قصه عذابي انا

ahlam23 10-10-2006 8 رد 1,661 مشاهدة
a
السلام عليكم

هلا بنات عروس جبت لكم اليوم قصه من تاليفي


اليوم سوف ابدأ انشاء الله بكتابت قصتي وارجوا الا تبخلوا علي بردودكم واقتراحاتكم في مجريات القصه
القصه فكرت مره اريدها واقعيه ومره اريدها من نسج الخيال الا ان فكرت ان تكون الفكره بشكل عام واقعيه حدثت في الواقع المر الذي يعيش فيه مجتمعنا
وبها نوعا من الخيال.


بسم الله نبدأ]

قصتي بعنوان

(قصة عذابي انا )

تقوم احداث هذه القصه في الدمام

قبل القصه كالعاده تعريف بسيط للشخصيات


عائله بو ماهر عائله متوسطه الحال
بوماهر: محمد السعيد
ام ماهر: بدريه حسن
ماهر : هو الولد الاكبر عمره 28 سنه وللان مو متزوج مدرس في مدرسه خاصه طويل معتدل الجسم مو متين ومو نحيل معتدل فيه نوعا من الغرور
وكل بنات عيلته يتمنون يكون زوج لهم بس هو مايفكر في الزواج كانه متعقد من الزواج اي احد يساله متى تتزوج يقول مافكر في الزواج
يوسف: الولد الثاني لعائله بو ماهر عمره 20 سنه يدرس في الجامعه متفوق زي اخوه ماهر بس يوسف خفيف دم لدرجه
مستحيل يجلس في مكان ولا يسوي جو مرح والكل يحبه من خفة دمه و طيبته يدرس في الجامعه سنه اولى محاسبه.
ساميه: هي البنت الوحيده واصغر وحده في بيت بو ماهر الدلوعه يعني عمرها 16 سنه حلوه طبعا مثل اخوانها بس بارده
تعرفون كيف تتخيلون البنت اذا كانت بارده كلشي تسويه على راحتها وعلى كيفها متى مابقت المهم الله لايراويكم مثلها طبعا في البرود
تدرس في متوسط دراستها يعني مره تندف بالمقبول ومره ترتفع اشوي للجيد طبعا هذا تقدير الباردين لان على ماتخلص الغداء وعلى ماتاخذ غفو وعلى ماتجلس وعلى ماتتعشى وعلى وعلى ...الخ الا ان توصل اخيرا الا انها تفتح الشنطه
ومامداها تشيل الكتاب الا صار اخر اليوم وترجعه للشنطه يعني نجاحها الي بالدف بسبب ذكائها الماخوذ من العائله مو فلاحه فيها.
عائله ابو سالم عائله ثريه جدا
بو سالم :مصطفى الراشد
ام سالم:عاليه الراشد
منال: البنت الكببيره عمرها 26 سنه خلصت دراستها الجامعيه تخصص الغة الانجليزيه وتعلمت بعد دبلوم حاسب الي
بس للان ماتوظفت وعلى ثروة ابوها مو راضي يسوي لها واسطه تدخلها لان عنده البنت الي عندها فلوس مو لازم تتوظف تقعد في البيت احسن واستر
نسى الابو الفاضل انا اهي تعبت طوال هالسنين مو علشان تقعد بالبيت تبي تحس بقيمتها في المجتمع تبي تعطي الوطن تبي تحقق هدفها في الحياة تكون مربيه اجيال
ولاكن ماذى تعمل في تسلط ابيها الي وصل انه يتسلط حتى في زواجها ويرفض اي واحد مو عاجبه بسبب وبغير سبب
نسى انا البنت محتاجه لزوج يستر عليها وتحس معاه بقيمتها انها تحقق حلم الطفوله الحلم الي تحلم بيه اي بنت من صغرها وهي انا يكون لها اعيال ينادونها ماما
تحس بالامومه ووصل عمرها الى ال26 سنه بالرغم من جمالها الاخاذ طول وبياض وعيون عسليه وشعر طويل ولاكن ماذا تفعل في ابيها وجبروته وتسلطه وغروره
لانها تحبه ماتقدر تكلمه ولا تعصيله امر وخاصه انه يحبها ويدللها لان بنته البكر والبنت الوحيده في البيت .
وتفكر وتقول يمكن الله مابعد يكتبلي بالرغم من الخوف الي يجي لها لمى تمر سنه من سنين عمرها خايفه انها يفوتها القطار
وتظل عانس طول عمرها وتنحرم من كلمه ماما بس موكل امرها لله والنعم بالله.
سالم :الاخو الاوسط والكبير من الاولاد عمره 21 سنه يدرس في الجامعه تخصص زراعه مو فالح في الدراسه
مغرور نوعا ما ملامحه ملامح جميله علشان كذا شايف نفسه عيونه عسليه بس بالرغم من جماله الى ان اخته منال اجمل منه.
محمد : الولد الاصغر في عائله بو سالم عمره 18 سنه يدرس في الثانويه تقديره يعني جيد او جيد جدا منخفض
وهذا شي طبيعي لانه يسوي مثل اخوه يقلد على سالم في كل شي حتى في اهمال الدراسه وكلمه والثانيه انا لي ادرس ابوي بيوظفني في شركاته وحتى اذا ماوظفني
بيظل يصرف علي ليه اتعب نفسي في الدراسه وفي الكتب والتعب اما احصل هالتعب او لا يقلد حتى في كلام سالم بس على وجهه طيبه على هباله بالرغم من جمال هالعائله الا انا محمد
مو ذاك الزاد جماله اسمر قصير ومدبدب اشوي.
الساعه 5.00 الفجر اليوم 17/ 6/ 1417 هجري
ام ماهر: ماهر حبيبي اولدي البكر قرة عيني اقعد اليوم اول يوم بالدراسه خلاص راح عليك سهر الليل والنوم في النهار
يمه خليني والله ماشبعت نوم يمه خليني نايم على الاقل لمين تخلص الحصه الاولى علشان مانغث من الصبح بوجه الطلاب قليلين الادب
وبوجه المدير الي مايعرف يبتسم مايعرف الا يتشكى وينقد .
ام ماهر: هههههههههههه ماهر اولدي الي يسمعك يقول طالب مو مدرس مربي اجيال اجلس واحمد ربك بس انت في نعمه الكل يحسدك ويتمنى يكون مكانك مدرس .
ماهر: يمه الي يسمعك من زين شغلتي والله تجيب الضغط والسكر وتفقع المراره بعد طلاب قليلين ادب درجه اولى بس لاني في مدرسه اهليه يذلونه وياليت بعد راتب عدل و ولا مدير يبرد القلب مو كلى
عابس ويتشكى واحنى مانقعد من الحصه الاولى الى الحصه الاخير ه ومو عاجبه .
ام ماهر : لاتتافف ياولدي واحمد النعمه لابعدين تزول عنك .
ماهر: الحمد لله يمه والله انا حامد ربي بس حبيت اشتكي لك عن معاناتي والمي مو انتي امي ولازم افضفض لك واشكي عن حالي لك.
ام ماهر: قم ياولدي بس الشكوى لغير الله مذله .
ماهر: افااا يمه بدال ماتقولين لي اشكي وفضفض ياولدي عن الي فيك طلع الي في خاطرك
خلاص زعلت ماراح افضفض لك ولا راح اشكي عن حالي لك اظل اكتم لمين انفجر ويجيني اكتئاب واطيح عله في كبدك.
ام ماهر: هههههههههههههه ياولدي ياحبيبي انا مو قصدي بس مو زين تتشكى على نعمه الله عطاك اياها والله في ناس بطاليه يتمنون يكنون محلك ويصيبهم اكثر منك بس يتوظفون وانت تتشكى من شي طبيعي يعني مافيه غيرك
منقث من الطلاب ومن المدير يعني لاتتشكى قل الحمد لله على كل حال والمفروض انا الي اشتكي منك ومن عنادك.
ماهر : ليه يمه انا وش سويتلك.
ام ماهر: كم سنه وانا احن عليك تتزوج ووانت مو راضي متى توافق وتتزوج وتجي بنت الحلال ونفتك منك على الاقل
افتك من كثر تشكيك على شي يسوى ولا شي مايسوى .
ماهر: وليه يمه لهدرجه انا طايح في كبدك زين اني ولد مو بنت كان ماعرف شنهو سويتي فيني ولهدرجه يمه متاذيه مني
اذا على التشكي خلاص هونت ماراح اشكي همي لاحد غير الله .
ام ماهر:لا ياولدي حاشى لله اني اتاذى منك ولا ابي الفكه منك انت بكري واول فرحتي بس ياولدي انت كبرت ولا زم تتزوج
الزواج نص الدين والزواج له فوايد كثيره غير اني افتك منك طبعا ههههههههههههههههههه وابي اشوف اولدك والله مشتاقه اشيل عيالك انت
ماتدري انا اعز من الولد ولد الولد وخايفه اموت ولا شفتهم.
ماهر : بعد الشر انشاء الله عدوينك وانشاء الله يومي قبل يومك .
ام ماهر: اسم الله عليك ياولدي ياحبيي انت انشاء الله عمري قبل عمرك انا شبعت من الدنيا مو ناقصني غير اشوف عيالك
اما انت وراك مستقبل انشاء الله تتزوج وتجيب عيال وعيالك يجبون عيال .... الخ والموت ياولدي شر لابد منه كاس كل واحد يذوقه .
ام ماهر: يالله ياولدي قم سوالفك ماراح تخلص قم يالله علشان تفطر وتودي في طريقك اختك ساميه لمدرستها.
ماهر: يمه ليش هالتعذيب قوليلي اي شي غير اني اودي هالبارده هالثلج عله يمه بنتك على ماتخلص فطورها على ماتخلص تبدل وتمشط .... الخ
انتهت الحصه الاولى خلي ابوي يوديها ولا حطو ا سواق لها .
ام ماهر : افااا ياماهر ترضى اختك يوديها ابوك وهو تعبان وانت موجود بدال ماتقول اريح ابوي من الراحات والجيات والنطره قدام المدارس في عز الحر ولا في عز البرد
وسواق خاص ترضى اختك تركب مع ريال اجنبي مو محرم عليها.
ماهر: يمه حطوا هندي مو ريال .
ام ماهر : ههههههههههههه الله يلعن ابليسك والهندي مو ريال ولا منقصين من حقه.
ماهر: طيب يايمه علشانك وعشان خاطرك وخاطر ابوي اتحمل هالثلج بنتك ذي غير عن البشر سمعنا عن براده بس زي بنتك ماشفت.
ام ماهر الله يرضى عنك ياولدي زي مو انت بار بي وبابوك الله يوفقك دنيا واخره.
ماهر: اااااه يمه والله الدعوه هذي عندي تسوى الدنيا وما فيها ولو تطلبين مني ارمي نفسي في البحر ماتردد وقال في نفسه
كأن رمي نفسي في البحر اهون من تودي اختي العله.
ام ماهر: يالله قم وانا بروح اجلس خوانك.
