عطونى الحل ؟؟؟

السنة اللي فاتت سافرت مع زوجي وخليت ولدي مع الوالدة لمدة 10 أيام وكان عمره سنة بس السنة ناوية آخذه وياي .

لا تسيبيه أختي مع والدتك وتسافري عنه لما ترجعي له بالسلامة بيحس إنك غريبة عنه ... صدقيني هو راح يتعب وأنت بعد ما راح تتهني بالسفرة .. صدقيني ترى أنا سافرت وسبت بنتي عمرها 5 سينين وابني عمره 9سنين وصار قلبي يتقطع والله وكنت كل يوم أحط راسي على المخدة وأبكيييييييييييييييي

والله ياختي مافي مثل السفره العائليه انا سافرت لماليزيا وتايلند السنه الماضيه وكا عمر بدر سنه و9 شهور ولا كان يمشي بس استمتعننا واجد حتى جوهم تحسيه صحي كله اشجار وخضار انا ولدي راعي صدر لكن الحمدلله كان مره صحته واكله ممتاز وانت فكري هل انت من النوع الي عادي ولدك ينام لو يوم بعيد عنك لو انت من النوع العادي فروحي وخليه لكن اذا انت من النوع الي مايغمض لك جفن الي وعيالك حولك فلا تخلينه

صعبه انا مااقدر اخلي عيالي مستحيل


ومااقدر استغنى عنهم ومارتاح ولاانام الا اذا شفتهم نايمين جنبي


بس ماادري انتي عادي عندك تخلينه خاصة ان مدة السفر طويله من رايي اشوف

حراام تتركينه ..لام اكيد بيذبحك الشوق له وانتي بعيد ...

فكري وشوفي وبالتوفيق يارب..

مدة سفرك طويلة مانصحك تتركينه،، لو كانت المدة أقل ممكن تتركيه بس كذا بتتعبين وبتتعب أمك، إيش رايك تقصرين مدة السفرة وتخلينه عند أمك،،، لأن المشوار طويل، آنه من ولدت ولدي عمري ماتركته او نمت عنه بعيد بس يوم كان عمره سنه رحت عشرة أيام مع زوجي لوحدنا وحمدت ربي أني ماخذيته لأنه كان راح يتعب ويتعبنا معاه والولد كان توه بادي يمشي،، ولما رجعت عادي بالمطار كان مستغرب بس لما دخلت البيت ورضعته حبيبي لصق فيني ورضع،، يوم رحت العمرة بداية السنة عادي مافتكر فيني ولا تغير شي،، بس الحين ماتخيل أتركه لأن صار لزقة جونسون.

نصيحتي قللي مدة السفر ولا تاخذينه معاك يكون ما يمرض من فراقك ومانصحك تاخذينه لأن بتهلكين مع وقت نومه وأكله وغيره....

انا مستحيل انام وعيالي بعيدين عنى الله يحفظهم مستحيل وكل شوى لازم اقوم اطمن عليهم وما اقدر اطمن ولا آمن في اي احد الا عندى حتى امى ما اعتقد انها بتكون نفسي ، وانا خاطري اسافر ما عندى الا هالفترة عشان اجازة بنتى وزوجى يقول مستحيل ناخذه معانا وانا ملزمه الا ناخذه يقول هو بيمرض بيبكى ومحد بيساعدك وانا ما اعرف له ما راح نستانس احنا رايحين نستانس وانا قلبي متعلق فيه وهو متعلق فينى يا عينى واعرف اذا رحت بجلس كل بصيح واعرف اذا اخذته بتعب يمكن يمرض وبيكون وقت تسنين اسنانه بيجلس بيصيح وبيذبحنى زوجى اش رايكم ساعدونى.......... ياربي ما اقدر اتخيل انى بفارقه........

انا مستحيل اسافر واخلي اطفالي

بس الحين ان شالله ناويين نروح الحج من جذي غصبا عني بخليهم والله

بس لو كنت بسافر للترفيه مستحيل اخليهم

عمره الله يحفظه 9 شهور ما راح يتعبنى اذا رحت .........

حبيبتي توكلي ع الله ولا تخلينه
وتعبه يهون لكن ما بتحسي بطعم السفر إلا وياأطفالج الله يخليهم لج.

يا حبيبتي يا خذي ولدك معاك يا اجلسي معاه صدقيني لو يصير لولدك لا قدر الله مكروه في غيابك بتقعدي طول عمرك تعضي اصابع الندم فيه ناس تترك اولادها عشان تونس نفسها ويادوب يسافرو يجي خبر وفاة ولدها هذا من واقع حقيقي ايش يضرك فلده كبدك تونسيه معك

عساني ما سافرت
لو شو ما يصير ما اخلي عيالي و اروح لو ليله وحده لفندق ول ا اي مكان

ما اقدر

الحمد لله و قلب زوجي مثلي ما يهونون عليه

وين ما نروح معانا و الحمد لله مرتاحين و مريحينهم معانا

لو تعودتي تتركينه و تروحين ... بعدين ما بيحس فيج و الله ولو غبتي و لا ييتي ما تفرق عنده

و هذا الشي بياثر عليها ما يكبر بيصير فراقج عنده عادي