العمه (ام الزوج)التطورات ص4

اول شي الله يخلي لج حمود ومريومة العسل

وثاني شي انا حاسة فيج لان حتى لو كلهم احفاد وتفرق راح تتاثرين فشلون انها موب حفيدتها فهذا بزيادة

انتي ريحي بالج وتزعلين عمرج وانتي في النفاس واعتقد ان مافيها شي انج تعاتبينها عتب خفيف
بس مو تبينين لها انها تفرق او شي لالالالالا

كلميها وقولي لها حمود متوله عليج وايد ويقول يبي عودو ودوم يسأل عنج ومن هالسوالف
يعني حاولي تقربينها من حفيدها

واخر شي لاتتركين الدعاء والله يحنن قلبها عيلكم ياااارب

حبيبتي أمهات الأزواج صارت عليهم حركات غريبه بصراحه يعني البنت أو الولد شي بإيد الله وأنا من نظرتي أشوف انها وااااااااااااااااايد تتمادى بحركاتها وأغلبية الأزواج يشوفون ان الأم هي الصح لو حتى كانت الغلطانه والزوجه هي دايما الي مب زينه حبيبتي ما بقول لج اقطعي العلاقة ويا أم ريلج زوريها حتى لو من دون خاطر يعني أحنا لنا قلوب نحس ونشعر ونتألم ونغار مب كل شي في الدنيا بنسويله طاف وخلاص في أشياء ما نقدر نطوفها تم في قلبنا شالينها يعني أم الزوج من دون ما أجمع يعني بس في منهم يظلمون زوجة الولد ويتمنون حق بناتهم الحياه السعيده يعني زوجة الولد بنت ناس بعد لها أم وأبو يحبونها وكم بنصبر حتى الصبر وله حدود الله وأكبر بس حبيبتي اذا حد ظلمج الله بياخذ لج حقج واصبري ما بقول الا الله يعينج احنا ملزومين بالصبر والله يحفظ لج عيالج والي تسوي أم ريلج غلط المفروض تكون عادله وماتفرق والحركات الي عليها لا انها حركات صغار ولا عياييز

هلا ام حمودي

من حقك تزعلين وتاخذين على خاطرك من ها الحركات

بس حبيبتي تعودي تشيليها من بالك يعني اهتمي بعيالك وزوجك وخلاص هذي نعمه انها ما تسأل فيكم

ويمكن فعلا هي حاسه بحاجة لبنت واول ما تبنت البنت حبتها كانها بنتها صدق

يعني احنا نشوف الموضوع من ناحية ان عيالك هم أولى بإهتمامها وإنهم من دمها

بس هي يمكن شايفة ان ها البنوته هي بنتها وان مالهم غير بعض فاهمه علي يعني هي بجد حاسة انها بنتها وما ترضى عليها

لا تضايقي نفسك و الله تخيلي لو ما عندها ها البنت كان هلكتك بتربية ها البنت وتاكل قلبك على كل شي

وهذا العمات ما يعجبهم شي أبدا لا الي تجيب عيال عاجبتهم ولا الي ما تجيب عاجبتهم ولا الي تجيب اولاد عاجبتهم ولا الي تجيب بنات يعني مو عارفين شو يسوا

واحنا الزوجات مو عاجبنا شي لو سألوا عنا وايد نقول متطفلة واذا ما سألوا نقول ما يحبونا

طنشي ترتاحي

اول شي السلام عليكم
ثاني شي كان فيني فضول من قريت الموضوع على ايام حملج الاول اني اعرف شو صار في الموضوع
اول شي التبني حرام و ثاني شي البنت مب يتيمه عندها ام و اب و عمتج خذتها بيع و شرا ما ادري شو يسمونه .. اظن عمت الدنيا و قعدت ..

و اسمحيلي ليس على المجنون حرج ليش زعلانه .. مع احترامي لكل الاطراف ..

بس هذه عمتج حتى لو كانت خبله سايريها .. و انا يا ما تصير لي مواقف بنتي اللي تنضرب و انا اللي اتهزء و اسكت ما اقول شي .. و اصبر ..

اهم شي عيالج مب محتاجين ليده او يد .. تخيلي لو انهم ميتين .. هل هذا الشي بيظر عيالج دام انج مب مقصر معاهم بشي .. دايما ادعي ان الله ما يخليهم محتاجينه لها ولا يحسسهم بالفرق ..

حاولي انتي تخلين ولدج يتجنب اللعب مع البنت و عمتج موجوده .. عشان ما تضايق .. يعني خذيه على طرف و لعبيه بروحكم ولا قعدي معاه شوفو التلفزيون

و حاولي تتجاهلين تصرفاتها و مواقفها انها تقعد شوي و تقوم .. و دايما اشتريلها هديا لعمتج و ادعي ان الله يحنن قلبها و يهديها و يعطيها عقل ...

