حوامل شهر يوليو 2007

مراحب بحواملنا
شلونكم عساكم على القوة دوم يارب

تذكرتوني ؟؟؟؟؟ صار لي مدة غايبة عنكم بسبب انقطاع النت في شقتي وفي بيت الوالد بعد (متفقين )

عيني عورتني وانا اقرأ اخباركم الي طافتني ... ماشاء الله الرابطة بتصير رابطة النواعم اكثر من الاولاد
عني للحين ماعرفت شنو فيني .. بخبركم لما اعرف

بنات الي عندها خبرة تقول لي ... عندي الم اسفل العمود الفقري وما اقدر ارتز وايد .. عادي ولا لا
طمنوني لان موعدي الاسبوع الجاي

وشنو سالفة التطعيم ماطعموني ؟؟؟؟ ههههه

اشوفكم على خير

أحلى صباح لاحلى أم المهند


شخبارش يالغاليه ووين عنا اليوم وباقي العضوات مالهم صوت


شخبارج ياعمري وشخبار المهند الصغير وشخبار العنونو الصغيره


والله يسلمك ياعمري والشر مايجيك أبدااااا

هلا وغلا بالعزيزه كربلا



ولو ياعمري كيف مانتذكرك وصدقتي يا أختي هذي رابطه النواعم


وجنس البيبي أني وياش للحين ماعرفنا جنس البيبي ويارب يارب الله يحقق اللي ببالنا



وسالفه الالم ما انصحك تنتظري للأسبوع الجاااااي فتلاحقي على نفسج وروحي أتطمنى



وبعد التطعيم مثل حالتك للحين ماطعموني والله يستر

[grade="00BFFF 4169E1 0000FF"]مرحبا بأحلى حوامل :

انا هنا يا ام المهند ..هينش " وينك " انتي
مو اخبار الرحمة عندكم
غرقانة القرم مرة
*****
انتي خذيتي اجازة في نفس يوم المطر
اما اختش لا لا لا
مع اني من اول ما ركبت السيارة وقلبي قابضني
قلت بروح من الشارع العام وما يصير الا كل خير
وطلع الشارع العام وبالاصح دوار العذيبة اللي عند مسجد قابوس الاكبر غرقان
عاد انا من كثر ما خضت بالسيارة تمت تطلع لي دخان ابيض من قدام المكينة
وركنت بوسط الدوار وموقفة السيد وراي...احرص " انتظر يعني" السيارة تنفجر
مع انها كملت بس سنة من طلعتها من الوكالة..فوادي يعورني عليها
وعاد بغيت القى مدخل لمكان شغلي بدون ما اخوض وادي ....خبر خير
من كثر الرطوبة ما تشوفي خير شر...
وغير عن كذا الطريق بين بيتنا والدوام كلها نص ساعة
وذاك اليوم جلست ساعتين وشئ عشان اوصل العمل ..انكسر ظهري ...وغير انه حصرانة
ويوم وصلت ما غاضني غير انه الموظفين معظمهم ما جاين
وموظف الامن يقول لو تردي البيت " ما شفت عمري غير هبيت فيه وقلت له انا عانيت عشان
اوصل ومستحيل ارد"
بعدها لقينا مكاتبنا تسبح والله من المطر داخل لهم من البلكونات
عاد بنات الدوام قرروا انهم يحطوا سيارتهم ويردوا في باص كلهم اللي نسكن في نفس الصوب
وردينا مال الساعة عشرة
كانت حالة صدق

وكملتها امس خذيت لي اجازة لاني تعبت نفسيا صدق
*****
وانا يا ام المهند اشتغل اخصائية نظم معلومات
في الهيئة العامة للصناعات الحرفية..
وانتي وين تشتغلي
****
باكر علي موعد عشان يشوفوا سكري الحمل بالمركز الصحي
يعني ما بأكل شئ لحد ما اشرب هذاك الماي السكري
والله يعين عسى يطلع بايجاب تراني اكل ووواجد جلو
****[/grade]

صباح الخير أنا بصراحة كل ساعة والثانية أفتح الرابطة وما أشوف حد مليت أسولف وحدي

كربلاء شخبارك عزيزتي وكيف ننساك الغالية كل بنات الرابطة في القلوب .. بس الأكيد إنا فقدناك حيييل .

وألف سلامة عليك ما تشوفين شر يالعزيزة ، وطبيعي تحسين بمثل هذي الآلام من الآن وصاعدا فما له داعي القلق وهذا بسبب كبر الجنين شوي شوي ..

