الغـــ كله ـــلا:
هلا بنات
موضوع وايد حلو
انا بعد حابه اشارككم ببعض مشترياتي:)
للجسم...
اشتريت مجموعة المسك من محل ذي بودي شوب
ولها بعد عطر وبودرة جسم فيها لمعه خفيفه ..وفراكه خاصه
وبعد خذيت مجموعة البامبي من نعومي
وخذيت لي روب للحمام ومستلزماته من نعومي
وجريب ان شاء الله براويكم الاشياء الثانيه اللي خذيتها :)
العروس العمانية:
بسم الله الرحمن الرحيم
عرايسنا أبا رايكن في غرفة النوم وملحقاتها واكرمكن الله حمامها وغرفة تبديل الملابس
هذي الغرفة من آخر تشكيلة نازله الاسبوع الي طاف في محلات ( boconcept ) في مول الإمارات وأول ما شفت الكاتالوج قلت هذا الي أريده
اليوم عطيتها للنجار وقال باذن الله بسويلك مثلها بالضبط وبنص السعر وطلبت منه يسوي نفس الديكور بالضبط والارضية الخشب
اتصلت في زوجي وقتله شو صار مع مهندس الديكور والنجار ( وطبعا فاتورة تلفوني نتيجة هذي المكالمات ضاربه في العلالي هالشهر ):sad:
قالي اصبري واتصلي في محل الاثاث نفسه وساليهم عن سعرها
اتصلت وسألت وبلغت زوجي وقالي خلاص خلينا نتوكل على الله ونشتريها سعرها مناسب وما في داعي نتبهدل مع النجار وخليه بس يسويلنا الجدار والارضية نفسها والغرفة ان شاء الله يوم الجمعه رايحة لمول الامارات اشتريها وبخزنها عند نفس المحل لين يخلص الديكور والأرضية وبشحنها لان بصراحة عاجبتني كثييييير واخاف تخلص :shy:
وهذي هي صورة الغرفة مع ديكورها
وباخذ من نفس المحل الاباجورات الي في الصورة والي على جنب السرير نفسهم لان مابيكون فيه اي اضاءة ثانية في الغرفة غير الاباجورات واضاءة صغيرة لونها احمر على تتركب على الارض على اي زاوية - من ايكيا وفيها تحكم بشدة الاضاءة ( دمر )
والستارة بتكون (roller blinds ) من سيدار درجتها من درجات الالوان الترابية
مثل هذا النوع
وهذي طاولة التلفزيون وبنحاول نرفعها لمستوى البصر عن الارض ( يعني بنثبتها في الجدار ) وعلى فكرة عن طريق الطاوله نقدر نحرك التلفزيون في اي اتجاه احنا نريده
والحمدلله نفس هذا التلفزيون الي في الصورة بس اكبر شوي مع الفيديو والمسجل اشتريتهم من محل كان مسوي تصفيه على البضاعة( هذا سبب استعجالي في شراءه )وموجودين في مخزن بيت اخو زوجي مع شوية اغراض من ايكيا
وهذا الكرسي منه 2 من مساند الرجل- من ايكيا ( عشان نجلس عليهم نطالع التلفزيون ) وبينهم طاولة صغيرة
وبشتري له كوشنات لونها أحمر او مفرش ناعم عشان يتناسق مع المفرش الي فصلته
وهذا المفرش
وعلى الجهة الثانية بتكون هذي الصوفا ( من نفس محل غرفة النوم ) مع طاولة صغيرة قدامه وممكن اشتري لها مفرش حرير مشغول واحطه عليها عشان تتناسق مع هذا المفرش
المفرش
غرفة تبديل الملابس
في كتالوج ايكيا الجديد في غرفة نفس هذي تماما ( بيج او ابيض او بني محروق ) طبعا بتوكل وبشتري الابيض ان شاء الله وطاوله للكوي وسلتين للملابس
انتهينا من غرفة النوم والملابس
ونجي تكرمون للحمام
الحمام
الحمدلله واسع كثير
حابه انه يكون ابيض مثل كذا
وكل ملحقاته والحوض والمغسلة ابيض ( على فكرة ترا ما بانيو بيكون جاكوزي من شركة نزيه والحمدلله انها موجوده في عمان )
وفيه مكان للحمام السريع مسكر بحائط زجاجي مثل هذا
هذي الملحقات موجوده في ايكيا ( ابيض- بيج )وسعرها حلو
وطقم الحمام معدني مثل هذا من مفروشات ( the one)
وعشان اكسر حدة اللون الابيض والمعدني بعلق منظر طبيعي في الحمام على راس الجاكوزي
وفي الجهة المقابلة بثبت مثل هذي ( حاملة شموع )عشان احط فيها شموع البودي شوب بكل امان
أو ممكن احط شوية ورد صناعي في مثل هالاكسسوار ( ان شاء الله الاقيهم في هوم سنتر )
ملاحظة - بكره المقاول بيسلم البيت وبياخذ اتعابه وبيرجع بعدين يكمل لما اوصل حضرتي هناك ان شاء الله :shy:
وسلااااااااااااااامتكم :shy:
وأكيد أبي رايكم :shy:
