أمهات يونيو 2007

سلام يا عسولات شلونكم شكرا لكل من سال عني و الحين نرد على وحدة وحدة

موني

هلا اختي حياك الله بالرابطة :salam:

دمع الليل

هلا حبيبتي انا بديت استعمل زيت اللوز وان شاء الله ما اكون وايد متاخرة و يقدر يفيدني ووايد مرتاحة عليه لان ما فيه ريحة و شكرا لك يا قمر على ليستة المستشفى :clap:

عراقية مغتربة

هلا حبيبتي شلونك اي انا عراقية بس ولادة الكويت فلهذا احنا حتى بالبيت نص عراقي و نص خليجي فتشوفيني لمن اكون احجي مع الكروشات اقلب اوتوماتيكيا خليجي :bigsmile:
و بالنسبة للكروشات اي مثل ما قلتي احنا كلنا بكر بس انتي و ريمي و توتي و شيكو

فلة و الاقزام

هلا يا عمري انتي و الله اللي ما ينمل منك ابدا شكرا لك على فكرة البودرة راح اجربها لان انا تلوع جبدي من احط زيت ز البس ملابس ايع :mad2:
و بالنسبة للمواعيد انا كان عندي موعد الجمعة و الحمد لله رب العالمين كل شي كان تمام و راس القمر نازل تحت فقالتلي القابلة انه ما راح يكون عنده وقت يغير وضعيته و الله كريم بعد
و بالنسبة للكالسيوم ما وقفته و لا راح اوقفه

نور العيون

اكيد حبيبتي ما اوقف اي نوع فيتامين الا لمن الدكتورة تقولي

توتي و شيكو

هلا عمري لا شكر على واجب لازم بعد اسال عنكم كلكم لانكم خولت عسولات كلكم و الحمد لله انا تمام و البيبي يسلم خخخ

احساس جوري

هلا حبيبتي لا تحاتين ان شاء الله ما فيه الا الخير و قولي حق الدكتورة تسويلك سونار ما فيها شي
و امس رحت عند اختي مشي ربع ساعة من بيتي لبيتها فاشتريت ايس كريم نفس اللي بالصورة الرمزية اللي عندك و تذكرتك و الله :gum:
بسمة البحرين

هلا حياتي شلونك انتي و كنتي ان شاء الله بخير انا بخير و لله الحمد :shy:

عروس الموج

الحمد لله على سلامتك يا قمر و لا شكر على واجب لازم اضيفك بالجدول عشان تنورينه :shy:

عيون ريمي

و الله فرحت من شفت التيكرات ملوتك الف الف مبروك :clap:

سحووورة

هلا حبيبتي ليش شذي صاير بوزنك ديري بالك على نفسك و على البيبي مو زين ترى :sad:


و باقي الكروشات شلونكم؟؟؟؟؟؟؟؟؟

بنات بليز جاوبوني انا الجمعة كنت عند الدكتورة و كان كل شي تمام بس احس حركة البيبي خفت هاليومين و انا وايد خايفة يعني يتحرك بس مو مثل قبل هذا شي طبيعي و لا اروح يوم الاثنين للمستشفى افحص؟؟؟؟؟؟؟؟؟؟ :cry:

اختى ابرار الجنه
انا كتبت عن حركة البيبى لو اكتر من 10 حركات فى ال12 ساعه ما تقلقى خالص

هلا بنات شخباااااركم وحشتوني اوي اوي



بالنسبه للدكتورة هي ما تعصب ولا شي واذا قلت لها عادي بس انا خوافه ما اعرف اتصرف بروحي لازم ماما او زوجي يكونون معاي

وهي بالعكس حبووووووووبه بس اللي يشوفها اول مرة يقول مررررررة عصبيه ولا العكسسسس


يوووووو ابرااااار والله دش خاطري بالايس كريم عاد انا امووووووووووووت عليه كل انواعه



اي صح وبعدين احنا لام نكون فاتحين القران 24 ساعه عند البيبي عشان يتعود وبعد الولاده اول مايسمع القران يهدا ويرتاااااااح وابتعدوا عن الاغاني واله احسن انا الحمد لله ما اسمع ابد ابد


وياللا شدوا حيلكم ما بقا شي


وسلاااااااام لكل اللي ردوا واللي ماردوا ويييييييييييينكم لا تقطعووونا



اي صح ريمي مبروك التيكر بس ليش انا ما اشوفه << يمكن لازم تزيد مشاركاتي ولا؟؟؟



ياللا سلاااااااااااام

السلام عليكم ورحمة الله وبركاته

عروس الموج واخيرا لقيناج اعترفييييييييييييي وين كنتي مختفية .. ما عليج شر يا الغالية .. اهم شي عصير البرتقال والليمون كثري منهم ... الا قولي لي شلون الوحام احين معاج ان شاء الله خف ؟؟...

