حوامل شهر يوليو 2007

[grade="00BFFF 4169E1 0000FF"]



يا مكثر الرؤس عندك اللي تهز
كل هذا متلوعة

ولا يهمك
روحي بدلي الشيلة مع وحدة من البنات
او ردي البيت بدليها وردي الدوام
عشان تكون كذا:bigsmile:

سلامتك ام المهند
ترا والله الروايح تعدل المود او تخربه

****[/grade]

ام النوح:
:shy: :shy: مرحباااااااااااااااااااا

شخباركم بنات صار لي فترة اقرا مواضيعكم بس ما اشارك معكم بس قلت هالمرة بدخل وياكم اسولف شوي.
عطوني موعد للولادة تاريخ 24/10 بس للحين ما جهزت اي شي ليي او للبيبي زوجي يقول توها الناس واني متحيرة الصراحة اقول من الحين احسن قبل ما اثقل :qaq: بس بصراحة حابة اعرف ويش جنس الجنين اول علشان اشترى الاغراض على هالاساس .

بس بنات بغيت اسالكم اني الحين في الاسبوع ال25 وكم يوم بس صار امس واليوم حركة البيبي خفيفة وقليلة بالنسبة الى قبل هذا الشي عادي ولا لا؟؟؟؟؟؟؟؟؟

الصراحة اني خايفة لان هذا 3 حمل لي وعندي ولد واحد والحمل الثاني مات البيبي في بطني من الاسبوع السابع وما دريت الا في الاسبوع 12 ان كان ميت فاني خايفة كلش على هالحمل:sad:

الله يثبت لينا وليكم ويردنا سالمين ان شاء الله

هلا بخيتي أم النوح شخبارك .. مرحبا بك معانا في الرابطة منورة يا قلبي ..

ما شاء الله الحين صرتوا 3 من البحرين الله يكثركم وهذي شهودة الحين حصلت رفيقات ربي يسعدنا آميين

بس عندي إستفسار إنتي كاتبة تاريخ ولادة 24/10 كييييييييييييف ؟؟؟ ولا خطأ مطبعي

على فكرة إنتي شكلك كاتبة تاريخ أول يوم من آخر دورة صح ؟؟؟؟

والأحلى إنك وياي وأخيرا حصلت أحد بيولد معاي .. تصدقي شكلنا ما فيه فرق بينا أنا بعد في الأسبوع ال25 وتاريخ آخر دورة كان 23/10 وولادتي المتوقعة نهاية يوليو يوم 30/7

وبعدين كيييف ما خبروك عن الجنس لين الحين ، غريبة والله بالغرم من إنه مبين الحين أكثر .. وبعدين شو ناطرة سيري فحصي عشان تزهبي حالك صحيح هو بدري بس مثل ما قلتي الأفضل قبل الثقل والحر بنت الحلال ..


بالنسبة للحركة عندي العكس .. بنتي فديتها صايرة نشيطة حتى تقومني في عز نومتي .. بس ممكن يا حلوة تلاقين أيام فيها خمول في الحركة ما له داعي هالقلق .. وإن شاء الله تطمنينا برفسات البيبي اليوم

sounya:
صح زعلانة منكم محد باركلي يوم دشيت السابع :( :( بس يلا باركوني يوم بدش ثامن خخخخخخخخ
تصدقوا احس الايام ماتمر يلا ابي اوصل التاسع واولد

هلا سوسو مو أخبار شهودة

تو أنا عاد بو زعلت منش .. أقول رجعي بعدش ورا كم صفحة وشوفي من بو باركلش

فديتك ما نسيناش أبد ..

