اسمحن لي على هالموضوع
بس صدق اكتبه من قلبي
لاني وصلت حدي من البعض..
ولازم اتكلم عشان كل حد يعرف حده ...
يوم يا اختي الزبونه او المشتريه ....مب جاده في طلبج .... ليش اتعبين البايعه معاج؟
ليش تسألن و تسألن عالعام او الخاص....والبايعه تتعب و اطول بالها معاكن....وفي الاخير فص ملح و ذاب..حتى كلمة شكر ما تقراها منكن البايعه....
ادري بتقولن يمكن ما عيبنا شي.....ما عيبكن شي على الاقل ومن اضعف الايمان اشكرن البايعه..
ما كتبت هالكلام الا لاني وصلت حدي من اللي قاعد يصير...وبعدين معاكن....
بعض الامثله:
- تراسلني عضوه....وترفق لي صور شنط و تسالني من توفر مثلها عندي.....واتعب و ادور عندي و اراسل المصنع.....و ارد عليها باللي متوفر و اللي مب متوفر....تطلب مني الاسعار...اطلب منها تختار الشنط اللي تبيها و بعطيها الاسعار....تطلب مني اسعار كل الشنط عشان تقارن و تختار...
ارسل لها الاسعار...تطلب صور للشنط من اللي عندي ...اطرش لها الصور عشان تقارن بالصور اللي عندها...وما وحالي ارد عليها عن المجموعه الاولى ترجع تطرش لي صور ثانيه و ما اقصر معاها و اطرش لها الاسعار و صور الي عندي منها....وتقول لي ان شاء الله يومين و ارد عليج....ومن هناك فص ملح و ذاب و صار لها اكثر من اسبوعين...ولا رد و لا خبر ولا حتى كلمة شكر...يوم ما تبين و مو جاده ليش اتعبيني و تطلبين و تطلبين ...ما تبينو فيج مرض الفضول على الاقل اشكري
-ترد عضوه في موضوع من مواضيعي...وتطلب غرض معين....اراسل المصنع..واتفاوض معاهم عالاسعار ويوفرون لي الصور و ارتب الصور و اعرض الغرض...واوفر لها...وفي الاخير تطلب مني غرض ثاني بكل برود اعصاب و تتجاهل طلبها الاول....زين ليش..!!!...ويوم ما تبين الغرض الاول ليش تطلبينه من الاساس...
-تكاسرني عضوه في احد المواضيع...لين اوصل لها لسعر ...مالي فيه ولا فلس حمر ربح....وفي الاخير...ما ترد و لا تراسلني مثل ما قالت انها بتراسلني...ويوم اراسلها ما ترد...زين يوم مالج نيه من الاساس...ليش تكاسريني..واتعبيني..حتى ربحي قطعتيه علي و لو اني مب محتايه...ما اروم حتى ازيد في سعر الغرض الحين....لاني حاولت و ياني رد ليش هالزياده مو انتي كتبتي السعر الكذا في موضوعج..!!!...شو اقول وشو ارد عليها خبروني...
-تراسلني عضوه و تقول لي ابا اشوف الصور...اقول لها عندي صور وايده وفي شنط متوفره و في شنط مخلصه .... تقول ما عليه طرشي كل شي .... اقول لها صور فوق الالف وشي...و اطلب منها تدخل مواقع للشنط الاصليه و تختار اللي في خاطرها و تطرش لي صورهن و انا بشوف اذا في منها عندي بين الصور...واذا موجوده صورتها بخبرها الاسعار و اذا عيبها براسل المصنع و بتاكد من وجودها...لا و تعاند البنت و تبي تشوف شي من اللي عندي...وصبرج يا روح...اقول لها انتي شفتي في قسم البيع و شفتي الصور وعرفتي جودة الشنط...و خذتي فكره...مع هذا طرشت لها صور...وتسال و تسال....واخر شي قالت انا ما بشتري الحين....بشوف عقب عيد الاضحى او قبله براسلج........زيوم انج ما تبين الحين ليش معوره راسج و راسي معاج...وليش زانه على راسي وتبين الصور...وكلتي مخي باسالتج التافهه
ليش تسون كل هذا...تتحرون البايعه ما تتعب ...مب بشر..ما عندها شغله الا تجابلكم ..وتجابل ناس مب جاده مثلكم...ولا لانه كل وحده حاطه ريل على ريل تتحرا نفسها ملكة زمانها و نحن جواري عندها نلبي طلباتها....
