بنات الكويت من وين تشترون اكسسواراتكم

السلام عليكم ورحمة الله وبركاته

يا بنات أنا قلت بنات الكويت لأننا من بلد واحد يعني ان ردت علي سعوديه او اماراتيه مو مشكله جزاها الله خير بس ماراح أقدر استفيد :sad:

المهم

الموضوع باين من عنوانه من وين تشترون اكسسواراتكم

بالنسبه لي أنا اصنع لنفسي اكسسوارات كروشيه مع خرز ولولو وشغل مضبوط :shy: :ok: وكل من يشهدلي الحمدلله

ورفيجاتي نصحوني من فتره اشتري من محلات اكسيسوريز واويسز ومن هالطقه

بس يا ربي مادري اسواره ب10 والا سلسله 12 ما يسوى

وباجر تلقينهم بمحلات رخيصه وتحترين خخخخخخخخخ

مره اختي خذت من توب شوب تراجي ريش وصدف وحركات بدينارين ونص لقيتها بسوق المعلم بالسالميه طقم ب100فلس ههههههههههههههههه ماتت من الحرررررررررررره

بس هذا قبل جم سنه

الحين لو تروحون سوق السالميه ينزرج الهندي ويقولج غالي سليحط :qaq:

يالله نبي تفاعل ونفيد بعض :clap: