خلاص مليت منه(موتي ولا حياته)

ما اقول الى الله يهديلج ريلج وان شاء الله نسمع اخبار طيبه عنج

اقولكم يوم اقوله مانبا عيال الحين مايرضى الا يبا عيال الحين مصمم مااقدر عليه شو اسوي

كان يوديني المستشفى بس عشان يشوف ليش ماحملت وبعدين انا الحين بيت ابوي 5 6ايام

ولاطرش مسج شو اسوي لين متى وانا اهلي الي ف بيتنا ماخبرتهم شو بيقولون والله تعبت

مشكلتج وايد تشبه مشكلتي بس انتي شكلج عايشه اروحج انا ساكنه ويا اهله والله والهم صار همين .... خواته وايد شريرات فيني ومطنشاتني واهله من جدامج بويه ومن وراج بويه

انا في بيت اهلي من اسبوعين واكتشفت اني حامل ... تصدقين ولا يسال ولا يتصل مع انه كان موته اني احمل

هلا أختي...


الصراحة موضوعج ذكرني في موضوع اعز صديقاتي....

أول شي شوفي انتي شو تغير فيج...من اهتمام ولا من كثر ما تسالين وتهاتين عليه...

أنتي ما كنت متعلقة فيه وايد بس اللحين متعلقة فيه وتبين اتسوين اي شي عشانه....

اتغيري عليه ...لا تهتمين وايد فيه...طنشي...وشوفي شو بيسوي,....بس مب اطنشين على طول...شوي شوي.

اقولج سالفة اربيعتي...اول ما زوجت كله ربعه سهرات ...من غير البنات اللي يعرفهم...كم هددته ما في فايدة وما تقدر اتخبر اهلها خايفة توه امعرسه...صبرت سنه عليه على حركات....

بدت اطنش وتظهر ما تهتم فيه مثل اول زواجهم...ودرت شي اسمه تسامح....بدا يحس بدا يفكر شو فيها تغيرت وما تهتم ولا في المناسبات تهدي شي...

والحل الثاني هددته باخوانها...بس حط في باله انه تهديد مب جد....كلمت اخوها....واخوانها بدوا يدشون في السالفة صح السالفة كبرت,,,,بس تادب وعرف انه وراها اهل....

انا شجعيتها لان التساهل وايد مع ها النوعية يزيدهم في الغلط ما يخفف..
واللحين امكملين سنتين...والحمدالله المشاكل خفيفه....ودر ضهراته مع ربعه.....

نصيحة..ادعيه ربج الهداية ..انه الله يهديه...في صلاتج....وذكريه بالدين والصلاه وذكريه بالواجباته الزوجيه,....واهم شي اذكري امثال وقصص...

الله يسر امورح.....والطلاق لا تفكرين فيه توج امعرسه ,,,,حاولي وجربي كل الحلول,,,,,بس حاولي اتعرفين شو ظروفه.....وليش تغير عليج مرة وحده...

الله ايعينكم ويهدي رياييلكم .....انا ما راح اقولج اطلقي .. ولا راح اقولج لا تحملين ... لان هالشي بيد رب العالمين يوم الله كاتب تحملين بيصير الحمل مب بكيفينا ولا بتخطيطنا ......بس بنبهج لنقطه صغيره .... تحكمين على حياة كامله وتطرحين فكره الانفصال بعد كم من المده ؟؟؟؟؟ خمس شهور ؟؟ بذمتج ما اتشوفينها مده قصيره ...


ما اقولج غير اصبري اصبري اصبري .... وغيري من طبايعج يمكن في طبايعج شي يخلي الريال جذه ... والله انا مب يالسه الومج ولا اظهرج غلطانه هو بعد غلطان ومدة ايده هذي اكبر غلط .... ومدة اليد بالتحديد مول لا تسكتين عنها .......بس انتى لاحظي في كلامج ....." انا عصبيه " وموت الريال وقهره ان الحرمه اتكون عصبيه والا دومها متنرفزة ....." المفروض يلبي طلباتي " المفروض شي والواقع شي ثاني...و يا حبيبتى الريال اللى مب مرتاح ويا الحرمه ما يلبي طلباتها ولا يسوى لرغباتها سالفه .......وبالنسبه للطلعه ... مافيه ريال ييلس في البيت 24 ساعه .... وفكري فيها والله احكري ولد في غرفه كمن ساعه بس والله لا ايضيج وايصارخ .... فما بالج بريال ؟؟؟ بالعكس استغلي وقت طلعته في شي تبغين اتسوينه .... او تتلومين اتسوينه وهو موجود ....يلسي وياه يلسه مصارحه ... يمكن فيه شي انتى اتشوفين انه ما يستاهل بس هو ايشوفه انه السبب في تغيره عليج ......


