تعالوا خواتى أشكيلكم همى...

الله يوفقج ان شاء الله

أرد و أقول لج مثل كلام اختي ندى الورد99

لا تسمعين كلام البنات و سيري بروحج عند الدكاتره و كلميهم ..

و دوم ادعي و انتي سايرة المحاضرات ..

و اما عن ازعاج البنات في السكن .. حاولي انج تغيرين مكان المذاكره

او حتى تذاكرين في الكلية

صدقيني محد بينفعج غيرج .. و انتي لازم تشدين حيلج اكثر

و اذكري الوالدة و الاهل الي يالسين يدعون لج و ينتظرون اليوم الي تتخرجين فيه و ترفعين راسهم

سيري و كلمي الدكاتره و اطلبي منهم المساعدة

و اشرحي لهم ظروفج

و عادي عن السعي الاول لانه اذا شافج الدكتور صدق شاده حيلج .. باذن الله و ان شاءالله يوافق يحط لج درجة السعي الثاني مرتين .. تراهم يسوونها اذا شافوا البنت تستاهل

و دوم شوفي بنات الامتياز عندكم و حاولي انج تستفدين من نقاشهم عن المحاضرات

وابعدي عن الاشاعات

و ان شاءالله يارب يرتفع المعدل

و نصيحة أخيرة

اطبعي نصايح البنات في هالموضوع و دوم اقريها لاني اشوفهم كلهم يبون مصلحتج

و ما اوصيج بالدعاء في كل وقت .. و ان شاءالله ربي يوفقج

ليش ما تغيريين التخصص حتى لو عدتي من اول ... انتي معدلج وااايد نازل وبينزل من المعدل يوم بتتخرجين نصيحتي لج غيري التخصص الى تخصص اسهل..

اختي في حل بس ماعرف اذا يمشي في جامعتكم ولا لأ

لان مشكلتج مثل مشكلة معظم طالبات جامعة قطر

عندنا هالقوانين اللي ماترحم

لو يصير اخذي مواد سهله حتى لو كانت مو في تخصصج وبيطلع لج مواد زائده لكن بينحسب فالمعدل لكن ماتنحسب ساعاته
انتي سئلي عن هالشي فالجامعه عندكم

اخاف تسوين اللي قلته لج بدون ماتسئلين وبعدين تدعين علي

وحاولي مع الدكاتره
ونصيييحه اخذي 3 مواد ولا تكثرين وخليهم مواد سهله وشدي حيلج هالكورس عشان تجيبين تقادير عاليه ويروح عنج الانذار

بس ماقلتي كم لازم يكون معدلج يعني احنا عندنا اللي تجيب اقل من 2 يعطونها انذار انتو مثلنا ولا لازم المعدل يكون اعلى

دلوعه أهلها:
مشكورات حبيباتي

بس ألحين ما خذه درجات السعي الاول

ومزفته فيه

يااااااااااااااااااااااااااااااااااربي

شو بنات اطلع ولا لأ؟....

معليه حبوبه الله يوفقج في باقي الامتحانات

شوفي انتي سوي ابحاث وكل يوم ارتزي عند الدكاتره وقعدي فالمحاضره اول وحده
واندمجي مع الدكتور وشاركيه

عشان ياخذ فكره حلوه عنج
وان شاء الله يراعيج

ترا في دكاتره لو كنتي تشاركين فالمحاظره يعطونج درجات وينجحونج حتى لو كتني راسبه فالورقه

الله يعينج

[glow=FFFF66]الله يوفقج الغاليه وارجعي ربج واكثري من الدعاه مع انج تشدين حيلج والله يوفقج الغاليه ان شاء الله[/glow]

بسم الله الرحمن الرحيم

اليك الحل ....

اخيتي الكريمة ابحثي في داخلك اولا عن الحل

اسالي نفسك لماذا انا متدنية في الدراسة ..

هل اللعب اثر علي ..

هل الصديقات لهن اثر على متابعة دراستي بشكل جيد ..

واجهي نفسك واجلسي جلسة مصارحه ..

هل هناك شخص دخل في حياتي وغير مسار دراستي وحياتي ..

اذا ..

الحل موجود في داخلك وارجو ان تجيبي نفسك عليه لانه لن يفيدك الانفسك في هذه الحاله بالذات ...

ارجوا اني وصلت لك المعلومة ...


والاجابة ...يجب التخلص من اي امر يغير مسار دراستي .

مثال الصديقات اللواتي لا يهتمن بالدراسة اغيرهم بصديقات مجتهدات واتبادل معهن الدروس ..

وطبقي التغيير هذا على باقي حياتك ..
وباذن الله تعالى تكونين من المتفوقات ..

اختكم هنوية الضبي

هنوية الضبي:
بسم الله الرحمن الرحيم

اليك الحل ....

اخيتي الكريمة ابحثي في داخلك اولا عن الحل

اسالي نفسك لماذا انا متدنية في الدراسة ..

هل اللعب اثر علي ..

هل الصديقات لهن اثر على متابعة دراستي بشكل جيد ..

واجهي نفسك واجلسي جلسة مصارحه ..

هل هناك شخص دخل في حياتي وغير مسار دراستي وحياتي ..

اذا ..

الحل موجود في داخلك وارجو ان تجيبي نفسك عليه لانه لن يفيدك الانفسك في هذه الحاله بالذات ...

ارجوا اني وصلت لك المعلومة ...


والاجابة ...يجب التخلص من اي امر يغير مسار دراستي .

مثال الصديقات اللواتي لا يهتمن بالدراسة اغيرهم بصديقات مجتهدات واتبادل معهن الدروس ..

وطبقي التغيير هذا على باقي حياتك ..
وباذن الله تعالى تكونين من المتفوقات ..

اختكم هنوية الضبي

انا بعد مع اختي هنوية الضبي

اخذيها من مجربه انا اول مادخلت الجامعه كنت من المتفوقات وبعدين تعرفت على شله كل يبغون يلعبون وما يحضرون المحاظرات وصرت مثلهم

بعد تقريبا سنتين صكوني بإنذار

وجان اقول خلني اطلع بكرامتي ولله وطلعت وشصار بعدين

كلهم تخرجوا وخذوا الشهادة وانا اللي طلعت بلوووووووووووش

خلي عنج الصديقات

مشكورات الغاليات علي ردودكم


وبالنسبة للأخت درب المحبة حبيبتى

نحن بعد إذا أقل من 2 طرد من الجامعة


إن شاء الله بشد حيلي

بس بنات أنا صليت إستخارة عشان أكمل أو لأ

وما طلعلى شئ

ومب حساسه بشئ

شو أسوي ألحين ؟؟؟

شدي حيلج حبيبتي والله يوفقج انشاءالله