ههههههههههه التيكر مخوفكم بس انا متشققة ودي اختصر ال 40 يوم في يوم واحد بس واولد وارتاح والله وددددددددددي وددددددددددددي اشوف ضناي واحمله بين يدي ... الله اييبه بالسلامة ..


نور العيون .. انا معاج ما اسمع اغاني بس الموسيقى توني ادري ان ما يصير نسمعها القرآن دايما اسمعه البيبي حتى ترى اذا هوه جنين يحب يسمع القرآن ... وان شاء الله اخذ معاي سي دي قران ..


عيون ريمي .. احنا بخيررررررررر حبيبتي ونسال عنج مب حلو اليوم الي ما تكتبين فيه في الرابطة تظلم علينا . . . الله يعطيج العافية ويقويج بس لا تتعبين روحج في شغل التنظيف وريلج هو الصاااااااااج انا الي ما اشيل شي بالبيت من اتحرك اتعب شلون تنظيفات وبلاوي .. اذا ما حصلتي شغالة احين مالج الا الي اييون البيت بالساعة تنظف لج يمعه وسبت وخلاص ...ليما تقومين بالسلامة ...

وتوني ادري يعني اشيل الووك مان ؟؟.. انا خليت معاي حتى مجلات عشان الزوار لو يوا مثلا معاهم رياييل تعرفين مب فاضين للحريم يقرون المجلات يلتهون يفكونا هههههههه

واغراض السباحة لحين تصدقين ... امي قالت بتشتريهم وبتخشهم عندها هههههه ... كل شي صارت تخشه تخاف من بو فهد ياخذهم ..تعقدت ...



سحووورة ... افا ليش جذي ؟؟؟؟؟؟؟... 21 كيلو وايد تنقصينهم بالايام العادية شلون بايام الحمل ... حتى لو النساة ذابحتج حاولي تعوضينننننننننننن تاكلين حتى لو شوربات او حليب مب زين لصحة البيبي الله يحفظه ... والله يحفظ لج عبودي وعليه ما يستاهل ... حاولي تسيطرين على اعصابج وتذكري انه حشاشة يوفج حرام تمدين يدج عليه ....



ابرار الجنة .. وينج يا الغلا .. وحشتينا ..
الحمد لله ان زيت اللوز فادج.. وان شاء الله تختفي الخطوط نهائيا ..
والعفو حاضريننننننننننننن لكم ..
وحركة البيبي عادي تخف بهالاسابيع وكل ما تقدمت فيج الاسابيع تقل .. ما تحسين فيها الا عند الضلوع .. لان المكان يا دوبك يكفيهم وعليه عليهم هههههه... الله يحفظ لج البيبي ويخليه ..


احساس جوري .. والله حرام عليج كل ما اتخيل الايسكريم تحت اسمج .. استخف ع الايسكريمات ...

الله يحفظج يا رب



في أمان الله

نور العيون

اي حبيبتي قريت مشاركتك بس صراحة ما حسبت يعني راح عن بالي احسب ان شاء الله من باجر ابدي احسب

بس انا بغيت اسالك انتي دكتورة؟؟؟ :think:

احساس جوري

و الله اليوم بالليل اخذت المسكين زوجي و رحت ابي اكل مرة ثانية بس لقيناه مسكر و رجعت زعلانة و مقهورة لان اليوم احد و كلهم مسكرين:cry:

دمع الليل

شكرا يا عمري لانك جاوبتي الحمد لله اتحرك بس مثل ما قلتي يمكن المكان صغر عليه لان مو مثل قبل يلعب بكيفه

والله يا هل الايس كريم اللي ذابحنا


تصدقون اني قلت لزوجي يروح يشتري لي لقا البقاله مسكره قام دق علي وقال ترى انا رايح اسواق التميمي << هذا السوبر ماركت اللي عندنا << ولو تلاحظون ترى الساعه الحين وحده الا ربع اللييييل فدييييييييييته




ياللا هانت دموووعه الله يقومك بالسلاامه ونشوف فهووودي مثل القمممممممرررر


وانتي يا بروووره ياللا بكره روحي اشتري الايس كريم وان شاءالله يكون مفتووووح



هااا بشرووونا عنكم كرووشااااااااااااات

شو سالفت الايس كــــــــــريم...هلعتوني الصراحه.

