تجــــــــــــ عرايس الامارات ـــــــــهيـــــزات الجزء السادس

لولو بحر مكنون:

الحمدلله انه في حد شراتي عايش نفس الوضع
أنا ان شاء الله متى ما بيحددون الملجه
حاطه في بالي اتمكيج عند هند الأميري أو هيفا صفر
لأني شايفه مكياجهم وعارفتنه
وما احب اجازف في مناسبه مثل هذي ويا وحده ما اعرف طريقتها واسلوبها
لوتلاحظين ميك آب المطربة أحلام في الفتره الأخيره وايد مستوي حلو
وعيبتني الألوان والطريقه .. وإلي تمكيجها هي هند الأميري
اتصلت بها اختي وسولفت وياها قالتلها انها مغيره طريقة ميكبها من فتره
وإلي على احلام هذا الميك أب لسبيشل بـ600 والعادي بيكون بـ300

بنات بغيت رايكم
والله إني متأزمه نفسياً ..
الترتيب كان إنه الملجه بتكون في شهر سبعه وعقب الصيف العرس
وكنت واااايد مرتاحه على هالترتيب
اول شي لأنه البيت يباله وقت شوي عشان يزهب
وهذا ما غير انه بوالشباب يدرس ويشتغل في بوظبي يعني مب مستقر
وثالث شي إني أبغي اخفف وزني ويبالي درب طويل ما اقدر اعرس وانا جيه جسمي
ما غير عندي وايد اشيا ثانيه لازم اسويها
لو تمينا على الترتيب القبلي بيكون كل شي تمام
لأنه البيت بيزهب كامل وبوالشباب بيرتب اموره وبيخلص الدراسه وبيحول دوامه فدبي
وانا بكون مجهزه عمري حق العرس

الحينه طلع راي ثاني .. بوالشباب يبا يملج قريب
وإذا ملجنا الحينه اعرف انه العرس عقب الملجه بـ4 شهور بالكثير مستحيييل يطولون الملجه
امس اسمع الوالده ترمس في التيلفون عشان يحجزون القاعه
وحتى لو اجلوا العرس ..
انا ما ابغي اعرس في الصيف لأنه خلق الله بيسافرون ومحد بيحضر العرس
وما بقدر اسوي يوم في البيت لأنه بيكون الجو حااار
جاستني حيسه فبطني من الزيغه .. واحتشرت عليهم
احس في فتره وايد قصيره ملجه وعرس .. صعبه!!
ما اعرف شو اسوي :sad:

فراشة بوظبي:
السلام عليكم بنوتات

ابي مساعدتكم ياعرايس يا حلوات

ما ابي تطنيش

وخصوصي من بنات الشارجه

ابي خيياييط المخور عندكم في الشارجه

قالولي عند مسيد درويش

في اماكن ثانية بعد اروم افصل عندهم مخور وجلابيات غاوية

MiSs.1981:
ماسه

هلا بماستنا.. حبيبتي بالنسبه لزهبتني.. الحمدالله خلصت.. و باقتلي اشياء بسيطه:

- آخر بروفه للفستان

- تسليم البطايق على نص ديسمبر

- سويتلي عباتين زياده عند موزه العبار
سويت العباه الرومانيه (مادري اذا حلوه و إلا لأ) بس فاللبس كانت حلوه وتنفع حق عرايس
و الثانيه سويتها شرات البشت.. بس اتيي قطعتين .. عباه مسكره و فوقها قطعه خفيفه
و انشالله بستلمهم عقب اسبوعين

- المسكه ( قيد التنفيذ )

- الحنه (حجزت محنايه عند صالون نقوش)
اتصلت فلورا - رشنا - و وحده اسمها هوما و لا حد منهم طاع اييني البيت .. لان عرسي بيكون ثاني يوم العيد.. و قالولي فترة العيد ما نطلع من الصالون.. و توهقت ابا حد يحنيني فالبيت
المهم صالون نقوش هو الوحيد اللي قالولي عادي بنييج البيت.. وشفت شغلهم.. باين عليه حلو

بس هالاشياء كلها تهون .. اماالبيت عباااااااله.. و الله انه هـّم.. يعني يباله اسبوعين بعد و بيكون جاهز..

