هل من حقي طلب هالشي ؟ ولا لا ( خاص)

اشكركم اخواتي على ردودكم الوافيه

جزاكم الله كل خير

بخلي كل شي على الله ، واحسن شي اسويه هو اني استخير والجأ الى رب العالمين ، لأنه ما فيه احط نفسي وهلي في موقف محرج ، وبخلي كل شي على الأيام ....

حسبي الله لا اله الا هو عليه توكلت وهو رب العرش العظيم

remeia:
السلام عليكم..

حبيبتي آنسة دبي, طلبج هذا من حقج , وهذا زواج وعشرة عمر مو لعبه يعني, وانت ماطلبتي شي غلط او عيب, حتى لو تقعدين معاه قعده وحده على الاقل قبل الملجه , بس تشوفين شلون طريقه كلامه ومعاملته وهو يشوفج, اكيد ماراح تدرسون طباع بعض من هالقعده الوحده ,بس هالشي الرسول وصى فيه, عشان ترتاحون نفسيا والله يطرح في قلوبكم الهدوء والسكينه, ولو فيه اي شي ماعجبج فيه على الاقل يكون عندج وقت مب لين ملجتي خلاص وطاح الفاس في الراس..

انا ما قول كل يوم قعدي معاه وكلميه , بعد ما يجوز هو مب محرم لج ولكن بما ان نيته الزواج فلو مرة وحده تتكلمون قبل الملجه وانتي عقب هالمره بترتاحين وبتقررين ان شاء الله..

انا خطيب اختي اللي متقدم لها متدين واحنا عايله محافظه , لكن قال حق امي ماراح املج قبل لا اقعد معاها (مب عشان يشوفها لان هو شايفها من زمان وعارف شكلها لانه من الاهل) اشوفها وتشوفني واذا في اي شي في خاطرها قبل الملجه تقول .. يعني هالشي راحه للطرفين ..

اذا انتي في خاطرج هالشي لاتتنازلين لان مافيها شي ابدا , وفي النهايه توكلي على الله(f)

نفس الراي
والله هذا من حقج
على الاقل تاخذين فكره عنه وانا ما اؤيد ان تكون ملجه بدون ما الاثنين يشوفون بعض ويكلمون بعض
تصدقين أنا كنت داخله بكتب موضوع نفس الشي بس انا مو متقدم لي أحد بس كنت أفكر في نفس السالفه..شِلون آخذ واحد ما اعرف شي عنه وعن اطباعه واسلوبه، يمكن يطلع سخيف أو ماعنده أسلوب أو ثقيل دم. بس المشكله كيف اطلب هالشي
الصراحه انا يبي لي اقعده واسوي وياه مقابله خخخخخخخ لأن المشكله هذي زواج يعني الواحد ما يقدر يجامل أو يغير نفسه 180 درجه اذا كان هالشخص مايناسبه
((كأني مصختها شوي))
أنا أكرر وأقوول من حقج هذا الطلب ولو انا مكانج أطلب وأصر عليه ويكون شرط أساسي، عاد لازم تشرحين السبب خخخخ

مراحب غناتي

من حقج اكيد و نص و ثلاث ترباع بعد

بس كيف مدام هناك عادات و تقاليد

و ثاني شي فترة الملجة كفيلة انها توضح لج امور كثيرة
و صدقيني مكالمة وحده مش كافية للمعرفة كل شي

وبالاخص في الارتباط

و الكل راح يمدح فيه و يقوله انه زين انا ما اشكك بس الحذر و التأكد من كل شي واجب

و الله يوفقج يا رب

اكيد من حقج تكلمينه عيل ترتبطين فيه وانتي ماتعرفينه بعدين ياحسرة شتسوين تقعدين تندبين حظج

اختي مدام انه هو بعد يمانع، اصبري لين الملجه احسن
يمكن هو من الشباب اللي ممكن ياخذ فكره غلط لو شافج
تبين ترمسين وياه وهو بعده ما استوى حلالج، حتى لو
كان متأكد ان هدفج ماوراه شي مب زين


وان شاء الله عقب الملجه بتعرفون كل شي عن بعضكم
وصدقيني وانتي مالجه، بترتاحين أكثر في الكلام عشان
ما بتخافين من مشاعركم او أي كلمه ممكن تطلع من
أي واحد منكم....لأنه كل شي بيكون حلااااااال
وعقب الملجه خذي بقضاج منه وخليه دوم متلهف عليج
وعلى الرمسه وياج.............انتقام وايد حلوووووو

السلام عليكم ورحمة الله وبركاته
هناك مايسمى بالرؤيه الشرعيه وهي ثلاث مرات مع وجود محرم ويباح للرجل ان يرى منك وجهك وكفك و
وكفك وان شاء الله خلال التلات مرات تكوني عرفتي اللي انتي عايزه تعرفيه

انا انصحك انك ماتكلمينه راح يقول عنك انك بنت جريئه وتجيبين لنفسك واهلك سمعه ماهي زينه لا حقه على انك تكلمينه وتعرفين شخصيته من اول الملكه وربي بيسعدكم انشالله خذي قدامك اكبر مثل امهاتنا لا كان عندهم ملكه ولاشي ماتشوفه الا ليلة الدخله وربي مسعدهم لانهم توكلو عليه توكلي على الله واللي يتوكل على الله مايخيب

من حقج ومن حقج ومن حقج

انا يوم انخطبت مع ان اهل ريلي وااااااااااااايد متدينين ويخافون الله امه اتصلت في امي وطلبت منها ان انا وخطيبي نتكلم عشان نتعرف على بعض وقالتلتها ان هذا زواج مب لعبة يمكن ما يتفقون يعني ينفصلون قبل الملجة احس من الطلاق

صح الغاليه من حقج

بس ف حدود المعقول

الله يوفقج ان شاء الله

[grade="800080 FF1493"]مرحبا أختي
هو أكيد من حقج تكلميه
بس الأفضل أنج ما تطلبي هالشي لانه ما حلوه بتكون فحقج
والأفضل انج تصبري
وعسى الله يهديه ويجي هالشي منه بدل لا أنتي تطلبينه
وعسى ربي ينولج خير [/grade]

أنا شخصيا بشوف أنو من حقك ونص...خاصة هل ايام الي ما يعرفش فيها غير ربنا

هو من حقج بس إذا العادات و التقاليد تحكم عليكم هالشيء
لا حول و لا قوة إلا باللة
توكلي علي الله

استخير ى احسن حل علشان الله يسر امورك

الأستخــاره , اهم شي لأنج انتي بتتخررين ملك الملووك سبحاانه..

دعواتج لنــا : )

اهو عادي
بس لان اهلج معارضين او اهله
وبحكم تقاليدكم
استخيري
او اقولج انتظري لين تملجين احسن لج
والله يوفقج ويوفقنا

اختي العزيزة هذا من حقك والدين شرعلك هذا الشي انتي اطلبي من والدك انه يكلم الولد ويعزمه عندكم في البيت بس ما يقوله انه البنت تبي تقعد معاك ولما يجي خلي الوالد يكلمه واقعدي معاها واتعرفي عليه اكثر