أول خلطه اجربها وتطلع نتيجتها كذا.......والله جناان!!

ودي اشكر الحساسة عاللخلطة الحلووووة هذي ..........

:)

وثاااااااااانكس الوووووووووووت يا قمر

تحياتي

مــزاج

هلا ومرحبا بــ قمر العشير..

ماشاءالله عليك .. عيني عليك بارده..
اللهم زد وبارك لكل البنوتات الحلوات..اللي يبون شعورهم تطول..

يالله ياقمر خبرينا بالنتائج اول بأول...بس ماقلتيلنا من متى وانتي باديه فيه؟؟؟؟

هلا ورحبا ياتالا الود..
اولا مليون هلا فيك انتي وقمر العشيره في انضمامكم لأسلاتنا..ووجودكم زادها حلا ونور..

حبيبتي..بالنسبه للشعر المصبوغ..والله ماأدري:o ..لكن مااظن ان لها اي ضرر على كل انواع الشعر..

اتوكلي على الله وجربيها....ماراح تندمي;)

تحيــــــــــــاتي

:o :o :o :o :o
sorrrrrrrrrrrrrry.. مانتبهت لسؤالك ياقمر العشيره..

بالنسبه للريحه..انا كنت ابخر شعري.. لمن ماكانت تروح..
صرت احط بعدها سدر بخلطه من الخلطات اذا قرأتيها من ضمن الردود..
بصراحه روووووعه السدر يغطي على ريحتها ويخفيها..ولا كأنك حاطه حلبه ولا هم يحزنون..

وياهلا..

وانا اقووووووول وش فيه الموضوع منوّر....
مزاااااااااج موجوده...

ياهلا والله بهاالطله...الله يعافيك حبيبتي..وتسلمين

وياهلا،،

:o الله يسلمك ... تصدقين انك حبووبة مرة :)

تحياتي

مـــزاج

:o :o :o :o :o :o
احرجتيني... الله يخليك لنا سااااااااااااالمه

وياهلا،،،

مرحبا جيت مرة ثانية :)

ابي اسأل حساسه سؤال .. انتي قلتي ان شعرك كان تحت اذنك والحين وصل لكتفك ... ( ما شاء الله ) .... المدة كانت شهر ونص ولا اربعة شهووور ...

وسوري لعدم استيعابي :confused:

تحياتي

مــزاج

مرحبا الساع....

اخبارج الحساسه.. انشاء الله okik :)
باركيلي اليوم جربت الخلطه و بعد اشوي بروح اغسلها..
ريحتها قويه وايد لدرجة اني لافه شعري بشيله من الظهر ومفتشله بس عادي كله يهون المهم النتايج.. :confused:
اقول كم اقل مده لازم احطها على شعري (3 ساعات او اكثر) لان حسيت راسي ثقيل ومدوخه منه؟ ولازم من الظهر يعني؟ لاني قريت في
الموضوع الأصلي كلام عن قبل غروب الشمس وانه لازم الظهر او العصر !!!

ومن وين ايب الفاشكول؟ اليوم اتصلت في شركة نزيه (اللي قالوا عنها البنات) وقالي عندهم اكسترا كول بالثوم و انه نفس فاشكول بالثوم ..
وقال يمكن الشركه غيرت اسمه وانه اصلي بس قلت بسال دام انكم تستخدمونه احسن... :mad:
..و على فكره سالته عن الشامبو اللي يستخدمونه بالصالونات
و مدحلي مال التفاح و عقبه بلسم الأعشاب او الحليب و كلهم طبيعين واذا عندج فكره عنهم خبريني؟؟

وسمحولنا على التطويل ;)

عندي سؤال ثاني كيف يكون عصير البصل ؟؟

سائل ولا سائل كثيف ....؟؟


تحياتي

مــزاج

وحده من صديقاتي تجرب الحلبه مع زيت عافيه ... ونتايجها زينه


بس أحس في ريحه مو زينه من الحلبه خاصه



إذا كان عندك حل لمشكله الريحه ماعندنا مشكله نجرب وصفتك


تسلم لي يدينك

هلا وغلا مـــــــــ:) ــــزاج..
هلا فيك ثاني وثالث ومليون..

شوفي بالنسبه للمده...استخدمت لمدة شهر ونص هذي الخلطه:

- عصير بصل ( اسويه عصير ،، اعصره بعصارة التفاح والجزر )
- عصير جرجير
- كثيرا
- زيت خروع

ونتائجها كانت فعاله..

