كيف يكون عندى صديقات؟؟؟؟؟؟؟؟

السلامــ عليكمــ :salam: ورحمة الله وبركاتهـ
:think: :think: خواتي اسمحولي اقول ان اللي يقولون ان لاوجود للصداقه الحقيقيه فهم غلطانين لأن الصداقه موجوده في كل مكان لكن الناس هم اللي مايقيمونها ولايعطونها حقها...انا مع اللي يقولون ان الصداقه نادره ولكن ندر وجودها لايعني انعدامها..مب متكلمه عن نفسي وصداقاتي وكم صديقه عندي ومادري شنو...بس باقول شغله بسيطه جدااااااً الصداقه كنز واللي مايعرف هالشي فهو فعلاً خسران
مب شرط تكون صديقتج معاج في نفس البلد او المكان او حتى من اهلج...المهم الانسجام والتناغم والتفاهم في الشخصيات والعقليات بغض النظر عن الاعمار..لأن اذا وجد التفاهم دامت العلاقه وهاذي قاعده عامه سواء في الصداقه او الزواج او او...الخ
وغير هذا انك تتقبلين صديقتك بكل عيوبها باستثناء مايمس السمعه والشرف وهاذي الأمور.. :cool2:

اضافه ثانيه بالنسبه للمتزوجات (وهذا رأيي الشخصي واللي يحتمل الصحه والخطأ)
افضل صديق لج والأول هو زوجك
ثاني صديقه هي امج
ثالث صديقه اما اختج او صديقة طفولتج او الصديقه المقربه لج (هالصديقه لازم تتوفر فيها صفات ومن اهمها الوفاء وعدم الغيره منج)
والباقي يكونون ربع واقارب لاغير :bigsmile:

بالنسبه لكيفية تكوين الصداقات فطرحج للموضوع هو اول خطوه وانا انشالله وحده من صديقاتج اذا كنتي حابه (طرشي لي على الخاص ياعمري):shy:

ومثل ما قالوا الخوات حاولي تزورين جيرانج وتتعرفين عليهم وارجعي واصلي ربعج اللي قطعتيهم ومن خلال المنتدى بتلاقين بعد ربع وصديقات انشالله
بالنسبه للي رحبوا بالفكره من اعضاء المنتدى وبعدها طنشوا -مع كل احترامي لهم- فهالشي ماينطبق على الكل ياحلوات ....
:shy:

والسموحه على الإطاله