المدارس الخاصة في البحرين

اللي اعرفه ان ولد اختي في مدرسه كانو

ووايد مرتاحه من الدراسه و المدرسين بس الدراسه صعبه يعني اكبر من سنهم بس امشي

الحمد الله

وعندي بعد ولد عمتي حاط ولده في مدرسه المهد ووايد يمدحه ويقولون ان يرجع الاطفال الساعه 4 يحلون معاهم دروسهم وكل شي ويتغدون وبس هذي اللي اعرفه

ويقولون ان مدرسه النور بعد زينه

والله اعلم

بس حبيت اشارك ومامر جذي بس على الموضوع

مع الشكر

ياهلا أختى شهباء،، مثل ماقلتي المدارس الخاصة كثيرة،، أحنا جربنا المعارف وحاليا الشويفات،، إبني بعده على المدارس ومن الحين شايله همه...

كنت منزلة موضوع عن الروضات وشاركوا أخوات كثيرات من البحرين عن المدارس مثل دلمون والمهد،، شوفي الرابط وإن شاء الله تستفيدين..

شوفي هذا الموضوع

غلاء فاحش ما ينوصف ، يمدحون مدرسة النور بوجه عام شوى الرسوم اهون من باقي المدارس بس يقولون يعطونهم وايد واجبات ، عندك مدرسة الشويفات ممتازة مدرسة الرواد ممتازة مدرسة دلمون ممتازة الله يساعدنا على رسوم هالمدارس بس كل في سبيل تعليم عيالنا احنا نسعى لهم للأفضل .......والله يوفق عيالنا آية على ايامنا وعلى المدارس الحكومية ......

المهد الكل يقول زينة بس انا مو عاجبني دوامها الى اربع ، احس ان حتى لو يسوون وياهم الواجبات بعد الطفل ما عنده طاقة يواصل الى اربع من غير راحة.

النور بد زينة بنت اخوي فيها احسها حليو دراستهم ووقتهم معقول واسعارهم مثل ما قالوا البنات زينة بالنسبة الى باقي المدارس.

لؤلؤة الخليج للي تحب الاحتشام الى عيالها وخصوصا البنات. وهم دراستهم زينة.

ما شاء الله عليهم يجننون اغلبهم متحجبات الله يخليهم الى أهاليهم.

تسلم اليد اللى ردت على الموضوع:clap:

توتة البحرين: مدرسة كانو سمعت عنها انها ممتازة بس احس سعرها وايد ودراستهم جدا صعبة

المهد ايي سمعت عندها بس احس الطفل يتعب ماعنده طاقة الى اربع وتسلمين على المشاركة


رانيا البحرينية: ايي والله كثرت المدارس بس احنا نبي الزين :shy:

بس وين هاذي الشويفات اول مرة اسمع عنها وتسلم ايدش على الرابط المفيد


nodoo: مدرسة النور وايد زينة بس ماعندهم مواصلات الى خط البديع :sad: وبغيت اعرف اكثر عن مدرسة دلمون وتشكرين على ردش

أكبر قلب: ايي انا سمعت عن النور وايد بس عيبهم مثل ماذكرت سابقا ان مافي مواصلات الى خط البديع المهد زينة بس دوامهم وايد صدق يسوون وياهم بعض الواجبات ويرجعون وبعد عليهم واجبات احسن الطفل جذي يكره الدراسة وتسلمين على المشاركة

لا اختي عندهم مواصلات الى شارع البديع مثل ما قلت لج احنا في شارع البديع ويوصلونها بنت اخويي في الباص

أكبر قلب : مدرسة النور العالمية في سترة اتصلت اليهم قبل سنتين قالوا ماعندهم مواصلات

يمكن الحين وفروا بس اذا صدق الكلام بكون شاكرة الج وايد (f)

لأني ارتاح الى هاي المدرسة :ok:

بس بغيت اسال فيها حضانة بعد :shy:

ينقل الى ركن التعليم وشؤون الطلاب..

النور زينه بس ضغط وايدد واييييد انا درست بس صف الاول لين الرابع وماقدرت اواصل

عندج الروابي وايد اوكي
والقلب المقدس

سلام

هلا JUST ONE LOVE

تسلمين حبيبتي على الرد

الروابي فيها بنات اختي احس تعليمها موشئ مصاريف على الفاضي:angry:

مدرسة النور كان ولد اختي فيها بس في الروضه والصراحه وايد دراستهم زينه وعندهم عناية بعد

up
up

تسلمون بنات البحرين على هالموضوع والردود الجميلة
الصراحة استفدنا وايد

انصحوني انا عيالي في مدرسة AMA هاي السنة وهي ماساة وين اواديهم ايش رايكم في الشويفات

:sad: :sad: :gum: انصحوني انا عيالي في مدرسة AMA هاي السنة وهي ماساة وين اواديهم ايش رايكم في الشويفات

للرفع ..

نتمنى الافاده من تجاربكم اللحين لمن وديتوو اعيالكم المدارس !

انا قلت باودي ولدي يا المهد او كانو او القلب المقدس من تنصحني؟؟؟؟

المهد .. بنات مابي ابخس حقها.. بس ما توفقنا وياهم.. انا مدخلة ولدي من السنة اللي فاتت.. تشجعت لانها بس اقرب لنا.. كانوا توهم فاتحين عندنا بالمحرق..

ما انكر السنة اللي فاتت مدرسته كانت ممتاااااااازة وبالفعل أسسته مضبوط.. بس مدرسة العربي كانت فاشلة بكل معنى الكلمة.. هالسنة صار العكس تماما.. بسبب الازمة اللي مروا فيها ومشاكل المبنى الجديد واللي انكتب عنهم بالصحافة... سبحان الله صف ولدي بس من بداية السنة لحد اليوم تناوبت عليه 3 مدرسات.. وتخيلوا بين كل مدرسة ومدرسة تستلمهم المديرة بكبرها وتدرسهم عشان ما يقعدون جذي.. بس الشهادة لله مدرسة العربية رووووعة الله يجزيها خير.. حببتهم بشي اسمه عربي وفعلا منهجها وطريقتها ممتازة جدا.

بس طبعا بشكل عام اللي صار مع ولدي.. وعشان المدرسات اللي تغيروا.. تقريبا كره الدراسة.. وصار عنده نوع من عدم الاهتمام.. والمصيبة اني من اروح اسأل واطب عليهم فجأة يمدحونه ويشكرون فيه.. شالسالفة مادري؟؟؟.. هل لانهم ما يبون يخسرون الزباين.. اقصد الطلبة :)

انا الحين افكر بالنسبة للسنة الياية.. ولدي بيصير أول ابتدائي.. ومابي اعذبه واخلي اللي صار يتكرر .. ففكرت اما اوديه مدرسة سيتي اللي بالحد.. او مدرسة الرجاء.. بس للحين ما قررت.

مرحبا حبوبااااااااات

انا بحكم كنت اشتغل في كذا مدرسة اقدر اساعدكم


مدرسة المجد الخاصة اللي في الزنج الصراحة كلش ماساة لان الهدف الرئيسي الفلوس وبس يعني لا ادارة عدلة ولا تدريس عدل ، وهاي الشي صار جدام عيني

مدرسة المهد سار تدريسهم قوي وحلو بس الدوام اشوي طويل بس بعد ممتع لان ايعلمونهم اشياء وايد مفيدة

مدرسة لؤلؤة الخليج مدرسة محترمة وقوية في التدريس ومن الادارة الى الموظفات الصراحة محترمات جدا

مدرسة التعليم العصري توها حديثة بس امبين ان المدرسة قوية بعد

مدرسة النور قوي تدريسهم وصعب جدا بس مفيد جدا

مدرسة المعارف نفس الشي تدريسهم قوي

مدرسة الروابي احسها بس حجي وسمعت من فترة قالوا غيروا النظام عندهم وصارت احسن

مدرسة السنابل بعد تدريسهم زين

مدرسة اي ام اي تدريس فاشل يعني بس فلوس وعلى خرطي

سنت كريستوفر مدرسة قوية وحلوة ودراستها وايد زينة

الحكمة والبيان وابن خلدون و الشيخة حصة والنسيم والهندية وكانو كلهم زينين بس عيبهم السعر الغالي

مدرسة الرجاء بعد وايد زينة
البحرين الدولية و ديلمون ونادين من اقوى المدارس واحسنها
القلب المقدس بعد زينة

بوابة المعالي بعد وايد زينة

هاي اللي انا اعرفهم واتمنى اني فدتكم ولو بالقليل