اعتبرها مشكــله !

أختي لاترفسين النعمه برجلك,,الحمد لله انقبلتي فيها لا تتبطرين على نعمة ربك

كلها فتره وتعدي,,,وعسى ان تكرهو شيئا وهو خير لكم,,,

ما تتدرين يمكن الله يكتب لك شيء بعد هذه الفتره تتمنينه من زمان,,الله يوفقك ويساعدك على هذه الفتره,,

وتأملي خير انشاء الله,,,وتأكدي ان الصبر مفتااااااااااااااااااااااااااااااح الفرج

اختك ..رموز..

وعلكيم السلام ورحمة الله وبركاته ...

يعني ما أدري ليش كارهة الجامعة ؟ بسبب الدراسة وإلا فيه أسباب ثانية ؟!

وأنت يوم سجلت في الجامعة هل كان عندك طموح معين في دراسة تخصص معين وإلا مجرد إن صديقاتك راحوا الجامعة قلت بروح معاهم ؟!

وشو اللي يخليك تظنين إنك راح ترتاحين بالكلية أكثر من الجامعة ..

جاوبيني يا أختي حتى أقدر أساعدك ..

اختي أكملي الجامعه .......



الحمد لله أنه دخلتي الجامعه الكثير يتمنى الجامعه ولا يحصل له مكان


أكملي تعليمك و إن شاء الله تتوفقين فيها


و إذا فكرتي إنك تخرجين منها والله راح تندمين وراح تضيعين الفرصه


أبذلي مجهودا ترتاحين في النهايه .......


وفقك الله و أنار طريقك بالعلم النافع .

الله يعطيكم العافيه خوواتي على هالكلام اللي يفررح ,,

اختي نازو

انا تقريبا دخلت الجامعه عشان في وحده من ربعي اللي اعززه هنااك بعدها بفتره انصدمت من شي فيها ,!

امم وانا كرهته بسبب موادها ماتوقعتها بهذا الشكل ابدا
ً امدحوها لي نااس واجد بس !
وتدرين انا حتى لو كنت بالكليه يمكن تجيني حاله كرهه لأني مااصرت مع رفيجتي ,,!
واساساً انا كارهه الدراسه والأمتحانات
الحمدالله على كل حال ..!

وبكلامكم هذا كأنكم تقولون لا افكر اني اترك الدراسه ,,
لأني قلت بترركها وبتوظف في مدرسه اهليه ,,دمتم : )

لا تضيعين عليك الجامعه .. الناس تتمنى المكان اللي انتي فيه ..

حاولي تتقبلين الوضع وكلنا درسنا بالجامعه وموادها صعبه وكثيره وتحملنا عشان المستقبل ..

أما المدارس الأهليه مالها مستقبل أبداً والدوام فيها كرف يطلعون روح الوحده ..

استخيري حبيبتي وحاولي تحببين الجامعه لنفسك .

تحياتي

اللي يبى الحلو يصير على مره

طبعا الجامعة عالم مختلف ..خاصة إذا كانت مع سكن داخلي مع البنات ..تحسين كأنه نسخة مصغرة من العالم بس على قتامة ..وبصبرك على هذا العالم تتعلمين أشياء وايد عن الدنيا وتزداد خبرتك في الحياة وتحسين كأنك أكبر من عمرك بنضج فكرك وبتعاملك مع نوعيات مختلفة من البشر..

صحيح إن الربع يخلون الحياة أجمل وتنعاش لكنهم مب كل شيء .. وأكبر غلط يوم نربط حياتنا ومصيرنا ومستقبلنا بربعنا ..تراهم ممكن يتخلون عنك في أي وقت وبأي سبب ..المهم أنك ما تتخلين أنت عن نفسك ..وعن مستقبلك ..والأبواب الحين مفتوحة في وجههك فاغتنمي الفرص وحاولي تفكرين لبعيد ..يعني شوفي نفسك باشر ..تخيلي شو بتكونين ووين بتصيرين ..وربعك ما بيتمون وإياك طول العمر ..لازم تكونين قد المسئولية وتساعدين نفسك شوية ..

والشهادة الجامعية ضمان وأمان ..ترى حتى الزواج ما ينضمن وين بيصنفك في فئة السعداء وإلا الأشقياء ..جعلك الله من السعداء في الدنيا والآخرة ...

وأنا لين الحين أتذكر قريبة لي يوم تقولي كم باقي لك عشان تخلصين الجامعة ..قلت لها أربع سنين ..شان تقول يااااااااااااااه أربع سنين عمر بروحه ..تصدقين يوم أتذكر كلامها أحس كأنه أمس،واااااااااااايد متعجبة كيف مرت أيام الجامعة بهذه السرعة وأنا اللي كنت كارهة الدراسة ومستثقله مناهجهها ..والله إني أستغرب سرعة مرور الأيام حتى كأن السنة تصير يوم واحد وهذا من علامات آخر الزمن ...

جبيبتي ..إذا كنت ما تحبين الدراسة صعب عليك تجتازينها ..أول شيء تسوينه إنك تحببين نفسك في الدراسة ..حاول تختارين أقرب تخصص تحيسن فيه أنك تقدرين تحبينه ..لا تقولين ما فيه بس أنت حاولي وبيسر الله أمورك ..وأحسن شيء تسوينه أنك تستخيرين الله عشان يختار لك الدرب الصحيح ويهديك ويشرح صدرك ..المهم اخلاص النية والتفويض الصادق لله رب العاملين ..