وهي ما تتعب تتحرا العالم كلها ماتتعب و انه كل شي ايي بالساهل...
مافي شي بالساهل...هاللي نسويه نحن و لا اي شي نعرضه..نتعب عليه لين نوفره لكن بارد مبرد..
واللي بتقعد تتفلسف و تقول اللي تبا تبيع و تبا بيزات تتحمل...اقول لها مب كلنا محتايات..الحمدلله عندنا اللي يكفينا و زود...واللي نسويه بعضنا من باب المساعده والمشاركه بالشي الزين..
ولو كانت الوحده محتايه...فالحايه لرب العالمين... مب لكن عشان تذلونها و اتعبونها...
لو مب جاده لا تطلبين....ويوم فيج مرض الفضول او الفشخره انج شرايه جاده جدام الكل...فعلى الاقل اشكري البايعه على مجهودها وياج و تحملها لج....
يمكن شكرج هذا يخفف من تعبها معاج اللي كان عالفاضي...وتحلل لج تعبها ما تحرمه عليج لين يوم الدين
والسموحه يا بنات.....بس صدق منقهره...وتعبانه و حاسه بارهاق...من سواياهن...
و وصلت حدي...ما قدرت اسكت اكثر من جيه
والمثل يقول اذا حبيبك عسل لا تلحسه كله...
واللي على راسها البطحه تتحسسها
:angry:
خلاص وصلت حدي من البعض
م
05-11-2006 | 01:48 AM
و
05-11-2006 | 02:06 AM
الله يعينج ويعين كل التاجرات
والله يعطيج على قد نيتج ...
السموحه
والله يعطيج على قد نيتج ...
السموحه
M
05-11-2006 | 02:19 AM
و الله انا حاسة فيج ...
انا مرت علي مثل هالمواقف ... البنية تطلب تبي هذا و تبي هذا و آخر شي تختفي .... ليش !! ما ادري ؟!
أغلب البنات جذييييه .. عندهم حب الاستطلاع ..لا و اللي يبط الجبد انج تكتبين كل التفاصيل في الموضوع و آخر شي نبي التفاصيل ..... !!!! .. !!
انا مرت علي مثل هالمواقف ... البنية تطلب تبي هذا و تبي هذا و آخر شي تختفي .... ليش !! ما ادري ؟!
أغلب البنات جذييييه .. عندهم حب الاستطلاع ..لا و اللي يبط الجبد انج تكتبين كل التفاصيل في الموضوع و آخر شي نبي التفاصيل ..... !!!! .. !!
م
05-11-2006 | 02:29 AM
الله المستعان
والله ودي اصيح و اضحك و كل شي في وقت واحد
اخاف اني اتهور و استخف بسببهن...
وتلقوني في مستشفى الامل ابيع يقط
حب التجاره في دمي ما استغنى عنه ههههه
والله ودي اصيح و اضحك و كل شي في وقت واحد
اخاف اني اتهور و استخف بسببهن...
وتلقوني في مستشفى الامل ابيع يقط
حب التجاره في دمي ما استغنى عنه ههههه
R
05-11-2006 | 02:38 AM

السلام عليكم ورحمة الله وبركاته
الله يعيننا جميع يا رب
أ
05-11-2006 | 03:19 AM
فولك:
الله المستعان
والله ودي اصيح و اضحك و كل شي في وقت واحد
اخاف اني اتهور و استخف بسببهن...