بس ما يمنع إنك تسألي الدكتورة والأهم شوفي طريقة جلوسك السليمة ونومتك بعد

ألف سلامة مرة ثانية وطمنينا عليك

شهودة الغالية أنا بخير والعيال بعد هههههههه إنتي شو أخبارك

أقول شهودة مو كنك صايرة بخيلة في السوالف خخخخخخخخخخخخ كلمتين وطالعة ع السريع خير يا كافي الشر ؟؟

المهم أنا ودي أعرف شو مصبرك ومأخرك على معرفة جنس البيبي ، ولا قررتي تعرفين حزة الولادة ؟؟؟

المهم طمنينا عليك وتراه جد جد إشتقنا لهذرتكم ..

شكلكم كسلتوا مررة ع الشهور الأخيرة والمفروض نحن في هالفترة نناقش موضوع التجهيزات عشان نستفيد من خبرات بعض ولا شو رايك

[grade="00BFFF 4169E1 0000FF"]مبروووك عليج حبيبتي مسلمة وافتخر


الولد

الله يحفظه ويجعله من الصالحين

ويتربى في عزكم

وعقبال ما تحضنيه بين ايدينك

ويرزقك المرة الجاية بنووووووتة ،،،[/grade]

أم فجورة أسفرت وأنورت يا حي ومسهلة مو الأخبار .. نحن بخير الله يسلمك والرحمة بادة على قولتهم .. بصراحة كانت أمطار خير ولله الحمد بس نوب المخاسير المادية والبشرية ما شوية الله يعينا وما يصيبنا مكروه ويجعلها أمطار نعمة قولي آمين .. سمعت إنه مستمر في بعض المناطق على الله يمر مرة ثانية ونأجز خخخخخخخخ ...

تصدقي أم فجورة والله ما عندش سالفة أبغى أعرف مو شاقينك تروحي الدوام على ذيك البهدلة ، ولا بعد صارت لش مواقف خخخخخخخخخ أسميش إنفضحتي فضيحة .. وكيف السيارة تو مو علومها ..
تعرفي إن أغلب الموظفين ما داوموا ذاك اليوم وأخذوا إجازات إجبارية أمثالنا نحن والأحلى إنهم إعتبروها كأننا مداومين يعني لاإضطراري ولا هم يحزنون ..

أنا بصراحة كنت زاهبة ولابسة عبايتي عاد وباص المهند تأخر والمطر تبارك الرحمن ما توقف وتشكلت الدنيا ضباب من زود المطر سبحان الله .. قلت أنا بشلك اليوم لكن تخيلي عشان أطلع من البيت أروح للسيارة ما قادرة خفت على المهند أكثر وعلى بو في بطني نوب خخخخخخخخخخخ .. فإنتظرته يخف ماشي وهو يزيد وهو يزيد وأخيرا مسكت ولدي من يده ورحنا البيت وقلت اليوم بنأجز أنا وإنت وبصراحة حياة المواطن ما رخيصة عشان خاطر الدوام وقمت أجيب حال نفسي من ذيك الشعارات تخيلي هههههههههههههههه .. وفسخت عبايتي وبدلت ثيابي وجلسنا نترقب المطر من البلكونة أنا وولدي .. إتصل في الدوام وخبرتهم إني ما بقدر أجي في ظل هذي الظروف واللي زاد الموضوع حلاوة إن الشوارع سكروها بعد خخخخخخخخخخ يعني ما شي طلعة أبدا وأختي إتصلت تحذرني وأمي أوين متوشلين علي لا أخوض في هذا المطر قلتلهم ما تعلموا اليتيم البكاء أنا طنشت ..

المهم إستمتعت الجو والإجازة والراحة أنا والمهند وداومت أمس وتفاجأت بأن ثلاثة أرباع الموظفين محد خخخخخخخخ ولاااا حسبوا لنا إياها كأننا مداومين وااااو ...


وهذي علومي طبعا القرم غرقت ع الأخر كالعادة وادي عدي يعملها فينا بس الحمد لله على كل حال ..


بالنسبة لموعدش بكرة فحص السكري صح ذكرتيني والله هو هذا وقته لاه ؟؟؟

لأن الدكتورة ما عطتني موعد علين تو !!

المهم الله يعطيش العافية وإن شاء الله كل شي تمام .. تراه يقولوا بو تجيب بنت كانت تكثر حلويات خخخخخخخخ وإنتي شكلش كذاك .

صح أم عبدالرحمن وظيفتش حلوة وراقية بعد والمكان حلو مدام السيابية فيه ..

أنا الله يسلمش أشتغل في هيئة دبلوماسية ( مجلس التعاون ) تابعة لوزارة الخارجية أو بالمعنى الأصح وزارة الخارجية كفيلتنا لأن في العمل فيه موظفين من دول مجلس التعاون أعتقد تعرفي أو فهمتي أنا وين صح ؟؟ مكاننا بمدينة الإعلام يعني 5 دقايق من بيتي خخخخخخخخ


ووظيفتي يا طويلة العمر هي منسقة مكتب المدير العام وهو سعودي الجنسية وحاليا مفتكة منه محد هو في إجازة مدة شهر بيداوم يوم 26 / 3

والحمد لله إجمالا مرتاحة ومستانسة في الدوام ولي خصوصيتي ومكتبي الخاص ..

