تجــــــــــــ عرايس الامارات ـــــــــهيـــــزات الجزء السادس

bint_zayed:
مبروك عليكم الجزء ...

واخر اخباري مممم فصلت لي بس عبايتين للعزايم ,,, موديلهم خفيف لاني ما احب الثقيل ... ووايدين قالو فصلي ثقيل بس نو وي مابا .. وبفصل 2 او 3 ساده ... بسسسسسسسسس

وبس شطبت علي كل شي تقريبا الا الذهب ما خذت الا طقم صغير للعزايم ...

بنوتات ابا استشيركم بشي .. للعرس مابا اخذ طقم احس حرام لاني ما بلبسه الا مره وغير جي عندي طقم الخطوبه والملجه وانا حطيت ميزانيه 15000 للذهب بس خخخخخخخ وخذت طقم ب 2500 ,,, وبقي لي 12500 احس مابيكفي بس خلاص ماباليد حيله

فشو رايكم شو اخذ ...

انا راي من رايج

لاني مفكره عا العرس ما اشتري طقم وحرام يتم في الكبت وما ينلبس دايما

ففكرت اسير عند محلات الذهب الكبيره مثل الشعيبي واسألهم لو يأجرون لي طقم كبير يعني ما بحسسهم اني عروس

لان انا لما يكون عندي عرس استأجر من محل طقم ذهب ابيض وياخذ عني الجواز و500 درهم

بس ما يندرى اذا الشعيبي يأجر او لا

انت حاولي تسيريلهم وتسألين

لان بها المبلغ اللي عندي تاخذيلج طقمين خفاف وخواتم عملية للعزايم احسلج تستعملينهم دووووم

شو رايج؟!؟

لولو بحر مكنون:

MiSs.1981
تسلمين عاللسته الحلوه ما قصرتي
(f)

الله يسلمج يا ام الذوق :flower:

bint_zayed

هلا بالغاليه..
حبيبتي ليش ما تلبسين شبكة الملجه حق العرس بدال ما تشترين لج طقم ثاني ؟؟!!

الف الف الف مبروووووك على افتتاح الجزء السادس والله يوفق كل العرايس

ماسه فكرتج وايد وايد حلووووووه خصوصا ان هالطقم ما ينلبس الا ساعتين او اقل بعد

مرحبا مبرووووووووووووووك الجزء السادس

وميرسي مس 1981 ع اللسته ياقلبي

بنت زايد حبيبتي انتي الله يسعدج يارب

ماسه حلو الفكره والله بس مادري احس عادي لو تشترين طقم وهب مشكله لو تلبسينه خلاف

والله يوفج اليميع يارب

فكرة ميس 1981

حلوة

البسي طقم الملجه

خواتي يسوون هالشيء

miss dal3

العفو غناتي .. any time :o

نووسه

بالنسبه لي.. الصراحه بلبس طقم الملجه حق العرس لان ماشالله كبير واحسبه بيغطي على الفستان :dd: و محد شافه لاني سويت حفله صغيره حق الملجه..

مرحبــا بنوتــات

اممم انا عروس يديده و العرس ان شاء الله بالصيف

بس مادري للحين في اي شـهر ( للحين ما قررنــا )

و شفت مواضيعكم بصراحه روعه و تفيد واايد

راح اكون متـابعـه : )

::

الله يوفقـــكم يـــارب

P a r ! S

حيا الله عروستنا اليديده

الله يتمم لج على خير حبيبتي

و نتمنى إنج تكونين على تواصل معانا

:flower: :flower: :flower:

مــرحبا بنوتات .. اشحاااالكم

bint_zayed:


وبس شطبت علي كل شي تقريبا الا الذهب ما خذت الا طقم صغير للعزايم ...

بنوتات ابا استشيركم بشي .. للعرس مابا اخذ طقم احس حرام لاني ما بلبسه الا مره وغير جي عندي طقم الخطوبه والملجه وانا حطيت ميزانيه 15000 للذهب بس خخخخخخخ وخذت طقم ب 2500 ,,, وبقي لي 12500 احس مابيكفي بس خلاص ماباليد حيله

فشو رايكم شو اخذ ...