و بس ^__^

::اخت القمر:::
بناااات

عرسي عقب كمن يوم

والله خايفه

تعرفون زهبتي بعدني ماوديتها

الحمدالله خلصت كل شي

اليوم بسوي حلاوه للجسم ويوم الخميس بحني لان تعرفون اذا سويت حلاوه وحنيت على طول اخاف تطلع حبوب الجسم يكون حساس لازم يرتاح كم يوم

الاربعاء بسير بسوي تنظيف بشره وبدكير ومنكير وبحف ويهي وحواجبي

هيه صح بصبغ شعري وبقصه

تدري عاد شعري واااايد يطيع وشكله مب حلو جي طويل وخفيف فقررت اني اقصه شوي

شو رايكم؟؟

وانا حاجزه عند جيتا في عروس الخليج يوم العرس يمدحونها وااااايد

بنااااااااات ادعولي والله اني خاااااااايفه مووووت :)

MiSs.1981:
بناااااات اليوم سرت الهوم سنتر اللي فالريف مول.. اشتريت اغراض حق بيت الزوجيه :gum:
و شفت في قسم لوازم الحمامات.. طقم (تايغر) وااااااااايد عيبني .. ستارة الحمام + اكسسوارات (و قلت حلو بيطلع لان الحمام لونه بيج غامج).. بس للاسف ريلي ماعيبه :cry:
و ما شريناه :angry:
و مريت لايف ستايل.. حصلت عندهم اكسسوارات حلوه حق الحمامات و الغرف..

:flower:

MiSs.1981:
عرااااااااااااااااااااااايس

بغيت اسألكن..

حق العرس بتلبسون عدسات ملونه ؟؟؟؟

خذيتلي عدسة (color tones) بصراحه خباااااااااااااااااااااااال .. لونها عسلي و رمادي و انشالله ناويه البسها حق العرس ^__^

و عندي سؤال ثاني.. بس لا تضحكون علي :sad: هو شوي محرج

قميص النوم ( ليلة الدخله) يلبسون تحته اندر وير و إلا لأ؟؟؟

MiSs.1981:
ماسه

هلا بماستنا.. حبيبتي بالنسبه لزهبتني.. الحمدالله خلصت.. و باقتلي اشياء بسيطه:

- آخر بروفه للفستان

- تسليم البطايق على نص ديسمبر

- سويتلي عباتين زياده عند موزه العبار
سويت العباه الرومانيه (مادري اذا حلوه و إلا لأ) بس فاللبس كانت حلوه وتنفع حق عرايس
و الثانيه سويتها شرات البشت.. بس اتيي قطعتين .. عباه مسكره و فوقها قطعه خفيفه
و انشالله بستلمهم عقب اسبوعين

- المسكه ( قيد التنفيذ )

- الحنه (حجزت محنايه عند صالون نقوش)
اتصلت فلورا - رشنا - و وحده اسمها هوما و لا حد منهم طاع اييني البيت .. لان عرسي بيكون ثاني يوم العيد.. و قالولي فترة العيد ما نطلع من الصالون.. و توهقت ابا حد يحنيني فالبيت
المهم صالون نقوش هو الوحيد اللي قالولي عادي بنييج البيت.. وشفت شغلهم.. باين عليه حلو

بس هالاشياء كلها تهون .. اماالبيت عباااااااله.. و الله انه هـّم.. يعني يباله اسبوعين بعد و بيكون جاهز..

و بس ^__^

منى عمري:
بنات ادعووووووووووووولي

محتاج دعاويكم ..



بلييييييييييييييييز