موضوع للمناقشة والافادة.. ماهي الاساليب والطرق التي كنت تتبعينها ثم اكتشفت خطأها؟؟؟؟

ماشاء الله عليك أخت جمانه موضوع حلو ومفيد:clap:

الطفل الأول دائماً يكون حقل تجارب(وأنا ماقصرت كل ماقال لي أحد علاج أوحل اتبعته بس بعدين صرت أسأل دايما الدكتوره وما أخبص التخبيص اللي قبل)

الخطأ الأول واللي كلنا نوقع فيه إنه بمجرد مايقول طفلي أه أنا راكضه وحاملتنه وأمي تقول لي تراه راح يتعود بهالطريقه بس مايهون علي وما أقدر أخليه يبكي وماشاءالله تدلع الحين دلع بس جالسه أخفف فهالفتره الدلع والله يعيني.

إعطاء الطفل الماء وهو ولدأيام ماأعرف للحين هوخطأ أولا لأن حتى الدكاتره ماكلهم مستقرين على رأي واحد؟؟؟؟اللي تعرف تفيدنا

ونفس الشي في العسل إذا كان ذا جوده ماأدري بس أغلب الأمهات الكبار ينصحوا به وقالوا إن العسل المستورد هو اللي مازين وهواللي عملوا عليه الدراسات ونصحوا بعدم إستخدامه للأطفال.

لف الطفل باللقماط (ماأدري ويش اسمه في الدول الثاتيه) :أنا كل مالفوه أحس انه متضايق وأفكه وبعدين خبروني ان الأفضل للطفل وعشان ينام فتره أطول.

ومنكم نستفيد(f)

غداري
شكراً حبيبتي ع الاضافة المفيدة... ما تقصرين ..

بذكر الحين بعض الاخطاء الاخرى اللي كنت اسويها بعدين برد عليكم ان شاء الله..كنت لما اجي برضع ولدي... طبعاً من صدري... كنت ما اتغطى.. في شقتي ما كان فيه احد غيري بطبيعة الحال... وفي بيت اهلي كنت اروح اي غرفة فاضية وارضعه.. كنت احسه اني راح اخنقه لو تغطيت بشيلة او شيء... وبعد عشان اشوفه يرضع او لا.. يعني طول وقت الرضاعة كانت رقبتي على تحت !


بالنتيجة طبعاً تأذيت ! :(
لما كبر شوي وصرت اطلع معاه اماكن برا.. او زيارات... يرفض رفضاً قاطعاً اني اغطيه بعباتي عشان ارضعه... ويظل يصرخ صرااااااخ قوي كأنه متخرع.. ولا يسكت لين شلت عباتي وما رضعته لأنه جوعان... فصرت اختصر زياراتي واااااايد وما ايلس بأي مكان اروحه الا شويه :( بعدين تحسن شوي الوضع لما صار ياكل، فكنت آخذ له عصائر وهالسوالف امشي الحال بها لما نرجع البيت وارضعه..
البيبي القادم راح اغطيه حتى لو كنت قاعدة بروحي في شقتي..




* اول ما ولدت.. كان البيبي معاه بوصفار خفيف.. ومعروف انه يسوي الاطفال خاملين ونايمين اغلب وقتهم.. وانا كنت حاطة ببالي انه ماكو رضاعة الا اذا قعد الطفل وقام يبكي بعدين اعطيه يرضع..

بالنتيجة ، اشوى اني ما قتلت ولدي من اليووووع :down:
الطفل اول ايامه محتاج انه يرضع كل ساعتين او 3 حتى لو ما صاح... لازم امه تقعده وترضعه...

ضحى الشمس


هلا فيج حبيبتي .. ومشكورة ع الدعاء..

دلوعة حمد

توتة الامورة...

الله يرزقكم الذرية الصالحة بإذنه وتشاركونا بإذن الله..

دموع الدوحة..

مشكورة يا عيوني على افادتنا بتجربتج.. وكله كوم.. والنوم بوسط السرير كوم بروحه :(

اكبر قلب.. :o

زلة لسان.. سامحيني..ام نووور..

الاطفال مو بس يحرمونا من تدليل انفسنا.. يحرمونا من مشاعرنا وصحتنا وكل شيء... وكللللله يهون.. فداهم يا رب..

بحر الشجن


شرفتي حبيبتي الموضوع..

بخصوص الماي.. انا بعد ما سمعت رأي حاسم بهالخصوص... بس أميل اني اعطي الطفل الماي في فترة الاربعين.. خصوصاً لو انولد في فترة الصيف او كان يرضع صناعي...
وبعدين فيه شغلة... انه يروح بقايا الحليب من فم الطفل.. وبجذي تتجنبين سالفة الحبوب البيض اللي تطلع في فم الطفل..

والعسل ما أأيده

ولدي يتحسس من الفيكس

موضوع حلو ولو اني مالحقت عليه من زمان...

انا ولدي عمره 4 شهور و اسبوع يعني بعدني ما عشت كل التجارب

بس الحمدلله رب العالمين عندي من البدايه حس بالصح والغلط لاني من فتره الحمل اقرا عن الاطفال وعن المفيد والضار والصح والغلط...فما كنت اسمع كلام حد الا امي...ومب في كل شي لاني وايد كنت اخاف عليه..وفيه اشياء امي تقوللي عنها تكون صح بس انا ما اسويها من خوفي و بعدين اقرا انها صحيحه ...
الحمدلله ما اذكر اخطاء ارتكبتها لين الحين....واذا ذكرت شي بخبركم

هلا الغالية انجل ايز..
صار لنا فترة مفتقدين مشاركتج معنا بالركن.. اللي غيبج عنا يتهنى بج << حمندي :)

ساعات بعض الاشياء ما ندرك خطأها الا بعد مرور فترة طويلة شوي..
وبالمقابل.. فيه اشياء نستهين فيها بعدين.. بس لما نرد نعيد التجربة ونربي من اول وجديد نرد نقول ان المسألة مب سهلة .. وما اسهل الحرب عند الناظرين :)

مثلاً سالفة الرضاعة.. الطبيعية طبعاً.. تجنن الام لحد ما يتعلم الطفل انه ياخذ كفايته من الرضعة..
ياما يشرب شويونة وينام.. وما ينفع محاولات امه عشان يكمل رضعته.. وتالي ينام فترات متقطعة عشان يجنن امه هههههه
او انه يرضع فوق حاجته.. وتعالي عاد بعدين هوايل الترجيع والتبديل كل شوي..
والقهر ان ظهر الام ينكسر من الرضاعة ويروح تعبها بلاش بلحظة :)

تربية الطفل كلها يبيلها صبر * صبر :)


وحياج الله الغالية.. لا تقطعينا

مرحبا خواتي مووضوع وايد حلو ..
يعني الله يعينا االلي عندها كذا تجربه يالله يلله نتذكر .. وبني ادم خطاء ههه ياكثر اخطاءانا وخاصه البيبي الاول ..
انا ولدي الاول حقل تجارب مسكين ..فار المختبر امي مسميته وعليه ماتم شي ماسويته فيه وجربته عليه والله ..من عمر 4 شهور اكله .. ماجا عمره سبع شهور الا ترك ااالمرضاعه مايبيها ومشاء الله يوم عمره سنه وزنه 12 كيلوو ماعرف شسويت بالصبي ..
بعد كانت خالتي تقول لي استخدمي لهم فكس البيبي وخلطيه معا شوي زيت زيتون ومرخيهم فيه كنت اسوي هالطريقه نفعت معا ولدي الكبير بس الثاني جاه ربو:(
من اخطائي الشنيعه .. المصاصه او اللهايه مابغوا يتركونها عيالي اثنينهم بالموتتت ..
الامقاط كنت كلشششش مب راضيه امقط ولدي الكبير والفه نحاسه اقول شهالخرفات وكان كله يصيح ويوم جبت الثاني وقمت امقطه وتركت عني الدلع . على الاقل صرت اناااااااااااااااااااام واهو ينام لاانه البيبي يفزع كتير واهو نايم ويضرب وجهه بيده ويتخرع ويقوم يصيح وهكذا ..
بعد مساله الادويه انا لعبه عندي .. لين عرفت الصح من الغلط
السيرلاك نصحني به دكترو اطفال في لندن قال لي لاتستخدمينه كلش اهو يسبب الحساسيات والربو تركيه عنج وسمعت النصيحه ..
وممم وبس..

السلام عليكم أخواتي
موضوع رائع ومفيد وتحمست كثير للمشاركه معاكم وقصتي قصه مع صغاري وما زلت أتعلم من أخطائي
أنا عندي طفلين الأول ولد وفعلا تعبت معاه وتعبني خاصه اني حملت فيه في أول سنه بالكليه وشفت أصناف العذاب وحاولت أتجنبها مع بنتي الثانيه
أولا الرضاعه كنت غير مباليه في الأربعين وما صار عمره شهر إلا وهو يفضل الرضاعه على صدري
طبعا حاولت لكن ماكنت مهتمه كثير بالموضوع النتيجه وعمره أربع شهور رفض صدري تماما وبدأت المعاناه مع الرضاعه اللي ما كنت أفهم في مشاكلها شئ

لكن مع بنتي حصل العكس تعودت على صدري وكانت مشكلتي معاها باليل كانت لاصقه فيني طول اليل بمجرد ما أبعد عنها شوي تصحي اللي بالبيت كلهم

لكن قررت البيبي الجديد انشاء الله أحاول أنظم رضعاته في الليل قدر المستطاع ولو اش ما يصير ما أنومه معاي في السرير

ولي عودة انشاء الله

انا ام لولدين الله يخليهم: سعود عمره سنة و9 شهور والثاني احمد عمره 5 شهور و4 ايام:
عانييييييييييييييت بولدي الاول وايد، على الرغم اني امي وخواتي ما قصرو وياي، خبروني بالاشياء اللي لاوم اسويها لعيالي، بس مع ذلك اخطأت وياهم، مثلا ولدي سعود ولدته خديج نهاية الثامن! وطلع مريض شوي واتبهدلت وياه وسووا عمليه وحالتنا حالة، اللي كنت اسويه غلط اخليه ينام معانا بنفس السرير وتعبت لين ما عوديته ينام في سريره، ومثلا الرضاعة لين ما غيرت له بالكوب ما من حالي حال، ورجع يبيها من كثر غيرته من اخوه، والحين احاول معاه يتركها مرة ثانية، كنت اضربه بطريقة جنونية لين ما قامت علي امي قومة وحلفت علي ما اضربه،والحين يمكن من 5 شهور او اكثر ما اضربه واكلمه شوي شوي ، وصار يحبني اكثر ومتعلق فيني بس متعلق بابوه اكثر لأن ابوه بالمرررررررررة ما يضربه الا شوي واذا عاند والا ريلي يحب ولد سعود وايد
الحين ما ساعفتني الذاكرة من اتذكر بكتب على طول..
في ولدي الصغير الحين تعلمت من ولدي الكبير، رضعته طبيعي للحين بس خفت الرضاعة لأني سويت له جدول غذائي مع حليب من الرضاعة ومن صدري، حافظت على نومه، ورتبت وقتي معاه اعرف متى ينام ، لما انام ينام معاي بدون تعب..والحمد لله احس اني مسيطرة على الوضع..


لي عودة للموضوع وبظل متابعة معاكم احب سوالف تربية اليهال

daying4qatar

ندى NADA

روعة دبي


لا حرمني الله تواصلكم .. جزاكم الله خيرعلى المشاركة المفيدة.. وكان الله في عون كل الامهات...

