( كــــآبة )فترة الخطبــــــة ؟ !!

هذا شي طبيعي
قبل الزواج بشوي
تدرين الربكه مع شوية خرعه
تخلي الوحده كانها متردده
وحاسه بضيقه
بس انتي استخيري وانشالله خير

وأنا مع الاخت كاريين 22 ماعليج إلا أن تكثري من الدعاء عقب كل فرض وخاصة في الساعات الأخيرة من الليل والله يوفقج يارب.

عادي شعور طبيعي جداجدا :shy:

انا حسيت نفس الشي

لأن راح تصير تغييرات في حياتك

وانك راح تعيشين مع شخص مرتبط فيج طول عمرج خخخخخخخخ

يعني بتقيدين فيه هههههههههه


فعادي شعور طبيعي يحصل لكل بنت

نفس الأحســـــــــــــــــــــــــــــــــــــــــــــــــــــــــــــــــــــــــاس الي امر فيه حاليا ملكتي بعد كم يوم والله خايفة موت وصايدتني رعب دوار وخفقان في القلب وحالة هيستريا كل اصيح وكل احس روحي ابي اصيح يتراولي حالة طبيعية لأن بنتقل الى حياة جديدة

حبيبتي .. داومي على الاستخارة والدعاء .. وإن شاء الله يا رب تتوفقين ...

يااااااااااااااااااحياتي تسلموووووووون على الردود اللي تشرح الصدر
ياعسولات حبيبات قلبي ماتقصرون الله يجزاكم كل خير

شكر لكم ياحبياباتي ////
نبض قلبي ..
صاحبة السمو الملكي
لولو بحر مكنون
الليازي
روز
انثى ناعمة
qshark
مُنايــا
دهن عود

الأصدقاء

RED EARTH
coffeerose
اليازية
kareena22
ألماسة
Miss_AbuDhabi

دلع الكون
المخطوبة
الدانه
ماسه دبي
مهااوي الكويت
ahad hawralain

طير البحرين
البنت الشاطرة ..

وشكرا لعرض تجاربكم
وكان ودي اعلق على كم رد بس احب ابلغكم أن نصايحكم وصلت ..



بارك الله فيكم كلكم ...



وعسى الله مايحرمني منكم ..
والله يوفقنا أجمعين ..



ويارب يوفق كل من ردت وشاركت ويحقق لها اللي في بالها ,,



صدقتوا ..ويمكن ألخص ردودكم ..بأن الحالة اللي أمر فيها طبيعية ..
وهي بسبب تغير الحياة ..والإنتقال لمرحلة جديدة مجهولة ..



صدق من قال (ألا بذكر الله تطمئن القلوب ) حافظت على هالشيءوسبحان الله بدت نفسيتي تتحسن ؟؟ورجعت فرفوشه هههههههههههههههههههااااااااي

بس الله أعلم أخاف تنقلب النفسية .. على كذا مالي إلا أرجع اقرأ الموضوع مرة ثانية هههههههااااي ...

عــــــــــــــــــــــــــــادي جدااااا

انتي الان في طور انتقال من حياه البنت الدلوعه اللي في بيت اهلها الى دور الزوجه المسؤله

لكن انتي تحملين صفه اروع من الروعه وهي التفاؤل

لابد ان تشحني كل ما تملكيه من التفاؤل والنظرة الورديه لحياااة جميله

لاتسلمين نفسك اطلاقاااا للاكتئاب والتفكير السلبي

ولاتنسين ان استخرتي رب العالمين


الله يوفقك ويسعدك وتكون كل حياتك سعادة في سعادة

وعقبالي اتعوض بعد الطلاق

hallo

قمة ...///

مشكورة على مرورك ..يالغاليه ..
وجعل ربي يعوضك عن طليقك ..
وجعلك دايم في القمة ...
والله يشرح صدرك ويسهل لك كل أمورك ..
ويرزقك .. من حيث ما احتسبتي ..

شكرا لك


***
أميرة التفاح ..ياعمري ...مع أني ما أدري ...وش انت كاتبه ^^^^^^^^
بس حياك الله هههههههههههههههههههااااااااي

العفو

والله ماسوينا الا الواجب الف شكر يا عزيزتي

الحمدلله .. كانت الفتره من النظره لين الملجه اربع ايام
وجد كنت مكتأبه ووااااايد احاتي .. بس الحمدلله ... انا الحين اروع ما يمكن .. بفضل الله

وانتي بعد ان شاء الله ربي بيسعدج ولا تخافين
بس عليج بالقران .. ولهي عمرج بالتجهيزات..