دمع الليل..

الحمدالله الوحام خف عني طبعا بدا الثقل الحين ووزني بدا يزيد اخاااف استوي بالووونه واطير بعدين.


باقي الكروشات..

اشحاااااااالهم الي نايمين فالعسل فديتهم والله

شلونكم حبايب
ان شاء الله زينين

أبرار الجنة
شكراً حبيبتي على هالشعور النبيل وعادي تقل الحركة في الثامن عن يوم كانت في السابع وفي التاسع بتقل أكثر قربت حبيبتي قربت واليوم روحي للآيسكريم ولا تخلين في خاطرش لكن انتون عندكم برد وتشتهين الآيسكريم جدي عجل احنا ويش نقول ويا هالحر خاطرنا ما نفارق الآيسكريم

إحساس حوري
بدلي صورتش الرمزية لو سمحتين ، أني اول امس شريت لي واحد يشبهه من سوق واقف أممممممممممممممم لذيذ بع ابغي واحد الحين بس من بيجيب ليي
واشلون ما تشوفين التيكر مالي حتى لو مشاركاتش قليلة التيكر مالي تشوفينه لأن يعتمد على مشاركاتي مو مشلركاتش عجل طافش نص عمرش
وكثر خيره زوجش اللي اتعنى للآيسكريم
وعن أسواق التميمي بسألش
يعني تنصحيني اروح احنا نطوف عليها بس ما رنوحها نروح المخازن الكبرى وهل افضل من المخازن الكبرى وعن السعار شلون عشان إدا شجعتيني المرة الجاية بنروح

دمع الليل
قربت حبيبتي أنا بعد باقي لي 44 يوم وإن شاء الله أقل برحمتك يار ب العالمين
ولا تخافين الموسيقى الكلاسيكية عندأغلب مقلدينا مو حرام واني واجد أسمع موسيقى كلاسيكية
وانتي اللي تنورين الرابطة الله ينور عليش دنيا وىخرة يارب
وزين سويتون خشوا عن ابوفهد يالله تلحقون عليه
وبسكم حجي عن الايسكريم مصختونها ما يخصني ألحين أبغي واحد جيبوا ليي خبز خبزتوه أكلوه

عروس الموج
شخبارش وجان زين ننام في العسل
والله أول مرة في حياتي اشتاق للنوم جدي أحس عقب الولادة ما أبغي أحد يجي ليي من الوادم بس أبغي من ينام البيبي أنام يالله أعوض النوم المفقود في هالفترة

احلى سلام وتحيه بس لعيون ريمى اللى دايما كسفانى بزوقها

والله لسه متأكدتش انها بنت من اخر مره روحت للدكتور وقالى تعالى بعد اسبوعين نجرب نشوف وانا اتنكدت اخر نكد ومزركير عامل تخفيض وهموت واشترى بس خايفه اتصدم ويطلع ولد بس ان شاء الله تعالى بكره انا نويت اغير الدكتور والمستشفى واعمل سونار ادعولى اعرف لانى زهقت وانا بينى وبينك متأمله انها بنت على اساس انه قال الاحتمال الاكبر بنت وكنت شفت كام حلم وفسرهوملى وقالولى هتخلفى بنت ف ربنا يسهل
ادعولى يا بنات الايام اللى جايه هتكون صعبه عليا عندى ضغط فى الشغل جبار والعيال اللى بقت حالتهم حاله متعلقين بيا للدرجه الجنون وكأن قلبهم حاسس دا غير بقا الاستعداد لقدوم الوالده وحماتى الغاليه ربنا يعدى الفتره دى على خير

توتي وشيكو
الحلا للحلا ياحلوة
وإن شاء الله تتأكدي هالموعد وتفتكين وتتشرين على كيفش
الله يساعدش على الضغط أني بعد عندي ورقة عمل لازم أسلمها قبل الولادة وتقريباً ثلاة أرباعها مخلصة ولوما الحالة الكلية عدم كان من زمان خلصت الله يعينا جميعاً

هلا كروشات والله اسمحوا لي اجي يوم واغط عشر، بس وكمت وصكت الدنيا فيني ولاحد راضي يعطيني دوا ومتوهقه بعمريوابي اعرف كم لي بالثامن، مالي نفس لشي حتى اليوم غي=بت عن الشغل احس انه مافيني شده اشيل ابره.

