حوامل شهر يوليو 2007

SHREEFA:
مساكم الله بالخير يا حلوين شخباركم
شلون عيالكم وشلون اجنتكم :) ان شاء الله الكل بخير
انا الحمدلله بخير وبصحة وعافيه لاني ماخذه اجازة من الدوام :) والله يابنات الراحة واااايد حلوه
يالله علي بالعافيه

شلون حركة البيبي انا هاليومين احس انها بتحسن ان شاء الله ومنها للاحسن بعد
وبخصوص السفرجل امي مسكينه يابته لي بس ماحبيته بنات احسه قاسي وقت الاكل وناشف شويه
وطعمة ماحبيته واخيرا قعد على جبدي احس ان المعدة مارضت تهضمه كليته بس مره وحده وحبه وحده ان شاء الله فيها العافيه :)

احلى شهودة كيف الحال والله انا شكلي معاج بسالفة السواد هذا بس بعد ولادتي في المره الاولى كله راح مثل ماقالت ام المهند بس يبيله عنايه وانا خاشه العناية لبعد الولادة وان شاء الله راح اشتري لي كريمات وسنفرات وسوالف حلوه من الطبيعية
مع جهازي للولادة




بنات ودي اسألكم سؤال متى مفكرين تجهزون حق الولادة ....؟ انا ودي على الشهر الياي يعني على الشهر السادس ماقلتووولي ليش
اولا لان اكون بعد ماثقلت واايد وااايد يعني اقدر اروح السوق والتعب يكون اقل من الاشهر القادمة
ثانيا والاهم يكون الجو زين وربيع قبل الصيف والحر والموووووووووت آآآآآآآه
بس ابي اعرف جنس المولود بالاول
والله كريم ان شاء الله قولولي انتوا متى ناوين تجهزووون ..؟


وشلون بقية البنات مالهم طاري بس نسلم عليكم وبشرووونا وطمنووونا عليكم


دمتم سالمين
اختكم شريفة

كربلاء:
مراحب يا امهات
شخباركم وشخبار كروشاتكم

انا عن نفسي الامن مستتب هاليومين وعندي موعد بعد اسبوعين

بس بالنسبة للاناناس خوفتوني لاني من بداية حملي وانا طايحة فية ولا عندي خبر اكل المعلب واشرب عصير عادي بس الحين توني دريت انة مو زين
الظاهر البيبي ما تحرك للحين من الاناناس ( لا تتحججين ولدش كسول ) ههههه

الله وياكم

..جزلا..:
...مرحباااااااااا السلااام عليييكم.....حبيت انظم لهرااااابطه...لاني احس اني بستفيييييد منهاااا وااااااااااايد....انا دكتوري عطاااني مووعج ولادتي انشالله 3/7 باذن الله ,,,,

امممممممم ع حسااابي انا الحين بدش الشهر السادس...حركة البيبي واااضحة بشكل رااائع والحمدلله وافرح وااااااااااااايد لماا احسه يتحرك..فديته يااااربي...

امممممممم امااا عن جنسه....فقالي 80% بنوووته حلووه شرااتج ههههههههه والحمدلله فرحنا ع الولد والبنيه...لانه اول حمالي لي...من سنتييين ونص تقربيا...والحمدلله ...(رزقكم في السماء وما توعدوون..)

اممم احس بالام في ظهري مب واااييد ولا انه مؤلم...لكن ع فترات...مرات اخاف ومرااات اتووكل ع الله ف كل شي,..

