مشوار مشاكلي مع زوجي ماراح ينتهي

أبغــــــــــــــض الحلال عن الله الطلاق

والله يا ريت غاليتي أني اساعدك بس ما اقدر اخاف اقولك اي حل ويطلع ما بمصلحتك ما عندي غير أني ادعيلك بالخير الله يوفقك يا رب لما فيه الخير والله يفرج عنك عاجلا غير اجلا يا رب العالمين يارب الله يخفف عنك معاناتك والله يقوم ولدك بالسلامه يا رب انت سميع الدعاء فستجب لدعائي لها

اللهمــــــــــم آميـــــــــــــــــــــــــن

اسال الله الحي القيوم انه يصلح لك زوجك ويهديه



آمين

الله يهدكم لبعض
استخيري احسن

الله يكون بعونج يارب ....

ثانيا الغاليه شكلج عندج ولد واحد ما ادري من كلامج حبيبتى الحياه الزوجيه يقول جاسم المطوع تطلع بعد 5 سنوات يعنى اي مشاكل خلال اقل من هذا هيه بس لانهم مش عارفين طبع بعض ..

ثالثا: أتمنى تشيلين فكرة الطلاق من بالج لان في بنات متزوجات حتى هنيه بالمنتدي تعرضن كيف اقولج ...يعنى اذا زوجج مصلي وولد نظيف شوي شوي حاولي تغيرينه وتحببينه بالبيت ...

في اشياء وايد يمكن هو يحس براحه نفسية عند ربعه اكثر مما يكون ببيته على الرغم انه لزم يصير العكس ...

حاولي تعرفين اللي يحبه وتكلمين وياه بالمواضيع علشان ما يحسس انج ممله مثلا ...
عطيه فتره لو شوي طويله تقدرين تغيرنه بيها ...من غير ما يحس ....فاهمه قصدي ولا تدققين بربعه ؟؟

وتقارنين مثلا ...

وفي شي بعد اختى الطلاق مو كلمه سهله ...كل ساعه ترددونها انتى اخترتى هذا الريال من البدايه وما شاء الله عندج بيبى واتقولين يحتاج عمليه اسأل الله العظيم رب العرش العظيم ان يعافيه لج ....مو سهله الغاليه انتى تعودتى في بيتج واستقلاليتج تردين بيت ابوج وفي ايدج ياهل ....فكري الغاليه ...خذوي الامور بجدية اكثر ....الرجل بيطلق وبيخذ غيرج وبيقول هذا قرارج وانتى بتممين بحسرتج ....

وعلى فكره اللي يبغي يحل المواضيع يشيل الطلاق من باله ...نحن تعودنا وتربينا في بيوت ما سمعنا هذي الكلمة ...وانا من رأي ان زوج ما سوي شي يستحق عليه يطلقج !!!!!!!!!!!!!!



أتمنى اكون افدتج ...على الرغم ان مالي خبره بالزواج ...بس من كثر ما اقرأ وشوف البرامج :)