ولا تتهديينه باهلج ... ولا تتهددينه بالطلاق ...بينيله انج واعيه وفاهمه وان اى مشكله محد بيحلها الا انتوا ال2 ......ويا حبيبتى ترا مرات التنازل اييب راس اعند واخس ريال ...... بس مب في كل شي واقصد موضوع الضرب ......


ودوم ادعي ربج انه الله ايسخره لج ويهديه ...... وربي ايسر امورج وايريح قلبج ويصلح حالكم

مشكوووووورين على ردودكم والله يهديه ويهدي الجميع يارب

اليوم تطرشتله مسج كتبت فيه يعني اني ماتوقعت اني رخيصه عندك حتى ماتدري عني

لهدرجه فرقايه عيد عندك وله عسب تاخذ راحتك الله يسامحك وعقب دق وقال شحالج

ولاجنه في شي اونه كيف صحتج قلتله توك تتخبر عن صحتي يقول لا انا احس فيج اونه

وتم يسولف ولاجنه صاير شي مااعرف بس اخاف يرد مره ثانيه عقب واليوم روحت السوق

خذتله هديه بشوف بجرب كل الطرق بعد معنه هو لاعمره ايبلي هديه وانا دوم ايبله

اسم عليك حبيبتي من الموت..
والله انكسر خاطري عليك..
الله يسخر لك زوجك ويهديه..
والله يعينك لان زوجك شخصيته صعبه كثير..
طيب حبيبتي دام انك من الامارات ليه ما تتصلي ع الاستشاريه
ناعمه الهاشمي كثير من البنات يمدحونها..
جربي اتصلي عليها وهي ما شاء الله عليها عندها طرق واساليب
كثيره للي يعانون مثلك..
ونصيحتي الخيره لك الدعـــــــــاء..
ادعي كثير والحي بالدعاء ان ربي يهدي زوجك..

الله يعينج ويفك كربتج يارب

الله يصبرك و يقوّيك وانت حاولي تمسكي اعصابك و سلّي و ونسي حالك و املأي الفراغ ، يعني ماتنتظرينه و تعدّي الساعات ،،

قومي اعملي لك اي شيء ، اقرأي ، تحدثي لصديقة قريبة ، لأخت لك ، طالعي التلفزيون ، اعملي رياضة في النادي واشتركي فيه ،، يعني في مليون طريقة علشان الفراغ ،،

مع الأيام انشاءلله يصطلب و يتغير باذن الله ،،،
طمنينا عليكي

اختي اقري على عمرج يمكن هاي عين صابتكم ولا شي تحصني دايما وان شاء الله يجمعكم وتردون سمن على عسل

أهلا عزيزتي

انا مع الأخوات

ورقة عذاب و أزهار المدينة في آرائهن

عزيزتي

هذا كلام انا سمعته من الدكتورة فوزية الي يعرضون برنامجها في قناة الراي

انها تقول مهما كان الرجل اذا كان ما يقعد في البيت او ما شابه او حتى خائن

كل هذا سببه ان المرأة ينقصها شي

يخليه يهج من البيت ويروح مع ربعه او يطالع غيرها

ما في ريال يشرد من البيت الا اذا الزوجة كانت مقصرة في حقه

نصيحة مني

انك تسوين جو رومنسي في البيت

ومثل ما قلتي انتي راح تشترين له هدية وراح تتصالحين معاه

لبسي فستان كشخة او ثياب نوم فيه أغراء

وسوي له مفاجأة

وبتشوفينه انه راح يكون في مزاج هادي

بعدين وبطريقة دلاعة وهدوء دخلو في حوار مصارحة وسأليه

شنو الشي الي يحسه ناقص فيج

خليه يقول الي في خاطره وانتي أستحمليه حتى اذا قال شي ما يعجبج

أستحمليه وحاولي تعرفين السبب الي يخليه يفضل ربعه عليج

انتي تقولين انه قبل الخطوبة كان يبغيكي ومصر انه ياخذك

والحين تغير عليج

يمكن في شي اهو محتاج له بس انتي ما لبيتي له

سأليه حاولي تتوصلين للأسباب بذكائك عزيزتي

وانتي تقولين انك كل تتعدلين له وتحاولين انك تأدين وجباتك كزوجة

ولكن هل انتي تقومين بهذي الأشياء بطريقة حلوة

يعني لما تتعدلين له هل تسوين حركات علشان تجذبينه لج

وتقولين كلام ينقط عسل...يعني حاولي قدر المستطاع

انك اول شي تشوفين نفسك شنو انتي مقصرة في حقه

وبعدين حاولي تحلين المشكلة....