[grade="00BFFF 4169E1 0000FF"]ام المهند ترا يوم كنت طالعة للداوم واخواني بعد طالعين في سيارة ثانية
يعني قلنا نفافتين ويخفوا... مو على بالنا ابدا انه بيدوم ما شاء الله ثلاث او اربع
ساعات ويغرق الدنيا،،،
اختي اتصلت عليها المديرة من المدرسة وكان في الموالح
وقالت لها ما في داوم واخوي قال عقب هاذي واحدة انتي ما تروحي انا ما بروح
يوم ما اتصلوا علي عاد انا المتصربعة كنت عند دوار المطار يعني قاطعة شوط عاد اي لفة بتردني
ما شئ غير اني اكمل الطريق،،،، ودمعتي في عيووووني " ابى ارجع وما قادرة"
انتي استمتعي الحبة الله يدوووومه عليش
لكــــــــن انا صارت فيني عقدة منخفضات جوية،،،
والله في الطريق وانا افكر تو انا مو مخليني اغامر
من حب الشغل اللي ما يخلص،،،

خلاص توبة[/grade]

صح أم فجورة بغيت أخبرش إن المعرض اللي في السيب قالوا عنه إنه حلو وما حلو خخخخخخخخ البنات اللي عندنا في العمل راحن ونصحوني أ{وح أوين فيه أكشاك السوريين اللي يبيعوا حاجات للبيي وفيه شغلات وحركات حلوة وبكرة آخر يوم ..

أنا رايحة بكرة بإذن الله بيكون أخف لإنه الأربعاء ويكيند لاه وحلاة التسوق فيه ..

قلت أخبرش إذا تبغي تروحي ما باقي وقت .. أحيدش تسألي عنهم ذولا السوريين .. سيري يو الحبة تقوضي من عندهم

[grade="00BFFF 4169E1 0000FF"]بتروحي انتي ام المهند
بشوف خواتي اذا بيروحوا بروح،،،
لان بالفعل السوريين عندهم ملابس داخلية قطنية وشالات للبيبيات،،
يعني فرصة [/grade]

أنا والله بروح بإذن الله وبشوف عجبني شي إشتريت ما عجبني ما خسرانة شي على قولتهم Time Pass

[grade="00BFFF 4169E1 0000FF"]لا لا ما منك يا دبلوماسية

تراش خطيرة في كلامش

ما من شوية حاطينش هناك

تبارك الرحمن،،،[/grade]

خخخخخخخ .. واابوي سكتي عن تفضحينا تراه في المنتدى بنات من العمل يدخلن نوب ..

الحمد لله على كل حال وإنتيه بنت الحلال ما أقل نوب ما شاء الله ، الله يسعدك دايما يا رب ويهون عليش ضغط العمل يااا رب ..

[grade="00BFFF 4169E1 0000FF"]انتي لو حاطة تعريف غير عن تعريف ام المهند
بيكون احسن
محد بيعرفك[/grade]

شهودة مبرووك حبيبتي شكلك حسب التوقيع دشيتي السابع اليوم صح ؟؟؟

يااا اللله رااح الكثير وما باقي الا القليل

وأنا بما إني بولد آخر وحدة حسب التوقع في 30/7 اليوم دشيت السادس

على فكرة في الأشعة عطوني موعد ولادة 5/8 خخخخخخخخخخخخ والله أعلم

المهم صحتنا وصحة البيبي بعد ...

الله يعطيكم العافية يا رب ويبشرنا بنهاية الحمل بسرعة

تراه يا أم عبدالرحمن المشكلة إني أنا بو عزمتنهن على هذا المنتدى

خخخخخخخخخ هذا هو المثل بو يقول ( سَمِّنْ كلبك يأكلك )


وفكرت أغير النك بس خلاص البنات تعودوا على إسمي هذا مو نسوي ..

وييين شريفة ومسلمة وسونيا

وفيه بنات دشوا الرابطة مؤخرا وما عادوا مرة خير إن شاء الله ..

محد مخلص غيري وأم فجورة وبعض الأحيان مسلمة في هذي الرابطة يالله بنات شدوا الهمم بغينا أفكار للتجهيزات ..

افسحوااااااااااا الطريق شهوده جت وقرأت كل سوالفكم يا أم المهند وأم فجر



ما شاء الله عليكم طاقينها سوالف من ورانااااااااا



وش سالفه هالأمطار اللي هابع عليكم والله يعطينا نصف اللي عطاكم



ذاك اليوم كلها طشاشه مطر والسلام والجو هاليومين أشوي أحسن عن قبل


بس باين عليكم عندكم مطر أستمر لساعات تبارك الرحمن