شكلي طولت عليييكم اسفه....لكن بغيت اشاااركم...وتمنى تقبلووني وياااكم والسموووووووووووووحه

2m2m:

اهلين يا احلى حلوين
كيفكم و الله وحشتوني
معليش اتاخرت عليكم بس الاسبوع اللي فات اهل زوجي جوني البيت و انشغلت معاهم
و كمان عندي الام في اخر ظهري لدرجة اني ما اقدر اتحرك
اذا جلست ما اقدر اقوم الا بالقوة و كمان لمن اصلي يزيد الالم الله يخففه

اليوم الحمد لله احسن شويه .. بس ادعولي يروح الالم

شريفه تسلمي على سؤالك و انشاء الله تكوني ارتحتي لمن جربتي الكمون

لا والله ما اتنسى فيكم بس مع الناس اللي عندي في البيت و الم ظهري ما لحقت ادخل
ولا ترى وحشتني اخباركم وحكاويكم

شكرا على معلومة الاناناس انا ما كنت اعرف و صراحة اكلت كم مرة اناناس اول حملي بس لي فترة ما باكله

و على السفرجل انا مرة احبه و احب طعمه

احلى شهد , ام عبد الرحمن , ام سلمان , شريفه , elsherog , كربلاء ,بوكيه ورد , ام المهند ,مسلمة و افتخر
و كل الحوامل الحلوين انشاء الله تكونوا دايما بصحة و عافية

سونيا , جزلاء ,ظابية اهلين فيكم نورتوا الرابطة الحلوة حقتنا و ان شاء الله تنبسطوا فيها معانا

بوكيه ورد ان شاء الله ما تكوني زعلانه اكيدما نسيناكي و ان شاء الله دايما تطمنينا عليكي و على احلى بيبي

مسلمة و افتخر ماشاء الله عليكي كيف قدرتي تتحملي انك ما تعرفي لو انا مكانك ما حاقدر
المهم الله يعطيكي العافية و يرزقك الذرية الصالحة اللي تتمنيها

يلا يا حلوين اسيبكم دحين و انتو بخير و ان شاء الله ما اتاخر عليكم

بنت_عز99:
اشحالكم بنات العروووووووس ؟؟


انا كانت بدايه دورتي 4\9\2006....وخبروني بربي 13\6\2007
ان شاء الله وان الله اراد

ها اول حمل لي وانا ما كنت اعرف اصلا كيف الحرمه اتحمل وما كنت اعرف انه الحمل ايي بعد الدورة بكمن يوم
المهم انا ما يتني الدورة يمكن شهر كامل امي تمتاتقول انتي حامل وانا اقولها لا ويمكن من اول الشهر وانا اشتري تست الحمل قمت من ادخل الصيدليه الريال يعرفلي يجهز التست هههههههههههه
شكله قال هاي مب مصدقه عمرها
المهم كان اييني وجع ظهر غييييييييييير طبيعي ومزاجي كان متعكر دايما لين ما كنت مرة طالعه مع اختي حسيت انه ظهر انكسر علي دقت في راسي ان اشتري تست الحمل
وجربته في بيت امي وطلعت حامل ....تبون الصدق انا ما اعرف انا ليش كنت اصيح من الفرحه ولا عسب انا استعيلت في الحمل لانه انا حملت بعد 4 شهور من زواجي .... واللحين انا في نهايه الخامس ويوم ايرافس ابتسم لا اراديا حتى ساعات اللي وياي في الدوام يسؤلوني انتي ليش مبتسمه
بس استحي اقولهم الياهل يرا فس وياويلي عليه يوم اطري اسماعيل مطر ههههههههههههه يا عمري عليه والله انه يرفسني كاني سبيته اعرف انه انا طولت علييكم واسمحوووووولي

بنت_عز99:
الله يردلج اياة بالسلامه ان شاء الله

مجنونة زماني:
اللي قرا موضوعي يعرف حالتي الصحيه

نزيف و مشيمه نازله و تجلط في المشيمه و ما ادري شو .. و ادويه اشكال و انواع

و انا الحينه في الاسبوع 18 و قالوا لي ولد ..

المسكين ما افكر اشتريله شي ولا افكر في نفسي .. مرات اقول لا ابا اسوي شي بس احس كأنها اول مرة احمل و ما اعرف شي