والله والله ولاحبه ظهرتلي لليوم

عذراء البحرين

هلا حبوبه :)

الحبوب بتنقطع حسب استجابة جسمج للحبوب
وحسب الحبوب اللي عندج اذا وااجد ولا خفيفه :)

بالنسبه لي الدكتوره قالت لي وجهج بينفر وكل الحبوب اللي تحت الجلد بتطلع!!! وخفت وااايد:sad:
لأن الحبوب عندي ماكانت ذااك الزوود وكانت صغيره وتحت الجلد
اللهم أيام الدوره يطلعوون وكانوا يعوروني :sad:

بس الحمدلله وجهي مانفرر
والحبوب بدت اتخف شوي شوي
يعني تقدرين اتقولين بعد 3 شهور وجهي صفى من الحبوب
صح مش 100% بالميه لأن كان عندي حبوب تحت الجلد
بس خفت الحبوووب بشكل ملحووظ

وبالنسبه للجفاف
المفروض تستخدمين كريمات النهار والليل ومرطب العيون ومرطب للشفايف

انا يوم بلشت الحبوب بلشت العنايه من داخل ومن برا
واشتركت بمركز عنايه بالبشره
كل 20 يوم تنظيف وفيشل
وعطوني كريمات وسيرومز وماسكات

عشان كذا الحمدلله ماطلعتلي آثار للحبوب :)
اللهم حسيت مساماتي توسعت شوي عند بداية منطقة عظمة الخد :(

ومثل ماقلتلج التغيير الجذري بيبتدي هالفتره :)
بس انتي استمري على العلاج ومواعيدج مع الدكتور اللي وصفلج الدوا

وحاظره لأي سؤال عن تجربتي :)


نبض قلبي

أجل نقدر نقوولج الحمدلله عالسلامه :)

وثانكس على مشاركتج لتجربتج ويانا :)

ماقصرتي :)

تسلمين يا عسل

اخوي جربه بعد ما كان ويهه يخرع من الحبوب صار ماشاء الله بدون حبوب بس الحين يعاج الاثار ...

الله يصفي بشرتنا واجسامنا وعساك على القوه على هذي الأفاده

مشكوووووووووووووووووووورة اختي

نوال33
مشكوره ختيا ع النصايح الي قلتيلي اياها
انا خلاص خلصت الكورس
وانا وياج عن الجفاف انا كنت اشرب ماي وااايد وصح اسمريت بس عقب ماخلصت الكورس اهتميت شوي بعمري ورديت نفس قبل واحسن لاني بدووووووووووون حبوب
وانا ما انصح اي وحده تاخذه بدون استشاره طبيه
واكيد الدكتور بيعطيها تعليمات تتبعا اثناء فتره الكورس
وشاكره مرورج ختيا

ندو السعوديه
العفو حبوبه
وشاكره مرورج

الدبدوبه
مشكوره ع المعلومات الي قلتيلنا عنها
بس انا ماقلت انه هي صالحه لوحده مافيها حبوب
يعدين الدكتور الشاطر يشوف نسبه الحبوب بالجسم ويعطيج الجرعه المناسبه
مثلا انا كنت استخدم 40 ملي قرام وختيا 30 لانها اصغر
اخوي 20 لانه وايد ضعيف يعني هم يحددولج النسبه
بعدين لو حد يعرف الدكتوره سعاد لطفي الي تعتبر من احسن الدكاتره عندنا ترى هي وااايد تشجع هالدوى وخاصه الي فيها نسبه كبيره من الحبوب
وانا شخصيا اتعالجت في العين بس كنت اروح اخلها اتابعني خاصه بعد ما اسمريت بس هي شجعتني اكمله وقالتي انه هالسمار كله بيروح
وصدق الحين انا لوني نفس قبل وافتح
ومشكوره ع مرورج

نوووسه
شاكره مرورج

عنود الغيد
الحمدلله انه في حد جرب وشاف النتايج
وانا ماقلت شي زود
وانا وياج ختيا في كل شي قلتيه جفاف في جفاف
بس النتيجه والله مرضيه خاصه للي ويها فيه حب
اما عن اسألتج ختيا
انا ما حسيت الا انه يسوي اكتأب وانه النفسيه ما اتسر والوحده اتكون عصبيه
معظم الي جربوه قالولي انهم حسو بهالشي
بس انا ابد ماحسيت
لاني من عرفت قلت بخلي في بالي العكس
فكل يوم يوم اخذ الحبه اقول ان شالله نفسيتي بتكون اوكي
وان شالله ولا حبه تطلعلي بعد هالكورس
صدج صدج صدج بنات انا وااااااااااايد فرحانه
انا ماخليت مكان ماعالجت فيه
حتى قبل الكورس في الصيفيه كنت امسافره لبنان وعالجت عند دكتوره وقشرت بس ابدا مافادني
لانه جوهم غير وجونا غير
بس الحمدلله من بعد هالكورس لاحبوب بعد اليوم
وشاكره مرورج ختيا