وربيعتك إذا اكتشفتي فيها اشياء مب زينة وما ينسكت عليها ابتعدي عنها ودوري على غيرها لأن الأنسان مهما كان مثالي تراه يتأثر بمحيطه غصبا عنه ..بس لا تخلين هذا الشيء هو اللي يكرهك في الجامعة ترا الجامعة مثل الحياة فيها الزين وفيها الشين المهم نحن وين ننظر ..

وآخر شيء أقولك تمي استخيري دوم مؤكد بيوفقك الله وبييسر أمورك ..استخيري تمين في الجامعة خير لك أو أنك تسجلين في الكلية ..وصدقيني سنة وحدة تضيع في سبيل الطريق الصحيح أحسن مليون مرة من ضياع عمرك كله في سبيل الطريق الخاطئ ..واصلا ما في شيء يضيع ..كل يوم نعيشه ما يضيع عند رب العاملين ..والسموحة على التطويل ..

الله ينور حياتك وييسر أمورك ويرزقك من حيث لا تحتسبين ..

اللهم آآآآآميييييييين..

انا نصيحتي انج ماتتركين الجامعه
طيب وش فيها اذا طافت سنه وبعدين حولتي ؟؟؟
أنا مرت علي سنتين لحد ماغيرت تخصصي والحمدلله الحين مبسووطه من كل شي حتى السنتين اللي راحوا مو متحسفه عليهم لان الواحد يتعلم وايد اشيا وهو مايدري وبعدين بتحسين بقيمة الاشيا اللي تعلمتيها

وترى مابتنفعج الا شهادتج بعدين هي أهم شي ان ضمنتي شهادتج ان شاء الله تضمنين مستقبلج

نازو:
طبعا الجامعة عالم مختلف ..خاصة إذا كانت مع سكن داخلي مع البنات ..تحسين كأنه نسخة مصغرة من العالم بس على قتامة ..وبصبرك على هذا العالم تتعلمين أشياء وايد عن الدنيا وتزداد خبرتك في الحياة وتحسين كأنك أكبر من عمرك بنضج فكرك وبتعاملك مع نوعيات مختلفة من البشر..

صحيح إن الربع يخلون الحياة أجمل وتنعاش لكنهم مب كل شيء .. وأكبر غلط يوم نربط حياتنا ومصيرنا ومستقبلنا بربعنا ..تراهم ممكن يتخلون عنك في أي وقت وبأي سبب ..المهم أنك ما تتخلين أنت عن نفسك ..وعن مستقبلك ..والأبواب الحين مفتوحة في وجههك فاغتنمي الفرص وحاولي تفكرين لبعيد ..يعني شوفي نفسك باشر ..تخيلي شو بتكونين ووين بتصيرين ..وربعك ما بيتمون وإياك طول العمر ..لازم تكونين قد المسئولية وتساعدين نفسك شوية ..

والشهادة الجامعية ضمان وأمان ..ترى حتى الزواج ما ينضمن وين بيصنفك في فئة السعداء وإلا الأشقياء ..جعلك الله من السعداء في الدنيا والآخرة ...

وأنا لين الحين أتذكر قريبة لي يوم تقولي كم باقي لك عشان تخلصين الجامعة ..قلت لها أربع سنين ..شان تقول يااااااااااااااه أربع سنين عمر بروحه ..تصدقين يوم أتذكر كلامها أحس كأنه أمس،واااااااااااايد متعجبة كيف مرت أيام الجامعة بهذه السرعة وأنا اللي كنت كارهة الدراسة ومستثقله مناهجهها ..والله إني أستغرب سرعة مرور الأيام حتى كأن السنة تصير يوم واحد وهذا من علامات آخر الزمن ...

جبيبتي ..إذا كنت ما تحبين الدراسة صعب عليك تجتازينها ..أول شيء تسوينه إنك تحببين نفسك في الدراسة ..حاول تختارين أقرب تخصص تحيسن فيه أنك تقدرين تحبينه ..لا تقولين ما فيه بس أنت حاولي وبيسر الله أمورك ..وأحسن شيء تسوينه أنك تستخيرين الله عشان يختار لك الدرب الصحيح ويهديك ويشرح صدرك ..المهم اخلاص النية والتفويض الصادق لله رب العاملين ..

وربيعتك إذا اكتشفتي فيها اشياء مب زينة وما ينسكت عليها ابتعدي عنها ودوري على غيرها لأن الأنسان مهما كان مثالي تراه يتأثر بمحيطه غصبا عنه ..بس لا تخلين هذا الشيء هو اللي يكرهك في الجامعة ترا الجامعة مثل الحياة فيها الزين وفيها الشين المهم نحن وين ننظر ..

وآخر شيء أقولك تمي استخيري دوم مؤكد بيوفقك الله وبييسر أمورك ..استخيري تمين في الجامعة خير لك أو أنك تسجلين في الكلية ..وصدقيني سنة وحدة تضيع في سبيل الطريق الصحيح أحسن مليون مرة من ضياع عمرك كله في سبيل الطريق الخاطئ ..واصلا ما في شيء يضيع ..كل يوم نعيشه ما يضيع عند رب العاملين ..والسموحة على التطويل ..

الله ينور حياتك وييسر أمورك ويرزقك من حيث لا تحتسبين ..

اللهم آآآآآميييييييين..

اللهم امين

روعة كلامج اختي جزاج الله خير .....

مشكوورين خوواتي على نصايحكم الحلوه ,,

انا الشووق << انا مو عااجبني منهج الجامعه ابداَ,!
بناات دعااكم لي بتيسير امووري للكليه ,, لأنه فيها القسم الشررعي ولأني خريجة تحفيظ عشان كذا متحسفه اني دشيت قسم مو لي !

دمتم : )