والأيام نبغاها تمر مرور سريع طبعا وإن شاء الله نغمض ونفتح ونشوف الأيام تمر ..ونتلاقى في رابطة الأمهات

sounya:
صباح الخير بناااااات ..
بنات الم الظهر ماراضي يخف عندي بالعكس يزيد ويزيد ..الم الرجول خف كثير صرت احط فازلين كمية كبيرة واسوي مساج كل ليلة والحمدلله نجحت هالفكرة والم خف كثيييييييير ..بس الم الظهر لاحول ولا قوة الا بالله.. واليوم عندي الم شديد ببطني بعد.. بروح الدكتور بعد شوي عندي موعد ..امانة كل وحدة تدعيلي .. خايفة كثييير :(
اشوفكم على خير

سلااااااااااااااااااامااااااااااااااااااااااااات وما تشوفين شر

مسلمه..وافتخر:
مراحب حبايبي

كيفكم
وكيف بيبياتكم


اعذروني الايام اللي فاتت ما ارد
يعني ادخل اقرى واطلع
والحمد لله الواجبات ما تجمعت علي

اذا قريت احس بصداع شديييد والم بالكتف

وكل ما قريت شيء قلت برد
واذا جيت ارد
اتعب

الله يعين ان شاء الله

هلا بمسلمة

ألف سلامة عليك يا حبيبتي ما تشوفين شر الصداع

ودخولك صار ضروري يعني الحين دشينا الفترة الأخيرة صرتوا تتكاسلون

المهم نحن نراعي سلامة كل وحدة فيكم والمهم بيباتكم

الله يعين الجميع

ام النوح:
صباح الخير حوامللللللللللللللللللللللللللللللللللللللللللللل

شخباركم اليوم ان شاء الله تمام وشخبار الحمال وياكم بديتون تثقلون ولا للحين خفاف بصراحة اني صرت ثقلية ( وهذا من قبل الحمل طبعا:gum: :gum: ) بس ما اقدر اتحرك من هني الى هني الا ما قدرت اتنفس واقعد انافخ فترة طويلة.

وشكلكم يا بنات كلكم شريتون اغراض البيبي الا انيييييييييييييييييييييييييييييييي:sad: :sad:

ياالله ما عليه الشهر الجاي ان شاء الله بلحقكم.

وبسالكم بنات مو خاطركم يجي الشهر التاسع بسرعة وتقومون بالسلامة وتشوفون البيبي قدامكم اني خاطري عدل واحس المدة الباقية طويلة:qaq: يالله الله يصبرنا ونقضيها على خير ان شاء الله

اودعكم الحين بنات ولنا لقاء قريب :shy: :shy:

هلا بالغالية ام النوح,,,

شخبارج وشخبار الحمل معاج,,, انا عني كل شي تمام,,,

يالله يالله شو ناطرة لازم تبدين ,,

انا عني ابغي اولد اليوم قبل باجر ,,, ابغي اشوف بنوتي حبيبتي :shy: :shy:

SHREEFA:
السلام عليكم
اول شي ام المهند اليوم مارديتي على البنات بس هم الواجب وااااااااااااااااااااااااااايد ماشاء الله الله يزيد نشاط بنات الرابطة ويبارك فيها يارب
اجاوبج على سؤالج انا زدت 5 كيلو لحدالحين
وانشاءالله ما ازيد وايد
والله يكون في عونج على الدوام وباجر ناطرين ردودج

بخصوص السؤال
اللي سأل كيف نعرف كل وحده انها ولدت ....؟
اقتراح اذا توافقون عليه واو لا شي راجع لكم
بما اننا اخوات وصديقات منذ سبعة شهور ونحن يوميا مع بعضنا البعض
هل توافقون ان يتم تبادل هواتفنا النقالة او شي صعب عليكم
فلكم مطلق الحرية وابي اعرف رأيكم بالموضوع

دمتم سالمين
اختكم شريفة

هلا بشوشو والواجب طويييل فعلا وفوق هذا وبرغم نفسيتي الزفته إلا إني ما أستغنى عنكم أبد وهذا أنا أجني ضريبة تأخري في كتابة الواجب .. بس كله فدوة لعيونكم ..

