ك
كـــلام العيون
عروس مبدعة
07-11-2006 | 02:02 AM
سلاااااااام بنات كيفكم وكيف
ماك معاكم (r)
بغيت اسألكم بإختصار شديد
عن كم منتج ناوية آخذهم ان شاء الله وابغى
اشوف تجاربكم بكل صراحه بدون لفّ ولا دوران :angry:
وهذولا هم:
1- الستروب كريم.
2- الفكس +Fix.
3- البوينت (بيس الشادو).
4- الكونسيلر: Select Cover-Up.
5- البرايمر ...
ثلاث منتجات خلاص نويت آخذهم
وحبيت اسمع آرائكم عنهم ... واثنين متردده فيهم!
واللي هم البوينت والبرايمر!
البوينت هل يثبت ولا يعطي ملمس دهني بنفس
الوقت ما يجفف الجفون؟
وهل الدمج يصلح عليه! اخاف انه يكون ثقيل شوي وتصير
مسألة الدمج مصارعه حره :bigsmile:
والبرايمر هل يناسب اللي بشرتها
جافه وهل له فوائد واضحه ولا زي قلته وممكن نستغني عنه؟
لأني سمعت انه يسبب جفاف للبشرة بعد الأستخدام
تقريبا ً بأسبوووع!!
فيااااااريت تردون على بأسرع
وقت لأني راح أطلبهم هاليومين!!!!
انتظركم ....... على أحرّ
من الجمرررررر ...
أ
أشواق لا تنتهي
مشرفة سابقة
07-11-2006 | 07:38 AM
1- الستروب كريم.
ماجربته
2- الفكس +Fix.
ماجربته
3- البوينت (بيس الشادو).
واااااايد حلو لو بتحطينه قبل اي شدوووو وفي درجه ورديه على بيج لونها اساسي ويمشي مع اي درجه
وصراحه شدوهات ماك الكريمي الوحيده ماتقطع معاي
لو حطيت هذا البينت على جفنج بيثبت لج لون الشدو وبيعيج لون واضحه له ولمعه حلوه بعد
4- الكونسيلر: Select Cover-Up.
انا ناويه اشتريه لان البنات وايد يمدحونه لما تخلطينه مع الاساس
بس مادري يمكن ماجربه على الهالات لاني مرتاحه مع كونسيلر كرويلان
5- البرايمر ...
بشرتي دهنيه واستعمله اوقات وارتاح عليه
وهذه لايرطب ولايسوي اي شي ثاني على كلام اللي يبيع في ماك غيرانه يثبت لج الاساس ..
ويمنع من تكون الخطوط بس للامانه اختي جربته وماعجبه كلش ..ممكن يطيح على ناس وناااس
البوينت هل يثبت ولا يعطي ملمس دهني بنفس
الوقت ما يجفف الجفون؟
وهل الدمج يصلح عليه! اخاف انه يكون ثقيل شوي وتصير
مسألة الدمج مصارعه حره :bigsmile:
عادي انا ادمج وبسهوله الحمدلله
والبرايمر هل يناسب اللي بشرتها
جافه وهل له فوائد واضحه ولا زي قلته وممكن نستغني عنه؟
لأني سمعت انه يسبب جفاف للبشرة بعد الأستخدام
تقريبا ً بأسبوووع!!
مادري حبي انا بشرتي دهنيه وفدتج باللي اعرفه فووق
تحيتي لج (f)
صباحج سكر
أختي
كـــلام العيون
بالنسبه للي جربتهم :shy:
+Fix.
غير تجاربي له في مناسبات بأماكن مغلقه
جربته هالايام في مناسبه كانت في الهوا الطلق
وبالفعل أثبت جدراته وانتي خابره جونا شلوون :)
،،
البرايمر
يعطي البشره تهيئه حلوه قبل الميكب لأنه Base
وبتحسين بملمس ولمعه ناعمه على طول اول ماتستخدمينه
وما اتوقع انه يسبب جفاف !!