ولا تعقدوني من الايسكريم ماقدر اشوفه من اشوفه اتنافض من البرد خبركم مزكمه خخخخخخخخخخ

موعدي مع الدكتور 2/5 وبصراحه مواعيده وايد بعيده انا تطلع عيني وترد وهم يقولون لي هذا اقرب موعد بس شاسوي.

طبعا قلت لكم انها بنت بس كل من شافني قالي في بطنج ولد وانا وايد خايفه من هالسالفه، لان كذا وحده اكدوا ان في بطنها بنت وطلع ولد.


اي في شي ثاني اقصد عاشر هههههههههههههههههههههه، انا من فتره كله ارجع او اروح الحمام الله يكرمكم وايد لو اكلت علج والا شربت ماي هالشي طبيعي والا لازم اراجع الدكتوره، غير انه في الم في بطني من تحت بس مو مستمر.


طمنونا عليكم شعقبه عقب ماهذرت ههههههههههههه، بس معليش قولوا اخر تطوراتكم وشو؟

@@

احب زوجي ومدلعني..

انا بعد مزجمه بس ما اتووب توني طالبه من الكوفي شوب جيلر يا فانيلا طبعا باااااااااارد..الله يعين هالبيبي والله.

وعن سالفت تغير الجنس..

يقولووون اذا قالولج بنت في احتمال يتغير لان ما يكون يبين عدل والحبل السري يلعب دور بس لو من البدايه قالوا ولد يكون صح لان يبين..بس انا ما اصدق ولا بصدق لين ما اشووووفه بعيوني يارب بصحه وسلامه

انا ارجع اذا اكلت شي دسم..

عروس الموج يا هلا بج بس تحملي ترى اذا صخنتي مو زين للبيبي خصوصا انج بالثامن تحملي والاكل لاحقين عليه.

استغفر الله انا ماحب امرض، لان شغل وبيت وياهل والزكام يكسر العافيه، وغير هذا ماتاخذين اي ادويه.

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا تعقديني مره خايفه شريت اغراض الياهل على اساس بنت عقبها شاسوي اطق صبع.


الله يتمم لج على خير وعلى كل الحمل ان شاء الله ويرزق كل محرومه يارب.


انا دسم والا غير دسم ارجع، واروح الحمام الله يكرمكم.

هلا بنات


ريمي
والله ترى ما اشوف التيكر حقك ما دري ليش << مقهوووووورة مرررررررررة
وعن اسواق التميمي احلى بقاااااله عندنا مرررررررررررررررة اشياءه تجنن وغرييييييبه احبببببه كثيييييير وعنده الرخيص وعنده الغالي

عرووسه
هلا فديتج الكروشات يشوفون الايس كريم اللي انا حاطته بالصورة ويتشهوون ماغير يبون ياكلون ايس كريم شكلي بغييره عن ما نمتن لووووووووووول
بشرينا عنج شلون الثقل وياج؟


توتي
ازيك ياحبيبتي ده انتي واحشانا اوي
ماتخفيش انتي روحي لمذركير واشتري اغراض تناسب البنات والاولاد يعني مو شرط للبنات بسس
والله يهون عليك

احب زوجي
عادي ان شاءالله مادام اكدوا لج ان شاءالله صح لا تحاتين ومثل ما قلت اشتروا اغراض تصلح للبنت والولد انا قالت لي شكله ولد بس ما شريت ولا شي للاولاد كله مشترك بين الاولاد والبنات وماراح اتطمن الا اذا شفت البيبي فديييييته بعييني
وبشرييينا عنج ؟؟

ووين الباقي دموعه وابرار وعراقيه ونور وسحورة ... وباقي الكرووووشات وينكم

احساس جوري

ابشرك توني جاية من محل الايس كريم و احس نفسي بعد ما اكلته منتصرة :cool2: هههههههههه


