[
glint]الشهر التاااااااااااااااااااااااسع [/glint]
يالله تبلّغ كل وحدة يومها بسلامة ان شاء الله وتقر عيونها بشوفة البيبي بصحة وسلامة..
خواتي .. أمــــــــــــــــــــــانة .. كلكم..
من اليوم...
من اليوم... بعد كل فريضة... ابدي في الدعاء... يارب حسن الخلق... وهوّن الطلق...
لا تنسي خواتج في الرابطة من الدعاء بتيسير الولادة... سبحان يمكن تصير دعوتج في وقت وحدة عندها طلق.. والدعاء بظهر الغيب لأختج المؤمنة ان شاء الله مستجاب..
من اليوم اكلي على الاقل 7 تمرات كل يوم.. واذا قدرتي كثري اكثر... بس حاسبي من الامساك..
من اليوم.. ابدي في المشي.. و لا تتأخرين ولا يوم.. عادي اذا ما حصلتي احد معاج.. امشي بروحج.. بس اهم شيء تمشين.. شغل البيت ما يغني.. لكن تحملي تطلعين بروحج لو كان عندج الم تشكين انه طلق..
من اليوم ابدي في قراءة القرآن عموماً وخصوصاً سورة مريم.. وسورة الزلزلة.. وهيئي نفسج لكل الاحتمالات.. وقت الطلق كوني هااااااااااادئة قد ما تقدرين.. والله الله في هالفقير اللي يسمونه ريلج.. لا تربشينه بصراخج وخوفج.. خلج متماسكة عشان يقدر ريلج يساعدج بعد..
من اليوم اكتبي المسج اللي راح تبشرين فيه الاهل والاصدقاء بولادتج.. واحفظيه بتلفونج عشان يكون جاهز للارسال بعد ولادتج ان شاء الله..
اهتمي بأكلج اكثر.. وكثري من الحليب والخضراوت والفواكه.. تغذي تغذية زينة عشان تصير عندج طاقة للولادة..
ادري ان معظمكم تنظف للعيد.. بس ما يمنع انج تعيدين الحلاوة على يدينج ورجلينج... وبعد .. هالشهر.. سووا حلاوة للمنطقة الحساسة :o ان شاء الله في الشهر التاسع مافيه خطر عليكم .. ولو فيه ولادة بتصير اسرع.. لأن المواعيد الحين بتصير اسبوعية.. والتنظيف بالموس ما راح يفي بالغرض..
استعينوا بعدة مرايات.. ولا تنزلون رقبتكم وراسكم عشان ما يعوركم ظهركم..
نظفوا بيتكم من الزين... استغلي عطلة نهاية الاسبوع وخلي ريلج يساعدج.. نظفي كل شيء.. الجوارير وداخل الخزانات .. والمطبخ زين ما زين.. خلي البيت او الشقة تبرق.. كرفي هالريل معاج هههههه لأن بعد الولادة ما بتقدرون تلمسون شيء لمدة 3 شهور من الانشغال مع البيبي.. وهم هالشيء راح يرفع معنوياتج وانتي تحسين الامر قرّب.. وراح ترتاحين مع زوجج بالنتيجة والنظافة...
وصي زوجج على الاشياء اللي تحسين انه ما يعرف وين مكانها... او الاشاءاللي تتابعينها بنفسج مثل ري النباتات المنزلية.. خبريه وين تحطين شنطة المستشفى او ارقام صديقاتج.. و اي شيء تشوفينه ضروري عشان ما يتوهق بعدين..
كثري الجماع :o مع ريلج.. سبحان الله.. السائل المنوي للرجل له مفعول عجيب في تليين الرحم .. وتقوية الطلق ان شاء الله.. وبعد تكونين عطيتي ريلج كفايته لفترة الاربعين اللي راح ينحرم فيها منج...
اكتبي لستة وخليها في مكان ظاهر.. الصقيها مثلا على المراية في غرفة نومج.. اكتبي فيها اهم الاشياء المطلوب من زوجج انه يسويها في يوم ولادتج.. مثلاً.. العيال عند يدتهم.. الاتصال بمحل الحلاوة او التوزيعات عشان يجهزون الطلبية او يطرشونها.. لا تنسَ شنطة المستشفى.. الخ.. اي شيء خاص فيج تبينه يسويه يوم ولادتج كتبيه.. ولا تعتمدين على ذاكرته.. اهو مسكين شنو بيتذكر او بينسى...
اذا كنتي ما قررتي بعد للحين.. احسمي قرارج.. اذا عندج عيال وين بتودينهم ؟ وعند من؟ اعطيهم خبر عشان تضمنين انهم ما راح يتضايقون من عيالج.. ترا اصعب شيء على الام الوالدة انها تحاتي عيالها اللي في البيت من يسبحهم ويأكلهم وغيره..
والله يهووووون علينا وعليكم كلكم آمييييييييييييييييين رب العالمين...
ان شاء الله تكون عجبتكم الحفلة والنصائح.. :clap:
