بنات ابي رايكم بكل صراحة وبدون حياء

والله مدري وش اقول غير ان المرأه مسكينه (w)

اللي زوجها يخونها وتكتشف انو خانها اعتقد انو ماراح تستمر حياتهم لانها راح تكون كلها شكك

اممممممممممممممممممممم

لان السلطه بيد الريال مب بيد الحرمه

بس هذا كان قبل !!

الحين لنا مثل ما لهم يعني لاا تخافين يالغلاااا ..

حكم القوي على الضعيف

اي والله صدقتي

شي يقهر

واكثر شي يقهر ان الحريم نفسهم اهما يوقفون ضد نفهسم
ودايماً مع الرجل حتى لو كان اهو الغلطان واهي طبعاً تدري بالهشي
بعدين تقول ظلمني !!!

اهي اللي تعطيه السلطه بكل شي وتسمح له انه يهينها ويذلها ويخونها
وتبدي واجباتها مثل ما قلتي على حقوقها
وما تطالب فيها الا بعد فوات الاوان

صدق ان حكم القوي عالضعيف.................

الحمدلله الدين الإسلام اعز المرأه وأكرمها ..

وعموماً الرجال قوامون على النساء

وانا بقولها الثالثه حكم القوي على الضعيييييييييييييييييف

والله يساعد كل اللي ىحياتها كذا

o_dmo3_o:
[CELL="filter:;"][ALIGN=center]شوفي الغاليه... الله طبعا ساوى بين الرجل والمرأه في الحرام والحلال بس فضل الرجل على المرأه بدرجه لحقيقه محد يقدر ينكرها.. وهي ان الرجال قوامون على النساء..

مثلا .. حد الزنا بالرجم او القتل.. للرجل والمرأه على السواء ونفس عدد المرات وبنفس الشده لو اتفكرين فيها...

ولكن مثلا عند الزواج والطلاق .. تكون العصمه بيد الرجل... يعني مثل ما انعرف. الرجل يقدر يمسك نفسه شوي عن الطلاق وقدره احتماله للمشاكل أكبر.. انا مثلا لو يخلون العصمه بيدي... جان الصراحه ما كفتني ثلاث طلقات ... يعني اقل شي اكررها ثلاثين مره من الغيظ.. او يعني مستحيل اقعد متزوجه اكثر من ايام..

المراه الله عطاها الحنان.. حنان البيت والأمومه والتضحيه.. وشي بديهي انها راح اتحب عيالها وتحاول اتوفر لهم كل ما يحتاجونه... لو كان على سبيل راحتها.. عيل ليش الله قال ان الجنه تحت اقدام الامهات...

شوفوا يا بنا الرجال قوامون على النساء هذي فطرتنا نحن بني ادم وحواء.. وحواء خلقت من ضلع ادم العوج... وهذا أمر من رب العالمين لازم ما انجادل فيه...

ولا تنسون ان الجنه تحت اقدام الامهات (مثل ما قلنا) يعني ربنا ما قال تحت اقدام الرجال.. لانه يعرف بأن المرأه في حياتها تتعب وتهتم بعيالها أكثر من نفسها وهذا كرم من الله...


صح بتقولون ليش حلال عليهم وحرام علينا .. وبقول لج...

ما في شي حرام على حد وحلال على حد.. الحرارم حرام والحلال حلال على كل المسلمين سواء رجال او نساء...


والحق ما يضيع عند رب العالمين...

ومثل ما تقول الوالده (الله يحفظها)


لو الوحده اتزوجت ريال زين.. راح اتحصل أجر من خلال رعايتها له ولأولاده .. وأذا الله لا قال حصلت زوج مو زين... فهي راح اتحصل أجر بعد لأنها راح تصبر عليه ..

فعشان جيه... الاجر موجود وربنا ما راح يضيع اجرن يا بنات..

والسموحه...[/CELL]

فديتك كلامك عين العقل

ما نقول إلا أجرنا عند رب العالمين

احنا نحتسب الأجر وان شاالله ربي بيجازينا خير الجزاء .. وكل شي عنده بمقدار

إختي السبب يرجع إلى طريقة تربيتنا للولد منذ الصغر ... دايما الولد عندنا يكون مخدوم و مدلل و الأم و الإخت هم إللي يقومون بالواجب علشانه و بعد ما تزوج زوجته إهي إللي تهتم فيه فهو هني بس يستقبل من دون ما يحس بحجم مسئولية المرأه فيستهزئ فيها فيهضم حقوقها...
نقطة وايد مهمة إن الرجل الشرقي فاهم القوامه بشكل خاطئ و إنها تحكم و عنتره و عضلات و إن البنت هي الكائن الضعيف إللي لازم تتحمل مساوئه و إلا الباب يوسع جمل و دوم يقولون لج "أنا ريال ما يعيبني شي و الريال شايل عيبه "و غير من هلتعابير إللي تعطي الرجل أحقية خارجة عن حدود حقوقه المشروعه له .......

الحديث في هلموضوع شائك و طويل و له ابعاد كثيرة ...... بس بصراحة يستحق النقاش و اشكرج على طرحه

الحمد الله والشكر على كل حال كون مظلوم ولاتكون ظالم

والله ما يضيع اجر مؤمن

هذي هيه الحقيقيه المره بس الوحده منا تتحمل الي تقدر عليه ولا يكلف الله نفس الا وسعها

ينقل للشؤون الاسريه والاجتماعيه

اختي المرأة مثال للتضحيه والحب المرأة الله سبحانه عز وجل خل فيها العاطفه من جذي الرجال قوامون على النساء يعني المرأة تحكمها عاطفتها اكثر مو معناتها المرأة ضعيفة

اما بالنسبة الى النساء ناقصات عقل ودين هذي المقوله خاطئه .. لو النساء هكذا لما كلفها الله بالتكاليف الشرعيه قبل الرجل

مرحــــــــــــــــــــــبا خواتي العضوات العزيزات

ابي رايكم بموضوع احس ان اغلب مشاكل ومشاركات العضوات الاخريات تدور حول الموضوع اللى ابي تشاركوني فية .....

ليش دايما لازم المرأة اهي اللى تضحي ؟

1- اذا خانها زوجها لازم تتحمل عشان الاولاد وتسامح وتضحى عشان لا تهد بيتها ، بالمقابل لو اهي اللى كانت خاينة كان الزوج ذبحها من اجل الحفاظ على الشرف مع ان الاسلام وحد العقوبة ( عقوبة الزنا ) للمرأة والرجل المتزوجين يعنى متساوين بالعقاب .

2- اذا اهملت نفسها وبيتها يحق للزوج ان يتعرف على وحده غيرها ويمكن توصل للزواج بعد ، بالمقابل لو كان الزوج مهمل بشكلة ونظافتة الشخصية ما يحق لها تطالع غيرة بالعكس نشوفها المسكينة تنصح وتشترى وتحط حق هالزوج .

3- إتبدي زوجها على نفسها واولادها و اهلها احيانا وعلى عملها وصديقاتها واهتماماتها ، بالمقابل الزوج يهملها ويهمل البيت والاولاد عشان الربع والطلعه والوناسة والسفر وكانة ما عندة مسئوليات ولين الحين عزابي .

4- تقوم بمسئوليات البيت كاملة من تدريس الاطفال وشراء مستلزماتهم ومستلزمات البيت وتودي وتييب من المدارس وتودي الطبيب اذا لا سمح اللة مرض واحد من الاطفال كل الواجبات عليها مسكينة ، واهو ولا جنهم عيالة متبري مرة وحدة مالة شغل من شي المهم نفسة وبس .

5- آخر شي تفكر فية حقوقها واكثر شي تهتم فية واجباتها ، بالمقابل اول شي يطالبها في حقوقة وآخر شي يهمه واجباته تجاهه وتجاه ابنائة .

المرأة مخلوق مسكين مكتوب عليها الشقى والتعب والتحمل والصبر وبالاخير يقولون عن الحريم
( ناقصين عقل ودين )

ابي اعرف رايكم بكل صراحه

اتمنى منكم التواصل اللي عندها تجربة تحب تظيفها
-------------------------------------------------------------------------------------------------------------------------------------
ردي هوووووووووووووووووووووووووووو :

