مناير قطر:
أنا استخدمته ومالقيت منه غير الصداع النصفي والجفاف حتى بالعين والأكتئاب والعصبية "كنت اتهاوش مع ضلالي" وزياده بالوزن بشكل غير طبيعي طبعا عطاني الدكتور مرطب للشفايف "فازلين طبي" إلي بدونه اتصير الشفايف اصبخه وعطاني دموع صناعية لأن دموعي جفت وصارت عيني اتعورني وكنت اشكيله زيادة الوزن ويقولي ماله خص انتي تأكلين واجد"شككني بنفسي"ويوم شكيتله من الصداع هاوشني ليش متحمله وقالي خلاص وقفي والحمدلله تلاشت كل الاعراض ونزل وزني علطول ومازلت في صراع مع حب الشباب"بعجز وهو فيني يالله عشان احس ان توني".
اسفه علأطاله بس حبت تستفيدون من تجربتي،يمكن ناسب غيري بس أنا اقول لالالالالالالالالالالالالا والف لا للرواكتين
لا إطاله ولا حاجه
بالعكس ,, احنا محتاجين كل تجربه ...
سواء ناجحه .. أو ما تكللت بالنجاح "زي تجربتج"..
وباسألج.. طبيبج سوالج فحص قبل لا تبدين الكورس؟؟
واذا على ألم العيوون انا بعد مرات أحس بنشفااان واحس ان العدسه بتطيح من عيوني
وعشان كذا الدكتوره اوصفتلي دموع صناعيه والحمدلله ماشيه عليها وزي التمام " الله لايغير علي"
والإكتئاب والعصبيه .. هذا شي طبيعي .. بس اذا عندج قابليه للأكتئاب أو هالشي عندكم في العائله .. ترى خطر هالدوا عليج..
وحده من رفيجاتي أول مادرت الدكتوره ان الاكتئاب عندهم بالوراثه ارفضت انها تصرف لها الدوا
عشان مايسبب لها مضاعفات نفسيه بالمستقبل!!
مشكوره على وجودج معانا :)
وإن شالله بتلقين لج العلاج المناسب اللي ينفعج .. ومايسبب لج آثار جانبيه نفس اللي ذكرتيها:)
وسلامتج ياقلبي (f)