قبل كل شي حبيت اوضح انه ها الموضوع مجهود شخصي وتعبت فيه فاتمنى انه اللي بتنقله تذكر المصدر والمنتدى ولاتنسون دعواتكم الطيبه ...
نبدا
حبيت اليوم اني اسوي موضوع عن منتجات الجسم والعنايه بالبشره واتمنى انه موضوعي يكون حلو وخفيف وشامل واي تعليقات انا جاهزة لاستقبالها فلا تحرموني من ردودكم ودعواتكم الطيبه
نبدا بللوشنات (التنعيم والترطيب السريع وممكن استعمالها بعد الحمام او حين جفاف البشره ويمكن استعمالها بعد عمليه ازاله الشعر لاعطاء الترطيب ويمكن استعمالها للكبار والاطفال ويوجد منه انواع معطره وغير معطره على حسب الرغبه وتنفع في عمل لوشنات خاصه عن طريق خلطها بالقليل من العطور الشرقيه الزيتيه او بالمسك الناعم .. ) :
الكل يعرف لوشن جونسون ممتاز جدا وفيه منه روائح مثل اللافندر والبابونج

وهذا فيه منه عده الوان وروائح مختلفه وفيه بجليتر وبدون جليتر ( بالفانيلا ويالتوت وبرائحه البحر وبرائحه الورد وانانيا ومون فلاور ) - من بودي شوب
والحين الاويل الخاص بالجسم (بعد الحمام )
الهدف منها اعطاء منظر لامع للبشره ونعومه وطراوه وتساعد على اعطاء البشره مظهر برونزي عند التعرض للشمس _ وممكن تثبيت رائحه الدخون في الجسم عند استعمال البيبي اويل بعد الاستحمام _ تغني عن استعمال المرطبات الاخرى _ ممكن خلكها بنقط من العطور الزيتيه وتنفع في عمل المساجات المختلفه ) :
بيبي اويل من جونسون

وهذا بعد بيبي اويل

وهذا بالافندر من بودي شوب

ولحين الكريما ت الخاصه بالعنايه ( الترطيب والتنعيم ) ممتازه لعمل خلطات التنعيم والتبييض _ ممكن استعمالها بكثره في الاماكن المتشققه او الخشنه مثل اعقاب الاقدام او الركب والاكواع – تساعد في حمايه الاظافر وماحولها والعنايه بها – تغذيتها :
هذا زبده الجسم من بودي شوب بالزيتون وفيه منه عده روائح ونكهات مثل الكاكاو والفراوله والبرتقال ...

وهذا الفازلين والجلوسيد و معروفه اهميته والكل تقريبا يستخدمه بروحه او مخلوط مع كريمات ثانيه

وفيه كريم جونسون بزبدة الشيا توه طايح ورووعه بمعنى الكلمه يخلي الجسم ريحت9ه حلوه وناااااااااااعم بس ما لقيت صورته
وفيه نيفيا وغيرهم
وفيه منهم معطره عند نكتار وزهور الريف ولايف ستايل ماركس وسبنسر وغيرهم

والحين خل نشوف كريمات العنايه ببشره الوجه(الوقايه من الشمس – الحمايه من عوامل الجو المؤثره كالبروده والحراره والجفاف – اساسات مثاليه للمكياج – ترطيب البشره – اعطاء مظهر مخملي ورائق للبشره المتعبه- )|يجب ان تكون حمايتها فوق 15 spf : حسب الجو والمناخ _ يوجد منها انواع للنهار واخرى للعنايه الليليه )
هذا لانكوم وومتاز للحمايه وفيه منه درجات مختلفه وفيه منه للبشرات المتنوعه وحمايته فوق 15

وهذا من بودي شوب للترطيب والوقايه ووممتاز للايام العاديه وللجامعه والدوام لانه خفيف

وهذا من نيتروجينا ... هو اساس شفاف ويغني عن استخدام كريم اساس البشره
وكريمات العنايه ببشره الوجه والرقبه ( ضد التجاعيد _ ازاله نسبيه لخطوط الزمن – شد البشره – اخفاء علامات الترهل – اعطاء مظهر اكثر شبابا )
فيه ماركات ممتازه للتعامل مع التجاعيد مثل لانكوم وكريستيان ديور وغيرلان وكلها تعطي نتائج مرضيه .. وفيه ماركات اقل شوي وتعطي مفعول حلو مثل لوريال ونيفيا كير ونايتروجينا وغيرهم
وكريمات حول العين ( مزيل الارهاق والخطوط والهالات المحيطه بالعين _تغذيتها )
هذا للعنايه من بودي شوب

وفيه منتجات حلوه ولها تاثير مثل كلينك وانا مجربتها شخصيا
الشاور جل ( اعطاء تنظيف منعش بالروائح المختلفه _ يستخدم كرغوه عند الاستحمام بالبانيو _ يزيد من قوه الرائحه عند اتباعه بكريم من نفس الرائحه ويساعد على تثبيت الرائحه _ ملطف _ مرطب )
هذا من جونسون وفيه منه عده روائح مثل الافندر والبابونج

وهذا حلوووو وايد ورحته خيال

وهذا انا استخدمه وما استغني عنه ابدا ... روعه وفيه منه عده نكهات وروائح اختاري اللي يناسب ذوقج ..

وهذيل من ماركس وسبنسر حلوين

وفيه نوعيه اسمها bath candy من وول ورتس روووعه كل نكهه بشكل يعني بالفانيلا وبالكيك وبالشوكلاته .... ممتاز للمتزوجااااااااااااااااات
البودره ( اعطاء احساس بالجفاف والنعومه – ممتازه لتثبيت الدخون والعطور على الجسم _ منع الاحتكاك _اعطاء رائحه عطريه _ اعطاء لمعه للجسم اذا كانت مصحوبه بجليتر )
وهذه بودره جونسون غنيه عن التعريف تناسب الكبار والاطفال
وفيه روائح حلوه عند بودي شوب مثل المسك وانانيا والفانيلا ومون فلاور وغيرهم ..
وفيه عند محلات العطور البودرات الخاصه بكل عطر يعني اللي تكون مع العطر ششششيييي
وفيه انواع بجليتر وفيه انواع ساده ... اختاري اللي يريحج
مزيلات المكياج ( عمليه لازاله بقايا الكحل ضد الماء _ سريعه _ اكثر حفاظا على نعومه البشره _ تزيل مالا يزيله الصابون ) منها عده انواع كالمناديل واللوشنات واللبادات ..
هذا من بودي شوب وفيه ها الانواع :


وفيه انواع مثل كلين اند كلير وجونسون وغيرهم وانا استخدم النوعيه اليديده اللي طايحه الحين عند جونسون اللي للعيون .. جربيها ترا حلوه
العنايه بالشفاه ( للترطيب والتقشير واللمعه )
هذا بالبرتقال للحمايه من بودي شوب

وهذا للترطيب واعطاء نكهه وفيه منه نكهات حلوه بالبرتقال والتوت والفانيلا والتفاح والليمون وغيره عند بودي شوب

وفيه هذا لتقشير الشفاه من بودي شوب بعد

وفيه انواع واااايد بخصوص الشفاه والعنايه فيها مثل لايبويلو وناتشرز ستور وكلينك وغيرهم
اكسسوارات المساج ( زيوت عطريه مهدئه - وكرات فواره للاسترخاء – وزيوت المساج _ وشموع برائحه )
هذا الملج اللي يستخدم في البانيو للراحه وازاله التعب من بودي شوب فيه بعد ماركاتت ثانيه حلوه عند لايف ستايل

وهذا زيت عطري ينحط منه قطرات في البانيو وفيه انواع للفواحات بعد موجودة في بودي شوب ومحل بيتي وزارا هوم وهوم سنتر وناتشورز ستور ولايف ستايل وزهور الريف بانواع وروائح مختلفه ومهدئه مناسبه لجو المساج والبانيو

وفيه هاي الفواحات بعد مع اكسسواراتها تتحصل في محلات الجسم والبيوت

وهاي الكور بنكهات مختلفه تنحط بالبانيو وتذوب وتعطي ريحه عطريه رووووعه وتعلق بالجسم موجوده في بودي شوب وماركس سبنسر


وهاي الكور عباره عن ماده سريعه الذوبان بالماء وتفوووووووور بطريقه حلوه في البانيو تلاقونها في بودي شوب وماركس سبنسر وول ورتس بنكهات وروائح حلوه وعلى فواكه ( مناسبه للمتزوجات يعني الوحده تتدلل زوجها وتسويها له في البانيو وتخليه يتعجب من سرعه زوال التعب من جسمه ) وفيه منها في وول ورتس على شكل كيكه تعقينها في البانيوتطلع ريحه الكيك وتخلي الجو يشهي للاكل هههههههههه وانا شخصيا جربتها وعجبتني

وفيه هذا البدي سبايس ينحط بعد بالبانيو ممتاز جدا والنعومه تعلق بالجسم فيه في بودي شوب

وفيه هاي الرغوه للبانيو تعطي رغوه كثيفه للدلع ممتازه وريحتها تملى الحمام وانتو بكرامه وفيه منها ماركات مختلفه وبنكهات واااايد موجوده في بودي شوب ولايف ستايل ودبنهامز وول ورتس وحتى في الجمعيات

واخيراا اتمنى انه الموضوع يعجبكم [/frame]