ماهر: يمه جلسي اول البارده.
ام ماهر: ههههههههه طيب.
ام ماهر: يوسف حبيبي قم اجلس اليوم اول يوم بالدراسه وراك جامعه.
يوسف : يمه عمري حياتي قلتيها جامعه مو مدرسه يعني مو شرط اروح من الصبح واليوم بس اخذ واعدل في الجدول
يعني يمه لو سمحتي غلبي وجهك لبره وووووووووووووي نسيت اسفه يالغاليه ظنيت نفسي اكلم واحد من الربع حقك علي وهذي راسك ابوسه
وبس علشانك بجلس وبروح انرطع على باب الجامعه والله اعلم يمكن احد يشوفني جالس على باب الجامعه من الصبح يقول اما هالولد حارس الجامعه
او واقف يطر يمه صح فكره شرايك اطر يمكن اكسب فلوس اكثر من المكأفاة الي يعطوني الجامعه .
ام ماهر:هههههههههههههههه الله يقطع ابليسك قم بس سويتها قصه قم صل واذا دوام الجامعه بعدين ارجع نام على راحتك
بس اهم شي تصلي قبل شروق الشمس وتصير قضى .
يوسف : الصلاه نسيتها شرايك يمه تصلين بدالي يمكن منك تنقبل اكثر مني لاتصدقين يمه والله امزح.
ام ماهر : ترمي المخده على وجهه يوسف قم صل مابقى الا بعد اصوم واحج بدالك قم يالله لاتنسى الايه الي تقول ( ولا تقوموا الى الصلاة كسالى)
يوسف : من عيوني ياعيوني اقوم واصلي وارجع اناام.
ام ماهر: ساميه عيون انتي بنتي الوحيده قومي يالله وراك مدرسه وراك اخوك ماهر اليوم اهو الي بيوديك اليوم للمدرسه.
ساميه: لا يمه مابيه اولدك ذي كل يصرخ علي مابيه اروح مشي ولا اروح معاه.
ام ماهر: تروحين مشي على ماتوصلين انتهت الحصص.
ساميه: شتقولين يمه .
ام ماهر :سلامتك حبيبتي قومي يالله قبل ماتشرق الشمس وتصير الصلاه قضاء.
ساميه: انشاء الله يمه.
a
بيت بو سالم
ام سالم :تنادي منال.
منال: هلا يمه .
ام سالم:جلسي اخوانك يروحون المدرسه اليوم اول يوم بالمدرسه واصعب يوم عليهم لانهم معاودين على النوم في النهار والجلوس في الليل.
منال:انشاء الله يمه.
منال:تقوم وتصلي وتروح تجلس اخوانها بكل هدوء لان هذا طبعها هادي ورزين.
منال :سالم قوم يالله وراك جامعه ناوي تحمل كل المواد زي العام وانت تخصصك سهل بعد لو ماخذ تخصص صعب وش سويت.
سالم :يصارخ على منال انتي ماتحسين الواحد توى نايم نص الليل وانتي ماتخلينه.
منال : ومن قالك تنام نص الليل ماتدري انا اليوم مدرسه.
سالم :تطوري انا مو في مدرسه انا في جامعه وروحي جلسي محمد محمد الي في المدرسه انا في اي وقت اروح عادي.
منال :موعادي انت للان ماخذت الجدول وراح يروح عليك ويحطونلك الجامعه على هواهم .
سالم:عادي اهي دراسه عدد مواد عشره ولا مواد صعبه كلها دراسه.
منال:اشوي اشوي ياخوي الي يسمعك يقول من شطارتك ماكانك العام محمل المواد كلها وكل هذا من سبب ربعك الي يحظرونك في الجامعه وانت مو موجود ماتدري
