في حالة النصب (نصائح من محامي)

ماعرف ! 26-10-2006 20 رد 258 مشاهدة
م
السلام عليكم ورحمة الله وبركاته
اخواتي كثرت عمليات النصب و لابد من لمن ارادت ان تشتري من النت ان تكون على وعي لا على عمى

واليكم نصيحة المحامي المختص
بسم الله الرحمن الرحيم
الأخت / ...
انا جبت لكم خبر من واحد خبير في المحاماة وله تجارب ناجحه ويقول عليك اتخاذ الاجراءات التالية:
1- روحي للصراف وكأنك بتحولين فلوس لها راح يطلع اسم ثلاثي لصاحب الحساب وبعد ماتاخذين الاسم اضغطي على زر الإلغاء علشان مايتحول لها شيء.
2- أسألي البنك عن الفرع اللي هو فيه ورقم الفرع هو اول ثلاث ارقام من اليسار.
3- اسالي البنك عن اسمه وكامل بيناته من رقم ثابت وجوال عام ورقم الهوية واذا ماتعاونوا معك اطلبي من المحكمة خطاب للبنك وراح تتيسر الامور.
4-قدمي خطاب شكوى للمحكمة واكتبي فيها الموضوع واهم شيء (((اكتبي طلباتك منها ))) للقاضي .
5-غالبا رقم الحساب مو لها ولا لأحد اقاربها واحتمال صديق لها وفي هذي الحالة المحكمة اذا جروه هو راح يجرها واذا جرها بلغي الهيئة وراح يسحبون في تاريخهم الاثنين ومن الفواتير تبين اتصالاتهم ببعض.
6-ارسلي لها على الخاص صورة خطاب المحكمة وارسلي لها على العام طلباتك وهي : لاب توب ولا تقولين ابي فلوسي لالا قولي لاب توب وبالمواصفات اللي بينكم لأن البيع قد تم وهذا حقك علشان تتأدب هي وغيرها وإذا اللاب توب ماله مواصفات بالاتفاق اللي بينكم فاطلبي فلوسك لأن البيع على شيء مجهول الوصف لأنها ربما تعطيك لاب توب قديم ومستعمل مايسوى حتى الف ريال.
7-هدديها بنشر الاسم الثلاثي الحقيقي والبنك ورقم الفرع ورقم الحساب على جميع الاقسام وعلى موقع (الساحات العامة) من باب التحذير وليس من باب الفضيحة.وحتى لو الغت الحساب القديم يبين انه باسمها او اسم قريبها او صديقها.
وإبلاغ البنوك بفاكس او ايميل للتحذير من هذا العميل ويخلونه او يخلونها بالقائمة السوداء ونسخه للغرفه التجارية.على الاقل حتى لو مارجعت فلوسك تبرد حرتك وكذلك علشان ماتسكتين على منكر.
8- اذا عندك رقم الهاتف الثابت او العام بلغي الهيئة بالموضوع لأحتمال علاقتها برجل غير محرم لها. وان كان الرقم سوا اتصلي على 902 يلغونه حالا اذا مو باسمها يعني مجهول صاحب الرقم.
9- لاتسامحينها ابدا لقول الله تعالى (( فمن عفى وأصلح)) ولم يقل فمن عفى وأفسد.. لأن سماحك لها راح يخليها تتمادى . ولازم تصير عبره لغيرها.
10- على فكرة لو تبين تقدرين تطلبين منها 10 آلاف ريال بدال الألفين لأنه الان الكورة في ملعبك وهي اللي ورطت نفسها الغبية.
* واخيرا اذا عندك استفسار ابشري بسعدك.
ومن يتوكل على الله فهو حسبه؛؛؛


اتمنى لكن الأستفادة
n
مشكوووووووووووووورة اختي
m
تسلمين الغلا
ا
وااااااااااااااو

هل يستوي الذين يعلمون والذين لا يعلمون)))) سبحان الله الي يعرف ياخذ حقه غير

ولازم كلنا ما نسكت لان فعلا هذا هو الفساد انج اتساعدينهم بالسكوت عنهم وا الشي يخليهم يتمادون ويظنون انهم انتصروا

مشكورة اختي ويزاج الله الف خير وجعله في ميزان حسناتج
ق
والله نحن انصب علينا

ماقول غيــر حسبي الله و نعم الوكيــل

و الله فــوق و عند الله حســابها
م
الله يعوووضكم ان شاء الله

وحسبي الله عليهاااا
ف
اختي من غير اللائق نقل الموضوع وسرقته وكتابته باسمك لابد من ذكر المصدر
وقد وضعت انا الرابط في هذا المضوع في ردي في الصفحه الثانيه
http://www.3roos.com/forums/showthread.php?t=206568
فكيف تقومين بنسخه وكتابته باسمك

لايجوز هذا ويجب ان تعلمي اننا لانقبل هذا بمنتدانا
م
يا اخت فجر الخيوا

انا ما خذت الموضوع وقلت انه باسمي !