ارحّب بعودتكم في اي وقت :)

تذكرت

يمكن لين الحين غلطتي الوحيده اني ما غصبته يرضع من صدري..كان يصيح لان حليبي ما يكفيه فكان قلبي يعورني فاعطيه صناعي او اشفط له من صدري و اعطيه بالمرضعه..ولين شهر و نص خلاص..صدري نشف..:(

السلام عليكم:
من بعض الاشياء اللي سويتها لولدي الصغير حمووووووووووودي حبيبي(واللي باين بالصورة) اني احض الرضاعة بحلجه واروع عنه يرضها لين ما ينام وكنت اخليييييييييييييها_____________>اكتشفت ان هالشئ غلط، تدرون ليش؟ لأن الحليب المتبقي يظل عالق بحلقه طول الليل ويسبب فطريات وهلكنا من نعالجه لين خبرت الدكتور بهاالحركة وتضايق مني وقال ما يسوى عليه انتظريه لين يخلصها وشيليها وخليه ينام

كان زوجي لما يدش علينا البيت يلعب مع ولده ويبي يلعب معاه اكثر، بس انا كنت اشيله سبب اني اغير الحفاظ او اسوي له حليب او ابي انيمه، وريلي كان ياخذ بخاطره وما يقول__>فكرت وايد ومن خلال مناقشتي مع بعص صديقاتي القريبات مني، اكتشفت ان اسلوبي غلط، يعني المفروض ان ريلي يلعب مع ولده لين ما يشبع بروحه ويهده، مو انا اللي آخذ الولد، تراجعت بسرعة من حسيت ان هالشئ غلط وخليت الولد بلعب مع ابوه والله لدرجة اني احيانا ريلي يشفه نايم يقول فديت ولدنا احبه وايد نفسي اداعبه الحين والله اني اوعيييييييييه له .صح اني انا اللي اتعب لين ما ارجع ارقده بس برايه يهون هالشئ ولا احرم ريلي من انه يلاعب ولده

الحين اعلم ولدي يروح الحمام: اتعرفون اسوي له مسلسل كرتوني ماييب له مصاص وحلاوة واي شئ يحبه، تصدقون ولدي بيموت من الضحكككككككك، ويحاول يسوي شئ ويتكلم كلام غريب معناته افهمي ابي اطلع من الحمام وما فيني شئ اقدر انزلهههههههههههههههههه..
فخليته شوي شوي


اي شئ جديد بكتبه يباله وحدة تتذكر

مرحبا اختي جمانه موضوع رااائع وفكرة ارووووع...

حبيبتي حبيت اسالج .....كيف كنت توفقين بين الرضاعة الطبيعية وبين الحليب الصناعي لطفلج؟؟؟

وكم من الوقت استمريتي على هـــالحال ؟؟؟

لاني انا عندي بنت عمرها شهرين و9 ايام ...واعطيها رضعة الصبح ع الساعه 9 ورضعه بالليل ع الساعه 9 بعد .. وطول الوقت المتبقي ارضعها من صدري ... حبيت اعرف هل هذا الاسلوب راح يعودها على المرضاعه وتترك صدري ولا لا ؟؟؟لاني انا متبعه معاها هالنظام وماشي حالها لين الحين ...شو مشورتج لي ؟؟؟وكل اللي عندهن خبره بموضوعي؟

انجل ايز...
خلاص لا تظلين تلومين نفسج لأن اللي فات مات الحين.. وما عاد ينفع اللوم..
انتي سويتي الي عليج وان شاء الله البيبي الجاي يرضع طبيعي..
اهتمي بطفلج الحين وتغذيته زين من اول ما يبدي يأكل.. وان شاء الله مافيه الا الصحة والسلامة.. :

روعة دبي...

تنسيقج للرد يعجبننننننييييي واااايد .. ههههه تشجعين الوحدة انها تقرأ حتى لو كان طوووويل,,,
يبيله تعطينا دروس في التنسيق لأني من طختج احب الهذرة والردود الطويلة :
كلامج عن المرضاعة عدل.. ونفس الشيء بالنسبة للرضاعة الطبيعية .. بقايا الحليب في الفم مضرة وتأثر على المدى الطويل على اسنان الطفل بعدين...
وايد احاتي هالمشكلة .. مجربتها بولدي وطلعت عيوني.. الحين حاطة بالي مرة ثانية وان شاء الله ما تتكرر المشكلة لي... لازم بعد كل رضعة اسقيها لوو شوية ماي.. على الاقل يروح الحليب...

ولعب الطفل مع ابوه...
انا كنت مثلج بس افكر .. مابي زوجي يصدع راسه مع ولدي. وانه ما راح يعرف يتصرف معاه.. وبيغربله.. فما كنت اخليه عنده الا شووووووية كل يوم.. بعدين انتبهت انه غلط اللي اسويه.. والحين كله قاطته عليه ههههه
لازم الابو ياخذ جزء من الوقت مع ولده سواء باللعب او المشاركة في العناية والاهتمام فيه.. عشان يحس بالابوة اكثر واكثر...

*نبع الوله*:
مرحبا اختي جمانه موضوع رااائع وفكرة ارووووع...

حبيبتي حبيت اسالج .....كيف كنت توفقين بين الرضاعة الطبيعية وبين الحليب الصناعي لطفلج؟؟؟

وكم من الوقت استمريتي على هـــالحال ؟؟؟

لاني انا عندي بنت عمرها شهرين و9 ايام ...واعطيها رضعة الصبح ع الساعه 9 ورضعه بالليل ع الساعه 9 بعد .. وطول الوقت المتبقي ارضعها من صدري ... حبيت اعرف هل هذا الاسلوب راح يعودها على المرضاعه وتترك صدري ولا لا ؟؟؟لاني انا متبعه معاها هالنظام وماشي حالها لين الحين ...شو مشورتج لي ؟؟؟وكل اللي عندهن خبره بموضوعي؟

هلا هلا

تسلمين والله انتي الاحلى..

طبعاً المسألة مب هينة ولا سهلة ابد.. بس الصراحة امي وعمتي تموّا يزنون على راسي اني ما قطع الرضاعة الطبيعية < جزاهم الله الف خير >

ما ذكرتي السبب اللي يخليج تعطينها صناعي وطبيعي مع بعض؟ هل الدراسة؟ العمل؟ ولا تحسين انه حليبج مب كافي لها؟

اذا كنتي تدرسين.. رتبي جدول محاضراتج بحيث تكون متتابعة.. لا تخلين محاضرة اول الدوام والثانية متأخرة عنها وايد لأنج بتتعبين وصدرج راح ينتفخ عليج..
انا سويت محاضراتي 4 ساعات متواصلة.. صج صج كانت تعب.. بس الحمدلله كنت ارضع ولدي الصبح طبيعي وما يمدي يعطونه صناعي الا مرة وحدة بعدين ارجع اواصل الطبيعي

الخلاصة انج تحاولين تقلصين المدة اللي تغيبين فيها عن الطفل بقدر الامكان.. وتكوني راضعته مباشرة قبل الخروج من البيت وتوصين انهم ما يرضعونه قبل ما تيين بفترة كافية ساعتين مثلا... عشان من ترجعين يكون جوعان ويرضع منج غصب عليه وبهذا ما يعوف صدرج...
وبنفس الوقت تتخلصين انتي من مشكلة تجمع الحليب وانتفاخ صدرج والالم المصاحب له


تميت حوالي7 شهور بهذا الحال.. بعدين قطعت الصناعي خير شر وظليت ع الطبيعي بس.. طبعاً مع ادخال الاطعمة.. وكانت عمتي تأكله في غيابي .. ولما ارجع يكون ارضعه


اما بالنسبة الحين لسؤؤالج .. احسه ان شااءالله ما بيأثر على الرضاعة الطبيعية.. لكن افضل لو تخلينها طبيعية خالصة افضل.. واهتمي انتي بغذائج زين ما زين وشربي سوائل وايد خصوصا الحين في فصل الشتا يقل شربنا للسوائل.. وتذكري دائما كثر الرضاعة والمص تزيد ادرار الحليب..

بس اذا كنتي ملزمة تعطينها صناعي .. افضل تعطينها وهي راقدة.. بحيث تشرب وتواصل رقادها.. يكون ما تحس بالمرضاعة وما تفهم لها عشان ما تفضلها بعدين على صدرج.. ولا تزيدين عن رضعة وحدة باليوم ..