وتلقوني في مستشفى الامل ابيع يقط
حب التجاره في دمي ما استغنى عنه ههههه
ههههههههههههههههههههه ضحكتيني فولك والله
بس صج صج الله يعينكم انتو التاجرات
بس بعد في بعض التاجرات مايحطون الصور ولا الاسعار على العام أو يحطون الصور ومايكتبون الاسعار ويخلونها على الخاص مدري ليش؟؟
م
05-11-2006 | 04:41 AM
اسم الله عليج من الينون ...صدقيني اغلب التاجرات نمر بنفس الحاله وهذا من طيبتنا الزايده
للحظه مايفكرون نحن كيف نتعب ونوفر لهم من صدعت راس وكلام الريل اللي يغث وقت الزحمه
يعني معقوله مانستاهل كلمه شكر ..وفي بنات حبوبات الوحده تتمنى دوووووووووووووم تتعامل معاهم..
وحب الفضووووووووول وااايد في البنات على حساب التاجرات
احجزي لي وياج شبريه هههههههه ببيع وياج
والله يرزقج يارب
للحظه مايفكرون نحن كيف نتعب ونوفر لهم من صدعت راس وكلام الريل اللي يغث وقت الزحمه
يعني معقوله مانستاهل كلمه شكر ..وفي بنات حبوبات الوحده تتمنى دوووووووووووووم تتعامل معاهم..
وحب الفضووووووووول وااايد في البنات على حساب التاجرات
احجزي لي وياج شبريه هههههههه ببيع وياج
والله يرزقج يارب
c
05-11-2006 | 05:30 AM
[QUOTE=مميزه]اسم الله عليج من الينون ...صدقيني اغلب التاجرات نمر بنفس الحاله وهذا من طيبتنا الزايده
للحظه مايفكرون نحن كيف نتعب ونوفر لهم من صدعت راس وكلام الريل اللي يغث وقت الزحمه
يعني معقوله مانستاهل كلمه شكر ..وفي بنات حبوبات الوحده تتمنى دوووووووووووووم تتعامل معاهم..
وحب الفضووووووووول وااايد في البنات على حساب التاجرات
احجزي لي وياج شبريه هههههههه ببيع وياج
والله يرزقج يارب
للحظه مايفكرون نحن كيف نتعب ونوفر لهم من صدعت راس وكلام الريل اللي يغث وقت الزحمه
يعني معقوله مانستاهل كلمه شكر ..وفي بنات حبوبات الوحده تتمنى دوووووووووووووم تتعامل معاهم..
وحب الفضووووووووول وااايد في البنات على حساب التاجرات
احجزي لي وياج شبريه هههههههه ببيع وياج
والله يرزقج يارب
l
05-11-2006 | 05:36 AM
هدي اعصابج اختي وصلي على النبي
انا مقدره موقفج ولو مكانج بنقهر من قلبببببببببببب
بس البنات حد منهن مثل ماقلتي مايقدرون ويسألون من باب الفضول
الله يساعدج ويعينج ويعين كل التاجرات
(f)
انا مقدره موقفج ولو مكانج بنقهر من قلبببببببببببب
بس البنات حد منهن مثل ماقلتي مايقدرون ويسألون من باب الفضول
الله يساعدج ويعينج ويعين كل التاجرات
(f)
ب
05-11-2006 | 05:40 AM
انا مثل حالتج اختي بس ساكته ..
الحمدالله ان في حد تكلم ..
والله هذي المعاناه اللي اعيشها وياهم ..
الله يعينج اختي فولك ويعنا جميع انشالله ..
الحمدالله ان في حد تكلم ..
والله هذي المعاناه اللي اعيشها وياهم ..
الله يعينج اختي فولك ويعنا جميع انشالله ..
ف
05-11-2006 | 07:30 AM
الغالية تدرين وين المشكله؟؟
انا بقولج بس لا تزعلين من كلامي
البنت اللي تبا تشتري يوم تسأل عن الاسعار والتفاصيل
مب لأنها مب عارفه هاللي تبيعينه شو؟؟
لكن لأنها مب مقتنعه بالبضاعه
فهني تطلع شطارتج بدال ما اطرشيلها الاسعار والتفاصيل
يلسي مدحي بضاعتج كل ما بترسل لج رساله تقولج ممكن الاسعار
خلج شاطره قوليلها =صدقيني ما بنختلف عالاسعار<<<وفرتي عنفسج تعب المفاوضه
بتقولج شو مميزات البضاعه قوليلها =صدقيني راح تجربينها وما بتندمين<<<وفرتي عنفسج البحث عن المعلومات فالبضاعه
واذا اتملغت وايد فالموضوع اعرفي انها فضولية وتبا تتعبج بس ما ناويه تشتري
وصدقيني انا عن نفسي دوم اشتري من المواقع
الشي اللي ما اباه ما ايلس اجادل فيه
واللي اباه اطرش رساله عالخاص ابغي من كذا وكذا وكذا وامطرشه رقمي وثاني يوم واصلتني الاغراض
اما اللي تيلس تجادل وايد فالاسعار والتفاصيل وماعرف شو<<<<<مفهومه
السموحه
انا بقولج بس لا تزعلين من كلامي
البنت اللي تبا تشتري يوم تسأل عن الاسعار والتفاصيل
مب لأنها مب عارفه هاللي تبيعينه شو؟؟
لكن لأنها مب مقتنعه بالبضاعه
فهني تطلع شطارتج بدال ما اطرشيلها الاسعار والتفاصيل
يلسي مدحي بضاعتج كل ما بترسل لج رساله تقولج ممكن الاسعار
خلج شاطره قوليلها =صدقيني ما بنختلف عالاسعار<<<وفرتي عنفسج تعب المفاوضه
بتقولج شو مميزات البضاعه قوليلها =صدقيني راح تجربينها وما بتندمين<<<وفرتي عنفسج البحث عن المعلومات فالبضاعه
واذا اتملغت وايد فالموضوع اعرفي انها فضولية وتبا تتعبج بس ما ناويه تشتري
وصدقيني انا عن نفسي دوم اشتري من المواقع
الشي اللي ما اباه ما ايلس اجادل فيه
واللي اباه اطرش رساله عالخاص ابغي من كذا وكذا وكذا وامطرشه رقمي وثاني يوم واصلتني الاغراض
اما اللي تيلس تجادل وايد فالاسعار والتفاصيل وماعرف شو<<<<<مفهومه
السموحه
م
05-11-2006 | 03:07 PM
تسلمن عزيزاتي على ردودكن
يلا بحجز عنبر كامل هههه
غناتي بنت دبي
والله..يمكن اللي انا اسويه يمكن ما تسويه تاجره ثانيه....
لدرجة انه احيانا يوم اشوف البنت خاطرها في البضاعه..وميزانيتها ما تساعد...والله اعرض عليها اني ابيع لها براس المال ما اخذ فلس حمر...
واقول الله بيعوض ان شاء الله مع غيرها..واكتسبها اخت وصديقه...من اسلوبها العسل...
كل شي احطه في العام مع التفاصيل الدقيقه و الصور ... ما عليه يسئلن ما عندي مانع ...لو من باب الفضول...بس يقولن انهن يسئلن عشان مزيد من المعرفه لا اكثر..والله ما برد حد..لو قالت لي ما ابا اشتري بس ابا اخذ فكره...ما راح اقصر معاها...بالعكس ..يسعدني انها اهتمت انها تعرف عن بضاعتي وتاخذ لو مجرد فكره...
وهالشي يشجعني اني اييب الاحسن دايما...
والله كريم...
يلا بحجز عنبر كامل هههه
غناتي بنت دبي
والله..يمكن اللي انا اسويه يمكن ما تسويه تاجره ثانيه....
لدرجة انه احيانا يوم اشوف البنت خاطرها في البضاعه..وميزانيتها ما تساعد...والله اعرض عليها اني ابيع لها براس المال ما اخذ فلس حمر...
واقول الله بيعوض ان شاء الله مع غيرها..واكتسبها اخت وصديقه...من اسلوبها العسل...