بالنسبة لزيادة الوزن إنتي زدتي عني بكيلو تقريبا .. بس تعتقدي هالزيادة زينة ؟؟ مدري في المهند يمكن عشان ولد كانت الزيادة فضيييييعة بسبب الإنتفاخات وترسبات السوائل والضغط بعد .. زدت 18 كيلو لنهاية الحمل تصدقي بس قدرت أرجع وزني في فترة النفاس الحمد لله .. هالمرة حاسة كل شي غير والحمد لله لا إنتفاخات ولا بلاوي الضغط عافانا وعافاكم الله .. بس هم أحس زيادة 4 كيلو شوية وأنا شوية وبدش السابع ..

أما عن إقتراحك فهو بصراحة اللي انا كنت يالسة أفكر فيه ، بس منعني الإحراج وقلت أخاف لا تهبون في ويهي خخخخخخخخخخخ .. وعني انا فموافقة وفي إنتظار موافقة باقي البنات وطبعا كل وحدة حسب رأيها .. من هنا نتطمن على بعض حزة الولادة ، ومن هنا نشوف علوم بعض وقت النفاس حتى لو ما دشينا النت ..

الله ينور عليك ونحن فعلا صارت بينا عشرة وفهمنا بعض ولله الحمد

elsherog:
صبــــــــــــــــــــــــــــــــــاح الخير ياحلووووووووووووووات ................
شوووووو اخباركم وانشالله تمام وكيف الصغار الحلووووووووووووين .......
وش اخبار الحمل معكم ..........وكيف حركة البيبي ماشاءالله تبارك الله انا صرت اشوف احيانا ملابسي تتحرك اذا تحرك النونو بقوه .,....
حبيباتي حبيت ابشركم .............................>>>>>>








وش تتوقعووووووووووووووووووووووووووووووون
:
:
:
شريت ملابس النونوووووووووووووووو (بدووووووووووووووووووري)

بس من جد يابنات عندي لكم نصيحه انا من اول الحمل وانا ناويه اجهز من مذركير ومافي في بالي غيره ولكن .............................................قالتلي وحدي من البنات عن سيتي بلازاbaby shop) ورحتله من جد مرررررررررررررررررررررررررررره خطير لايفوتكم
عنده أشياء روعه للبيبي واحلى بكثير من مذركير الوام كثير ورسمات روعه
عنده مهاد وطاقيه للشعر وبدله ومريله وقفازات لليدين وفنايل كلها نفس الرسمه والون ...
وغير كذا عندهم شنطة ملابس النون وشنطة الحليب والرضعات ومدس وسله لاغراض النونو ومفرش السرير كلها طقم من جد شيييييييييييييييييييي خطيـــــــــــــــــــــــــــــــــــــــر
لاتقولون ماقالت ام بدر ..............................اللهم بلغت
هههههههههههههههههههههههههههههههههههههههههههههههه:)
واشوفكم على خير

هلا بأختي الشروق يا سلاااام على بدوري يستاهل الملابس ويتهنى فيهم آمييين .. وملبوس العافية يا رب

الأماكن اللي ذكرتيها لسه ما مشيتها وفيه أشياء مأجلتنها قلت بشتريها من هناك .. وفعلا اللي يدش هناك وده يشتري كل شي يتعلق بالبيبيات ..

وهذا بدوري بيستانس الحين وأمه يا ترى شو زهبت لحالها ؟؟

sounya:
صباح الخير بناااااات ..
بنات الم الظهر ماراضي يخف عندي بالعكس يزيد ويزيد ..الم الرجول خف كثير صرت احط فازلين كمية كبيرة واسوي مساج كل ليلة والحمدلله نجحت هالفكرة والم خف كثيييييييير ..بس الم الظهر لاحول ولا قوة الا بالله.. واليوم عندي الم شديد ببطني بعد.. بروح الدكتور بعد شوي عندي موعد ..امانة كل وحدة تدعيلي .. خايفة كثييير :(
اشوفكم على خير

