ساعدوني في اتخاذ القرار

لا اريد ان ارفض شاب وجدت فيه من الخلق والدين ما لم اجده في غيره ممن تقدموا لخطبتي سابقا

لولو بحر مكنون:
ردي استخيري كمن مره صدقيني ما في شي شرات الإستخاره لراحة النفس
انا من فتره اتقدملي شخص .. وكنت في وقت رافضة شي اسمه زواج وصابتني حالة ضيق شديده
وكل يوم كنت اصيح بروحي من الهم وبدون اي سبب
لكن بيني وبين نفسي فكرت وقلت لازم استخير .. سبحان الله الواحد ما يدري شو نصيبه
واستخرت اكثر عن عشر مرات ويوم عن يوم بديت ارتاح واقتنعت
لكن سبحان الله ..
الموضوع الله ما راد انه يكتمل مع اني كنت مقتنعه بهذا الشخص
بس عقب تأكدت انه هذي نتيجة الإستخاره ولو الله رايد لي فيه الخير جان اكتمل على خير
والحين انا في راحة نفسيه لا احسد عليها وابداً ما زعلت لأنها خيرة من رب العالمين وانا راضيه


شدتني وايد هالجمله ..
صدقيني اختي ما بتلاقين الأخلاق والدين في هذي الأيام
واشوفها فرصه وما تتفوت إنج لقيتي انسان بهذي المواصفات
في هذا الزمن إلي الواحد ما يضمن فيه نفسه
ودام انج تشتغلين وقادره تعيلين نفسج ما بتكون هناك اي مشكله
وبعدين ما تدرين يمكن ظروفه باجر تتغير وتستوي احسن والله وحده العالم وهو موزع الأرزاق

ردي استخيري كمن مره وألحي بالدعاء وكثري من الإستغفار
والله يكتب لج إلي فيه الخير وايسر لج أمرج
وإن صار ما صار بشرينا علشان نفرح وياج وندعيلج :smile:

بالتوفيق اختي الغاليه (f)

زهرة الموت:

أختي الغالية
تجربة انا مريت بيها قبلكـ
اتقدم لي شخص خريج ثانوي راتب 1000 ريال أمه عندها شلل نصفي وبتعيش معانا بنفس البيت غير انه ابوه متوفي وهوا اللي يصرف على أخواته وأهله وأهل أمه

انا رفضت عشان أمه بس لأني ما بقدر اتحمل احد مريض قدامي قلبي بينكسر مره
رفضته مش عشان الحالة المادية لاء وهوا ملتزم ويصلي ويصوم وأخلاق
والسبب الثاني اللي رفضته عشانه انه جميل جدا وأبيض وانا ما اريد ابيض وكمان ماكان طويل يعني اطول مني بشوي بس
أختي انا من رأيي استخيري رابك ووافقي واتوكلي على الله
الولد طيب ويصلي ويصوم ليش اتضيعيه من ايدك ؟ لو مكانك بوافق بعدين انتي بتشتغلي تساعدون بعض بعدين بتقنعيه انو يكمل دراسته وعادي حبيبتي كتير ناس زيك
أنا خالي خريج ثانوي بدأ بالسكن عند بيت جدي وزوجته خريجة جامعة يعني فرق ثقافي بينهم
والحين هما عايشين بشقة واسعة ومن أحلى مايكون


دوام الحال من المحال


ياما فقراء غنيو وياما أغنياء فقرو

أذكر يوم كنت صغيرة كنا عيشين ببيت صغير وعلى قدنا والحين الحمد لله ربي انعم علينا
وبابا لما خطب ماما ماكان بجيبه غير 500 ريال انتي مستوعبة
وافقي عليه بعد الإستخارة وفوضي امرك لله
أختك
زهرة الموت

hawralain:
أهلا عزيزتي

بالنسبة لي انا حاليا مخطوبة من شخص

خريج ثانوي

وراتبي أكثر من راتبه

لا في مشكلة ولا شي

اهم شي اخلاقه ودينه

والحمدالله مستانسين مع بعض

لأن عمري ما فكرت في الفلوس انها راح تخليني سعيدة

وصدقيني عزيزتي

مهما كان الشخص الي بيتقدم لج مثلا حالته المادية أوك

بتغير بعد الزواج لأن في مسؤوليات راح تصير

يعني مصاريف وايد

في كلا الحالتين

عزيزتي

قعدي فهمي أمك

وفي النهاية هذا رأيك انتي

يعني فعلا أمك وأخواتك لازما تحترمين رأيهم

بس هذي حياتك وقرارك انتي

لا تقولين انك ما تبين تزعلين أحد

صدقيني الزعل يطلع من كل مكان من أم من أخت من عم من خال

بس في النهاية تقدرين وبكل هدوء تقولين لأمك انك مقتنعة بهالشخص اذا انتي مقتنعة فيه

ولا تضيعين عمرك وتقولين أحتمال يجي الي أحسن منه

ترى الخطاب يجون فترة من الزمن ومرة وحدة تشوفين محد يخطبج

بعدين يفوتك القطار

في فتيات حتى خطيب واحد ما يدق على باب بيتهم أحد

وانتي ما شاء الله خطابك وايد

والحمدالله هذا شخص على دين وخلق

في فتيات يتمنون هالشي بس مع الأسف يحصلون

العكس وانتي واصل لباب بيتك

يعني لا تقررين قرار تندمين عليه

وبعدين انتي والحمدالله تشتغلين

مع بعض راح تبنون حياتكم

بس خليكي عادية خذيتي رأي أهلك مو مشكلة

بس الرأي النهائي لك انتي لا تقولين امي مو موافقة او أختي

انتي الي راح تتزوجينه وتعيشين معاه

مو أهلك

والله يوفقك عزيزتي