عزيزتي الله يصبرج بس أنا بقولج قصة وحده من قرايبي هي بنت دينه وخلوقه ومزيونه وطيبه ، أخوها زوجها رفيجه ومن أول شهر ماتخيلين شلون يعاملها مايخليها تشوف التلفزيون لأن فيه رجال وياويلها اذا دخل عليها وشافها تطالع التلفزيون ومره مسكينه قالتله ودني الصالون وبعد طلعة الروح وداها وتعرفين الوحده تتأخر بالصالون أول ماطلعت وهي كاشخه له قام يطقها بالشارع ويقولها انتي طالعه مع الباب الثاني مع رجال وموقف ثالث اقوله لج اذا ماعطته من معاشها وهي مدرسه قام يطقها ولما حملت قالها شدراني ان الولد مني ؟؟ واخذ على ظهرها 4 آلاف دينار صرفها على سفره مع ربعه بمصر وكل هذا ولا شي عند السالفه اللي سواها فيها آخر شي راحت تزور أهلها يوم الخميس يوم الجمعه جا وقط أغراضها كلها عند الباب وقال لأبوها بنتك طالق وقاله بنتك تكلم شباب بالتلفون ؟؟؟؟؟ واخوها بغى يذبحها اللي هو رفيجه بس اخوانها الكبار كانو عاقلين وعارفين اختهم وماكانو موافقين على زواجها من الأول بس قسمتها سبحان الله تخيلي العيشه مع زوج شكاك ومريض نفسي وايده طويله وتصرفين عليه ؟؟؟؟ احمدي الله والا المسكينه صج هذه طلقها وهي بالرابع وحتى بعد طلاقها ماارتاحت من معاملة حريم اخوانها عند اهلها ودايم يعيرونها بطلاقها .... واقسم لج بالله انها شريفه والقصه هذه والله العظيم حقيقيه ... قارني زوجج في زوجها مع انها كانت مستعده تتحمله مع كل صفاته عشان بس ماتسمى مطلقه ؟؟؟؟
تعوذي من الشيطان وشيلي هالفكره من راسك وخلي كل تفكيرك بولدك وربيه وعسى الله يخليه لك ، وانا مثل حالتك زوجي يعاملني على حسب مزاجه واغلب الحريم جذي مافي انسان كامل وحاولي تتأقلمين مع وضعك وادعي الله يسخره لك

لاحول ولاقوه الا بالله
الله يهديك حبيبتي وييسر امورك يمكن لو اي واحده مكانك وبظروفك هذه سوت الي انتي بتسوينه
الله يفرج عليك الله يفرج عليك
بس حبيبتي الي صار كثييير كثير على هذه المشكله
الطلاق مره مشكله كبيره
انتي الحين بتفكرين فيه كحل لمشكلتك لكن مافكرتي انه بدايه مشاكل ثانيه وهموم ثانيه
حسبتيها من كل النواحي انتي بتقولي اذا مايبطل سهر ومقصر بكل حقوقي خلاص الطلاق افضل
لكن هل فكرتي هذا الحل ايش بيسوي مشاكل
ارجعي فكري وقبل ماتسمعي اي راي استخيري خيره ربي احسن يمكن انتي شايفه شيء احنا مو شايفينه
بس انا بقول لك طالما هو رجال مصلي ويخاف ربه الباقي يهووون

شوي شوي تغيرينه بنت خالتي كانت كذا زوجها سهر برا البيت على طول وزعلت وراحت بيت اهلها ثلاث شهور بسبب هذا الموضوع وصلت للطلاق واخذ البنت منها ومشاكل كثيره
لكن بالاخير ربي هداهم ورجعت بيتها ومابطل سهر
وصارت مطنشه وتبين له انه لما تخرج فرحتي ويوم مايخرج تساله ليه ماتخرج وهو يخرج من هنا وهي تشغل نفسها تشبك النت وتجلس وجوالها تقفله الين صار مشغول باله وكمان كانت تقفل الباب وتخلي المفتاح من جوا وتتاخرم اتفتح له بدري وسبحان الله تغير صارت خرجته مره بالاسبوع وبعدها مره بالشهر والحين الحمدلله صار معتدل اكثر
حبيبتي مو كل شيء بالمصارحه والعناد احيان لازم من الحيله شوي والكلام الحلو

اللهم اجعلها له سكنا و اجعله لها سكنا و اجعل بينه و بينها مودة و رحمه
اللهم اجعلها له سكنا و اجعله لها سكنا و اجعل بينه و بينها مودة و رحمه
اللهم اجعلها له سكنا و اجعله لها سكنا و اجعل بينه و بينها مودة و رحمه

اختي اصبري و اذكري الله و عليج بالاستغفار...

الله يسر امرج و يفرج همج...

اختي مثل ماقالوا البنات وعليج بكثرة الاستغفار وقيام الليل وانشالله بيتغير للاحسن يارب...........