ربي يشافيك يا سوسو ويعافيك .. طمننيا عليك وهذي هي الشهور الأخيرة بدت تعمل فينا عمايل خخخخخخخخخ الله يستر علينا يا رب ويعديها على خير قولوا آمييين

UMABDULRAHMAN:
[grade="00BFFF 4169E1 0000FF"]


ام المهند ايش رايك نبدى نسوي لنا بيزنز خاص فينا

هو تجهيز جلابيات النفاس
واطقم البيبي واغطيته
والكفرات
اللي تكون كلها قريبة من بعض
في الالوان
نوردهم من الامارات
ايش رايك بيكون ناجح المشروع 50% مبدئيا على الاقل[/grade]

هلا بأم فجورة مو صبحتي يو الحبة ... ضيوفي أمس هم بو جابولي ذا الوجع يمكن خخخخخخخخ .. الحمد لله كل شي عدا بسلام وراحوا مستانسين ..

وبعدين مو سالفة هذا البزنس بو جا في بالش تو ، من جد تتكلمي بنية ..

يالله يا أم المهند

مو كفايه أنش متأخره


شدي الهمه وحلى الواااااجب هههههههه



الله يعينك ويعين اللي جاااااااي بعدك

UMABDULRAHMAN:
[grade="00BFFF 4169E1 0000FF"]الحوامل اللي مو بكريات " سونيا ومسلمة وغيرهن لا تطشن بالنص ترا الواجب ما موجه حالكن "

سؤال لكم
والاجابة غصب مو بكيفكن


س: هل جربتن الخياطة لما كنت بكريات؟؟

جربناها وهو شر لا بد منه ..

س: ويش هي خطواتها يعني تحسين فيها وانتي يخطوك؟؟؟

خخخخخخخخخ الله يخس إبليسش .. ذكرتينا باللذي مضى ، ما بتحسي حبوبة لأن المنطقة تكون مخدرة بإبرة قبل بس بعد التخدير بتحسي بنغزات وتكيمة خخخخخ

س: الم ما بعد الخياطة كيف استحملتيه؟؟؟

عادي هو ما ألم فضييييع لا بالعكس ألم عادي ويورح خلال 3 أيام الأولى لا تحاتي ولا تخافي

س: ايش فوائدها وسلبياتها؟؟

فوايدها بعدين بتعرفيها خخخخخ لا تدخلينا في السياسة بس تحتاجها البكر لأن شي طبيعي بيشطروها البكر يعني يقصوا شوية من تحت توسيع للمهبل وهذا أمر بعد ما راح تحسي فيه ، وهم بيخيطوا المكان اللي شطروه فقط وصدقيني ما فيه شي يخوف ولا تحاولي تقري الأمور المتعلقة بهالموضوع واجد ولا بتتعقدي بنت الحلال خلي الأمور تمشي لحالها وبتقولي أم المهند قالت .. بالنسبة لسلبياتها ممكن تعمل إلتهاب وما تلتئم بسهولة بالذات إذا المكان ما يتنشف يعني دايما رطب ، بس أطمنك بعد إن عندنا في عمان وبفضل خلطاتنا ما راح تشوفي بعينش هالإلتهاب بالعكس بيلتئم بسرررررعة ، ولا تحاولي تقومي فجأة من جلستش وإنتي الخيوط لازالت فيش تراه ممكن المنطقة تنشد والخيوط تجرحش ..


انتظر الرد لاني محتارة ولما اقرا عن الخياطة اخافها....بصراحة

والسمووووووووووحــــــــــــــــــــــة

يمكن يكون اسئلة فيها احراج بس بغيت اعرف قبل ما اجرب وااااااااااي؟؟

مثل ما قلتلش ما له داعي الخوف أبددا وخذيها مني لا تعقدي نفسش أبدا ، وتراه الخياطة مفيدة تساعد في رجوعش زي أول قبل الولادة يعني ما بيكون فيه توسع كبير أو اللي بالي بالك ..

