عيد ميلاد بنتي بسويه بالروضه

شدعوه محد يبي يساعدني

لي عودة اختي الغالية ومايكون خاطرك الا طيب والبنات كمان مابيقصرو ان شاء الله
انتظريني قريبا جدااا

عزيزتي

ان شاء الله العمر كله للعروس الصغيرة

تقدرين تاخذين لفة في الركن وبتلاقين افكار كثيرة
هذي بعضها

كويس انك بتختارين كيكة كبيرة عشان تكفي الفصل كله ... حلو لو حطيتي عليها صورتها او شخصية كرتونية هي تحبها مثل باربي او فلة او Strowberry shortcake
اي شخصية هي تحبها





تقدري تمري محلات تجهيز الحفلات ( وياكرها في البحرين ) اي محل رخيص تشتري لها صحون مع كاسات ومناديل وقبعات كلها بنفس الرسومات ... بنفس الشخصية اللي تحبها او اي شي للحفلات .. تطلع حركة حلوة لو اخترتي theme معين تمشي عليه طول الحفلة ( لكن مو شرط لان الحفلة في الروضة مو البيت )







الاكياس مو شرط تكون اورغنزا .. حتى لو اكياس بلاستيك خاصة بهدايا اعياد الميلاد birthday favor bags وحطي فيها لعبة صغيرة ( احسن لهم من الحلويات ) وكيس شيبس مثلا او بسكويت ... الهدايا مو شرط اكل .. تقدري تشتري لهم دفاتر تلوين مع علبة الوان صغيرة ...وعليها كرت فيها اسم بنوتتك وتاريخ عيد ميلادها
اكتبي فيها عبارة صغيرة او بس شكر لحضور الاطفال عيد ميلادها







اما الاكل لا تكثري منه لان الاطفال بشكل عام ما ياكلون
الكيك
ورق عنب اكيد يحبونه
لو تقدري توصي على فطاير مشكلة بحجم صغير
عصير

والباقي على المدرسة ( لو انتي ما بتحضري الحفلة ) يمكن تسوي لهم العاب بسيطة او تقرأ لهم قصة
ولو الروضة ما تمانع لبسي البنوتة لبسة حلوة غير مريول الروضة

ولا تنسي زينة الفصل من banners وبالونات وغيره ( على حسب الميزانية ) لكن ما اتوقع تحتاجون لان عموما فصول الروضة دائما تكون مرتبة وفيها ديكورات حلوة للأطفال

بوسيها عني وقولي لها
كل عام وهي بألف خير

ماشاء الله الاخت رومي كفت ووفت وجائت بالمفييييد
اهم شي زيني لها الفصل بالبلونات الملونة ولبسيها فستان حلو واعمللي لها تاج وممكن تحصليه جاهز من محلات ابو يالين
ولاتنسي المناديل ولصحون الورقية والملاعق



وقالب الكيك انا مرة عملت لابني قالب كيك من الدانوب وعليه صورة ابني كتيييرطلع حلو
ولا تنسي العصير والبوشار وممكن تعمللي بطاطا مقلية الاطفال بتحبها كتييير
وممكن كمان تعمللي بيتزا ومعجنات او توصي عليها ارخص واريح الك





وممكن كمان ترسمي على وجه بنتك كنوع من التميز والتغيير



وعيدها مبارك
ولا تنسي الهدية خليها تكون هدية مميزة ومفيدة بنفس الوقت

فديتها كل عام وهيه بالف خير وعقبال ما اتجهزين لعرسها يارب

انا عني فكره شو رايج اتيبين لهم شخصيه كرتونيه تلعب معاهم

يعني تيبين اي حد حتى لو الشغاله خخخخخخ تلبس لبس وتلعبهم يستانسون على هالسوالف

ولو اتحطين شمعه شراريه او اتوزعين عليهم بيستانسون بعد اختاري النوع الي ما يحرق

وهاذا الي في بالي الحين
انشاء الله اكون افدتج

الدمشقيه بانتظارك حبيبتي لاتتاخرين علي لان العيد ميلاد بعد كم يوم
ويعطيك الف عافيه

ro0o0my
والله ماقصرتي استفدت منك كثير وراح اغير فكرت الهدايا واحط لهم العاب ودفاتر تلوين لكن راح احط اكياس اورقنزا صغنونه بحط فيها كم حبة شوكلاته وكم حبة ملبس
وبالنسبه للحفله بالروضه راح اكون موجوده انا استئذنت منهم لحضوري ووافقو الحمد لله
وانامحتاره احط زينه بالفصل ولالا لان مثل ماقلتي الفصل مزين وشكله حلو ويجنن بس يمكن اخذ بالونات للاطفال
طيب بما انك جبتي طاري العباره الي اكتبها على الهدايا ساعديني شنو ممكن اكتب
واذا ممكن ابي عباره حلوة ومرتبه وممكن يكون داخل فيها اسم بنوتي بشكل منسق
وانا مجهزه لبنوتي بدله شيك وانيقه وعندي لها لبس روعه فستان ابيض طويل ناعم وعلى الظهر جنحان كبيره وعاه عصى كريستال لكن حايره اي منهم البسها
على فكره بنتي تموت بسنووايت هل اقدر احصل اشياء الحفله كلها برسمة سنووايت يعني متوفره بسهوله؟؟؟
وتسلمين حبيبتي وتبوسك العافيه يارب

الدمشقيه حبيبتي مانتبهت ان انتي رديتي وردك اكثر من رائع وجزاك الله الف خير والله يبارك فيك ويخليك
وبالنسبه للرسم على وجهها انا مفكره اخذ اشياء الرسم معي للروضه وارسم انا والمدرسه على وجيه الاطفال احس بيكون احلى من ارسم على وجه بنتي لحالها
وبالنسبه للهديه انا اخذت لها هديه لكن محتاره اوديها للروضه اولا لان احس الهديه لها تاثير كبير بنفس الاطفال فماودي اكسر بخاطر الاطفال الي بالروضه لان شايفه دايما اذا نعمل عيد ميلاد بالبيت الضيوف من الاطفال مبسوطين وفرحانيين الى وقت الهدايا بعدها يبدء الزعل والبكي ولوم الاهل ويتنكدون ولاشرايكم ههههههههههههه

محاره تسلمين حبيبتي والله يسمع منك وافرح فيها قريب وعقبال ماتفرحين باحبابك قولي امين
وفكرة الشموع حلوة مره شكلي راح اسويها
والف شكر لك حبيبتي

يالله يابنات وينكم ابي افكار بعد لان مابقى غير كم يوم على العيد ميلاد ابي افكاركم لترتيبات الحفله موبس الاشياء يعني كيف يكون برنامج الحفله وشنو ممكن العاب بسيطه يلعبونها الاطفال بالحفله
واذا ممكن ابي عباره حلوة اكتبها على الهدايا الي راح اوزعها وممكن يكون داخل فيها اسم بنتي بشكل انيق ومنسق

كل سنه وهي بألف خير وصحه وعافيه..

ممكن تجهزين لها حبل عليه وردات من ورق الالواح وكل ورده عليها حرف منHAPPY BIRTHDAY وبعد اسمها كل حرف على ورده..
انا مسويتها لبنوتي يوم عيد ميلادها بالبيت..لو عجبتك الفكره ممكن ارسلك الصوره وطريقة الوردات..
وتعطينها مثلا معلمتها قبل بيوم وتطلبين منها تجهزها لها بحيث لما تجي الصبح تلاقيها وحضري معها بلونات ممكن تودينها معها الصبح للمدرسة..
بالنسبه لهدايا الاطفال أكياس الاورقنزا ما تصلح لهم.. يفضلون الاكياس الورقيه اللي تجي عليها رسوم كرتون لشخصيات يحبونها مثلا الاولاد شكل والبنات شكل..
وداخلها حطي كيس تل او ورق هدايا داخلها اشكال حلويات وشوكولاته ومصاصات.. وقفليها.. واختاري هديه بسيطه للصغار .. وحطي بلونات صغار

انا اشوف اختى لم تسوى عيد ميلاد اطفالها فى المدرسة ايش تودى
طبعا قالب الكيك كب كيك بيتزا صغار افخاذ دجاج كروسان على جبن او شوكليت فطائر وعصير بعدين هدايا الاطفال تشترى اكياس الاطفال وتحط كم حبة من الشوكليت مال الاطفال وتشوف شو الدراج من الالعاب الله يخلى السبيس تون فى كيس لعبة على حسب بنت ولا ولد
وبس وطبعا كل طفل يلبس الكاب مالت العيد ميلاد والصفارات وبالون

دلوعة حبيبي تسلمين على فكرتك الحلوة وبصراحه عجبتني جدا وياليت تبعثي لي الصوره اما على الخاص اوالايميل
وربي يخليلك حياة وتشوفيها عروسه
خالة ساره ...افكارك افادتني ومرورك اسعدني وانشالله يكون العيد ميلاد مرتب وحلو وراح ادعيلكم كلكم

دلوعة حبيبي وينك عيوني بانتظارك لازلت ومابقى على حفلتي غير كم يوم لاتتاخرين علي بالصور تبع فكرتك لانها عجبتني وشكلي بنفذها

هذي الصور يا قلبي..




وهذي فراشات سويتها وعلقتها بالاطراف..



وهذي الكيكه صممت الصوره وهم طبعوها.. بس قهروني حطوها صوره صغيره ولون الكريمه الزهري ما عجبني..



وطريقة الورد هذي هي.. طبعا تسوينها على بترون.. طبعا تحتاجين لورقه مربعه بالحجم اللي تبينه.. واعتقد اني سويتها 30 × 30 انتي شوفي القياس اللي يناسبك.. وبع القص ارسمي الشكل على الورق اللي بتقصينه..

1. طبقي الزاويتين على بعض مثل الصوره::



2. بعدين طبقي الزاويتين اليمين واليسار حتى تلتقي بالزاويه اللي بالنص..



3. بعدين طبقيها بالنص..



بعدين قصيها بالشكل اللي يعجبك.. بس لاحظي طرف الرسمه يكون من الجهه اللي طبقتيها لو قصيتيها من الجهه المفتوحه بتصير عندك اوصال..







وهذي اشكال ممكن تسوينها على المناديل..



وهذا البترون ..







وطبعا خذي معك حلويات ومعجنات.. وفكري بمسابقات تلعبينهم اياها..
ولا تنسين الطواقي سويهم واكتبي اسم بنتك عليه..
مع الزمامير..

كل سنه وبنتك بصحه وسلامه ويارب تفرحين فيها ...وتشوفيها عالكوشه,

ماشاءالله دلوعة حبيبي كفت ووفت حتى انا استفدت ..

شكرااااا

تسلمين دلوعة حبيبي وفكرتك جدا عجبتني ماشالله عليك مبدعه
لكن هم عندي طلب ثاني >>ماني تاركتك اليوم
شلون اسوي الطواقي اوالطرابيش والزمامير بنفسي هل اقدر لان عجبتني فكرت كتابة اسم بنتي عليهم>>بتحط اسم بنتها على كل شي
وشي ثاني شلون كتبتي الحروف الي على الوردات الي بالحبل بالكبيوتر ولاشلون خصوصا اني لاحظت انها بارزه شوي
سحر الشوق
ياربي يخليك ويوفقك وتفرحين بكل احبابك قولي امين

من اقصى المدينه:
تسلمين دلوعة حبيبي وفكرتك جدا عجبتني ماشالله عليك مبدعه
لكن هم عندي طلب ثاني >>ماني تاركتك اليوم
شلون اسوي الطواقي اوالطرابيش والزمامير بنفسي هل اقدر لان عجبتني فكرت كتابة اسم بنتي عليهم>>بتحط اسم بنتها على كل شي
وشي ثاني شلون كتبتي الحروف الي على الوردات الي بالحبل بالكبيوتر ولاشلون خصوصا اني لاحظت انها بارزه شوي
سحر الشوق
ياربي يخليك ويوفقك وتفرحين بكل احبابك قولي امين

الله يسلمك يا قمر..
معليش سامحيني ما رديت عليك بدري لأن النت كان عندي خربان..
الطواقي تتسوى مثل الطرابيش تلفين الورق وتدبسينه بعدين اكتبي اسم بنتك بالقلم...
والكتابات اللي على الوردات كانت بارزه طبعت الحروف على ورق ابيض مقوى وقصقصتها ولصقتها بلزاق يجيك سميك حتى تحسين الحروف بارزه..

وعقبال يا رب تجهزين لتخرجها ولزواجها يا رب..