انا الدكاتره مو متعطلين على حظورك انت الي متعطل تروح عليك المحاضرات عليك ولا تفهم شي .
سالم: اووووووووو زين روحي لاتعورين راسنا بمحاضراتك من الصبح كافي محاضرات امي الي بتلاقها في دخولي وخروجي من البيت
اولدي انتبه في سواقتك لاتسرع اولدي ....... الخ وصايا لاتنتهي.
منال:قوم يالله امي خايفه عليك تبي مصلحتك وانت تقول كذا عنها.
منال : حمودي حبيبي قوم لاتسوي مثل سالم الكسول شكله بيحمل المواد كلها السنه بعد .
محمد:منال عمري اختي الغاليه خليني انام بس اشوي المدرسه باقي عليها وقت.
منال:حمود حبيبي المدرسه باقي عليها وقت بس الصلاه مابغى عليها وقت وتكون قضاء يالله حمود قم وصل وادعي ربك انك تنجح السنه بتفوق وتجيب معدل قوي
يدخلك احسن جامعه السنه غير كل السنوات السنوات الي راحت مافلحت الا بالمقبول او الجيدالسنه عاد لا اقل شي جيد جدا مرتفع عشان تدخلك الجامعه.
محمد:منال اختي والي ادخلوا الجامعه وتخرجوا جالسين بالبيت بطاليه قوليلي شنهو استفادوا بالشهاده واولهم انتي نجحتي كل السنين بتفوق وامتياز وحتى الجامعه
تخرجتي بتفوق واخذتي دوره بالكمبيوتر ولسى ماتوظفتي وبعدين انا مو محتاج لوظيفه الله يخلي ابوي وفلوسه لنا.
منال:اخوي حبيبي اخوي الغالي على ابوي ماتدري عن الزمن وقدره كم واحد صابهم التفليس وصاروا
فقراء بعد غناهم وعلى مقارنتك بي انت غير انت رجال والمستقبل كله يتوقف على الشهاده شف الي ماخذ ابتدائي ولا متوسط
زي الي ماخذ جامعه حتى لو توظف ماراح يكون راتبهم نفس الشي كل واحد على حسب شهادته
وانا بنت شهادتي وتعلمي علشان استفيد واحصل على اعلى العلامات ويفتخرون بي اهلي وانا بعد افتخر بشهادتي
وتكون سلاح في يدي من قدر الزمن ماتدري كم من وحده استفادت من شهادتها لمى لاسمح الله صار مكروه لزوجها ولا لبوها او تركوها اخوانها او عيالها وغيرها ....
يعني لاتقارن بيني وبينك يمكن انا ماتوظفت وانت تتوظف من اول ماتتخرج الارزاق بيد الله والواحد مايدري رزقه وين
وانا ماراح ايأس من رحمة الله ماتدري يمكن اتوظف السنه وضحكت وضحك محمد .
محمد : منال رددي يالليل ماطولك وضحكوا وطلعوا من الغرفه.
وتطلع منال من الغرفه وتذكرت سالم اكيد ماجلس للصلاه .
منال:سالم ياكسول متى ناوي تقوم وتصلي .
سالم : بتافف الحين الحين يالعله .
منال : شنهو تقول.
سالم :ولا شي سلامتك .
منال راحت تطلع من الغرفه وهي بتطلع سمعت سالم يتحنطب بصوت خفيف وقال كلمه جارحه جدا ومؤلمه وقاسيه ونزلت على مسامع منال كالصاعقه قال متى تتزوجين ونفتك منك يالعانس.
سالم قالها ولا انتبه انا منال لسى ماطلعت من الغرفه.
بس هي اطلعت بسرعه علشان ماينتبه انها اسمعت كلامه الجارح
منال حست بدوار شديد حست انها مهي قادره توقف على رجولها من هاكلمه



