بنات أنا متضايقة .. ! ممكن تريحوني ؟!

والله ماعندي فكر ه

بس اعرف وحده من قريباتي طلع في بنتها بس في الرقبه

بس الشامه ماكبر نفس ماهي


الافضل تستشيرين دكتور مختص بهالامور

السلام عليكم ....
ما يحتاج تضيقين صدرك ولا خلقك ....
هذا شي طبيعي مرررره
انا قريبتي فيها وعادي ما تأثر ....
واذا انتي متضايقه كثير منها عادي ممكن تروح دكتور لما تكبر ويشيلها ..
الحمدلله العلم تطور :)

السلام عليكم
حبيبتي توكلي على الله سبحانة وتعالى....
وماله داعي كل هالكدر والضيق.........
وان شاء الله ماتكبر هالشامة والحمد للة انها في جسمها من الداخل..
لاني والله اعرف وحدة فيها شامة في وجهها مغطية نص الوجة...........
وجاي وجهها لونين اللون الطبيعي ولون الشامة........والله مسكينة على الرغم من انها حلوة البنت لكن الله يشافيها يارب..حتى لما سألت عنها قالوا: الاطباء قالوا لها ماتروح الا باشعة قوية ممكن تأثر على دماغها..
اسفة طولت عليك..بس توكلي على ربك واستشيري طبيب

اختي اذا لون الشامة بني فاتح.. وليس بني غامق او اسود.. فاحتمال كبيييييييير انها تختفي او يخف لونها كثييير اذا كبرت...


ولدي كان فيه شامة على طول ظهره بنية.. بس الحين اختفت..

:)

قولي الحمدلله يا اختي المهم البنت في صحه وعافيه

وشو يعني اذا فيها شامه هالشئ طبيعي وانتي لا تفكرين في الموضوع خلج كوول

هلا الغالية,, لا تخافين و لا تحاتين دائما الشامه الكبيره تصغر كل ما كبرت البنت
يعني ممكن تصير نقطه صغيره لما تكبر باذن الله

:)

مرحبا اختي........

اولا حمد لله على السلامه وتتربى بعزكم

اختي احمدي ربج على صحة البنت وليش اتضايقين

والحمد لله ان مكان محد يشوفها مخشوش....

وان شاء الله يوم تكبر تستيشيرين الدكتور

ووسعي صدرج :)

هلا اختي والف سلامه عليك ولاتكدري خاطري اعرضيها على طبيب وشووفي ايش يقوولك وترى الطب في تقدم الحين يعني اذا بتحتاج تجميل هو بيقولك وانشااء الله يرتاح بالك

اشدعوا حبيبتي عااااااااااااادي وبعدين الشامه من علامات الجمال :)
واذا كبرت البنوووت وتضايقت منها تقدر تشيلها بالليزر او عمليات التجميل لما يصير عمرها 17 او 18 سنه .....

وسعي صدرج حبيبتي الموضوع كلش عادي :)

[grade="00008B 00008B 008000 4B0082"]حرام عليج يا شيخة ,,انا قريت الموضوع على بالي شئ كبير..
احمدي الله الف مرة يا اختي: كفاية ان ربنا عطاها الصحة والجمال وش يعني تكون فيها شامة، خلي البنت تكبر ويصير خير...[/grade]


[grade="00008B 4B0082 008000 4B0082"]والله ما بقولج ما في حد مثلي صابته مصيبة، انا لما كنت صغير امي تخبرني اني كنت بامانة جميلة والحمد لله ، صابتني عين واحترقت من فوق لتحت( تخيلي انتي بس) وكان عمري سنتين، طاحت الجدر وفيها ماي مغلــــــــــــــــــــــــــــي كانت حق الرز وصارت فيني حروق ما يتخيلها بشر، وظلت آثارها فيني لحد الان تصدقين مع ان في زمان الالي ما فيه عمليات تجميل والا هم يحزنون،، مع مرور الوقت شوي بدأت تختفي( بس فيه آثار شوي) ...الحمد لله ان ويهي ما تشوه
كبرت ولما جيت اتزوج،( ولد عمي) كان على علم بالحروق واهلي ذكروه بها الشئ وقال ابيها لو مهما شو كان فيها..والحمد لله هذا انا متزوجة من 6 سنوات وريلي يموت فيني وعندي ولدين الله يحميهم يا رب...

قولي الحمد لله على كل حال ..من شاف مصيبه غيره هانت مصيبته والحمد لله على كل حال[/grade]

اختي الحمدلله انها مزيونه وصحتهازينه وبعين العلم كلماله ويطور بزمنا نشوف العجايب وشلون بزمنهم راح تطلع اجهزه مطوره اكتر

ريحي بالك يالغاليه ولا تتكدرين انا اعرف 3 من جماعتنا فيهم من صغرهم وهي هي ماتغيرت ولا كبرت 00
واما عن مشكلة الشامه يالغاليه الحين الطب تطور وتسوي عمليه تجميل يشيلونها باليزر

يكفي انها فلقة قمر مثل ماقلتي
ليش متضايقه
حمدي الله وروحي سجدي سجدة شكر طالعة بفخذها مو ويها
لو لا سمح الله طلعت بويها شنو بتقولين
ياربي ياليت طالعه بفخذها او ظهرها وايد أحسن من ويها
صح؟؟؟؟؟؟؟؟؟؟؟؟؟؟؟؟؟؟؟
قولي الحمدلله
كافي صحتها وعافيتها
ربي يخليها لج

اشكركم على ردودكم الطيبة ،، فعلاً أحس ارتحت من كلامكم الطيب والزين ..

الحمدلله والشكر ألف مرة ..

بس تعرفون انها بكري ،، واول مرة يصادف اني اشوف شامه بهالحجم .. صحيح فخذها صغير .. بس بعد حجمها على كبر الفخذ ... من أوله إلى آخره .. وهذا اللي ضايقني وكدر خاطري .. ما تمنيت اشوف في بنتي شامه ..

بس بعد كلامكم الحمدلله .. ان ما طلعت هالشامه في خدها أو في مكان مبين .. وان شاء الله يارب تختفي أو تكون صغيرة جداً لما تكبر .. ما ابي اعرضها لعمليات أو ليزر .. والحمدلله على صحتها


واشكركم جداً على ردودكم ... مرة ثانية

الحمدلله على سلامتك

والحمدلله البنوته طيبه وماعليها شر هذا اهم شي

ماله داعي تضايقين نفسج وتحاتين .. في شامات تطلع للمواليد وتختفي بعد فتره شهرين او ثلاثه من الولاده..وحتى لو ماختفت ماحس انه شي كبير وممكن يأثر على البنت ونفسيتها اذا كبرت

ليش الكدر حبيبتي ، عشان شامه وفي الفخ ن اهم شي اهي بخير وعافيه والحمدلله ان الشامه في منطقه ما تبان يعني اذا كبرت البنت ما راح تستحي من ان الناس تشوفها وعيادات الليزر الحين موجوده وبكثره

لا تكدرين نفسج وعيشي احلى ايام الامومه