[/grade]

ام المهند ومودي


شخبار اللوعه ألحين ؟؟؟؟


أخذي برأى أم فجوري وروحي بدليهاااا


والله أقولج خذيلج بريك ساعه وروحي غسليهااااا ههههه


وحطيها تحت مجفف اليد بتجف بسرعه لا تخافي





***********************************




خبر طاااااازااااا



وأني أكتب لكم ألحين قاعده أسمع نشره الاخبار بالبحرين


ومن ظمنها أحصائيات لنساء حواااامل



ومن خلال النتائج أكتشفوا ان اكل الحامل للتفاح يحمي الجنين


من الاصابه بمرض الربو بنسبه عااااااليه بس ماركزت عليهااا

هلا بالغالية ام عبدالرحمن,,,

شخبارج وشخبار الحمل معاج,,,

ان شا الله اول ما أخلص التجهيزات بنزل الصور,,,

وبالنسبة للبزنس ترى ان شا الله يكون ناجح,,,

إلا قوليلي كيف نزلت الصور؟؟؟؟

وهاذي أجوبتي على أسألتج,,,,

س: هل جربتن الخياطة لما كنت بكريات؟؟

جربتها بحملي السابق,,

س: ويش هي خطواتها يعني تحسين فيها وانتي يخطوك؟؟؟

أول ما يوصل اتساع عنق الرحم 9 سم ويبدأ يطلع راس البيبي يسوون جرح بسيط ويوسع العنق أكثر ,,,, وبعد الولادة ب 5 دقائق يسوولك خياطة,,, الصراحة ما عرفت أنهم سوولس خياطة إلا
بعد ما خلصت الدكتورة ,,, سألتها شو سويتي قالت خياطة,,, انصدمت ما حسيت بشي أبدا,,,

س: الم ما بعد الخياطة كيف استحملتيه؟؟؟

بالكثير أسبوع أو عشر أيام ويروح بس موذاك الزود ألم,,, بس وقت ما تجلسين وتقومين

س: ايش فوائدها وسلبياتها؟؟

فوائدها ترجعين كأنك بكر يكون المهبل ضيق,,, سلبياتها الألم في البداية

س: هذا سؤال للي عندهم قبل عيال بعدد 2 مثل احلى شوق
اذا جربتي الخياطة بعيد عنك ..فهل في الولادة الثانية واجهتي صعوبة بسببها
وما انفتح الرحم بسببها ؟؟؟

انا شخصيا ما جربتها هالمرة بشوف ,,, بس خواتي ما شا الله عندهم كل وحدة 3 عيال وقالولي
عادي في الولادة الثانية يتوسع الرحم في مدة أقل من الولادة الأولى

UMABDULRAHMAN:
[grade="00BFFF 4169E1 0000FF"]



يا مكثر الرؤس عندك اللي تهز
كل هذا متلوعة

ولا يهمك
روحي بدلي الشيلة مع وحدة من البنات
او ردي البيت بدليها وردي الدوام
عشان تكون كذا:bigsmile:

سلامتك ام المهند
ترا والله الروايح تعدل المود او تخربه

****[/grade]

أسميش جبتي أفضل الحلول عاد ما نقيتي غير إني أغير الشيلة هذا بو ناقص خخخخخخخخخ بيقول المدير هذي جالسة تتلبس لي تخيلي

أحلى شهد:
يالله يا أم المهند

مو كفايه أنش متأخره


شدي الهمه وحلى الواااااجب هههههههه



الله يعينك ويعين اللي جاااااااي بعدك

هلا فديتك أم علاوي شخبارك يا عمري

أنا متأخرة وشديت الهمة ولله الحمد وحليت الواجب بسرعة بسرعة وما بقى لي شي هاهاهاي

الله يعين اللي جاي عقبنا

أم المهند:
صبااااح الأنواااار

ياالله كيف الواجب طويييييييييييييييييل :gum: :gum:

فديتكم بنات أخباركم وعلومكم وحدة وحدة ..:clap:

أسفة ما دشيت بدري تأخرت عليكم ، بصراحة اليوم مداومة ونفسيتي زفتة :sad: حتى مالي خلق للشغل ما أعرف إيش السبب :no: :no: .. حاسة بخمول ومسوية اليوم عطر ملوعني بربكم :pain: :pain: :pain: :pain: رحت وقلبت شيلتي بس ماشي فايدة .. :no: :no:

حاسة معدتي متقلبة لا جوعانة ولا شبعانة :think: <<<<< شكلي رجع لي وحام الشهور الأولى :eek2:

وفوق هذا حاسة بلوعان:pain: ، شربت عصير برتقال وماشي فايدة :no: .. بس الأكيد إن العطر اللي حاطته مسبب لي هالأزمة :think: :think: ..

وبصراحة الواجب طويييل فعلا لكن برد عليكم ما يكفي أمس ما رديت:bigsmile: هذا هو تراكم علي خخخخخخخخ :angry:

بسولف وياكم ع الأقل يمكن هالشي يروح مني:cool2: دعواتكم بنات ,.

يا هلا بأم المهند,,,

الله يعينج حبيبتي,,,,

انا يجيني هذا الشعور وكأنه الوحام رجع مرة ثانية,,,

بس يالله هانت ما شي باقي,,,

[grade="00BFFF 4169E1 0000FF"]البيزنس يا ام المهند

والله انه دق في بالي

لان وحدة من صاحباتي

قالت ودها تستقيل

وتعمل لها بيزنس

يعني

تجيب عبايات من الامارات

وانتي عاد تعرفي الامارات وعبيهم

يعني في عمان تكون شئ مرة

وبما انه فكرة الجلابيات وتجهيزات البيبي جديدة

يالله حلوووووووووووو حد يفكر فيها

بس اكيد ما انا،،،

بس اعتقد انه في عندنا حريم يجهزوا سلة ويزينوها للبيبي
وعلبة الكلينكس وعلاقة للحفاظات البيبي

اما عاد الجلابية للحرمة وغطاء البيبي والكفرات هذي الجديدة

يمكن مستقبلا بسويها،،،[/grade]

أحلى شهد:
ام المهند ومودي


شخبار اللوعه ألحين ؟؟؟؟


أخذي برأى أم فجوري وروحي بدليهاااا


والله أقولج خذيلج بريك ساعه وروحي غسليهااااا ههههه


وحطيها تحت مجفف اليد بتجف بسرعه لا تخافي





***********************************




خبر طاااااازااااا



وأني أكتب لكم ألحين قاعده أسمع نشره الاخبار بالبحرين


ومن ظمنها أحصائيات لنساء حواااامل



ومن خلال النتائج أكتشفوا ان اكل الحامل للتفاح يحمي الجنين


من الاصابه بمرض الربو بنسبه عااااااليه بس ماركزت عليهااا

لا يا شهودة إقتراح أم الجوري شوية محرج خخخخخخخخخخخخ وشوفي ردي لها ..

بالنسبة للمعلومة اللي إنتي قريتيها ، فعلاااااااا أمس كانت في خبر صحيفتنا
ومشكورة ع التذكير ومن اليوم بناكل تفاح ، فديتهم اليهال بأول شهورهم تلاقينهم كله صدرهم زخة ومن هالقبيل .. الله يشافي ويعافي أولادنا قولوا آمييين ..

رميثية:
يا هلا بأم المهند,,,

الله يعينج حبيبتي,,,,

انا يجيني هذا الشعور وكأنه الوحام رجع مرة ثانية,,,

بس يالله هانت ما شي باقي,,,

هلا بالغالية رميثية .. كيفك يا قلبي

إيه والله سكتي اليوم عاد كان يوم غريب .. مدري شو السالفة والله اللوعة لازالت موجودة شكلي حاسة أريد أرجع تكرمي

متى تعدي الأيام بسرعة ، ونرتاح بس يالله كله بأجرة بنت الحلال والله يشافينا جميع يا رب