كل شي احطه في العام مع التفاصيل الدقيقه و الصور ... ما عليه يسئلن ما عندي مانع ...لو من باب الفضول...بس يقولن انهن يسئلن عشان مزيد من المعرفه لا اكثر..والله ما برد حد..لو قالت لي ما ابا اشتري بس ابا اخذ فكره...ما راح اقصر معاها...بالعكس ..يسعدني انها اهتمت انها تعرف عن بضاعتي وتاخذ لو مجرد فكره...
وهالشي يشجعني اني اييب الاحسن دايما...
والله كريم...
i
05-11-2006 | 03:19 PM
الله يعينج اخت فولك ويعين ل التاجرات ويهون عليكن ... ماعليه احتسبيه عند رب العباد هالتعب ... وان شاء الله الله يقويكن عزيزاتي ... والله قطعتي قلبي وخليتيني اعصب :@ بس الله يساعدكن .... وألف شكر لج ولكل التاجرات ... وتسلمن وما تقصرن ويزاكم الله الف خير .. عني وعن الكل :)
اختكم
جـ ورد ـوري
:shy:
اختكم
جـ ورد ـوري
:shy:
أ
05-11-2006 | 03:23 PM
الله يعينك كلنا كذا ...بس وش نسوي
p
05-11-2006 | 03:28 PM
يلا عزيزتي لا تحركيييين اعصابك----عاااادي عااااادي --والله يساعدك اذا يحصل الموقف داءما---
حصل معاي كم مره---ومره راسلتني وحده تطلب اسعار سبع او ثمن انواع من العطور -- واتصلت وسالت ورحت وجيت--وجبت لها الانواع والاسعار--- ووووووووووو راحت --يمكن كانت تحب توضحللي انها تعرف هالاسماء مال العطور--خخخ والله شنو اكول---
هذا غير الخاص والصور عالخاص والعام----- وكلهم يذوبوون على كولتك------ هدي اعصابك وماااا تسوه--
حصل معاي كم مره---ومره راسلتني وحده تطلب اسعار سبع او ثمن انواع من العطور -- واتصلت وسالت ورحت وجيت--وجبت لها الانواع والاسعار--- ووووووووووو راحت --يمكن كانت تحب توضحللي انها تعرف هالاسماء مال العطور--خخخ والله شنو اكول---
هذا غير الخاص والصور عالخاص والعام----- وكلهم يذوبوون على كولتك------ هدي اعصابك وماااا تسوه--
ع
05-11-2006 | 03:41 PM
الرزق يبغى له تعب خواتي
انا ما عمري شريت من المنتدى
بس كلامكم دكرني بتأنيب الضمير لما ادخل اي محل
و اقلب في الاغراض و ما يعجبني شي و اطلع من المحل
الله يوفقكم
انا ما عمري شريت من المنتدى
بس كلامكم دكرني بتأنيب الضمير لما ادخل اي محل
و اقلب في الاغراض و ما يعجبني شي و اطلع من المحل
الله يوفقكم
ع
05-11-2006 | 05:21 PM
الله يعينا ويعين المشتريات علينا
وربي يرزقنا ويهني المشتريه باللي تشتريه
ومشكوره عالموضوع
وربي يرزقنا ويهني المشتريه باللي تشتريه
ومشكوره عالموضوع
ا
05-11-2006 | 05:30 PM
هدي اعصابج اختي فولك ما يسوى عليج احنا بعد نمر بمثل هالحالات الله يعينا
ا
05-11-2006 | 05:40 PM
مرحبا الغلا الفولك لا تزعلين قلبي عورني عليج صح يا بنات لازم الوحده تقدر تعب التاجرات
إذا عيبكم شي طلبوا إذا ما عيبتكم البضاعه لا تعبون التاجرات وياكم
والله يعطيج العافيه
إذا عيبكم شي طلبوا إذا ما عيبتكم البضاعه لا تعبون التاجرات وياكم
والله يعطيج العافيه
B
05-11-2006 | 05:53 PM
الله يكوون في عووونكم