أختي الكريمة إن المرأة رمز للعطاء بلا حدود لكنها في الوقت ذاته لها حقوق وعليها واجبات وللرجل مثل ذلك أمرهم بها الشارع عزوجل إلا أننا في هذا الزمن مع التقدم الحضاري وانبهارنا بالغرب أخذنا سيئاتهم وأضفناها إلى أخطاءنا بزعم الحرية و التقدم والمساواة فتحملت المرأة أعباء غير أعبائها بعدما أحضرت خادمة تحمل أعبائها غير ماتقوم به من اعمال وظيفية خارج المنزل فتركت حملها لغيرها وتحملت أعمال غيرها .
بالنسبة لأسئلتك سوف أجيب عليها واحدا بعد الآخر بإذن الله :
1- الخيانة جريمة عظمى إذا وصلت للزنا لاينبغي للمرأة السكوت عليها لأن الذي خان عرضه وشرفه ليس أهلا للعيش معه أو تربية أبنائه كما أن عقوبة الزان المحصن من أشد العقوبات في الشريعة الإسلامية ومن تاب وستره الله تاب الله عليه .
2- لاينبغي للمرأة أن تهمل نفسها أو زينتها وبخاصة لزوجها فالفتن والمغريات في كل مكان . في الطريق وعلى شاشات التلفاز والمجلات ويمكن في العمل بعد وغيرها من الأماكن . فكلما كانت الموأة متزينة لزوجها وملبية لرغباته وفراشه كلما ساعدته على تحصين نفسه ولم يتطلع إلى غيرها . أما إذا حدث وتزوج فخير له أن يتزوج ثلاث غيرك بالحلال ولايتطلع إلى إمرأة واحدة بالحرام . وفي المقابل لانرضى للرجل أن يهمل زينته لأن المرأة تحب من الرجل ما يحب منها .
والمرأة هي مديرة البيت ومدبرته وكثير من الأزواج زوجاتهم هن اللاتي ينظمونهم في نظافتهم وهيئتهم وأحتسبي الأجر في ذلك .
3- زوجك على حسب ماعودتيه من بداية زواجك إذا إعتاد إن كل شيء إنت تسوينه ماتستطيعين تغيرينه . لكن إذا إعتاد على أن مسئولياته هو الذي يقوم بها فسيستمر في ذلك إن شاء الله .
4- ماتقولينه نتاج المساواة فأعمال الزوج قمت بها ولم يقم الزوج بأعمالك ؟؟؟؟؟؟؟؟؟؟؟؟
لو لم تكوني تقودين السيارة هل يلزمك زوجك بتوصيل الأولاد بالطبع لا .
إحمدوا الله يا بنات السعودية على النعمة التي أنتم فيها مكفيات ومرتاحات من السواقة ووجع الرأس .
5- إذا عرفنا مالنا وماعلينا وماشرعه الله لنا وعملنا بمقتضى ذلك سعدنا في حياتنا أيما سعادة .
أختي الكريمة إذا احتسبت اعمالك وطاعة زوجك وتربية أبنائك وجعلتيها لله فستجدين اللذة في التفاني والعطاء بلا حدود لأنك تتعاملين مع الله الذي يعطي ويرحم ويغفر بلاحدود .
أتمنى أن أكون وفقت في الرد على أسئلتك فما كان من صواب فمن الله وماكان من خطءفمن نفسي والشيطان .
والسلام عليكم ورحمة الله وبركاته .

مرحبــــــــــــــــا عزيزاتي
كل الشكر لكم على مشاركاتكم الحلوة وآرائكم الجميلة احب اشكرر وحدة وحدة فيكم على تواصلها الفعال :

شكرا : نبض قلبي - ينت النزهه - العنود - فراشة المغرب - بيانسية الكويت - سعودية - الحنونه 12 - ما تهاااب - سكون - آخر العنقود - شما العيناوية - خنفورة - feed back

وشكر خاص جدا جدا لصاحبات الرأى السديد :

دمــــــــــــــــــــوع
ووالــــــــــــــــدة الشيــــــــخ

عجبني الموضوع حيل والردود كانت حلوووووووه ماشاء الله.. :clap:

الحمد لله على كل حال هذا حكم رب العالمين ونحنا راضين فيه

ومأجورين بأذن الواحد الأحد على الصبر والتحمل

وا،ا مع أختي o_dmo3_o


الحمد لله الحمد لله

شي يقهر

واكثر شي يقهر ان الحريم نفسهم اهما يوقفون ضد نفهسم
ودايماً مع الرجل حتى لو كان اهو الغلطان واهي طبعاً تدري بالهشي
بعدين تقول ظلمني !!!

اهي اللي تعطيه السلطه بكل شي وتسمح له انه يهينها ويذلها ويخونها
وتبدي واجباتها مثل ما قلتي على حقوقها
وما تطالب فيها الا بعد فوات الاوان

صح لسانك اختي بيانيسه