ممكن بنات عندي سؤالين؟؟

بنتي عنرها 12 يوم تقريبا (الله يحفظها لي ولابوها ) المهم انا ارضعها من صدري بس المشكله لازم كل رضعه تقر يبا (الله يكرمكم ) تطلع الحليب ما ادري ليه احس انها ماتستفيد منه كل اللي شربته تطلعه حتى بعض الاحيان اذا قامت تشاهق مع كل شهقه يطلع حليب وهذه الحاله صارت معها تقريبا مرتين
ماادري وش السبب؟؟

:: اختى أم نتالي .. الله يسلمج ويحفظج يارب ::

:: والله انا بنت وما بعد اتزوج بس عندي خبره اشوي في الاطفال ::

:: سمعي .. اول ماترضعين بنتك (( الله يحفظها يارب )) واشبعت

حطيها على صدرك (( يعني يصير بطنها على صدرك ))

جلسي مسحي على ظهرها (( الي ان تطلع صوت خفيف ))

علشان يطلع الهوا من بطنها .. اتمني انكــ فهمتي على :::

بنتي عنرها 12 يوم تقريبا (الله يحفظها لي ولابوها ) المهم انا ارضعها من صدري بس المشكله لازم كل رضعه تقر يبا (الله يكرمكم ) تطلع الحليب ما ادري ليه احس انها ماتستفيد منه كل اللي شربته تطلعه حتى بعض الاحيان اذا قامت تشاهق مع كل شهقه يطلع حليب وهذه الحاله صارت معها تقريبا مرتين
ماادري وش السبب؟؟

:: شي طبيعي عزيزتي الصفار اللي يجي عند الاطفال .::

:: بس انا اشوف انكــ تحطين لمبــه صفراء فوقها ..يعني شيلي

البيضاء اللي في الغرفه الا اهي فيها وحطيه اللون الاصفرا

وانــ شــاء الله يعد اسبوعين وبأذن الله بيروح :::

..×× ..

.. واتمنى اني قدرت افيدك ...

.. أختكـــ .. ][ روح أنثى ][ ..

نعممممم كلام (روح انثى نفس اللي كنت ابغى اقولة ) واللمبه الصفراء عن تجربة

هلا مرحبا فيج اختنا ام نتالي في ركن الطفل... ما بغينا تولدين وتشرفينا هني :)

بالنسبة لموضوع الترجيع بعد الرضاعة .. اتمنى انه يكون خفيف.. مو كمية عودة..

الطفلة الحين يالله دوب تعلمت شلون ترضع منك.. وللاسف نظراً لعمرها الصغير ما تعرف شنو يعني شبعتها.. فما دام الخير موجود فهي راح تشرب وتشرب الى ان تمتلئ وترجع او تنام وتسحب فمها

لذلك اهم شيء الحين انك تنظمين لها وقت الرضاعة.. علميها ان تشرب كفايتها في وقت محدد..
يمكن يكون الامر صعب في البداية.. لكن بالاخير انتي راح ترتاحين .. لأنها راح تاخذ وقت محدد انتي محددته سلفاً وتشرب اللي يكفيها بس...

الطريقة...
المعروف ان الثدي الواحد يحمل كمية حليب محددة.. ولا يغرنك الطفل وهو يشرب فترةطويلة.. ممكن يكون فقط هواااااااء .. عشان جذي.. حددي فترة الرضاعة في البداية ب 7 او 8 دقائق للثدي الواحد..
بعدين دخلي طرف اصبعك الصغير في زاوية فمها بلطف واسحبي الثدي.. رفعيها على كتفك وخليها تتجشأ.. بعدين نزليها وارضعيها من الثدي الثاني لنفس المدة 7 او 8 دقائق...

يعني مجموع وقت الرضاعة راح يكون ربع او ثلث ساعة بالكثير...
حتى لو كانت بعد تواصل الرضاعة .. وقفيها عنها.. وجشئيها.. واذا استمرت بالبكاء اعطيها مرضاعة ماء.. مع اعشاب او ينسون عن الغازات .. او ماء فقط.. بكيفك.. واصبري عليها في البداية لمدة ساعة كاملة.. الى ان تعودي ترضعيها...
بعد ذلك زيدي المدة بين الرضعة والثانية الى ساعة ونص ومن ثم الى ساعتين.. وهو الوقت الامثل بين الرضعة والثانية...
شوي شوي... راح تشوفين الصغيرة تعودت على النظام وانها ما راح تحصل الحليب الا على راس الساعتين.. وراح تشرب كفايتها وبس... احرصي ولا تنسين التجشؤ وقت تبديل الثديين.. عشان لو فيه هواء في بطنها تطلعه وما يغربلها بعد الرضاعة ويخليها تزوع..

لي عودة بشأن مشكلة الصفار ..:)

عن الصفار... شوفي هالموضوع عيوني..

من هنا

مبروك ماجاك أم نتالي وتتربى بعزكم، ماشاء الله الأخوات ماقصروا معاك وماعندي كلام زيادة عليهم..

نظمي وقت الرضاعة من كل ثدي، وبخصوص الصفار شربيها ماء كثير وعرضيها قدر الإمكان للشمس وعطيها من ماء الحندبان (معروف عند أهل الخليج) مادري إذا بتحصلينه عندكم...

الغاليه بالنسبه للترجيع نفس ما قالوا الاخوات اكيد تمص اكثر من حاجتها اما الصفار اللمبه الصفرا وايد زينه
+ انج تعطينها ماي شكر بس مب السكر العادي خذيلها سكر نبات وحطيلها قطعه صغيره مع 40 ملي ماي وانا مجربه هالطريقه لولدي..

اول شي سوي مثلي نظمي رضعاتها كل ثلاث ساعات مره وتمي رضعيها نص ساعه ...بتتعبين اول الايام وايد..بس عقب بترتاحين..وحتى بتقدرين تفضين حق عمرج بترضعينها رضعه كامله وبتخلينها تنام لها ثلاث ساعات وانتي عاد استغلي اشغالج في هالفتره
انا كنت ارضع بنتي على كل صدر بع ساعه يعني مدة الرضاعه كامله نص ساعه وكل ماترضع من صدر جديها (طقطقي على ظهرها لين مايطلع الهوا منها)وبعدين رضعيها من الصدر الثاني...
لا تخافين هي لو جوعانه مابتسكت من الصياح وبتعرفين انها جوعانه ولو شربت وايد بتطلع الزايد واظن ان هذا اللي صاير مع بنتج...
اما عن البو صفار حاولي انها ماتنام وايد وتفوت عليها رضعتها ..اليهال في هالعمر ينامون وايد ومرات مايقومون وقت رضعتهم فانتي اذا شفتيها طولت في النوم وجات حزة رضاعتها وماقامت اخذيها وافتحي مهادها واذا ماقامي فصخيها حفاضتها بتقوم اهنيه ابتدي رضعيها
لان يقولون ان البيبي اذا بطنها فاضي يزيد الصفار فيه ...