اممم أنا محتاره مثلج بس بقولج بنت خالتي يوم عرسها لبست اكسسوار شكله حلووو ونفس الذهب وهي ماخذتنه أعتقد من سيدة لندن
بسير بطالع إذا ما عيبني شي بلبس طقم الملجه ..وفكرة ماااااااسه وااااااايد حلوه يبالي اجربها

P a r ! S
حيااااااااج بيناااا ..والله يتمملج على خير

بنااااااات بقولكم نصيحه خلصوا تجهيزاتكم قبل العرس بشهر .. صدقوني أحسن لكم لان عقب بيفتر راسكم
أنا كنت أتساااهل وماشيه ع الراحات والحييييين داااااااااير راسي :sad: وكل اشوي اذتكر شي
مع أن هالفتره المفرووض أكون مرتاحه وأركز اهتمامي بجسمي وبشرتي وتغذيتي بس يالله الله يعييين

وترى الأيام تركض ونحن مانحس فيها .. الله يعين باجي ع عرسي 16 يوم :sad:

وحضرتي باجر بسير اشتري الذهب إن شاء الله أتوفق وما أخسر واايد خخخخ

وبالتوفييييييييق للجمييييييييييع (f)

الله يوفقج يا عذابة

وحاولي ها الاسبوع تخلصين كل اللي تبينه

عا الاقل العشر الايام الباقيه ارتاحي فيهم

السلام عليكم ورحمة الله وبركاته

مبروووك فتح الجزء الجديد عسى الله يبارك لكم ويوفقكم ياااارب

ويسر اموركم ويحبب ازواجكم لكم ويرزكم بالذريه الصالحه يااااارب

و

هلا والله ببنات الامارات

ببنات الزين والحلا


اسمحوا لي عاللقافه :qaq:

انا قطريه :shy: من دار بو مشعل

حبيت اسألكم سؤال للي ساكنه في دبي وبوظبي

ممكن تقولون لي عن المحلات اللي يفصلون عبايات حلوه ؟؟؟

وابي اعرف عن المحلات اللي تبيع عطورات ودهن العود ؟؟؟

وابي اعرف شنو الاشياء اللي تفضلون اخذه من عندكم في الامارات ؟؟؟؟



ناويه اتم في دبي 4 ايام و في بو ظبي 4 ايام


:sad: ساعدوني جزاكم الله خير

هلا اخواتي

ومبروك للي بيتزوجون قرييييييييييب .... وعقبال الباقيين انشاء الله ...والله يسعد الجميع يارب

أنا بعد زواجي شهر 1 بس ماعرف متى بالضبط ...بس إلى الحين يقولوا 6-1-2007

وأنا صراحة جهزت معظم أغراضي من السعودية .....لأني سمعت إنه حلو وأرخص ..وخاصة فساتين السهرة والزواج ......أنا خيطت فستان زفافي مع فستان الحنة بعد وباقي الفساتين الثانية عند مصمم في السعودية وفستان الزفاف كله كلفني 3000 مع أقمشته إكسسوراته والنعال الله يعزكم ...وإلى الحين بعد ما وصلت الفساتين وإن وصلوا انشاء الله راح أوريكم الياه ..إدعولي ينضبط انشاء الله

بس أنا باقيلي العباية ...ماعرف مين وين أخيط أو أشتريهم ...وأريد سبورتات و نعل وشنط وإكسسورات وجلابيات .......ماعرف من وين أشتري ...وصراحة فلوس المهر والزهبة خلصت للأسف ههههههههههه يعني الله يعين أبوي ...باخذ من عنده

وأريد أحد يساعدني من وين أشتري النعل والعباية والسبورتات ...وتكون أسعارهم معقولة

وإذكروني أحسن الصالونات في أبوظبي

ومشكورين على الموضوع الحلو ...والله يعطيكم ألف عافية

Miss Sol:
ابا اعرف احسن صالون في دبي او شارجه حق مكياج و تسريحة العروس
:shy:

خلود التميمي انا جربتها العادي روعه
وربيعتي حجزت عدها شهر 12 في عيد الاتحاد وبخبركم مكياجها للعرايس

فديته والله:
السلام عليكم ورحمة الله وبركاته

مبروووك فتح الجزء الجديد عسى الله يبارك لكم ويوفقكم ياااارب

ويسر اموركم ويحبب ازواجكم لكم ويرزكم بالذريه الصالحه يااااارب

و

هلا والله ببنات الامارات

ببنات الزين والحلا


اسمحوا لي عاللقافه :qaq:

انا قطريه :shy: من دار بو مشعل

حبيت اسألكم سؤال للي ساكنه في دبي وبوظبي

ممكن تقولون لي عن المحلات اللي يفصلون عبايات حلوه ؟؟؟

وابي اعرف عن المحلات اللي تبيع عطورات ودهن العود ؟؟؟

وابي اعرف شنو الاشياء اللي تفضلون اخذه من عندكم في الامارات ؟؟؟؟



ناويه اتم في دبي 4 ايام و في بو ظبي 4 ايام


:sad: ساعدوني جزاكم الله خير

حياج عندنا
وعن العبي مركز ابو الهيل اسعار حلوه ومناسبه وتشكيلاتها حلوه

والعطورات في القرشي ورصاصي واجمل والجنيد

وابي اعرف شنو الاشياء اللي تفضلون اخذه من عندكم في الامارات ؟؟؟؟ كل شي :ok: حلو

:: فديـته و الله ::

بمـا اني ساكنه في دبي بقولـج الأماكن الي

اعرفها و اكيد الباقين ماراج يقصرون وياج

ممكن تقولون لي عن المحلات اللي يفصلون عبايات حلوه ؟؟؟

* عندج مركز بو هيــل .. تقريباً اغلبه محلات لتفصيل العبايات

*عندج مركز بن سوقات فيه محلات و يفصلون حلو


وابي اعرف عن المحلات اللي تبيع عطورات ودهن العود ؟؟؟

العطور العربيه بتحصلينها عند أجمل ( مركز بن سوقات ) و في اماكن كثيره

الرصاصي ( ستي سنتر ) .. الهنيدي ( ستي سنتر ) . . محل جنيد بس ما دري وين مكان بالظبط

العطور الفرنسيه جربي محل الهاجس ( بن سوقات سنتر ) مثل الي يبيعونه في باريس غاليري

بس بيعطيج ارخص بوايــد .


وابي اعرف شنو الاشياء اللي تفضلون اخذه من عندكم في الامارات ؟؟؟؟

مادري بصراحـه بس شوفي الاكسسـوارات في محل سيدة لندن ( ستي سنتر )

الجلابيـات بتحصلينهم .. ( سـوق عكاظ ) . اليشمك ( الريف مـول )

و في اشياء كثيره بس ها الي في بالي الحين

و ربـــي يوفقــج

بنات شوووووو رايكم في مكياج وتسريحة العروس في صالون الروعه في الشارجه

أول شي مبروووووك عليكم الجزء (توني أدري عنه ههههههههههه)

المهم حبيباتي العرايس بغيت أسأل كل وحده وهي تتزهب تذكرت زوجها بشي؟!!!!

يعني خذتن شي لأزواجكم؟!!! ولا الزهبه بس للعروس وهو المسكين يدفع وبسسسسسسس ههههههه

انا أريد أشتري لزوجي معي بس مادري شو أخذ بسمع أرائكن عقب بقرر شو باخذ

متاااااااااااااابعه

انا راي من رايج

لاني مفكره عا العرس ما اشتري طقم وحرام يتم في الكبت وما ينلبس دايما

ففكرت اسير عند محلات الذهب الكبيره مثل الشعيبي واسألهم لو يأجرون لي طقم كبير يعني ما بحسسهم اني عروس

لان انا لما يكون عندي عرس استأجر من محل طقم ذهب ابيض وياخذ عني الجواز و500 درهم

بس ما يندرى اذا الشعيبي يأجر او لا

انت حاولي تسيريلهم وتسألين

لان بها المبلغ اللي عندي تاخذيلج طقمين خفاف وخواتم عملية للعزايم احسلج تستعملينهم دووووم

شو رايج؟!؟

تعرفين انا جربت هالفكره بس بمحل اسمه رميزان ويوم قلت له ماكنت ادري انه ياجرون ذهب قالي لا مايستوي ناجر الذهب لان فيه حلال وحرام ...

بس عيبني طقم ب 9000 والله فخاطري لليوم بس ماباخذه

عسب استفيد بهالبيزات بشي ينفعني والله

MiSs.1981:
الله يسلمج يا ام الذوق :flower:

bint_zayed

هلا بالغاليه..
حبيبتي ليش ما تلبسين شبكة الملجه حق العرس بدال ما تشترين لج طقم ثاني ؟؟!!

لا مابي صح انه حلو بس انا ابا غير -_- طماعه

miss dal3:
مرحبا مبرووووووووووووووك الجزء السادس

وميرسي مس 1981 ع اللسته ياقلبي

بنت زايد حبيبتي انتي الله يسعدج يارب

ماسه حلو الفكره والله بس مادري احس عادي لو تشترين طقم وهب مشكله لو تلبسينه خلاف

والله يوفج اليميع يارب

مشكوره حبيبتي عالدعةه الحلوه :)