نبض قلبي
الحمدلله على النتيجه المرضيه الي وصلتيلها
وانا حاااااسه واايد بشعورج لاني احس بنفس الشعور
والله يوفقج حبوبه
وشاكره مرورج

عذراء البحرين
توج في بدايه الدرب
اول شي لازم تعرفين كم طول الكورس الي امحددلج الدكتور؟
وانا انصح انج اتمين اترطبين جسمج قد ما اتقدرين
وخاصه شفايفج هالله هالله فيهم
اما عن العلامات انا راحت كلها واستوى جسمي مراااااااياااااااااااااااا
تعرفون شو يعني مراااايا
والله واااايد فرحانه بويهي وجسمي
خلاص هب لازم امدح اكثر اخاف انحسد
قولو ما شالله
وشاكره مرورج

حب بلا امل


العفو حبوبه
وشاكره مرورج

ماروكووو

ان شالله يعالج واتروح الاثار عنه
وشاكره مرورج

بنت البلد

مشكوره ع هالكلمات الحلوه
وشاكره لج مرورج

اتعبني غروري


العفو
وشاكره لج مرورج

انا خذته لمدة 8 شهور و الحمد لله بشرتي ولا حبه فيها ( قولوا مشاء الله )

صح انه يسبب جفاف في الشعر الدهني و الشفايف لكن النتيجة تستاهل

مشكوووووووووووووووووووووووره

umm_7amoody

تستاهلين حبوبه النتايج
وعقولتج كل شي يهون
وشاكره لج مرورج

ببنت الجزيره 2006

شاكره لج مرورج

هلا اختي حبيت اسئلج بشنو كنتي ترطبين جسمج وويهج لأن بشرة ويهي جافة ومتقشرة احس طبقة سميكة على وجهي خاصة لما اطلع الصبح واحط الواقي بووووووووووف


مدة الكورس عندي 6 شهور واني الحين خلصت شهرين


شنو اللي اتوقعه بالشهر الثالث والرابع

وشنو عن التحاليل خاصة اني عندي كوليسترول مرتفع قبل العلاج شنو تنصحيني آكل

والآثار مع الوقت تروح لو استخدمتي شيء ؟؟

بنات انا انصحكم ماتخدوا حاجة ليها تأثير علي الحمل حتل لو كنتي مش متجوزة لانو اعرف واحدة اخدت لدواء وكان فعال في علاج حب الشباب المهم البنت بعد لما تجوزت قعدت 10 سنين ما تخلف ولما راحت حللت طلع بسب الدواء الي هي اخدتة وهي بنت الي قضي علي مشكلة حب الشباب

زين بس ابي اقولج يعني انا اشتري الدوة وبعدين اروح للدكتور


ولا لما اروح للدكتور اقولة ابي كورس لهدوة

واروح عند دكتور جلدية ولا شنو بالضبط

ومشكورة على الموضوع

عــبــ الــشــوق ــيــر:
زين بس ابي اقولج يعني انا اشتري الدوة وبعدين اروح للدكتور


ولا لما اروح للدكتور اقولة ابي كورس لهدوة

واروح عند دكتور جلدية ولا شنو بالضبط

ومشكورة على الموضوع

حااااسبي تاخذين أي حاجه بدون استشاره
وبالذات الــ Roaccutane

انتي روحي لدكتوره جلديه وهي بتوصفلج الدوا على حالتج :)

ويمكن تحتاجينه ويمكن لا :)

al7bo0oba:
عنود الغيد
الحمدلله انه في حد جرب وشاف النتايج
وانا ماقلت شي زود
وانا وياج ختيا في كل شي قلتيه جفاف في جفاف
بس النتيجه والله مرضيه خاصه للي ويها فيه حب
اما عن اسألتج ختيا
انا ما حسيت الا انه يسوي اكتأب وانه النفسيه ما اتسر والوحده اتكون عصبيه
معظم الي جربوه قالولي انهم حسو بهالشي
بس انا ابد ماحسيت
لاني من عرفت قلت بخلي في بالي العكس
فكل يوم يوم اخذ الحبه اقول ان شالله نفسيتي بتكون اوكي
وان شالله ولا حبه تطلعلي بعد هالكورس
صدج صدج صدج بنات انا وااااااااااايد فرحانه
انا ماخليت مكان ماعالجت فيه
حتى قبل الكورس في الصيفيه كنت امسافره لبنان وعالجت عند دكتوره وقشرت بس ابدا مافادني
لانه جوهم غير وجونا غير
بس الحمدلله من بعد هالكورس لاحبوب بعد اليوم
وشاكره مرورج ختيا

بعد عمري والله :)
وتستاهلين هالنتايج الحلوه :)

دكتورتي اوصفتلي 20mg
لأني ضعيفوونه شوي
وحالتي مب متأخره وايد ولله الحمد :)

وتوني ألاااحط انه يسمممر :(

وحده من ربعي ماشافتني من زمااان ولاحظت إني صايره سمرا شوي :(
مع إني alraedy أسمر نفسي بالأساس والبودره :(

اتهقون لوني الطبيعي بيرد لي بعد ماأخلص الكورس ؟!!