و اختي عن تجربه في الشخصيات اكثر المديرات فيوزهم ناقع .. لا تستغربين ..

مشكورين على ردودكم ...

حبيبتي اذا خذيت ولدي على جنب ولعبته يقولولي حرام عليج هاي يتيمه لعبيها ولا خليهم يلعبون ..

مثلا اليوم رحت البيت وقعت معاهم وولدي صاير يضرب وهو ماشي يعني سكيتي وانا وعمتي وريلي يالسين نتكلم وحمود والبنت يلعبون ولا نصد صوبهم البنت ميته من الصياح بس بسكوت .. عمتي خمنت بثقه ...

قالت:: حمود حمار واحد .. ضربتها ..

في هالوقت انا اشتطيط ..

نزلت لغرفتي وخذت اغراضي وطلعت بس ما بينتلهم اني تضايقت ..

المشكله ان نحن في بيت واحد .. لو عندي بيت بروحي بتحملها يوم واحد ازورها فيه

الله يخلي لج عيالج ...

وما عليج منها ادي واجبج .... وعيالج مب في حاجه لها ... بس في المستقبل عيالج ما بيحبونها

وهيه اللي جنت على عمرها ...


:)

انا احس هالحركات الي اتسويها عمتج اتغايضج فيها

انتي كوني احسن عنها واذكى طنشيها ولا تهتمين في حركاتها

صدقيني الي اتسويه عشان تقهرج وتغايضج

وانا لو منج بطنشها والحقران يقطع المصران

وادعيلها بالهداية ومثل ما قالوا البنات هاتيلها هدايا يمكن تتغير والله

وليش تغايضني انا شو سويتلها ...

والله من دخلت بيتهم وانا حاطتنها على راسي

يمكن هي ماترضى على البنت شي لانها مسيكنه بعيده عن امها وابوها

فعلشان هالشي ترحمها وتعطف عليها زيااده

بس انتي طنشي السالفه ولا تبعدين ولدج عنها

انزين فهموني كيف افهم ولدي عشان ما يضرب ... ياهل

بنات بقولكم شو قمت اسوي فالعمه المحترمه

اخلي بنتي عندها بس وقت الرضاعه وتبديل البامبرز اخذها .. ياهي متلعوزه وياها ..

مب هي كانت تحن تبا بنيه يالله خليها تستحملها ...

خخخخخخخخخخخخخخخخ

بس يتشرطون ويحنون وينرفزون ويعقون رمسات ..

bj3a:
مشكلتي عمتي (ام زوجي)

انا متزوجه من 3 سنوات تقريبا .. بقصة حب 5 سنوات

المشكله اني يوم تزوجت حملت على طول .. ويوم حملت عمتي كانت تريد بنت (لانه زوجي ما عنده خوات ) .. مع الايام ويوم كبر بطني الكل كان يقولي بتيبين ولد .. وغير الكلام الي يجرح من صديقاتها (كانوا يقولولي اذا ولد ما نبا ..) ...

ويوم وصلت الشهر الثامن عمتي تبنت بنت اهلها موجودين ... بس الام والابو منفصلين والام تزوجت وما تبا البنت والابو مواطن واهله ما يعرفون ان عنده بنت ...

المهم .. انا ولدت ويبت ولد .. والحمدلله ... تخيلوا يوم ولدت عمتي واهل زوجي ما يو عندي المستشفى ...

ويوم رجعت البيت طول السنه ونص الولد ما تلقى اي لعبه تفرحه من جدته وهي كل يوم والثاني سايره شاريه للبنت العاب وملابس ... وتموت فيها اكثر من حفيدها ...

عقب ما ولدي كمل 8 شهور اكتشفت اني حامل ... ومرت الايام وهي لا تسال عن حملي وشو اخباري .. وولدت ويبت مريم والحمدلله .. ويتني المستشفى وهي فرحانه .. والحين انا في بيت قوم امي اليما اخلص ال40 .. تخيلوا ولا مرة اتصلت تسال عن اليهال مع ان انا معاهم في نفس البيت ....

تخيلوا تعصب على حفيدها اذا البنت الي تبنتها صاحت ... وما ترضى عليها وتخاف عليها اكثر من احفادها ...

قولولي هاي كيف اتصرف معاها ... لا تسال ولا تعاملهم مثل البنت ... قلت يمكن في خاطرها بنت .. ويبنالها مريم ..

