لحقووووو على أبوي وبيتنا

الله يهديه ويصلحه يارب ويبعده عن الحرام

بنت زايد 555:
الله يهديه ان شاء الله
ومن الافضل انكم تسفرون الشغلات وانتو البنات تتحملون مسؤولية البيت ووزعوا شغل البيت على كل وحده فيكم مثلن وحده عليها تنظيف المطبخ وحده الصاله والثانيه غرف نوم البنات والثالثه غرف نوم الاولاد وجي بيتقسم الشغل ع كل اللي في البيت واذا ع لطباخ كل يوم ع وحده الريوق والعشاء والغدى اذا تعرفون واذا ما تعرفون ع امكم الله يطول في عمرها وصدقوني جي بيكون احسنلكم واريحلكم
والله يهدي ابوج ويستر عليج وعلى اخواتج ويرزقكم الازواج الصالحين

رايي من راي بنت زايد

شوفي انا بقولج شي ..

هالموضوع مر عليه من قبل .. و سمعت عن قصص استوت .. فبقول لج وجهة نظري .. بس طبعا كل حاله لها ظروفها ..

القصة الي سمعنا عنها انه كان يتحرش في الخدامات و في الاطفال الصغار بعد ..

فحبيت اقول انتبهي اذا البيت فيه اطفال صغار .. حتى لو كان احفاده او ابناء الجيران ..

و انتبهي بعد من الحنية الزايدة مع الاطفال و خصوصا الاعمار الي ما تميز ..

هذا من باب التنبية ..

اما الحل .. فما اظني فيه حل سهل .. لكن محاولات لاحتواء المشكلة ..

مثل انكم تبهون الخدامات انهم ما يكونون معاه في نفس المكان .. يعني اذا دخل اي حجرة او مكان و هم موجودين .. انهم يسيرون حجرهم على طول ..

و تبعدون عنه الاشياء الي ممكن تحفز هالتصرفات .. و حتى قنوات التلفزيون ..

حاولوا انكم تحذفون القنوات الي مالها فايده اذا ممكن ..

شوفوا كيف يقضي وقته .. و حاولوا انكم تعطونه بدائل .. شوفوا الاوقات الي يكون فاضي فيها .. حاولوا انكم تشغلونه بأي شغل في البيت .. على الاقل بيكون عنده مسؤوليه و اهتمام لشي ثاني ..
هذا اذا كان فاضي في البيت و ما عنده شغله ..


و مثل ما قالوا البنات .. هل هو في سن او ظروف تسمح له بالزواج ؟

حاولوا انكم تلمحون للموضوع .. يعني مثلا قولوا قصة عن فلان الي بلغت عنه الخدامة و الحين في السجن مثلا ..

و الدعاء.. و كثرة الاستغفار ..

و ان شاءالله تتحسن الظروف ..

و الله يخفف عليج و يهون عليج .. و ربي يحفظكم من كل شر ..

الله يهديه ويبعد عنكم بنات الحرام وعيال الحرام

والبنات كفووو ووفووو

وانا من العرايس سفروها صح بتتعبون جسديا بس بترتاحون نفسياا

الله يهديه ويصلحه يارب ويبعده عن الحرام

[glow=FFFF00]الله يهديه إن شاء الله .. وايسر أموركم ..

آمين[/glow]

الله يهديه ان شاء الله

وما اعتقد ان البنات قصروااا بالعكس والله كل وحده عطتج حل احلى من الثاني

الله يهدية ويبعده عن الحرام


انا بعد مع البنات سفرو الشغلات الموجودات لانه اخذ عليهم وحاولو تعتمدون على نفسكم لو اضطريتوا قدموا على جدد بس من البداية تعلمونهم يلبسون ويحتشمون ومايجلسون معه في مكان واحد

اذا هو يقدر يتزوج ساعوه اما اذا الظروفه ماتسمح

في نبات معروف عند العطارين والله مادري وش اسمه ينحط بالاكل والشرب المهم انه يهدي الرجل ومايخليه زي اول

اسئلو عنه وابعو عنه الاكل الي يزيده


والله اكتب وانا مستحيه من ردي

بس انشاء الله الله ينفع فيه


والله يكون بالعون

وهدي نفسج ترى هاي المشكله تصير كثيير بس المهم انكم تعرفون تتصرفون فيها

هلا ياعرايس المنتدى...سمحولي مارديت عليكم بسرعه

وبرد عليكن احين واقولكم هو مع كل الشغالات كذيه :sad: .... ومافي مجال نسفره الانها ايدية والعيب مو فيها ولا مقتصر عليها و لان الوالدة كبيره بسسسسسن ونحن البنات كلنا نداوووم فحليلها العيوز تتعب وااااااايد واساسن نحن نيب الشغالات مو بس عسب الشغل بالبيت عسب العيوز مريضه واذا استوابها شي بعيد الشر الشغاله تكون موجوده لان فترة الصبح والظهر محد بالبيت.........وبعدين عزواج الوالد محد معارضه ومحد عارض عليه بنفس الوقت لو يبى اعرس بيعرس عاد رياييل محد اروم اوقف بويوهم اذا بغو اعرسووووووون