والريال مهما تشوفينه اذا يبي يطلع لا تسألينه وين رايح ..بتهدني بروحي ...الخ

بالعكس سأليه متى بترجع ان شاء الله لأن بجهز لك العشى علشان نتعشى سوا

واذا قال بتعشى مع ربعي

انتي قولي له أوك لكن بطريقة حزينة وبدلاعة علشان يحس انك فعلا تبينه يتعشى معاج

وجذي بغير رايه

بس لا تقولين له وين رايح وين جاي ليش كل تطلع مع ربعك

جذي فعلا تخلينه يهج من البيت غصبا عليه

لأن يفكر اذا بيقعد معاكي راح تصير حياته نكد في نكد

خذي الأمور بهدوء وأستحمليه

الرجل مثل الأطفال خذيه على قد عقله

يعني يبي لهم مسايرة شوي

والله يوفقك عزيزتي

الله يسعدكم ويوفقكم ويبعد عنكم كل شر . الخوات ما شا الله ما قصروا

حبيبتي

اول شيء أتمنى لج السعادة ويا زوجج

وبصراحه متعجبه منج ..!!

تدرين أنج تقريبا جبتي أحد الأسباب وذكرتيه في كلامج ويمكن أنتي مب مهتمه

أنتي تقولين انه يبي العيال ومتلهف عليهم ..؟؟

لو مايبيج كان مايفكر بالعيال منك حاولي تكونين متفهمه وياه وحنونه ورقيقه خليه يحس أنج

أقرب أنسانه لقلبه نسيه ربعه بطيبة قلبك وحنانك عليه خليه دوووم يحس أنه اهم أنسان بحياتج

وحاولي تتقربين منه لا حسيتي المشاكل زادت وضاقت فيج الدنيا قولي يارب ولا تدخلين الاهل دايم بينكم

لا حسيتي انه ضايق ومتكدر حني عليه ضميه إيه ضميــــه لج زوجك حسسيه أنك تحبينه ولا تحاسبينه على الطالعه والنازله بس قولي له مثلا

خاطري أنزل وياك السوق شرايك حبيبي متى يسمح وقتك ..؟؟ يمكن يعطيج موعد ويمكن يقول مب فاضي نزلي مع اهلج خواتج ....الخ

قولي بدلع بس حبيبي خاطري البس على ذوقك بصراحه ما احس بلذة اي شيء اختاره من دونك ..؟؟

تتوقعين لو قلتي له هالكلام مابيحن قلبه عموما انا عطيتج مثال بس ولا تفكرين بالطلاق اعوذ بالله الله يبعده عنا (f) (f)


أختكِ

موضوعيه

اناوحده ماافكر بالزواج بس من اقرا هالمشاكل اقتنع مليون بالميه اني مابا اعرس خخخخخخخخ اكرملي بيت اهلي الله يعيييييييينكن بناااااااااااااااااات حشا ماادري ليش جيه الرييايل عوفيين عوذ بالله

السلام عليكم

حبيبتي لمن بيحن عاليهال قوليله >> كيف تباني احمل و انا نفسيا مب مرتاحه
حسب ما اشوفه من البنات لي معاي انه اللي يعانون من ضغوطات ايا كان نوعها تراها تأثر في الحمل و اتسبب التأخر

و انتي خففي من عصبيتج شويه عشان تقدرين تتفاهمين وياه بهدوء
اشغلي وقتج باي شي اتحبينه و لمن ايي لا اتبينين له انج مهتمه بزود كل مره
خصوصا اذا كنتي منشغلة باللي اتحبين اتسوينه

و الله يهديه و يسخره لج ان شاء الله

و بالتوفيق

اختج

الخرشة

و ياااااااااااااااااااااكثر مانسمع قصص نفس قصصج و يا كثثثثثثر مانسمع عن هل شباب الي عقلهم قاصر


والله ماعرف شوو اقووولج ... بس كرييه يوم تحس الوحده انها تذل نفسها لواحد مايحس فيها و الامكره انها تعيش نفسها مع واحد مايحس بوجودها..


انتي الي بتتعبيين اكثر اذا سكتي عن الوضع .... بس انتي تحاتين ابوووج ... و فس نفس لوقت الطلاق انتي مو وايد مقتنعه فيه لانج تخافين من اضراره على افراد عائلتج و نفسيتج ...


في يمكن حلول ثانية ... بس قبل هذا كله انتي كيف عادتا اسلوبج معاه يوم بتين تعاتبينه


انتي دووم تعاتبينه عادتا؟؟ طريقة عتابج كيف؟

يعني بصراخ و لوم و دووم انت و انت و انت ... ولا تكلمينه بهداوة من وقت للثاني؟؟

شوفي حبيبتي تفرق واااااااااااااااااااااااااااااايد يوم الوحده تقوول مره و تسكت و تتكلم بهدوووء و بطريقة واضحة توصل فيها الي تبي تقووله ... و بكون انه الوحده دوومها تبطل نفس الموضوع كليوم بطريقة حنه و اعصاب...