عذراء البحرين
بالتوفيق حبوبه وان شالله اتخلصين 6 اشهور واتشوفين النتايج بعينج
انا بصراحه اهملت جسمي شوي كنت مره ارطب ومره لا وكنت اربطبه بكريم مرطب وصفلي اياه الدكتور واسمه كريم أي 45 (كريم للبشره لعلاج حالات الجلد الجاف)
اما شو بتحسين في الشهر الثالث والرابع هو زياده النشفان ولازم اترطبين جسمج اكثر واكثر
انا اكثر شي عانيت منه هو تقطع شفايفي لاني ماخليت مرطب ماجربته بس مافادي كثر الفازلين مع شوي فكس صدج يرطب وريح شفايفي
اما عسب الكرستول لازم اتخبرين الدكتور هو ادرى بهالشي وهوة الي بيفيدج بس حاولي قد ما اترومين تشربين مااااااااااي انا كنت وااايد واااايد اشرب ماي ومع ذلك تقولي الدكتوره اشربي اكثر واكثر حاولي اترطبين جسمج
اما عن الاثار ختيا انا ويهي استوى مرااااايا وجسمي لا اثاااار اي حبه على السبوح والتفريك كلللللللللللللللللل شي يطير
واذا في اي استفسار انا بانتظارج
وبالتوفيق

حياتي انت

مشكوره ختيا ع المعلومه الي قلتيلنا اياها
بس انا ماخذه الدوى باستشاره طبيه وبمتابعه طبيه
ولو الدوى له اضرار ع الحمل ما كان اي دكتور وصفه لاي حد ولا شفتي كذا عضوه امجربتنه
ع العموم شاكرتلج مرورج

عبير الشوق

اكيد لااااااااا ختيا عبير الشوق
روحي لدكتور جلديه طبعا وقوليله عن اسم الدوى والكورس وهو بيعين حالتج اذا تحتاجين تستخدمين هالدوى ولا لا والنسبه الي تاخذينها
ما اتسوين اي خطوه بدون استشاره طبيه نصيحه مني لانه الدوى مفعول قوي

عنود الغيد

فديتج والله ومشكوره ع الرد الحلو
انا الدكتوره وصفتلي 40 وعقب خففتلي لاني كنت اعاني من الحبوب وايد في ظهري بس ويهي كان نادرا بس ايام الدوره
والله والله ياختيا انا السمار يتعالج لانه عباره عن طبقه محترقه
وانا رحت عند دكتور ثاني بعد ماخلص الكورس وعطاني كريمين من اباجي وكريم تقشير خفيف استخدمه يوم هي ويوم لا وصابونه
والله للحين كل ما يخلص ارد اشتريهم واااااااااايد ارتحت عليهم اول شي فتحت ثاني شي لون ويهي استوى لووون واحد والكل يقوللي امفتحه امنوره وسبحان الله كل حد ونوعيه بشرته
وان شالله الاسمرار يتعالج
وبالتوفيق حبوبه

al7bo0oba:
عنود الغيد

فديتج والله ومشكوره ع الرد الحلو
انا الدكتوره وصفتلي 40 وعقب خففتلي لاني كنت اعاني من الحبوب وايد في ظهري بس ويهي كان نادرا بس ايام الدوره
والله والله ياختيا انا السمار يتعالج لانه عباره عن طبقه محترقه
وانا رحت عند دكتور ثاني بعد ماخلص الكورس وعطاني كريمين من اباجي وكريم تقشير خفيف استخدمه يوم هي ويوم لا وصابونه
والله للحين كل ما يخلص ارد اشتريهم واااااااااايد ارتحت عليهم اول شي فتحت ثاني شي لون ويهي استوى لووون واحد والكل يقوللي امفتحه امنوره وسبحان الله كل حد ونوعيه بشرته
وان شالله الاسمرار يتعالج
وبالتوفيق حبوبه

يفداااج عدووج ياغلا :)

والحمدلله انج طمنتيني عن السمار :sad:
لأني وايد أحاتي هالسالفه
وبالذات من عقب ماقالتلي رفيجتي اني مسمره تحطمت :confused:

مشكوره على الرد الحلو
والله لا يغير عليج :)