وش تتو قعون يصير في الجزء الجاي انتظر ردودكم واراءكم واقتراحاتكم
واتمنى انا هالجزء عجبكم


تحياتي
ش
الجزء حلو ..

انو بسبب حالة منال (دوارها الشديد ..والخ) رح يتنبه سالم لذلك ويعتذر لاخته..
بس هي رح تنشغل بكلماتو.. وتلاقي فيهم شي من الصحة...

في انتظاااااااااارك ..
a
شمـس و قمـر:
الجزء حلو ..

انو بسبب حالة منال (دوارها الشديد ..والخ) رح يتنبه سالم لذلك ويعتذر لاخته..
بس هي رح تنشغل بكلماتو.. وتلاقي فيهم شي من الصحة...

في انتظاااااااااارك ..



هلا اختي شمس وقمر

شكرا على مرورك وردك يالغاليه


اليوم راح انزل الجزء الثاني

سي يو
a
السلام عليكم



اليوم جبت لكم الجزء الثاني واسفه على تاخري وانشاء الله يعجبكم



دخلت منال الغرفه و علامات الدهشه والالم في وجهها
اخوي اخوي يقول عني عانس اجل شنهو يقولون عني الناس
ااااااااااااااه والف اااااااااااااه منك يازمن شنهو يعني انا الحين صرت عانس خلاص
وظلت تفكر صحيح انا كل بنات العيله واصدقاءي كلهم تزوجوا حتى الاصغر مني بس والله مو ذنبي
شسوي في ابوي الى كل من جى احد طلع مئه سبب عليه ورمت نفسها على السرير وظلت تبكي الم وحرقه
سالم:حس انا منال سمعته وظل يفكر سمعته ولا لى ولو سمعته والله شنهو موقفي منال عمرها ماغلطت علي حتى لو اغلط عليها وهي اختي الكبيره اقول عنها هالكلمه
وظل ندمان ولا عارف شنهو يسوي يروح يعتذر منها وخايف يضغط على نفسه ويروح يعتذر وهو مو متاكد اذا سمعته او لا او يطنش ولا كان مسوي شي ظل محتار طول الوقت
محمد:سالم اش فيك ماتفطر.
ام سالم: اي سالم اش فيك سرحان كل هذا تفكير في بالجامعه.
سالم : ابتسم مابقيت الا افكر بالجامعه بس اشوي تعبان لاني مانمت عدل.
سالم :يمه وين منال جلستنا واختفت.
ام سالم : ناديتها وتقول مو مشتهيه تفطر.
محمد:معقوله منال اهم وجبه عندها الفطور ولا مره سوتها ولا افطرت ومستحيل تاكل بروحها اهي ماتحب العزله
ام سالم :مادري ياولدي حتى انا استغربت بس قلت على راحتها لان شكلها تعبانه وصوتها متغير وهي ترد علي
سالم : وعلامات القلق على وجهه عرف انا منال سمعته ولى كان نزلت وافطرت وندم اشد الندم وقرر يتاسف ويعتذر لها
منال: بعد ماخلصت بكي وبعد ماحست برتياح بعد مانزلت دموع الالم والقهر جلست وكالعاده فتحت دفتر مذكراتها واكتبت عن الي صار لها وكلمه اخوها القاسيه
والمؤلمه الي تجرح من الصميم وكتبت هالخاطره الي تنم عن مدى الالم الي بيها
خاطره بعنوان (بكائي)



انزوي عن أنظار البشر
و اتخذ ركنا في غرفتي
اذوب في صمتي
و ارحل بعيدا ً .... بعيداً بأفكاري
و استسلم لدموعي
فبدموعي ترتاح نفسي
و تطّهر روحي من عذاباتها
آه يا زمني
لم تقسو عليّ ...... ؟؟؟!
ارحمني يا زمني
فأنا لم أعد قادرة على صد تيارك الحزين القاسي
اعذريني يا عيوني
فقد أنهكتك دموعا ً و اذبلت رموشك بكاءاً



