مابغي عيال خايفه

حبوبه
اول شي الله يحفظ لج بناتج انشالله وتشوفينهم عرايس حلوين

ثاني شي،، غاليتي مع ان مالي خبره في هالاشيا للحين وماعرفت شنو معنى مرضج؟! بس ودي اساعدج
حبيبتي ليش ماتحاولين اول شي تهدين نفسج وتفكرين بالانجاب على انه شي حلو لج انتي ولزوجج وعيالج تجيبين لهم اخو او اخت ،، وبعد ليش ماتروحين لدكتوره نفسيه تساعدج على هالمشكله وتشوف شنو سببها،،لاتقولين لا ماقدر والا مايصير والا كلام الناس،، شوفي انا شفت وايد بالتلفزيون عن اجنبيات يصيدهم اكتئاب بعد الانجاب يمكن انتي فيج على خفيف انا مابي اخوفج وانشالله الامهات الي احسن مني يساعدونج
بس انتي محتاجه وحده تقولين لها الي فخاطرج وهي الي تقدر تساعدج
ربي يوفقج وييسر لج امورج ونفرح في خبر حملج قريب

وبخصوص زوجج حاولي تشرحين له الوضع بطريقه حلوه وبسيطه وانشالله يتقبل بس لاتخشين عليه

^_^ لج كل الحب

حبيبتي الغالية ..

يقول الله تعالى : (قل لن يصيبنا إلا ما كتب الله لنا هو مولانا وعلى الله فليتوكل المؤمنون)..

فوضي أمرك إلى الله وتوكلي عليه .. واعلمي أن الأطفال هبة من رب العالمين وهو وحده اللي يحفظهم ويرعاهم من كل سوء ..وأنت حاولي كل جهدك أنك ما تتخيليين على عيالك إلا كل خير ..ترا الخيال والوسواس بعد يلعب دوره السلبي ..والمستقبل يا أختي بيد الله وحده نحن ما ندري شو بيصير باشر كل شيء بإذنه وحده .. وهذي حياتنا كلها بالطول والعرض واقعة تحت رحمة رب العالمين وحده ..

وأحسن علاج للخوف هو مواجهة الخوف نفسه ..واجهي خوفك بل واتحديه واحملي وهاتي كثير من الأطفال وحصنيهم كل يوم حتى وهم في بطنك ما يضرهم شيء بإذن الله تعالى ..

بس لو كانت الحالة عندك متطورة .. فأحسن شيء تعالجين عند أحسن الاختصاصين النفسيين وبتتحسنين بإذن الله تعالى ..

وفيه شريط وايد روعه للدكتور صلاح الراشد عن المخاوف وآخر عن القلق يا ليت لو تسمعينهم ترا وايد بيفيدونك ..


الله يوفقك يا حبيبتي ويصرف عنك كل سوء ..

ريماني نازو
الله يجزاكم كل خير ويارب تسعدكم ايامكم
نازو والله انك صادقه لازم اوح اخصائي نفسي
والله الايات لما قريتهم دمعت عيني فعلا الله يدبر ما في الكون

أمل اختي
اسمك حلوووو
خلي املك دائما بالله ،، و خلي حياتك حلوه بالأمل والتفاؤل ...
لا تخافي كل الي صار معك شي طبيعي وعادي..
والله من جد شي طبيعي وعادي..
و خليكي دائما مبتسمه وكلك أمل وتفاؤل..
انتبهي لزوجك ،، حققي له الي في باله ،، لا يروح يتزوج وحده غيرك !! بعيد الشر
والسلام عليكم

ما بقول انج تحتاجين دكتور عشان يشوف حالة
الخوف اللي عندج، بقول انج انتي اللي تقدرين
تشلين هالخوف من نفسج، وانتي اللي ترومين
تساعدين عمرج....تدرين كيف؟؟؟

توكلي على رب العالمين، انتي ما تعلمين بالغيب
ولا تعرفين شو بيستوي في المستقبل...ليش
هالتشاؤم حبيبتي؟؟؟

اليهال كلهم يمرضون، في صغرهم، وصح ان
المرض احيانا يكون ثجيل بس رب العالمين هو
الشافي المعافي.....بخبرج عن عمري:shy:
تخبرني امي اني يوم كنت صغيره مرضت فتره
طوووووويله لدرجة ان جيرانها كانوا ساعات
يمرون ويتوقعون اني ممكن أموت في أي
لحظه بسم الله علييي:shy: وهالشي كان متعب
امي بس هي فديتها ما يأست لو ان نفسيتها
تعبت شويه ، بس الله شفااني ولله الحمد..
وكبرت وسرت المدرسه والكلية والحين اشتغل ويالسه
اتريا ولد الحلااااااااااااال...

ابعدي عنج الوسواس وكل ما حسيتي بخوف الجئي
لله وادعيه, ان يبعد عنج الشيطان الله ياخذه


ان شاء الله تبشريننا بالبيبي اليديد عن قريييييب

العيال حلوين ...

الله يرزق كل محرومه يا رب

توكلي على الله فمن توكل عليه ماخاب ابدا

وعلى فكرة انا ولدي لما كان عمره سنه جاه تشنج حراري وانا كنت مصدوووووووووومة وايد

والحمدلله الدكتور طمني وانا للحين من يمرض اخاف عليه لكن مثل ماقلت لج توكلي على رب العالمين وهو الحافظ

اطيعي زوجك

اختي العزيزة بعدي الوسواس عنج او لازم اتيبين له ياهل ثاني لايتزوج عليج
والله يخلي لج بناتج وتجوفينهم عرايس

ياااابنت الحلااال الذريه نعمه من الله سبحانه وتعاله

وهذا نعمه انعم بها عليج

ليش ترفضين هالنعمه

قوولي خير يقووله الله وكلي امرج لله سبحانه وتعالا

وربي يخليلج بناتج ويرزقج اولاد يسرونج في الدنيا والآآخره

وكلي امرج لله واحملي ومايكون إلي الخير

وتذكري ان في ناااس تبيع حلالها وعمرها تنجب

[CELL="filter:;"][ALIGN=center]حبيبتي تعوذي من ابليس وسوي الي يطلبه منج ريلج وتذكري ان غيرج محروم من هالنعمه ,وللحين ماسمعة عن أنسان ما مرض , واليهال لمه يكونون صغار وايد يمرضون شي طبيعي .[/CELL]

الله لا يحرمني منكم وكل وحده ردت علي :ok: او حتى قرت مشكلتي
اقول لكم الله يجزاكم خير الجزاء والله لايوريكم مكروه في عزيز
وغالي فديتكم
رفعتوا معنوياتي:shy:

[grade="00008B FF6347 008000 FF1493"]حبيبتي هذي وسويس الشيطان لاتهتمي ولا تحزني
ودائما استودعي الله اعيالك ولاتحرمي نفسك وزوجك من الاطفال وتذكري ان هناك نساء يتمنون ان يرزقهم الله بالاطفال ولو كانو مرضى[/grade]

مثل ما قالوا البنات هذه وساوس الشيطان ((أعوذ بالله من الشيطان الرجيم ))

حبيبتي توكلي على الله و لبي طلب زوجج لأن هالأشياء عاديه اتصير

واليهال يمرضون شي طبيعي و لا تحطين في بالج شي

الله يرزقج و يرزقنا انا اموووووووووووووووووت في اليهال

ويا رب يارب يارب ارزقني بالزوج الصالح والذريه الصالحة

عاجلا غير آجلا يارحيم يا رحيم يا رحيم

حرام عليج والله بالعكس الأطفال نعمه من رب العالمين

واذا اي شيء صار في هالدنيا تذكري ان رب العالمين هو اللي كاتبه وبيصير بيصير


واتمنى انج ما تحرمين زوجج من هالنعمه لان الريال يمكن خاطره في ولد ولا شيء وتحملي والله

وخلي عنج الشيطان يولي

وتدرين انا عكسج تماما انا ابغي ووزوجي ما يبغي مع اني يوم حملت ببنتي الله يحفظهااا كرهت الحمل كله في المستشفى تعبانه واخر شيء ولدت قيصريه

بس الحمدلله على كل حااااااااال

الاطفال نعمه وزينه الحياه

لاتحرمي نفسك و زوجك بالعكس استمتعي والي ربي كاتبه بيصير سواء اخذتي احتياطك او لا

صدقيني حرام عليج
اول شي هذا كله امر الله

اختي لا تمنعين شرع الله وتوكي عليه لانه لا يصيبنا الا ما كتبعه الله لنا

الله يجزاكم كل خير
الله يوفقني ويشفيني من الوسواس

تركي عنك الشيطان وعيشي حياتك عادية

ترى الرجال هالأيام يبون اشارة على الحرمة عشان يقبون عنها ويتغيرون

وسواء عندك بنتين او عشر إذا ربك كاتب لك الخير بصير والعكس....

بما أنك مدركة للمشكلة النفسية الي عندك فالمفروض أنك تواجهي الوضع بشجاعة وتجيبي كمان بيبي ...وانا حاسة انو البيبي الجاي رح يحل المشكلة من جذورا..والله يوفقك