لكل المتزوجات يدخــلن ... ويكتــبن تجاربــهن

حبيبتي عين السيح أنا أقولك في شهر العسل

ماتقدري تاخذي وقت طويل في تزبيط شعرك

ويكون زوجك معاك 24ساعه لازق فيك

في طريقه حلوه عليها أنا إلى الأن ماتخذ منك وقت

بس إذا كانت نوعية شعرك زي شعري وهي وسط لاجافه ولا دهنية

وطبيعة شعري من فوق ناعم ومن تحت ملفوف وهو في الأصل ناعم

بس من أسفل موزي فوق

المهم طريقتي بعد ماأخذ شاور أجمعه على ورى بعد ماأمشطه

وألفه كعكه وأربطه بربطه وألبس طاقيه ساعتين ساعه

وبعد كذا أفكه ويجيك ملفوف كأنك مصلحته بيرم

أو ملفلفته بمكر وأصلح شعري من قدام بالأستشوار

ويكون من ورى ملفلف وأتحكم فيه مره أخليه على جنب

أو ألبس طوق طريقه مريحه ماأقدر أنعمه واخليه سايح

لأنه كثير وطويل وراح ياخذ وقت ويطفش الرجال

وأنا ليه الأن سبع سنوات وأنا على ذا الطريقه

حتى صاحباتي لما اروح للكليه يقولون كيف تلقين الوقت تلفين

شعرك وكانو يكذبوني لما أقولهم ماألفه ولاشي هو كذا

أن شاء الله تنفع معاك ذي الطريقه
ودمتي

عيل انا شسوي شعري كيرلي
و زوجي كل يوم يرجع من الدواااام وين اقدر احط لي زيوت

بالنسبه لي انا شعري مب سيده ولا كيرلي يعني وسط بس في شهر العسل كنت بعد ما أغسل

شعري أجففه وأستخدم Straightner السيراميك بس مب على كل شعري

(ليش Straightner عشان أولا أزعاج الأستشوار وثانيا أسرع وما خف حمله

وكنت استخدمه وزوجي نايم كنت اصحي قبله وأتعدل بعدين اصحيه من النوم)

بس كم خصله من فوق والقذله عشان ادري الأستخدام الكثير يمكن يؤذي الشعر

وبعدين الفه مثل الكعكه وأحط شبااصه ... وبعد ما أرجع وافك شعري يطلع شوي

كيرلي بس كأني مسويته بالرولات الكبار وكان زوجي عاجبه شعري وايد يحب

الشعر على طبيعته(r)

والله يوفقج أختي ونصيحه لا تتعدلين بزياده لأن الزوج يحب يشوف زوجته على طبيعتها
وثانيا لما تتعودين عليه بيخف التعدل ويمكن يوجه لج ملاحظه...وخلي التعدل بزياده للمفاجأت الخاصة:shy:

انا اول العرس تركت كل الخلطات عشان روايحها
وكنت دايما استشوره .. وصار مدري شلون ناشف يلوع الجبد
مع الحمل الحمد لله شعري تعدل شوي ..
وصرت اهتم فيه .. بس الريحة مالت الدهن هي اللي تخرب شوي
وبالنسبة للاستشوار ..
طول الاسبوع استشوره عادي
وفي الويك اند لما ارجع من بيت هلي استشوره بالصالون

يسلمووووووووووووووووووو على الكلام الحلو...

والله بلشه ليلة الدخله

بصراااااااااحه الموضوع حلو و في ردود للبنات ضحكتني يحليلهم <<<<<<<<< لا تزعلون مني

انا و لله الحمد شعري غلظه حلو و ناعم اللي يكون طايح بالمره بس شو مشكلته لا اللف ينفع معاه و لا حتى الفير بعد شوي يرجع سايح لكن الحمدلله على كل حال

احمدي ربج..

مو نحن طاح حظنا