لا يرد القضاء إلا الدعاء**قصة ولادتي**

[grade="00008B FF6347 008000 4B0082"]ســـــــــــــامحوني على التأخير ..بس كل أمس احاول افتح المنتدى مو راضي يفتح
تصدقون خفت ان الموقع صار فيه شي!!اكثر نت خوفي ع الموضوع[/grade]
.
.
.
.
نكمـــــــــــــــــــــل
كنت حاسة ان نهايتي بتكون عملية .. وكان اللي يشغلني هل اختار بنج كامل او بنج نصفي
البنج الكامل مجربته ..يخنق شفت الموت يوم حطوه لي...
والبنج النصفي يمدحونه بس كنت خايفة لانه هو ابره من الظهر
المهم .. نمت شوي .. وصحيت 12في الليل على كابوس مزعج:cry: :cry: :cry: آآآآآه تعب والله
وتعوذت من الشيطان وفتحت على المجد للقرآن عشان تنسيني..
الساعة 1 جتني النيرس وقالت انتي لازم تصومين عشان العملية صبح،وشبكت المغذي وخلتني انام..وكان نومي لحد 5 الفجر متقطع
المهم.. قمت صليت الفجر ودعيت ربي من كل قلبي..وقلت هذي آخر صلاة بصليها قبل الولادة
وبعدها قلت اذكار الصباح كامله وانالله يعطيني خير ما في هذا اليوم ويكفيني شره
ونمت مرتاحة لحد تقريبا 8 الصبح وقعدت من 8 لحد 10 وانا تجيني آلام شديده بس مو منتظمه.ناديت الدكتورة ولما فحصت ..قالت انه 1 ونص إلى 2 سم بس الرحم خلاص وضعه كويس للولاده ...تبين ننزلك غرفة الولاده الحين ..
طبعا انا وافقت علطول:shy:
وخلال هالفترة كانت امي وزوجي جايين ع المستشفى
دخلوني غرفة الولاده وكنا متفقين اني افتح الموية عشان نعطي فرصة للطلق انه يزيد .. وتزيده لي مع المغذي
وفعلا فتحتلي المويةوماشالله بدا الالم يزيد وعلى الساعه11كان منفتح 3سم... وشويه صار4سم
وكل ما زاد انا وامي نقول الحمد لله ونستانس
بعدها حطتلي الاكسجين .. عشان اخذ نفس كل ما حسيت بالم
والالم بدا يزيد ويزيد وهالمره الحمدلله ما تأثر نبض الجنين
على الساعه12 صار6 سم .. وانا مع شده الالم بس ما ني مصدقة اني بولد طبيعي
وامي يمي تسمي علي الله يحفظها انشالله
وبهالوقت مرت على الدكتورة(سناء) وانا اصيح من الالم.. وهي مبسوطة تقول (هاه.. اجاج الطلق الحين)بس هي كانت خايفه ع الجنين
على الساعة12ونص صار 8سم وبدا البشنج :mad2: :mad2: .. آآه
وما قدرت اسكت.. واتذكرت المسكينه اللي امس يمي في الغرفة .. وهي تصيح آآآه آآه
فقلت بدل ما اقول آآه بقول يااارب ويااااالله احسن
-على فكرة عرفت ان خويتي اللي امس مفتوحه 7سم حولوها عمليه في الاخير- والله زعلت عشانها

وقرربت الولاده ونادوا ع الدكتورة وجت وكانت قلقانه مرره ع البيبي .. يعني بالعربي .. احتمال العمليه كان موجود
قعدت ادعي ان الله يسهل على واقرى الزلزله كل ما قدرت
حتى انهم ما عطوني الابره المسكنه لان البيبي كان مبرز جوا الرحم .. وتعبان :cry: :cry:
قعدت حوالي نص ساعه وانا ادفع ادفع ... :mad2:
والدكتورة تقول يالله يا تفااااحة عطينا البيبي.. الله حسيت بالحماااااس
يوم تعب البيبي قالت يالله ترا نسحبه .. وانا اشرلها بيدي
لاااااااالااااااا:no: :no:
وحمقت .. على:mad: (انتي كل شي لا لا .. يالله عيل عطينا البيبي)
لحد ما آآآآآه جا احلى عززززوز بهالدنيا :yes:
ياسلاااام على الولاده الطبيعيه ..:up:
يوم شفته نسيت التعب كله