................................................
لا أنا ولا أنت ولا عمتك

الله سبحانه وتعالى يرزق من يشاء من الذكور والإناث

أحمدي الله سبحانه وتعالى على نعمة الذرية

فيه ناس لها سنين وهي تتمنى الولد ولكن إرادة الله فوق كل شيء

فلان من الناس الله يرزقه بالولد وفلان من الناس الله يرزقه بالبنات

وفلان من الناس الله يرزقه أولاد وبنات

وفلان من الناس محروم من الذرية

وكل هذا بتدبير المولى عز وجل

فالحمد لله على كل حال.

وهذه تعتبر أم زوجك يجب أن تتوددي لها

وتكسبي رضاها إكراماً لزوجك إذا تحبيه بالفعل

يشيخه طنشي هي مابتحب احد بس هيا اكيد حست انك تضايقتي وبكذا كملت التمثليه عادي الله يخليلك عيالك تحبهم ولاعنها لاحبتهم كفايه انك انتي تحبيهم وطنشي ومسيرها حتتعب وترجع تحن

بصراحه هي لازم تراعي البنت الي عندها لانها مثل اليتيم

وانتي ماعليك قومي بواجباتك
وعلى قولتهم رضي الناس غايه لاتدرك

حبيبتي ... انا عشت نفس تجربة ولدج يوم كنت اصغيرة والله العظيم حاسة فيه ......ليش ماتطلعين من البيت
وزوريها ....يوم بيكبرون بتكبر مشاكلهم صدقيني انا جربت واايد اتلعوزنا لدرجه انه امي خلاص ماتخلينا نلعب
في الحوي ولا نحتك فيهم يعني انحرمنا بس الحين الحمدلله ...في بيت بروحنا ومرتاحين يمكن الحين ما بتحسين بشي
بس اول مايفتهمون بتتعبين لا طولين بيت أهل ريلج مدام في يهال غير عيالج مشاكل اليهال بتصير
مشاكل اكبار ... انا متأكده لاني مجربة لا تحرمين عيالج من الحرية لانهم مابينسون مثلي ..انا كبرت وتزوجت
ومانسيت بس ماابى اعيالي يعيشون نفس المشاكل ...وآسفة على الاطاله

الله يهدي عمتج

والله يخليلي عمتي الغالية

والله والله يا بنات اني احبها وتكسر خاطري احيانا ...

بس هي الله يهديها بحركاتها ... المشكله ظروف زوجي ما تسمح ان نطلع من البيت .. وثاني شي زوجي ما يبا يخلي امه بروحها لانه هو الكبير واخوانه كل يوم مشاكل وضرابه وهو يخاف على امه لانه فيها القلب .. وابوه فيه الضغط .. وانا مراعيه هالشي لاني شفتها كذا مرة يوم صارت ضرابه بين اخوه وابوه طاحت وتعبت ..

بس بعد المفروض افكر في عيالي بعد اخاف انهم يتعقدون ويتم هالشي في بالهم اليما يكبرون مثل الاخت مفتاح قلب .. وهالشي 100% بياثر في مستقبلهم وخاصتا الولد

بعد سنين الحينبقولكم شوصار وياي

الموضوع جديم جديم و ولدي كبر صار عمرة 7 سنوات وبنتي مريم 6 سنوات ويبت بنوته عمرها الحين سنتين و8شهور والحين انا حامل فالشهر الثامن وما زلت يالسه مجابله ام زوجي وتحملت معاناتها وعاملتها باحسن ما يكون مع انها نشرت عني كلام اني ماحب البنت واني انا انانية واغار منها ,,,,,,وترست راس عمي واخوان زوجي وقاموا يحتقروني مع كل هذا ساكته ... واطلع ايلس وياها واكلمها واتجاملني بس من ادخل غرفتي وتيلس ويا عمي او صديقاتها اتحش فيني والمشكله ان صديقاتها هم الي يقولولي عمتج قالت وقالت ...

المهم طنشت وابتسم في وجوه الكل ... وعيالها عرفوها على حقيقتها ..انها ام وجهين وقالوها بلسانهم وان بس تبا اتشي مصلحتها

ولما عرفت اني حامل هاي المرة قامت تتناحس واتلف وادور ادور علي الدقه وقالت لزوجي ليش حرمتك حملت انتوا ماعندكم مكان فالغرفه قالها زوجي امي شو هالكلام رزق من عند الله ...وفالنهاية من القهر قالت لولدها مابا حرمتك ويانا فالبيت بدون سبب .. من 5 شهور انا موجوده بيت اهلي وزوجي معاي وعيالي وبعدها ميته قهر ليش ولدها يرقد عندي بيت اهلي ... ومن 8 سنوات الين الحين رابع مرة تطردني لكن كنت اطنش

ماعرف اي نوع من البشر هاي ...