والحين صارلي تقريبا شهرين من استخدمت الزيت والحلبه.

وأي سؤال انا حاضره

وياهلا،،

هلا وغلا بدون اسم وحياك الرحمن..
اولا مبروك دخولك وماادري هو تصلح الخلل اللي كان عندك؟؟
لأني ارسلت للمشرفه كيلو عسل وقلتلها عنك.

ثانيا مليون مبروك على البدايه وانشاءالله ربي يتمم علينا..بس ماقلتيلي:
شعرك وش طوله الحين..؟؟ وهو ناعم ولا مثل حالاتي؟؟

ثالثا بالنسبه للوقت اقل مده اربع ساعات واطولها 6 ساعات..على حسب ماقرأت...ومومهم قبل الغروب او بعده..عااااااااادي
وانا اتركه يومين او ثلاثه ورا بعض وبعدين اغسله..وماصارشي الحمدلله.

وبالنسبه للفاشكول اللي عندي علبته كبيره واسطوانيه ولونها موف والغطا شوي اغمق..واهم شي يكون من صنع ايطاليا..
واتوقع اللي عند شركة نزيه ممتاز لأني كثير اسمع مدح عنه.. وبالنسبه للشامبوات ,, انا بسألك عنهن؟؟
وانا والله ماعندي فكره عنهن..sorrrrrrrry

وياهلا،،

هلا وغلا بــ وردة المنتدى جووووري
ويسلملي حضورك .. عطرتيلي الموضوع..

حبيبتي..الحلبه بعد ماتتنقع مع الزيت عشر ايام ...تخف ريحتها مررره..

وانا ابخر شعري لو بغيت اطلع واحط دهن عود.

واذا حطيت زيت الحلبه على شعري قبل لاأغسله احط خلطة سدر..
والله السدر يخفي ريحة الحلبه مرررره.

وحياكٍ الرحمن بين اهلك..

وياهلا،،

مرحبا الحساسه

اخبارج الغاليه و اخبار اخر الخلطات ;)

الله يبارك فيج ومشكوره انك كلمتي المشرفه.. بس انا خلاص سجلت مره ثانيه و الحمدلله الحين طبيعي مايطلب مني كل ثانيه ارجع اسجل.. ولا عاد ادخل بالإسم القديم (بدون اسم) عشاني تعقدت ماعدا انه عاجبني :confused:

عيني عليج بارده والله.. انا رقدت بالزيت ليله وحده وطلعت روحي وتوبه.. ثاني مره بحطه بس في الفروه لو بغيت انام فيه و ثاني يوم بغرقه :p

شوفي انا شعري ناعم بس متموج و بعض المرات ينفش لو ماعتنيت فيه وطوله متوسط بس اباه يطول اكثر.. قولوا امين

بالنسبه لاول استخدام احس ان الشعر صار حيوي اكثر و تو الناس على قولتهم .. واليوم اشتريت الكثيرا عشان الخلطة بس بزيد عليها الريحان المطحون حسب و صفه قريتها..و اريد اعرف كم تحطين ماي؟ يعني لازم تكون خفيفه ولا ثقيله خاصه انه باقي مواد الخلطه الثانيه جافه؟

وعن الفاشكول ترى المشكله انه نزيه عنده اكستراكول بالثوم بس وهو ايطالي! ومادري اذا نفس مفعول الفاشكول او هو بس تغير اسمه ؟
على العموم انا بدوره في الصيدليات عشان اخاف يكون غير عن اللي عندكم ..

وعلى فكره حصلت شامبو السدر اللي اتكلموا عنه و اسمه شامبو سدر صحت و هو ايراني بس بعدني ماجربته..

شكلي طولت عليكم واسمحولنا يا حلوين :)

اهلين وسهلين،، شو هالزين ،، يعمر بيتك شوحبيتك،،

هلا وغلا بكل الحلا...
الف مبروووووك على الاسم الجديد..وعلى التسجيل ..وياقلبي هذا واجبي اساعد من يطلبني.. نعود لمحور الموضوع..