فماشي حل غير الدعاء لانه مكلمينة مليووووووووووووووووووووون مره:sad:

بليز بنات تكفون والله حالتي حاله

الله يعينكم ويستر عليكي وعلى خواتك صحيح والله أن صعب كثير أن قدوة البيت وسندها يتصرف كذا . لا حول ولا قوة أختي لو والدك مقتدر زوجوه أفضل له ولكم والله يشفي الوالده

السلام عليكم ورحمة الله وبركاته
اختي العزيزة معظم الشياب جذي ولكن ما انصحج بسالفة الزواج لانه اكثر من واحد زوجوهم اما هندية او مصرية وحوشن على كل شي وطردن عياله من البيت فحذاري من سالفة الزواج لانه بيقلب عليكم عقب
ثانيا اذا البشكارة ماتبه ماكان يهه صوبها فالافضل اتيبون وحدة مو معرسة لانها تخاف على روحها وما بتسويله سالفة ....

اما هو فدايما ذكروه بعذاب الله وانه الرجل الكبير والمحصن عذابه ضعف عذاب الشاب وخوفوه بقصص من راسكم

ولا تنسون اولا واخيرا الدعاء عسى الله يهديه ويهدي كل الشوااااااااااااااااب ...

اله يهديه يااارب وييسر اموركم ويرزقكم الازواج الصالحووون

الله يهديه
اول شي اسمحيلي اكبر غلط انكم تواجهونه بالموضوع
وكانت المواجهه المفروض تكون من الحلول الاخيره وراح اييج بالحجي ليش المفروض تكون من الحلول الاخيره

والمفروض انج اتبعتي سلسله من الحلول وتكون بخطوات مدروسه

خلونا نكون واقعيين تسفير الخدامات مو حل لان مثل ما ذكرت وحده من الخوات انه ممكن يتحرش حتى بالاطفال

يالله خلي نحاول نبتدي بالحلول :-

1- وبقولج دايما القنوات حطوها على القرآن خلوا صوت الرآن بالبيت ما ينقطع

سواءا فوق والا تحت

حتى بالمطبخ حطوا مسجله واذاعه القرآن لاتحطون شريط لان الخدم يتعايزون يشغلون الشريط اذا خلص وقولوا للخدامات لا يسكرونها
لان القرآن سبحان الله له رهبه يعني لو دخل عليهم بالمطبخ وسمع القرآن بيخاف

2- هذا الحل يطبق قبل المواجهه بس بقوله علشان يستفيدون منه البنات واذا كان فيه امكانيه ومجال تطبقونه انتي وخواتج زين على زين

كان المفروض تسوون تمثليه انتي ووخواتج وهي
انكم تنطرونه لما ايي يكون داخل
ويكونون خواتج الكبار منهم فقط قاعدين وانتي واقفه ومعصبه
وتصارخين والوضع يكون متنرفز
وتقولين هالخدامه الجذابه تقول انه ابوي يتحررش فيها طبعا احنا نبيه يسمع الكلام بس جنكم ما تدرون انه سمع
المهم رددي الجمله وجنج مصدومه
انا ابوي يتحرش بالخدامه ابوي لو يبي يتزوج
انا ابوي اللي يخاف من ربه يسوي جذيه شفتوا هالجذابه رفعت ضغطي

طبعا احنا شنبي نوصل لابوج
نبي نوصله ان صورته عندكم فوق وانكم مو مصدقين الخدامه وبجذيه راح يستحي
ويحاول يوخر عنهم او اييهم بالدس بس انتوا الله يسامحكم لما واجهتوه خليتوا السالفه مجاهره
والله يغفر للعبد الا انه يجاهر بالمعصيه

المهم هذا الحل مؤقت بس مفيد جدا لكسب الوقت

علشان تطبقون الحل الثالث

3- كلكم تغيرون تعاملكم مع الوالد لان الوالد يحس بالنقص وفقدان الحنان والرعايه الكايه
ولو كان لكم خاطر عنده جان احترم خاطركم

فاسمحيلي انكم سبب مساعد للمشكله
التغير اللي بيصير بهالحل ما راح يعجب الوالد بالبدايه بس مع الايام راح تعود عليه
وراح يحاول بكل الطرق انه يبعدكم عنه وراح تسمعون كلام يهز جبال منه بس استحملوا
علشان نوصل لحل ينقذ الوالد