لأن بشرتي مختلطه وكان أوكيه فالأماكن الدهنيه والعاديه
بس حاسبي لا تسخدمينه على الشفايف
(f) (f) (f)
من الأغراض اللي حاطتهم ما جربت غير paint..
رائع .. عندي Stilife .. لونه يوحد لون الجفن... أستخدمه كبيس.. نقطه صغيرة تكفي... يثنت الشدط و ما يدهن أبدا...
اختي انا استخدم البريب اند برايم حق الحفلات وملمسه وايد حلو للبشرة
والفكس استخدمه كل ما احط ميك اب
ارشه احيانا قبل البودرة واحيانا بعد ما احط كل المكياج وقبل الماسكارا
المنتجات الباقية اللي سألتي عنها ما جربتها
هذا ممتاز قبل الأساس
هذا بالنسبة لي ما اشوفة وايد مهم قبل الأساس لأني والحمد لله اساسي ثابت وما يتقطع
وهذا بروحة شادو
والبيس حاجة ثانية
وشدوات ماك بروحها ثابتة
هذا حلو بس انا ارتاح حق فور إيفر اكثر
وهذا ممكن تستغنين عنه عادي
وفي النهاية الناس اذواق
[grade="00008B 00008B 008000 4B0082"]salaaam:
انا من عشاق ماك واموت عليه وبخبرج على حسب تجاربي،[/grade]
طبعا هذا ممتاز جدا وانا ما استغنى عنه:
هذا بعد عندي لكن ما اسنخدمه وايد لأني انا بعد المكياج يظل فيني ما يتغير وايد يعني انا ما احتاجه بالضرورة بس احسانا احط منه
وهذا معاي بعد
[grade="4169E1 FF6347 008000 4B0082"]ونصيحة بعد يا حبيبتي : اصلا شادوهات ماك كلها لمعة وروعة وااااااااااااااااااااايد، يعني لا بغيتي تشترين انصحج فيهم والله ما بتخسرين انا واللله باقي لي كم حبة واكمل مجموعة الشادو اللميع[/grade]
م
مسزز غموضة
عروس ركن المكياج
07-11-2006 | 02:45 PM
اختي
حبوبة :shy: انا ما جربت شي غير الكحل الكريمي والعادي
بس من الي اشوفه من بنوتات يحبون ويمدحون فيها وخاصة الاغراض الي حطيتها
لذا توكلي وجربي كتجربه اذا ممكن وبعدين قرري
والبوناتات ما قصروووا :shy:
آنااااا آسفة لأني تأخرت عليج ,, بس أشغلتني شوية ظروف ,,
بس لي رجعة لج :) ,,
أكرر اعتذاري أختي مرة ثانية لتأخري في الرد ,,
بالنسبة للـ ستروب كريم ,,
هو عبارة عن مرطب يعطي إشراق ونضارة ويحيي البشرة المتعبة والباهتة ,, يعني ممكن تحطينه بروحة
وممكن تحطينه وتحطين فوق لوس باودر ,, وممكن تحطينه قبل الأساس أو تخلطينه مع الأساس ,
يعني عندج عدة بدائل لاستخدامه ,,
الـ فكس
طبعاً هذا ما أستغني عنه ,, وأنا قلت تجربتي فيه كذا مرة في كذا موضوع ,,
أنا أحطه قبل الأساس ,, يثبت ويسهل توزيع الأساس بشكل حيل حلووووو ,, بالإضافة إنه يعطي نضارة ويرطب البشرة ,,
الـ بينت
هذا بيس للشادوووو ,, لما سألت الماكييرة اللي في ماك قبل فترة عن أفضل بيس عندهم
لأن عندهم كذا نوع ,, قالت لي البينت إحنا كماكييرات نستخدمه بكثرة ,,
ولأن البينت عندهم بعدة ألوان ,, هم يستخدمون اللون المناسب للشادووو اللي يحطونه ,,
بس قالت إنت صعب تشترين كل الألوان , لذلك نصحتني آخذ لون فاتح قريب من لون الكونسيلر