وبعدين انا نقلته من منتدى لك للفاااائده بس

يعني ياريت لو تستخدمين اسلوب احسن

وبعدين لو انا كانت نيتي اني اقول انه هالموضوع لي اناا

جان غيرت اللهجه الي فيه .. لانه مكتوب بالللهجه السعوديه .. وانا اماراتيه

انا بس بغيت اسوي خير لانه طلعت هنيه وحده حراميه

بس احب اقووولج شي .. كل يرى الناس بعين طبعه .. اذا انتي هذي عادتج

تسرقين المواضيع ترا مب كل الناس مثلج

ونصيحه تعلمي تختارين الفاظج
م
وبعدين انا شدراني انج حطيتي الموضوع في قسم ثاااني؟

والله ناس ماعندها عقل
ف
انا لااتحدث عن نقل الموضوع مني
اتحدث عن نقله من منتدى اخر
كان يجدر بك كتابه منقول وكتابه اسم العضوه والمنتدى المنقول منه حتى لاتتعرضي لهذا الموقف وبدل الاعتذار تتحدثي بهذا الاسلوب
والحمدلله انا ماسرقت موضوع ولانسبته لي
انا حطيت الرابط ونصحت البنات
ولاتقولين ماشفتيه لانه ردك بعدها
واخيرا تعلمي الادب في الحوار من دون الاساءه في الكلام
م
والله اني ما شفت ردج .. فاضيه انا عشان اقرا ردج ولا رد غيرج؟

وبعدين ليش اقول اسم المنتدى واسم العضوه؟

الي اعرفه انه ممنوع في كل المنتديات ذكر اسم منتدى ثاني

يعني مافي تفسير لكلامج غير انج انتي تحبين تاخذين مواضيع وتقولين انها لج

لانه كل كلامج ما يا في بالي

دشي منتديات وشوفي المواضيع .. الي حاطينها كاتبين اسم المنتدى واسم العضوه الي ماخذين منهم الموضوع؟

يعني يكووون واضح انه منقول بدون ذكر هالشي ..

الصراحه ابا اقوولج كلاااام بس احتراما للمنتدى والعضوووات الي فيه ما بقوله
م
شكلج يديده عالمنتديات عشان جيه ما تعرفين شي


خلي هالسوالف لاصحاااابها ههههههههههههههههههههههه
ف
يعيييييييييييطططططططططططيج الفف عاااااااافيه ويااااااليت الموضوع يتثبت علشان اللي تصدف معاها هلحاله سبحان الله
يكون عندها حل

يطيج الف عافيه اختي
ف
لا حول ولا قوه الا بالله
ياختي احنا اخوات في هذا المنتدى مافي داعي لهذا الكلام
نحن اكبر من ان تكون هذه المهاترات موجوده
ولعلمك انظري لمشاركاتي ومشاركاتك لتعلمي من هي الجديده
ولعلمك انا مشرفه في بعض المواقع
عموما اتمنى منك التعامل الافضل من هذا
مانصحتك به هو من اخلاقيات التعامل في المنتديات
ف
عموما من ردودك اللطيفه ساترفع عن الرد عليك
م
مستانسه يعني لانج مشرفه؟

شو رايج اني مشرفه عامه على منتدى كامل؟

يعني هالشي مب شي عظيييييييييم !!!

وبعدين شو دخل المشاركات عشان اعرف من الجديده؟

انا اقصد في المنتديااات بشكل عاااااااام ..

من سنة 2001 وانا اشارك في المنتديات بس مثلج الصراحه ما شفت !

اي رد تكتبييينه ما بقراااااااه

واتمنى من المشرفات حذف الردود الي خربت عالموووضوووع

بس غيــره وحقــــد
م
وتقولين انج نصحتيني؟

اعتقد انه في اسلوب ارقى شوي للنصيحه ..

انتي قلتي اني سرقت الموضوع !

هذا اسلوب يعني؟؟

يعني كلمة سرقه تعتبرينها حلوه؟ تخيلي قلت لج هالكلمه شو بيكون ردج؟


عدلي اسلوبج الهمجي
ب
بنات حصل خير و مش حلوه في حقكم حد يدخل و يقرا هالردود

نلتقي لنرتقي....
ب
بنات حصل خير و مش حلوه في حقكم حد يدخل و يقرا هالردود

نلتقي لنرتقي....
R
اخواتي خلاص مو نترك الموضوع المهم ونفتحها هوشة عن اساس التعامل في المنتديات وغيره
الله يهديكم بس صايرين دوم معصبين وتكبرون المواضيع
خلاص موضوع وتم نقله .. وانتهينا
عاد من اللي نقله قبل او من اللي مشرفة في منتدى ثاني هذا شي خارج الموضوع

بنات ارجوا من الجميع عدم التمادي للمصلحة العامة
X