ربي يحفظج ويسعدج .. ويتمم لج على خير

يا بنات انا كانت عندي مشكلة ان الولد الي خطبني اهله ما ياخذون من اهلي و اهلي عندهم مشكله ان عايلته ما تناسبنا و هالكلام الفاضي الي يتعلق بالاصول و غيرها .. مع الوقت الله يسرها الحمدلله و وافقت الوالده و الوالدو العايلة كلها و انخطبت رسمي و مازال هناك بعض الحساسية من الموضوع لكن مافي بهالدنيا شي كامل .

الحين انا ملجتي بعد يومين و صارلي اسبوعين اصيح و ابكي و تعبانه نفسيتي وايد لان احس ان القرار قراري و اني سويت مشاكل عشان احصل الولد هذا و خايفه من النتيجه.

لكن عرفت ان هالشي طبيعي و ان الاهل لازم يفرحون حتى لو نص فرحه و انا خايفه شلون بتتغير حياتي بس انا ادري ان هالشي هم طبيعي. شرايكم ؟

نفس شعورج يالغاليه .. انا من زود الضيقه طلبت منه الطلاق مرتين وبدوووووون سبب .. ماأنام الليل اقعد اصيح .. مره احس نفسي احبه موت ومره ماأطيق اشوفه او اسمع صوته لدرجة ان لما يجي يتغدا عندي ماأقدر أحط اللقمه بحلجي من زود ماآنه كارهته

بس الحمدلله الحين صار لنا 4 شهور من الملكه .. والأمور تقريبا معديه على خير

انتي بس هدي نفسج .. وصدقيني كلها امور عادي .

مبروووووووووك مقدما والله يوفقج

اختي اتوقع ان هالضيقه والكآبه نتيجة توتر العقل الباطن
والتفكير الزائد بالمستقبل والحياه الجديده

الله يوفقج
واذا الرجال ماينعاب توكلي على الله

انا يتني فترت كأبه من بين الخطبه والملجه ,,

وحتى قبل حفلة الملجة بكمن يوم مرضت ,,
لدرجة انه يوم الحفله عطوني ابرتين ,, علشان الحراره ,,
مااعرف يمكن من الخوف ولا من المحاتاه ,,

بس والله الحين كل شي طبيعي ..

الله يعيني على العرس شو بيستيو بي


الله يكون في عونج اختي ,,
بس انتي اكثر من الدعاء ,, اقري سورة البقره .

الله يوفقج انشاااء الله

عادي ياختي ... انا قبل الزواج بفترة بسيطة راودتني الهواجس والشكوك واحسست بضيق شديد بالرغم اني كنت احب زوجي ومخطوبة منذ فترة طويلة ... لدرجة اني خلقت مشكلة من شي تافه وصغير واصررت على ان نفترق بدون سبب وجيه ..... كنت كأنني ممسوسة .... لكن الحمدلله عدت الفترة على خير وزالت كل هذه الاحاسيس بعد الزواج

قمة شكرا لك مرة ثانية ياعسل
****
شمعة جلاس قطر الله يوفقك ويزيدك سعادة يارب مشكوووووووووورة
****
تحت رحمة أهلي ياعيوني انت تحسين بتأنيب ضمير كثري استخارة عشان ماتندمين الله يوفقك يارب ويسهل أمرك يابعدهم
***
حصابي _قطر شكرا لمرورك والله يسهل أمرك ويتمم لك على خير

****
آنسة فلة تسلمين يالغلا والله يبارك فيك
*****
درب المحبة شكرا ياعيوني اسعدني مرورك يالغلا
***
منى عمري الله يوفقك شكل خوااااااااااااااااافه مرررررة
الله يسهل أمورك يارب ولايخرب عليك الخوف أحلى لحظات عمرك
****

كريم كراميل شكرا لك والله جيزاك خير سعيدة بمرورك يالغالية

الله يسعدك ياقمر وينور لك دربك

الغالية كادبري مشكورة عالدعوة ,,والله يوفقك يارب

الحمد لله أحس أقنعني كلام البنات بأن الكآبة والفتور شيء لابد منه