س:::::ؤ::::::ا:::::ل.......؟؟؟

السلام عليكم اختي بالنسبه لسؤالج انا يوم ولدت رحت يلست بيت امي بس ما كملت الاربعين هناك يلست 21 يوم بعدها رحت بيتنا....هو الافضل اتروحين بيت امج اذا ما عندج حد في البيت يساعدج...لانه اول الايام تحتاجين حد اييب لج البيبي وييب لج الماي عشان تغسلين البيبي وبعد تحتاجين حد اييي يسوي لج مساج انتي والبيبي...

الله يسهل عليج الولاده ويقومج بالسلامه امين يارب العالمين

والله فى ابنى الاول ولدت وانا لوحدى خلاص وانا وجوزى اتصرفنا واتعلمنا لوحدنا وعدت بس كانت متعبه تانى مره الوالده جت شهر ونص وفعلا وجودها مهم جدا لو ينفع تروحى عندها يبقى خير وبركة وراحه ليكى لان اول شهر بيبقى متعب وربنا يقومك بالسلامة

الصراحه انا في اول بيبي تميت 40 يوم بيت الوالد

الوالده ماقصرت اتساعدني وتعطيني من نصايحهااا

في ثاني بيبي ماكملت 40 يوم عاد اوني خلاص اقدر اعتمد على نفسي

بس الصراحه دلع في بيت الوالد مايقصرون ويايه خدمه اكثر من خمس نجووم هههههه

احس المساعده مهمه ,,,, لانه اول ياهل ,,, بس عن نفسي مع الأسف الشديد إن شاءالله بربي قريب بس بكون بروحي واول ياهل ,,, لاني في الغربه ,,, الله يسهل علي واعرف اتصرف

مثل ما قالوا الخوات في بيت هلج امج بتساعدج وخواتج وكل حد بيكون وياج وبعدين انتي بتكونين تعبانه عقب الولاده بالذات اول 10 ايام جسمج متكسر ومزاجج مش ولا بد فالافضل تسيرين عند هلج والاحلى انه اكلج يوصلج لين الشبريه مثل ما قالت عاليه دبي خدمه فايف ستاااارز،، انا تميت بالضبط شهر وعقب رديت البيت،،،

بالنسبه لي قعدت عند اهلي 40 يوم بالضبط
لأن بعد الولاده راح تكونين تعبانه وتنامين من غير ما تحسين من تعب الولاده يعني احتمال ما تحسين بالمولود يمج يبكي أو تحطين ايديج عليه تخنقيه من غير ما تحسين وبعدين لازم تنامين على ظهرج ما تحركين عشان الرحم يرد مكانه والوالده تهتم في اكلج وشربج لأنج ما راح تقدرين تطبخين وفي اكلات معينه للوالده ومهما كان الزوج يحبج ما راح يتحملج كثر اهلج بيتحمل اسبوع اسبوعين وبقولج خلاص يالله قومي وعلى فكره اي تعب بالأربعين راح يأثر عليج بعدين مع الوقت اتمنى اكون فدتج