الدانـــــه:
خواتي العزيزات الرجاء الألتزام بقوانين الركن
وعدم وضع روابط لمواقع او منتديات اخرى والدخول في دردشات جانبيه
والله يوفقكم ويسهل لكم اموركم ان شاء الله
أختكم الدانــــه
الدانـــــه:
أختي العروس العمانيه
حتى لو احنا ما انتبهنا للجزء اللي فات المفروض
أن تكون صاحبة الموضوع المسؤولة الأولى عن مجرى الموضوع
وأن تتعاون مع مشرفات الركن في التبليغ عن أي رد يخالف قوانين
الركن
والله يوفقكم ويسهل لكم اموركم ان شاء الله
أختج الدانــــه
العروس العمانية:
1- حبوبة انا حاجزة عند أضواء المدينة بس عربون بسيط لان بعده ما اتاكد موعد عرسي
2- بالنسبة لخياط الفرشان بكره ان شاء الله برد عليج لاني بصراحة ما احفظ اسمه بس هو عدال محل حناين للعبايات في الخالدية
3- الكوشة من عند فنتازيا في ابوظبي
4- البطاقة عند نوال لخدمات الافراح لانها بصراحة واااااااااايد ارخص عن فنتازيا
مرحبا بك بيننا
ولا تنسي تدعي لحبيبتنا ألوان سحرية وزوجها
الله يحفظك
العروس العمانية:
بااااااااااااك
والله جالسه انزل في الافكار والصور ومحد ماعطني فيس
وبعض الناس راسلوني على الخاص يبون الفكرة مالت التصوير ( بس ناس مثل العسل يستاهلون ):shy:
المهم تذكرت ان في السيتي سنتر - دبي في محل اسمه ( قطنيات حلاوة ) اعتقد في الطابق الثاني
شفت اختي اليوم لابسه جلابية من عندهم والله من روعتها فكرت سعرها 300 درهم واتاريها طلعت 95 درهم بس صدق روعه من كل النواحي التطريز والملمس والقماش
واختكم قلبت الانترنت تدور على موقعهم
بصراحة عندهم شغلات رهيبة وطبعا فيه اشياء غالية ولكن بصراحة انا باخذ من عندهم كم وحده عشان لما اجي ابات عند اهلي
وهذي كمين صوره منه
سعرها 135
وهذي 75
وهذي 90
وهذي 85
واترككم مع الموقع
تم التعديل بواسطة الدانـــــه
- يمنع منعا باتا وضع روابط لمنتديات أو مواقع أخرى
malaak:
السلام عليكم ورحمة الله وبركاته
مبروك عليكم فتح الموضوع للمره الثالثة يا عرايسنا وان شاء الله تستفيدوا منه ويا ريت لو كان موجود ايام تجهيزي للعرس
حبيبتي العيــون الذباحــة
ما ادري شريتي اثاث البيت وإلا لأ
بس نصيحتي لك تاخذين من هوم سنتر أثاثهم مودرن وما ينمل منه لما يقدم
بس العايلة مو لهناك أثاثهم دفش بصراحة انا عن نفسي بالمره ما حبيته بس تقدري تاخذي اكسسوارات بسيطة او اثاث الاركان حلوين عندهم
وإن شاء الله تكون غرفتك احلى غرف عرايس بإذن الله
وبنات حبيت أسألكم تعرفوا شو المحلات الي بتنفتح بالاقسام الجديدة من ستي سنتر يعني بعد التوسيع شو بيضيفون له ؟؟؟ أنا سمعت آيكيا صحيح وإلا شائعة ههههههههه
اخوي قال كل الماركات الي بيفتحوها كاتبينهم بلسته بس ما شفتهم أنا بليز الي تعرف تقولي
بنوتة مسقط:
مرحبا يالغاليات
مثل ما قالت الاخت الدانه ان ما يكون في محادثات جانبيه او دردشه
واللي تبي تدردش و تسأل عن الوان تدش هني
http://www.3roos.com/forums/showthread.php?t=207123
هذا لبنوتات عمان
العروس فديتج تسلمي ...
انا جبتلكم صور كيكات زفاف عجبوني وان شاء الله يعجبوكم لان مثل ما لاحظت فاعراسنا ما يهتموا لهالاشياء رغم انها ممكن تخلق منظر حلو فالقاعه
فجر العمر:
بنات العاصمه
بغيت اسالكن
فيه قاعه في مسقط تكون فيها غرفة للعروس بالدور العلوي للقاعة (بنفس القاعة) بحيث انها لما يزفونها تنزل من فوق على الدرج اول لفت ،،،،
هالحركة عندنا بالامارات وااايد بس بغيت اعرف فيه في مسقط ؟؟؟
اذا فيه في اي قاعة؟؟