أ- تخلون الخدامه تسوي ريوقه وانتوا دخلون الاكل عليه ونفس الطريقه الغدا والعشا
يمكن احيانا يكون مو موجود اونايم تنتظرونه الله يعينكم راح يقل نومكم بس لازم

ب - كل ما شفتوه بروحه قعدوا عنده اول شي ما راح يتقبل ولاراح يفتح معاكم اي موضوع
بس انتوا دخلوه بمشاكلكم وقولوله الاحداث اللي تصير لكم بالدوامات بالتفصيل الممل وبتشوفون التغيير

ج- حسسوه انه اهم اهتماماتكم وانكم ما ترضون عليه بكلمه علشان يرتفع قدركم عنده ويعمل لكم حساب ويحاول ما يجرح مشاعركم

د- اذا بغ قلاص ماي بسرعه الوحده تفز من مكانه وهي مستانسه وتقول انا اييبه لك
ولما تييبه تقول اتفضل يالغالي صج صعبه للي مو متعود بس بتشوفون النتيجه

هـ - بما انكم متوظفات فاعزموه على الغدا او العشا برا وسولفوا واستانسوا بتشوفونه بالبدايه متنرفز بس ما عليه راح يتعود
وانتوا راجعين للبيت امدحوا الطلعه وايد راح يكون للمدح اثر في نفسه

د- المشكله الاهم ان الوالد يحس ان البيت فااااااااااااااضي وهذي الطامه الكبرى
بليز ياحبايبي لما تردون من الدوامات لاتنامون اونصكم ينام ساعتين ونص ساعتين ورا بعض يعني نظام مناوبات

وانتشروا بالبيت كله تابعوا بيتكم خلوا ناس رايحين راديين عالمطبخ يعني اذا بغت الوحده ماي لاتطرش الخدامه تقوم الله لايهينها وتييب لنفسها الماي

لا اكلتوا لاكل انتوا ودوه للمطبخ شغلات المطاريش انتوا سووها بنفسكم علشان تصير حركه بالبيت

اللي تبي تسوي رجيم تحاول تمشي بالبيت

لا ياء مسلسل كلكم تتابعونه ماعليه ضحوا وحده تروح تفتر بالبيت

ولاتجابلون التلفزيون 24 ساعه كلكم مع بعض مثل ما قلت حسسوه ان البيت مو فاضي واذا ياءوقت الصلوات لاتصلون بدار وحده يعني وحده من البنات تصلي بالمجلس ووحده بغرفه الطعام
ووحده تصلي بالصاله وهكذا خلوه يشوفكم مجابلينه
واذا الخدامات ما عندهم شغل خلوهم يقعدون عندكم بالصاله جبال عيونكم بعد شتسون افضل من انكم تسفرونهم

حبيبتي الحل صعب بس الله عز وجل قال بما معناه اسعى ياعبد وانا اسعى معاك

تعبوا نفسكم شوي وانسوا النوم علشان الله يحسن خاتمه ابوكم بعد عمر طويل ومايبيع الاخره بالدنيا

وادعوا له بالهدايه بكل الصلوات وتصدقوا عنه فالصدقه تطفئ غضب الرب وتشفي من العلل ماعدا الموت

ما عليه الموضوع يبيله صبر :sad:

بس هالله هالله بالوالد وبشرينا بالنتايج

الله يهديه..

الله يهديه

أختي فراولة إماراتية

الله يهدي لكم الوالد ان شاء الله

ويهدي جميع المسلمين والمسلمات يارب ويبعد عنه الحرام

والله يرزق خواتج ويرزق جميع بنات المسلمين بالأزواج الصالحه

عاجلاً غير آجلاً يارب العالمين

أختج الدانــــه

الله يهديه إن شاء الله .. وايسر أموركم ..

الله يعينكم على ما ابتلاكم ويهديه ان شاء الله

والله يرزق خواتج ويرزقنا بالزوج الصالح اللي يسعدنا .

اختج

روح البحرين

مرحبا اختي والله عورتي قلبي :sad:
والحل انكم تخوفونة وتهددونة ان الخدامة تبي تشتكي عليه في الشرطة وفهموا الخدامة تبين له انها متضايقة من هذا الوضع بدون ما تبينون للخدامة سالفة الشرطة عشان ما تركب الفكرة في راسها ......
والله يهديه ان شاء الله ..

الله يعينكم على مابلاااكم

انصحوووه وذكروه بالله مخافته وان وراه قبر وحسااب

وربي يهديه ياارب ويستر عليكم في الدنيا والآخره وبنات المسلمين اجمعين

اللهم استرنا فوق الارض وتحت الارض ويوم العرض

:(