلج اية اتقي وياي اخته ترتبلج علشان الورد يعطي شي من المعني والله يوفقج
المشكوورين خواتي على الرد!! الصراحه انا ما عندي مشكله أبداً في التوصيل بس مشكلتي هي الفكره نفسها!! فكره قلم ماركه مع الورد حلوه !! انا ما ابي أشتري شي هو عنده!! عسب جي مب لازم أشتري شي المهم الحركه نفسها!! على العموم جزاكم الله خير
و اذا في اقتراحات زياده لا تبخلون علي!!
مرحبا أختي ..
شرايك بنظاره ماركه ..
ومجموعة عطورات ..
وبيجامات من دبنهامز ولا نكست حلوووه والله..
اممممممم لحظه بفكر...
. :think:
ا
اغلى من العمر
عروس متألقة
15-11-2006 | 06:54 PM
سلااااااااااااااام
هلا اختي
انا كنت مثلك احتار وش اخذ امي قالت عباره عجبتني الهديه مو بقيمتها الهديه رمز
و لو كانت منك بتكون في نظره احلى من اللي عنده مهما كانت قيمتها
لا تحتارين وخذي اي شي والقلم والورد حلوه فكرتها
الله يوفقكم :)
خذيله بيجاما واطبعي عليها صورته او صورتك
وخذيله ساعة او اذا عنده سيارة خذيله ميدالية مفاتيح فضة منحوت عليها اسمك واسمه
مشكورين خواتي جزااكم الله خير
تسلمون على أفكاااركم!!
أنقذتموني يمكن الحين أعرف أدرس عدل
بس الي عندها بعد !! حياها الله !! لين حزتها بقرر
شو في حبيبتي انا اقولج لاتهدين نعال وساعه ولا نظاره يعني هذا من راي هدايا معتاده
بس لو تهدينه خاتم فضه أصلي وعليه كلمه من الداخل بنحت خفيف ويكون شكل الخاتم راقي وبتلاقينه في محلات الذهب المعروفه ويبي صندوق خشبي بني محروق وخليه يزينولج اياه بعنابي وذهبي وداخل الصندوق اشتري كاكاو اي نوع هو يحبه واقترح باتشي وخليه يغلفون كل حبه بصورته وحطي الكاكاو داخل الصندوق والخاتم يكون عالطرف بين الكاكاو واي طرف من اطرف الصندوق علقي ورقة ورق مقوي صغيره لونها عناي ولفيها بشريطه وعلقيها كانها تعرفين رسايل اللي تكون في المسلسلات التاريخيه والكلام.................... اللي بيطلع من قلبج
وصح الخاتم هديه بسيطه بس عشان انتوا مخطوبين هديه تعبر عن مافي القلب وارقى
وسلامتج واتمنى تعجبج الفكره
شو في حبيبتي انا اقولج لاتهدين نعال وساعه ولا نظاره يعني هذا من راي هدايا معتاده
بس لو تهدينه خاتم فضه أصلي وعليه كلمه من الداخل بنحت خفيف ويكون شكل الخاتم راقي وبتلاقينه في محلات الذهب المعروفه او ميداليه للسياره ذهب أبيض او فضه وممكن عليها كلام من عندج او ىيه قرآنيه ويبي صندوق خشبي بني محروق وخليه يزينولج اياه بعنابي وذهبي وداخل الصندوق اشتري كاكاو اي نوع هو يحبه واقترح باتشي وخليه يغلفون كل حبه بصورته وحطي الكاكاو داخل الصندوق والخاتم يكون عالطرف بين الكاكاو واي طرف من اطرف الصندوق علقي ورقة ورق مقوي صغيره لونها عناي ولفيها بشريطه وعلقيها كانها تعرفين رسايل اللي تكون في المسلسلات التاريخيه والكلام.................... اللي بيطلع من قلبج
وصح الخاتم هديه بسيطه بس عشان انتوا مخطوبين هديه تعبر عن مافي القلب وارقى
وسلامتج واتمنى تعجبج الفكره
اختي راح اعطيج الفكرة اللي افكر انا اسويها يوم عيد زواجي
انا فكرت اشتري عصفورين بقفص شرط اني افرش ارضية القفص باوراق الورد الحمرا
واربط ميدالية صغيرة بره القفص فيها حرفين اسمي واسمه
ان شاء الله الفكرة تعجبج
وانا للحين ما سويتها
د
دهــــــن عــــــود
عروس نشيطة
16-11-2006 | 12:25 AM
ما شاء الله البنات ما قصروا وياج
بس بحطي اقتراحي وان شاء الله يعيبج
خذيله بزم ماركه ..
واذا خاطرج تاخذيله نعال لا تاخذين نعل المعتاده يعني اذا هو ياخذ من مندوس وفارس،،انتي غيري خذيله من ALDOيعني الدزاينات الدفرند..
وسويله كيكه وحطي صورته يوم هو صغير (سوتها حق ريلي في يوم ميلاده)
وموفقه الغاليه
هلا وغلا
بالصرااحه البنات ما قصروااااا..
مخده مكتوب عليها كلمات حلوه، درع شكله حلوه واكتبي عليه، أدوات للسياره (مبخره ، مناديل معطره بدهن عود، عود، عطربنفس الرائحه) ..
بالصرااحه اختي هدت ريلها أدوات السياره وستانس عليها ...الله يحفظهم من كل شر...
مشكوووووووووووورين خواتي تسلمون!!