جزاكم الله خير ياخواتي
ريحتوني بكلامكم بس اهو مو راضي يريحيني ويحسسني اني استاهل المعامله الحلوه كل معاملته لي غلط بغلط شقولكم لو بتكلم مني لي باجر ماراح اخلص اللي بقلبي

همووووووووووووم مايعلمها الا سبحانه

الله يعوضني خير
مااقدر اقول الا
ياحي ياغيوم برحمتك أستغيث

من وجهت نظري حبيبتي عندج حلين......:-

1- إن عندج القدرة ع الصبر والإحتساب فليكن...(إن قستي قدراتج النفسية إنج بتقدرين تكملين وياه ع ها الحالة واصلي معاه )
لأن الصبر والتحمل هم أساس الإستمرار في علاقتج مع نسيان حقوقج كزوجة وكإنسانة في بيته.

2- ..الطلاق..أن يكون حل إن كنتي غير صابره وغير مستحمله ها العيشة..!



( في مجتمعنا كثرة حالة الرجال العديمي المسؤلية والذين يبحثون عن السعادة خارج المنزل..! ولا أعلم إن كانت الزوجة صالحة وتوفر لهم كل ما تملك من أخلاق ومعامله وعشره ماذا يريدون أكثر؟ )

الزبده بكل بساطة حبيبتي..

زوجج إنسان مو قد المسؤلية...!مادام توج مكتشفه مالج إلا ها الحلين..!

شويف قدراتج وقيسيها ..تقدرين تواصلين؟

أتمنى لج السعادة..
بس أنا أخذت الخيار الصعب في حياتي وفعلا" إنفصلت عن زوجي لأنه كان عديم مسؤلية .....لدرجة حتى ضم ماكان يضمني له تخيليي...!!! :)

الله يسعدج حبيبتي

ويهديه يارب ..سلام

الله يفرج همج ويحل مشاكلج ويسخر لج زوجج

يارب يا ارحم الراحمين ارحم اختي الغاليه وسخر لها زوجها

واجعل حياتها كلها سعاده وهناء

الله يكون في عونج يالغالية والله يعطيج الصبر

بس لو حاولتين اكثر من محاولة مثلا رحتين عند اهلج ترتاحين لج كم يوم جوفيه شنو راح يسوي يمكن يعتدل وياج


خلي احد من اهلج يكلمه عشان يعرف ان معاج احد لان اللي يسويه محد يرضاه ..

لازم يعرف ان الزواج مسؤلية ومشاركة بين اثنين وبناء اسرة والاسرة ماتنبني الا على الحب ..

حاولي معاه وجوفي يمكن الله يهديه وكثر ي من من قراءة القرآن ماكو احسن من كتاب الله عز وجل راح تتعدل نفسيتج والله بيهدي زوجج ان شاءالله