الريال مثر مايسمع كثر مايمل كثر مايصير هل شي عنده روتين .. فيمل يسمع .. و يبا يسكت الحرمه باي شي .... غير عن طبعا اذا يه الموع مره او مرتين بيفهمه اكثر لانه مو شي معتاد يسمعه


توصيله للضرب؟؟ هل هو عصبي ان كلمتيه ايي و يضرب و لا مايضرب الا اذا زنيتي عليه وايد؟؟


فكري في كل هل اشيه حبيبتي و ابتدي حللي ... انتي اكثر وحده تعرفينه


هو كم عمره؟ يعتمد على العمر بعد اذا كان اكبر منج بسنة او سنتين فليحين يباله صبر احس .. لانه تعود على روتين معين في حياته الي هم ربعه و عايش في فراغ .. انتي لازن تعرفين كيف تملين هل فراغ


ماعرف شوو اقولج اكثر بس جد يعتمد على شخصية زوجج وضعكم في البيت كيف؟ ايي و ينام و انتي ماتكلمينه و يقوم تنظرين منه يكلمج و هو سيده يطلع؟ او عادتا تتكلمون وايد


شوفي انتي كيف تقدرين تغيرين الروتين من غير ماتطبلين الموضوع علني بشكلي يومي ... جي انتي راح تتعبين وهو راح يمل و نفسيتج بتتعب و على اشيه صدقييييييني لو تفكرين فيها .. كانت سهله تنحل بس لنفعال خذكم ثنينكم ... انتي ابدي فكري في هل اسئلة و حللي بروحج شوفي شريط حياتج معاه شلون ؟؟؟ و ليش و كيف تيغرينه؟ هو شنو يحب شنو مايحب؟ متى يعص؟ شنو اطباعه ميف تتقربين منه؟ فكري في كل هل اموووووووووور ... تعمقي في القضية اكثر من انها مجرد اني تعبانه نفسيا و اهو مو حاسس فيني ... شوفي وين الخلل في السالفه ..


الطلاق مو الحل .... ي اشيه تقدر تتصلح صدقيني .. انتي بس فكري و بتشووفين

اتمنى لج الخير و طمنين عليج و الله يوفقكم انشالله

توج باول الطريج

والحياة الزوجية مكافحة حتى توصلين لمرادج وتوصلين لحياة زوجية مستقرة

انتى شفتي انه اسلوب الضرابة والزعل مافاد

خلاص طنشيه خلي يسوي اللى براسه ساعتها بروحها بيمل وبيررررد

ترى ربع مابيتموووله طول العمر كل واحد عنده ظروووفه واهله

اتبعي معاه سياسة التطنيش لات سالينه وين رحت وين ييت بروحه بيحس على عمره وبيرد

وانا مع البنات اجلى سالفة الانجاب وحاولي تقنعيه انه حياتكم للحين مو مستقرة بسبب انكم موفاهمين بعض لين الحين

وبالاخير لاتنسين الدعاء والقران والاستغفار على امل انه يتعدل وضعج باذن الله

توج باول الطريج

والحياة الزوجية مكافحة حتى توصلين لمرادج وتوصلين لحياة زوجية مستقرة

انتى شفتي انه اسلوب الضرابة والزعل مافاد

خلاص طنشيه خلي يسوي اللى براسه ساعتها بروحها بيمل وبيررررد

ترى ربع مابيتموووله طول العمر كل واحد عنده ظروووفه واهله

اتبعي معاه سياسة التطنيش لات سالينه وين رحت وين ييت بروحه بيحس على عمره وبيرد

وانا مع البنات اجلى سالفة الانجاب وحاولي تقنعيه انه حياتكم للحين مو مستقرة بسبب انكم موفاهمين بعض لين الحين

وبالاخير لاتنسين الدعاء والقران والاستغفار على امل انه يتعدل وضعج باذن الله

مشكوووووورين وماقصرتووووووووو ويزاكم الله خير

والله يهدي الجميع يارب ويسر الامور ورديت معاه البيت ها الاسبوع والحمد الله كان

اوكي وحاولت انسى عشان خاطر ابويه وهو بعد الصراحه غير اسلوبه وانشاء الله دوم

وكلمته وعدني انه مايمد ايده وانشاء الله يتغير ومايعيدها

حبيبتي الجأي لرب العالمين تقربي منه ادعيه في الثلث الأخير من الليل صلي وادعي الله يهديه وعسى ان تكرهوا وهو خيرا لكم ادعي ربج في كل وقت وان شاء الله بتتسير اموووووووووورج
صدقيني غير رب العالمين مابتلاقين حل كل مشكله ولها حل والصبر مفتااااااااااااااح الفرج

وياما ناس عاشوا في عذاب واكثر عنج بس الله الحمدالله يسر امورهم توكلي الله وابدي من اليوم وان الله مع الصابرين
والسموحه