بالنسبه للكثيرا..انا احط من 4 - 6 قطع في كاس جبن الكرافت المتوسط..عرفتيه؟؟
واصب عليه ماء حار.. لما يذوب ابدأ اخلط فيه .. وكل فتره اخلط فيه حتى يصير مثل الجل بالضبط...
وهالكوب يكفيني مرتين او ثلاث مرات استخدام... وممكن تحطين الباقي بالثلاجه اذا الجو حار ،،، اما اذا كان مثل اللي عندنا برررررررررررد
اتركه برا عادي.

وبالنسبه للفاشكول ،، عادي ممكن تستخدمين اللي عند نزيه ,,لأنهم يمدحون هالشركه...توكلي على الله واشتريه.


وحبيبتي انتي لا طولتي ولا شي...خذي راحتك..
مابين الخوات عذر


وياهلا،،

:) :)

مرحبااااا مليون بالحساسه..

الله ايبارك فيج ماعدا انه الإسم هب وايد حلو.. بس الحلبه صعبه وحنا لها lol شكله من اهنيه طلع الإسم :D

انا اتخربطت الحينه.. كوب كرافت ايكفي 3 مرات كيف وهو مابينخلط معاه الا ملعقتين سدر ناشف و فاشكول :eek:
لايكون الخلطه للفروه بس وانا فاهمه غلط؟! وبعدين عادي تقعد في الثلاجه اسبوع؟
وابا اعرف نوع العسل اللي تستخدمونه في الخلطات.. النوع العادي ولا؟

وعلى فكره العطار عطاني خلطه ايقول روعه للتساقط و الشعر و وايدين استخدموها على قولته بس ماجربتها .. بنجرب شو ولا شو احترت انا :(
المهم الخلطه عباره عن مقادير متساويه من:
( النخي (الحمص) الأصفر المطحون + حلبه مطحونه + كثيرا + صفار بيضه) لمدة 4 ساعات..

مادري اذا سمعتوا عنها وتحياتي :)

مرحباااا

عندي استفسار سريع..
حصلت الفاشكول بالثوم في شركه في دبي ولون العلبه مثل ماقلتي موف بس ابا اتاكد اذا غطاته لونها ازرق وشو اسم الشركه اللي مكتوبه عليه؟
حشا هب فاشكول لبن العصفور

وسمحيلنا

طبعاً ان ماحبيت اكون بخيله ويوم شفت السالفة عافية وحلبة ترى انا عليها من قبل رمضان .. شعري صار احسن من اول بس الطول دوبه دوبه والظاهر سر طول الشعر عندك ياحساسه من فاشكول او السدر او عصير البصل والجرجير .. صح ..
لانه انا استخدم فاشكول بالثوم وبالحنه والصبار بس مو دايم وشكلة السر في فاشكول طبعاً سر النعومة والطول ..
لكن عافية والحلبة تكثر الشعر .. لاني لي صار خمسة شهور على هذا الزيت شعري يكثر بس مايطول بسرعة ليه وش السبب جاوبوني ..
اما الشامبو افضل سيء مجربته مع زيت عافيه شامبو ابو البيض او شامبو اطفال ..

هلا وغلا بالصعبه...
الله يقطع ابليسك ،، موتيني من الضحك....
لبن العصفور مره وحده.. :D :D :D
والله صدقتي.... بس اللي يبي الزين يتحمل... وهذانا احنا ساكتين نبي نشوف اخرتها...:p :p


- ليش مستغربه من حجم الكوب في انه يكفيني 3 مرات؟؟
انا الخلطه لما احطها على شعري اركز على الفروه .. والباقي احطه على الشعر ..
وباقي الكثيرا عادي احطه بالثلاجه مايصير لها شي ،،
وبالنسبه للعسل... انا اي عسل اشوفه احطه بالخلطه ماعندي نوع معين..


- وبالنسبه للبن العصفور اقصد الفاشكول.. ايوه حبيبتي وصلتي للمطلوب ،، لون الغطا ازرق وراح اكتب لك اللي مكتوب عليه:

( كريم فاشكول الاصلي ،، كريم حمام زيت للشعر " بالبلاسنتا"
يحتوي على البلاسنتا وخلاصة الثوم النقي،،
يغذي البصيلات ويمنع التقصف.
خالي من المواد الضاره بالشعر وفروة الرأس)
وبعدها مكتوب طريفة الاستعمال.
made in Italy
من شركة سوليز التجاريه


وبالنسبه لخلطتك .. باين من مكوناتها انها فعلا ممتازه..
نجربها مستقبلا بإذن الله..

وتحياتي للحلو