malaak:
السلام عليكم ورحمة الله وبركاته
كيفكم اخواتي ان شاء الله تمام
ام المهند وااااااااااااااااااااااااااااجد فرحتيني بها الأخبار الحلوة ألف مبروووووووووووووك عيوني و الله يجعلها من الذرية الصالحة الكاملة النمو ليس بخلقتها زيادة أو نقصان يا رب العالمين والله ييسر عليك طلقها والله يحسن خلقها وخلقتها يا رب العالمين
وانا كثير حبيت مناقشتكم عن موضوع الولادة بمسقط او خولة لأن ها الموضوع كثير مسويلي لف ودوره راس
اغلب بنات الاهل الحين يولدوا في مسقط والكل يمدح فيه ويشكر عليه
بس كثير بعدين يخوفوني ان وقت الحالات الطارئة ما ما يقدروا يتصرفوا فالحين ايش الحل ؟؟؟؟؟؟؟؟؟؟؟؟؟؟؟؟؟
الكل يسب بسوء معاملة الممرضات بخولة وانهم يخلوا الوحده تكره نفسها لانها تولد من سخافتهم ؟؟؟؟؟؟؟ بس الكل يمدح ممرضات مسقط والاهتمام بالحامل وابنها
انا الحين كل مراجعاتي بمستشفى مسقط مع الدكتورة زلينا بس هي قالتلي انها بتسافر حسب ما فهمت من كلامها على شهر 5 فاذا فعلا سافرت راح انقل ملفي ان شاء الله عند رولا لأن الكل يمدحها وانا الحين مستمرة على زلينا لآني مرتاحة مع تعاملها كثير
فما ادري بنات عمان الي عندهم خبره على ايش ناويين ؟؟؟؟؟؟؟؟؟؟؟؟؟؟
والأخت sounya عشان مو
هلا بملوكة الحبوبة مو الأخبار وبعدين تعالي هنا إنتي ليش داشة رابطتنا هاه خخخخخخخ وا شفتي تجمع لبعض العمانيات قلتي أكون ملقوفة ههههه يو حبتي إنتيه فاهمة فاهمة وحي الله فيك ومسهلة any time .. ملوكة أقول مبروك مرة ثانية عليك الحمل وعلى فكرة أنا اللي فرحت لك موووت بعد من من الله عليك بالحمل .. الله يثبته يا رب ويسهل عليك حمله وولادته آميين يا رب العالمين .
ومشكورة يا بعد عمري على مشاعرك الطيبة والله ينولك اللي ببالك يا رب ويرزقك ما تتمنين والأهم صحته وعافيته يا رب ..
بالنسبة للرسالة حبيبتي ما وصلني شي منك بالرغم من إني مفضية صندوق الرسايل عندي غريبة .. ما مشكلة سألي هنا إذا ما تحسي بإحراج وراح أجاوبك يالغالية ..
بصراحة ملوكة كلامش كله صح وهذا اللي مخليني مترددة نوعاً ما وشكلي في النهاية بولد في مستشفى خولة وباخذ لي غرفة خاصة مع صالتها والحمد لله دام إني بجيب بنت يعني ما بطول تنويم في المستشفى تعرفي الأولاد يأخرونا فيهم عشان موضوع الختان وما شابه ..
مستشفى مسقط مريح وعناية فائقة وووووو حتى النرسات زينات هناك بس شو نسوي أكره موضوع الإستعجال على الحامل بصراحة وأحس كل شي طبيعي يجي أحسن من التوتر اللي بيخلوك فيه .
وبالمناسبة مستشفى خولة النرسات ما أحسن عن نرسات مسقط الخاص بس فيه نوع من التصرف بحيث إن الحامل وقت ولادتها لما تاخذ أمها وياها ممكن تدبرها أمها وتشلها تمشيها حتى قريب المستشفى أو في ممرات المستشفى نفسه صوب قسم الولادة ( طبعا هذا يكون بعيد عن نظر الرجال ) لين ما تجيها الزفرة وهذي ما يفهمها إلا اللي جربت الولادة وحتى البكر تعرفها الزفرة معناته الألم اللي كان يجي متقطع صار يجي دفعة وحدة وهاي معناته إن الرحم إنفتح كامل هنا ممكن تدشين عند مكان الولادة مباشرة وتريحي نفسك من هم النرسات وتفتيشهن ذاك المكان كل دقيقة وبهدلتهن للحامل . ( عشان كذا ننصح بأخذ الأم عند ساعة الولادة ) لأنها تفهم أكثر وتحس في بنتها والأهم دعواتها يا جماعة اللي ما يردها رب العباد .
في مستشفى مسقط علاج الحامل أفضل بمليون مرررررة من المراكز الصحية لأن العناية أرحم وتدشين حسب موعدك بالضبط وما عليه زحمة ولا فوضى ، وبصراحة أنا ما أعالج عند طبيبة معينة يا ملوكة وحاليا طبيبتي هي الدكتورة ( بريتيما ) هندية من أصل بريطاني ، وسبق وتعالجت عند زلينا في بداية الحمل أما الدكتورة رولا ما رحت عندها أبد ولكن أغلب الحوامل يحبوا يتعالجوا عندها عشان كذا ما تحصلي موعد بالساهل معاها .
الله يعينا لين ذاك الوقت أختي ملوكة وما نستعجل نخلي الأمور تمشي ع حالها أحسن ولا شو رايك .