محتاااره كيف ازهب ,, انصحوني ياعرايس

السلام عليكم
اختي الغالية
في القسم عدد كبير من المواضيع التي تخص الجهاز
وستجدينها في ░▒ دليلك في ركن العروس متجدد دائما ░▒

الف مبروك
بالتوفيق

تحياتي
بغدادية

تسلمين اختي ,,

واتري ردود باقي البنات وخبراتهم

هلا اختي منى عمري


شوفي بالنسيبة لي انا يوم عرست

قمصان النوم
ماكثرت منها خذت لي بس 10 ونوعيتها مختلفه ===============>> لاني وانا في شهر العسل شريت قمصان نوم على ذوق ريلي انا احس جذي احسن



العبايات والشيل
فصلت لي 3 عبايات وحدة فيها شغل و2 سادة (لف ومسكره) لان العبايات تغير موضتها كل مايطلع موديل افصل برايي احسن من اني اخذ كمية وتروح موضتها من البسها اما بالنسبة للشيل خذت لي عشرة



شنط الايد
خذت لي 3 شنط بس وفي شهر العسل خذت لي 2 زيادة وكل ماتزل وحدة جديدة وتعجبني اشتريها على اساس ماتكون قديمة واتملل منها



فساتين السهره
فصلت لي 4 فساتين وخذت لي 5جلابيات غريبة وكثرت من البدلات لاني مالبس الفساتين دوم على حسب الجمعه والنفسية وغير الجلابيات اللي فصلتها في الخياط
وحطي في بالج الجسم ممكن يتغير بعد الزواج:sad:



التنظيف والحمام المغربي
انا سويت تنظيف البشرة قبل عرسي بــ 3 اسابيع لان وجهي من النوع اللي يتنفخ ويتقشر فـــ لين العرس يرجع ويهي طبيعي اما الحمام المغربي فكنت بنفسي اسوي فالاسبوع مرتين قبل العرس بشهرين




وربي يوفقج
ويسهل امورج
ويصلح بالج
ويرزقج الذرية الصالحة
:salam:
آمــيــــــن

فديتج اخيته ,,
الله يوفقج انشاء الله ويسعدج ..


قمصان النوم ريلي من الحين يتشرط عليه ,,

وجلابيات اعربيه مابفصل اقل عن 20 جلابيه
نحن هنيه واايد نلبس والفساتين افكر افصل 2 علشان تتغير الموضه
بس للجمعات العائليه والعزايم بفصل موديلات شيفون وكمن موديل شيفون فخم وخفيف

بس القمصان والتنانير والبناطلين بكثر منهم واااااااايد


على العموم اختيه تسلمين

مرحبا حبيبتي ...

ألف مبروووك مقدما وعسى ربي يتمم لك على خير...

**حياتي قمصان النوم كثري منها شوي وشكلي بالألوان والخامه وحاولي تاخذين

لكل قميص نوم اكسسوار مثلا ورده لشعر أو شراب مشبك أو خلخال مثلا ناااعم يكون

حلو التغير بكل لبسه او تاج للشعر ..

وفي أشياء تناسب الظهر وأشيا ليليه عشان كذا أحس تكثرين شوي أحسن..



**والعبايات أنا فصلت 5 عبايات راقيه و2 ساده لطلعات مثل ماقلتي سوق مستشفى..


**الشنط خذت 5حاولي يكون من ظمنهم أسود والثانيه بيج وااايد أساسين هالونين والباقي أنتي وذوقك

وإذا تحبين شنطة سهره صغيره عشان إذا انعزمتي على عشا...


**فساتين 3 يمكن أوكي.. أنا كثرت وحرام مانلبسوا :sad:


ا**لمكياج ماقدر أخدمك حبيبتي لأني مش من الإمارات (f)


**تنظيف البشره أحس قبل الزواج بشهر أنا لأن بشرتي حساسه ويالله لما تروح الأثار..


** حمام مغربي كنت كل شهر أسوي مره لحد قبل العرس بيومين سويت وااااااااااااااايد استفدت والله
حسيت جسمي غير ..

والله يوفقك حبيبتي ولا تحاتين كلنا توترنا هالفتره...

بس ان شاء الله بتكونين أحلى عروس وأتمنى أني أفدتك لو بشي بسييييط :shy:

تميكجت عند هستي مشاء الله غيرتني وما عرفت نفسي

أنا تميكجت عند هستي اسلوبها فعلا متميزة
ما امدح شي الا اذا مجربته بنفسي

الغالية ممكن ادليج على حرمة بتساعدج في تصميم الموديلات من الجلابيات الين تصميم العبي انا جربت عندها وشغلها وايد ممتاز واسلوبها راقي ادا حبيتي الرقم اتصلي فيني عالخاص

تسلمون خواتي على الردود ...


اختي سويتي ,,

ممكن رقم الحرمة لو سمحتي

[grade="0000FF FF6347 FF1493 00BFFF 32CD32"]الله يوفقج ويوفقنا ان شاءالله ........... انا بعد عرسي فشهر 2 / 2007

وللحين ماخلصت كل شي باقي لي اشياء بسيطه

وكنت محتاره بعد بس الحين لما قريت ردود البنات الحمدالله بحاول انظم حق الحمام مغربي وتنظيف البشره انا بشرتي حيل حساسه ...... وان شاءالله الله يباركلنا ويسعد كل زوجين [/grade]

مبروووك ملا يين يالعروس

هذا بكون احلى نك نيم بحياااااتج عسى ربي يوفقج ويسعدج ان شاءالله

وبحاول ارد عليج نقطه نقطه عسب تستفيدين ويستفيدن وياج العرايس ان شاءالله

قمصان النوم
بتحتاجيين عدد اكبر من 8 وتجهيزنهم من الحينه افضل احس صعبة عالعروس اول الايام تتشرا براحتها وي ريلها..وتنوعين فيهم من ناحية الشيفون..حراير..تور ..طوال ..قصار وقوم بو قطعتين الي مع الروب لا تكثرين منهم..بينفعونج عالايام الاولى..وشي ايين على بجايم كشخه او شورتاات او برمودات..للتنويع وما تملين

وان بغيتي قمصاااان روعه وباسعار مناسبة جدااا والله بتحصلين بالدرازن اشيا جنان وبسعر روعه
بطرش لج عالخاص لانه احتمال ممنوع احط اسامي محلات..هالرمسة تشمل اطقم الملابس الداخلية

ولا تنسين الشغلات القطنية للاستعمال الدائم والطلعات ..شغلات مريحه


واكسسوارات صغيرررررررره تناسب القمصان ولو ستكرات وكرستالات تنحط للدلع بمحلات الخردوات وكليييييرز

ولو تبين تتميزين بكل قميص عندج الخردوات تقصين منهم ربع وار ربطه للشعر تناسب الوان القمصان تعطي شكل ناااااااااعم جدا

العبي والشيل

بتحتاجين بشكل اساسي2 ساده وحده اسلامية والثانية مسكة تماما

وطقم شيله وعباة بس مب ربشه تحكرج باستخدامها

واذا تحبين عباة ثانية شغلها ناعم عالايد

وتركبين شيل شرات ما تحبين..بس هالاشيا موضة وتتغير لاتكودين وايد

شنط الايد

الي بتنكد..الرسميات الي يصلحن بالوانهم لكل مكان والدارج اسود وبني واذا عن خاطرج اطقمين بلبسج السوووق مليان اشيا مرتبة واسعارها بالمتناول ..

الفساتين

فستان راقي وبسيط جاهز او تفصيل وان احتجتي غيره بتشترين

ولا تسمعين للي يقولون لج سوي اربع واكثر لان القياسات تتغير والسوق متوفر فيه لكل الاذواق


المكياج

لا توترين روحج وبتطلعين قمر..باذن الله والاسماء الي يمدحونها اسئلي عنهم وان تسهلت لج بروفات بعد افضل..


تنظيف البشرة

اذا ما عندج مشاكل عميقة بالبشرة فلا تلعوزين روووحج وايد
خلي خبيرة تشوفج وتقولج الي يناسب وان قررت لج اكثر عن 4 جلسات فشهر يسدج
ولا تنسين ماسكات البيت تلعب دوووووور وعن تجربة

ودوري مركز تجميل يمدحونه ولا تسيرين لصالون ما تعرفين عنه زين لان شي ناس اختربت ويوههم والله قبل العرس من ورا الناس الي ما تعرف تتعامل مع انواع البشرة


الحمام المغربي

عني موووول ما اشجع الوحده تسوي هالشغلات برا بيتها نهائيا لو عروس
وانتي براحتج الغالية
الدلكه المغربية متوفرة بانواع مع ليفتها عند العطارين
تقدرين تسوين لج حمام بالبيت ونااااااجح وبتعرفين من اول مرة اذا تحتاجين تكرار او لا
يعتمد عالخيوط الي تطلع من الجسم اذا بيضا...فانت جسمج ماشاءالله ما يحتاي تعذبينه بالفرك وان كانت رمادية يمكن يبالج مرة كل اسبوع لين بتلاحظين الفرق


وان كان عندج اي استفسار ما يردج الا لسانج عروسنا

والسموحه

الله يساااعدج اختي ..

ويوفقج ياااارب

انا مثلج عروس يديده ومحتااااره ):