عروس الموج

هلا حبيبتي السالفة و ما فيها الصورة الرمزية حق القمر احساس جوري تشهي حتى اللي ما يحب ايس و انا ما شاء الله علي اعشق الايس عشق :smile:

عيون ريمي

هلا يا قلبي اي لا تخافين علي رحت و اشتريت و اكلته مثل وحدة مفجوعة اول مرة تكتشف الايس :sad: بعد هذا الحمل و بهذلته

توتي و شيكو

اي حبيبتي سوي سونار و تاكدي احسن و ان شاء الله يرزقك البنت الصالحة امين و بالنسبة لاولادك كم اعمارهم؟؟ :think:

احب زوجي و مدلعني

هلا حبي شلونك بالعكس كلامك عسل و الاعراض اللي تصير عندك طبيعية و تصير معاي بس ما تخسرين شي اذا تستشيرين طبيبتك:up:

الغاليه احساس جورى بالنسبه لملابس الولاد عندى منها شنط ولادى ملبسزش منها اى حاجه اول مره حملت اهلى جابولى هدوم تلبس عشر عيال دا غير انى جبت تانى ولما جبت شيكو كان سنه مختلف عن سن محمد ف المحصله لو طلع ولد مش هشترى والا حاجه عندى الشتوى والصيفى انما لو بنت هعيش حياتى وخصوصا مع البكينى الاحمر اللى مجننى فى مزركير

العزيزة ابرار الجنه والله عملت سونار فى السعودى الالمانى اكتر من مره وكل مره يقولى الدكتور مش واضح المره الجايه ان شاء الله بكره هخلص نفسى واغير المستشفى والدكتور ويا رب اعرف
بالنسبه لاعمار ولادى
عندى محمد 3 سنين و7 شهور
شريف سنتين و4 شهور
ان شاء الله تعالى دى بقا هتبقى التالته التابته مفيش عيال بعد كده نهائى اساسا انا من يوم ما اتجوزت وانا حامل ادعولى لانى بجد زهقت وعندى اكتئاب:confused: :confused: :confused: :confused: :confused: :confused: :confused: :confused:

السلام عليكم جميعا:salam:
ازيكو عاملين ايه؟؟
المهم ان تقريبا ايس كريم احساس جورى عمل انقلاب فى الموضوع لدرجة انى بفكر اكلم اختى دمع الليل ونغير اسم الموضوع من امهات يونيو الى امهات الايس كريم:bigsmile: :bigsmile: :bigsmile:
وانا مع اختى توتى وشيكو اشتروا اغراض تنفع للولاد والبنات
وان شاء الله ربنا يرزقك ببنوته جميله يا اختى توتى وشيكو وأكيد بعدها ها تغيرى اسمك لتوتى وشيكو وايه؟؟
طمينونا عليكو جميعا
واراكم على خير(f) (f) (f)

يا كروشات انا بس اجيت اقولكم اني اكتشفت اكتشاف مهم بالرابطة و هو

انه الاخت نور العيون دكتورة و هيه مستحية تقول يحليلها

فاللي عندها اي سؤال تسال و الاخت مستعدة تجاوب جزاهل الله خير

هلا حبيبتي احساس جوري وباقي الكروشات الحلوين انا كنت من البارح منيمه مع عبودي في المستشفى اكل ايسكريم وجاته فلونزه والبارح وديته للمستشفى ودرجة حرارته 40 وشوي ونيموه وطلعونا اليوم العصر والحين انا الي تعبانه وحرارتي واصله
اقول بنات انا من امس العصر وانا احس بطني من تحت زي الي يتقطع وآلام قويه هل هاذا الشي طبيعي ولا اروح بكره للدكتوره انا خايفه من هاذا الالم بس الي مطمني ومريحني شوي ان حركة البيبي اليوم زادة شوي
بليز ردو علي بسرعه اروح ولا اصبر لما يجي موعدي بعد اسبوعين
وطمنونا عليكم وعلى كروشاتكم
سلام

هلا سحووووه الف سلامه على عبودى وان شاء الله يكون بقى كويس
وانتى الف سلامه عليكى
انتى فى التامن برضو؟؟
والالم ده محتمل؟؟
ومكان الالم بالظبط فين؟؟