استخيرى وان شاء الله بيكون فى الحل المريح لكى

الله يعينك حبيبتي وانا مع الاخوات اللي قالوا لك تبعدي فكرة الطلاق في الوقت الحالي حاولي تكسبيه باكثر من طريقة واذا شفتي الحركات اللي في المنتدى ما نفعت ابتكري حركات من عقلك وعلى حسب ظروف زوجك .
عندي سؤال زوجك من بداية زواجكم كان كذا ولا بعد الزواج تغير عليك ؟
واذا كان كذا طبيعته قبل الزواج وتغير في بداية زواجكم وبعدين رجع لديوانيته وربعه اكيد صار خلل في علاقتكم ؟
شوفي حبيتي الخلل وين بالضبط يمكن بعد حملك وولادتك ابتعدي عن زوجك وهالشي حسسه بنقصك من ناحيته واهتمامك قل فيه لان الزوج مثل الطفل اذا كان متعود على شي ويجي شخص ثاني يغير حياته فجاه وبعدين هالشخص يقطع عنه الاهتمام شي اكيد بيرجع للحل الاول لانه كان هالحل مريحه على الاخر .
وما اعتقد ان رجعتك لبيت اهلك بتحل الموضوع بالعكس تزيدين الطين بله وتعطيه مجال انه يبتعد عنك اكثر واكثر .
حاولي في هالفتره تغيري من نفسك من اسلوب تعاملك معاه اذا كنتي قبل تسالي عنه كثير قللي من سؤال رخي من هالناحيه
ومن ناحية ثانيه اهتمي اكثر في نفسك وغيري من شكلك حتى لو جربتي هالشي وما فاد معاك لا تياسي يمكن ما عجبه التغير اللي سويته خليه يعطيك رايه وخليه يقترح عليك التغير اللي يبي يشوفه فيك وحاولي تطلعي معاه بعذر انك تشتري اغراض للبيت وتبي رايك في اشياء شفتيها او شي من هالقبيل المهم تخليه غصب يشاركك بس باسلوب حلو لان الاسلوب هو المهم في حل مشكلتك
وفي الوقت اللي يكون فيه موجود خليه يكون محور اهتمامك وخلي ولدك هو الطريقة لهالشي يعني اكسبيه عن طريق ولدك وانتي جربي هالطريقه يمكن تفيد معاك .
وفيه طريقه قريتها في احد من المنتديات انك تخلي جو البيت مثل جو الديوانيه
يعني تسوي جلسه ولعب وورقه وشوفي اللعبه اللي يحبها زوجك حاولي تتعلميها عشان ما يمل من اللعب معك للأسف ما اذكر المنتدى بالضبط وين ولا كان افدتك انا بحاول ادور على المنتدى وبرسل لك الرابط ان شاء الله .
واسمحيلي على كلامي الطويل بس صدقيني مشكلتك هينه وبالصبر وكثرة الدعاء بتنحل ان شاء الله وشوفي مشاكل غيرك بتهون عليك مصيبتك .
والله يهدي لك زوجك ان شاء الله ..

لا يا حبيبتي لا تاخذين قرار مثل جذي

حرام انتي عندج ياهل لا تضيعينا

وبعدين زوجك مصيرة يتغير ويرجع زين

كثري من الادعية وصلي

يعني انا اقول يقعد بالدوانية ومباراة

احسن مليون مرة من هالخرابيط الي احنا الحين قاعد نشوفها هالايام

حبيبتي الصبر مفتاح الفرج ومشكلتج جدا صغيرة

وتحياتي لج

حبيباتي ماقصرتوا كفيتوا ووفيتوا وفي اخت اسئلتني اذا اهو جذي من زمان ولا هد السوالف ورجعلها اقولها لا والله من تزوجنا واهو من اهمال لي اهمال عشان جذي حملت بسرعه قلت يمكن الياهل يغير طبعه بالعكس ظل على ماهو عليه ويمكن اردى
والمنتدى اخذت منه افكار وسويتها تنفع باليوم نفسه وبعدين كأني مو مسويه شي
ينساهاااا
انا عندي مجال للصبر والاحتمال بس حلو انه يعطيني دافع وامل انه بيتغير ريلي ساد كل البيبان بويهي
وانا حاليا بصوب واهو بصوب صارلنا 4 ايام ماندري عن بعض حتى ولده مايدري عنه ولاعن مصروفنا
تدرون اللي يمكن يخليني اراجع قراري اهو ضناي ماابيه يضيع باجر والسبه التشتت

تعبت والله تعبت فكره توديني وفكره تييبني لا اهلي ولا اهله عاجبهم حالي والمشكله مايبون سالفة هالطلاق وبنفس الوقت يبون راحتي مساكين

حسبي الله ونعم الوكيل
لاحول ولاقوة الا بالله

حبيبتي ناني الكل يشوف مشكلتي صغيره

بس لاني انا اللي عايشتها وانا اللي متعذبه فيها احسها اكبر من الجبل على قلبي

والديوانيه تخليه ينسى اهله وهالشي رب العالمين مايرضى فيه رب العالمين أمر بأن الريال يعدل بكل شي ومايهمل اهله الاهمال التاااااااام

وانا هذي حياتي اهمال وضيم وقهر افرح يوم و10 نكدددد ومابيدي شي والتغيير مانفع حتى ولو جزء بسيط فيه ماتغير على ماهو عليه لاتشوفونها صغيره والله صدقوني عوووووده