يصلح لجميع ألوان الشادووو ,,
تجربتي فيه للأمانة :
يثبت الشادووو وما يقطعه وبنفس الوقت الدمج عاااادي ,, يعني ما يعوقج أبد عن أي وضع لون
أو دمج أي لون ,,
بس بشررررررررررط :
تحطينه نقطة صغيرة جدً وتوزعينها عدل يعني لما توزعينه ما تخلين له أثر توزعينه ليما يندمج بالبشرة ,
بالنسبة لـ الكونسيلر
أنا قلت لج رأيي ,, وأقوله مرة ثانية للإفادة ,
هالكونسيلر حلووووووووووووووووووو يعطي cover للبشرة ,,
يعني ترى أنا أستخدمه مو بس للعين أنا أستخدمه أكثر شي للوجه للحصول على تغطية إضافية
خصوصاً إذا كان الأساس سائل ما يعطيني التغطية المطلوبة ,,
بالنسبة لـ البرايمر ,
مع إنه عندي , بس استخداماتي له قليلة بالمقارنة مع الفكس ,
لأن هو بيس + مثبت وفيه لمعة جليتر خفيفة ,
بس اللي لاحظته في البرايمر يخلي البشرة نااااااااااعمة بشكل فظيع يعني يخليج توزعين الأساس بكل سهولة
وطبعاً إذا استخدمتي البرايمر ما فيه داعي للفكس ,
هذه تجربتي بكل أمانة :) ,
ك
كـــلام العيون
عروس مبدعة
08-11-2006 | 01:55 AM
الف الف الف شكر بنات وخصوصا ُ
الغالية مجد .. ما قصرتي والله اعطيتيني الشرح الوافي ..
انتي وباقي البنات ربي يسعدكم ..
وان شاء الله راح اعرض
هالمنتجات اول ما توصل لي بالمشتريات واقول لكم
رأي فيهم بصراحه ........
أجمل تحية ...
ماشاء الله مجوده كفت ووفت
وكلااااااااااااامي راح يكون نفس كلااامها
البينت
تثبيته حلوو للشدوو والتوزيع فيه اسهل من السهل نفسه حتى ويبرز اللون بقووه ومثل ماقالت مجوده عليج توزعينه عدل ونقطه تكفي وانا احب اوزعه بيدي علشااان تتشربه البشره عدل
البرايمر
ممكن تستغنين عنه في حال تعودتي على الفيكس وانا عندي هم الاثنين
واستعمالهم واحد والنتيجه وحده بس يمكن البرايمر يعطيج لمعه واضحه على البشره
واثنينهم يثبتون المكياج بشكل رائع
من كل المنتجات جربت الفكس بس بصراحة ما انفعني وايد ...أفكر أجرب البرايمر والستروب كريميمكن النتيجة أحسن ....
habibti elpaints howa aslan chadow we ba3dine fi3end mac basse ahsan es ma prime we ba3dine hadol eli ybi3o mac fi kaligh ga3dine yahko ay kalam bas taybi3ou aslan hata fi site hag mac el pints hatino chadow mich basse
3- البوينت (بيس الشادو).
واااااايد حلو لو بتحطينه قبل اي شدوووو وفي درجه ورديه على بيج لونها اساسي ويمشي مع اي درجه
ك
كـــلام العيون
عروس مبدعة
31-03-2007 | 01:17 AM
تسلمون بنات ع المساعدة
وفعلا ً البوينت طلع خطير وحبيته من كل قلللبي!!
يظهر اللون ويثبته ووبصراحه اروع بيس جربته بحياتي!
ومالي غنى عنه لاهو
ولا الستروب كريم ولا الفكس .. كلهم صاروا حبايبي خلاص .. (r)
وهم معي من فترة (5 شهور) خخخ
لأني خذيتهم بعد ما نزلت هالموضوع بأسبوع :dd:
مشكورين والله ..
واسمحولي نسيت
ما اذكر هالشئ من قبل .. بسبب إنشغالي .. :yes: