استعملتي سياسه التطنيش ويا زوجك؟؟تعالي خبرينا

مشكورة اختي ريميه على الرد

انا اشوف ان التطنيش ينفع بس ما يكون التطنيش لفتره طويله او ان يكون تطنيش نهائي لاء

التطنيش اللي اقصده هو عدم الاهتمام لفتره بسيطه واتوقع انه يفيد على طول العمر بس لازم يكون بفترات متباعده

مو بالاسبوع 5 او 6 مرات !!!

مشكورة على الرد الله يوفقج يارب

حبيبتي شمس حاسه فيك بعض الازواج يكتفون بوجود زوجاتهم عندهم يعني لا تظنين انه ما يحبك لا اتوقع ان زوجك يحبك وهاذي حال ابوي مع امي الله يرحمها لو تشوفينه تقولين مو مهتم فيها ولا يدري عنها امي ماتت في حادث قبل اربع شهور وهو للحين يبكي عليها ويقول فيها قصايد ما كنا متوقعين كل هالحب لامي لكن الحب تبينه المواقف مو الكلام وصدقيني لا تتضايقين اذا ما قال لك زوجك كلام حب هو صحيح ان الكلام يريح لكن الاهم منه الفعل ... اسالي نفسك هل مرة تعبتي وتخلى عنك او تعب احد اطفاله وطنش ... بعض الرجال دامه يشوف اهله مرتاحين ومتعافين تلقينه يطنش ويشوف نفسه وهواياته ولي صار شي لا سمح الله يكون اول واحد يوقف معاهم فانت شوفي زوجك من هالناحية اذا كان رجل سندك فالمواقف الشديدة فلا تهتمين بكلام الحب وغيره بالعكس الشعور بالامان من اهم اركان الحياة الزوجية.. وااااااااااااااااااسفة على الاطالة واتمنى لك حياة سعيدة يارب

الوجه السعيد كلامج مظبوط اختي بس صعب المراه تعيش مع رجل هالشكل

اذا بالازمات بيصحى ضميره ويفزعلي بس؟؟؟ مابي هالفزعه حتى هلي بيفزعونلي ذيك الحزة

الزوج لازم يهتم يعطي يعبر يحسسنس باهميتي بالنسبه له يعبرني اكون له انسانه بمشاعر مو مجرد قطعه اثاث

بالبيت او مجرد وحدة تجيب له عيال يشيلون اسمه وبس



اختي كفي رزو هذا اللي اقصده ومشكورة على المرور والمتابعه

انا نفس الرد قطر 221

عادي اكشخي والبسي واشغلي نفسج بعيالج ولاتعطينه وجه ادي واجبج اتجاهه على اكمل وجه

بس لاتعطينه وجه دايما سولفي ويا عيالج والعبي وياهم واضحكي واعتبريه قطعه اثاث بالبيت ولا يهمج اطلعي واستانسي

ويا عيالج وهلج ولما تكونين وياه بالبيت او بالسياره خلج ساكته ولا تفتحين اي موضوع وخلج عاديه شغلي الاذاعه

مثلا وسوي نفسج منطربه ويا الاغنيه ولا ويا البرنامج اللي بالاذاعه مثلا ولما يفتح معاج اي موضوع ردي برد سريع

وبس لاتطولين السالفه ابد

ولما يكون قاعد وياج جيبي كتاب مفيد وابتدي اقريه مثلا ( الرجال من المريخ والنساء من الزهرة ) راح تستفيدين منه وايد

, وحاولي تنشغلين عنه وبعد شوي قوليله تصبح على خير وروحي نامي واذا قالج تصبحين على خير قوليله وانت من هله

انا بتم اقرى شوي هالشكل همشيه ترى بيخاف ويبتدي يقرب منج

تسلمين اختي ملاك

السلام عليكم وكل عام ونتم بألف خير
قال تعالى بما معناه ان لنا في رسول الله اسوة حسنه والي يحب اي شخص يقلدة ويحب يكون نفسه صحيح ازواجنا مش مثل الرسول لكن سيدتنا عائشه رضي الله عنها كانت تهجر او تزعل من الرسول بس فقط في الاسم والرسول كان يعرف انها زعلانه منه اذا انها نادته برسول الله واذا هي راضيه تناديه باسمه محمد .فلماذا لانقتدي بام المومنين انا انصح نفسي وأياكم ان نحتذي بام المومنين رضي الله عنها:shy: واسمحولي على الطالة

ام الحلوين بس تعتقدين ازواجنا بيفهمون هالشي ههههههههههههههه انا عن نفسي ما اعتقد

لا لا لا لا ما أحب هاي السياسه
وشكرا

جربتها

بس ماتنفع مع زوجي
لأنه يعاملني بالمثل
و أنا اللي أنقهر في النهاية

حلوو الموضوع

لين الحين مااستخدمت هالسياسه :)

الله يعطيك صحة وعافية......أنا من كم يوم استعملتها ولكن النتيجة عكس المتوقع .....ما أنصح احد يستعملها .....وأخص أن اللي بطنشه هو حبيب وعشرة عمر عاشته وياه......القلب ما يقدر

السلام عليكم
بالبداية انا عضوة جديدة رحبو فيني ......
أختي شمس أنا حاسة فيك كثييييير لان عندي نفس المشكلة بس ما أقدر أطنشه لأني أحبه وما أقدر أصبر زعلانة منه مهما حاولت .......
وكمان ماعندي عيال أنشغل فيهم عنه....
أنا بس ابي كل من قرى ردي يدعي لي يمكن أحد فيكم له دعوة مستجابة....
المشكلة أني كل ما حاولت أطنشه مااااااااااااااااأقدر
وهو طبعه كذا
ماودي أقرق عليكم كثيييييييير بس الله الله بالدعاء

الوجه السعيد99:
صدقوني ينفع في بعض الاوقات احيانا يكون الزوج مال من اهتمام الزوجة فيه ما اقصد الاهتمام المادي مثل الطبخ والغسل لا هاذي لو طنشتيه فيها وراك العين الحمرا لا اقصد التطنيش المعنوي يعني بدال ماتقابلين وجهه وتقولين له سولف طنشي ما كان احد جالس معك وخففي من جلساتك معه بعدها هو راح يلاحظ ويمل من الصمت ويبدا فالكلام .... عن تجربه... لكن مو تاخذونها حلا بس اذا كنت طفشانه حيل وودك انه يسولف ...

عجبني هناا معنى التطنيش :clap:

ام المشالك تسلمين على المرور

اسمي رمال ياربي هذي مشكله ثانيه الله يعينج

سحابه حب ان شالله ما تظطرج الضروف وتستعملينها

بنت الخاطر الله لايجيب الزعل بينج وبين اللي تحبينه يارب

لن انساك الدعاء هو الحل مثل ما قلتي اختي الله يوفقج

وما توفيقي الا بالله مشكورة يالغلا على المرور

الزوجه الملاذ الامن للزوج اذا كان تعبان متضايق زعلان عليها اوهي زعلانه-- اذا الزوجه طنشت

زوجها وين يروح---مهما كانت المشاكل

واختلاف الاراء----لازم على الوحده تقول لزوجها لبيه غناتي يوم يناديها وبينسى

الدنيا ومافيها--- ولهذا السبب انا ما احب سياسة التطنيش ولا انصح بها

واسمحولي هذي وجهة نظري

راعيه البيت مشكورة اختي على الاضافه بس احنا نقصد التطنيش يوم الزوج يبتدي يهمل الزوجه او يزعلها

اانا جربتها بس ما نفعت .... وكثر ما اطنش ف الاخير انا اللي اركض وراه

انا مش متزوجه بس حبيت اتناقش معاكم...................انا لو تزوجت ماراح استخدم اسلوب التطنيش لانه اكيد بتكون لزوجه مكانه كبيره بقلبي................ماتسمحلي اطنشه................بس يمكن استخدم اسلوب التنازل لاجل الحب اللي بينا والأطفال

انا ما اعرف ونتهاوش وما اطنش ارجع ادور عليه
ترى هو على حسب البنت اذا كانت تقدر تتحكم في مشاعرها او لا