وجلست تفكر يارب بيجي يوم من الايام واتزوج ولا راح تنطبق الكلمه الي قالها لي اخوي بصير عانس اذا اخوي قال لي هالكلمه شلون نظرت الناس لي
وجلست تقول اذا جلست عانس بظل طول عمري بنحرم من كلمه ماما امنيت اي بنت يكون عندها بيت وعيال وزوج يعطف عليها ويحترمها ويحبها ويخاف عليها
ليه يايبى تحرمني ليه حرام عليك ودمعت عينها بس قالت خلاص رح اتحمل وراح اوكل امري لله والنعم بالله.
a
ابو سالم: السلام عليكم
الجميع: وعليكم السلام
بو سالم:شخباركم يعيال.
محمد وسالم:الحمد لله يبه
بو سالم: اليوم اول يوم بالدراسه شدوا حيلكم
محمد وسالم : انشاء الله يبه
بوسالم:محمد انت الحين في اي صف.
محمد:ثالث ثانوي يبه
بو سالم:اوووووو يعني السنه تتخرج من الثانويه وتدخل الكليه او الجامعه مثل اخوك
محمد:انشاء الله يبه
محمد يكلم سالم ابوي مايدري انك في كليه الزراعه ومو فالح بعد ههههههههه
سالم: ماتعرف تنطم وتسكت احسن لك الي يسمعك بتدخل كليه الطب ولا اصلا بتجيب معدل في ثانويه
ام سالم:غريبه بو سالم جالس بدري
بو سالم : مو غريب الى الشيطان بس اشتقت اشوف العيال قبل مايطلعون ويروحون مدارسهم وجامعاتهم
بو سالم:الا منال وينها ماشوفها على الطاوله جالسه معاكم
ام سالم: مادري عنها اليوم مادري اش فيها
بوسالم :وش فيها
ام سالم :مدري جلست خوانها وبعدين راحت غرفتها ولا طلعت ناديتها تفطر ردت ماتبي مو مشتهيه وصوتها متغير.
بو سالم: محمد اولدي رح نادها
محمد: انشاء الله يبه.
سالم: لاانا بروح اناديها انا خلصت فطوري اجلس انت يامحمد كمل فطورك
محمد: وانا خلصت بعد بروح اناديها
سالم : يهمس لمحمد قلت لك انا بناديها بلا لقافه
محمد: طيب لاتعصب علينا
سالم : راح لمنال ويحس بثقل في خطواته مو عارف شنهو يقول لها وشلون يعتذر لها
سالم: يدق الباب منال
منال : سكرت دفتر مذكراتها بسرعه وكانت تحاول تبين انا مافيها شي بس صوتها فضحها من البكي ...نعم سالم
سالم: ممكن تفتحين لي الباب
منال : توهقت شلون تفتح صوتها وعيونها راح تبين انها كانت تبكي
سالم في شي ضروري تبيه بس انا مشغوله
سالم: لا بس ابوي يسال عنك ليه مانزلتي تفطرين معانا
منال: بس مو مشتهيه الحين بعدين بفطر
سالم: طيب ممكن تفتحين الباب اشوي ابي اكلمك لو سمحتي
منال : اووو اخوي صار ذرب لو سمحتي
بس شلون افتح وعيوني واضح عليهم البكي
راحت بسرعه الحملم وغسلت وجهها علشان ميبان عليه بس كان واضح
لان وجهها احمر وعيونها حمر من البكي
منال: فتحت الباب لسالم وتحاول تخفي انها تصيح وانها سمعت كلمته بس هو مجرد ماشافها عرف على طول انها تبكي
سالم: منال كلميني بجد اش فيك ؟
ليه مانزلتي تفطرين معانا .
منال : مو مشتهيه.
سالم : منال انتي ولا مره سوتيها ولا فطرتي معانا حتى وانتي مريضه لازم تفطرين معانا ماتحبين تاكلين بروحك
منال قوليلي بكل صراحه ..... انتي سمعتي الي قلته انا
منال: شنهو لا ماسمعت شي
سالم : منال لاتكذبين تنعرفين اذا صرتي تكذبين لان مو من طبعك الكذب
منال: دمعت عيونها ونزلت دمعتها ماقدرت تخبيها حاولت بس ماقدرت
سالم: اختي حبيبتي لاتبكين والله تعورين قلبي والله ماكان قصدي كلمه طلعت مني عارف من وين طلعت ولا شلون قلتها
سبيني ضربيني بس لاتنزلين دمعتك ولا يكون بخاطرك افداك بعمري ياختي الغاليه
كلش ولا دمعتك غاليه علي
منال : تبكي وهي حزينه وفرحانه في نفس الوقت حزينه بسبب كلمته الجارحه وفرحانه ماتوقعت ان اخوها سالم الجاف في طبعه معاها
يكون مغاليها ويحبها لهدرجه فرحت كثيييررررر ومسحت دموعها وقالت اهم شي اني عرفت غلاتي عندك.
سالم: طول عمري والله احبك ياختي الغاليه واعزك اكثر من روحي ويالله طلبي الي تبين وانفذه لك حتى لو تقولينلي ارمي نفسك في البحر
منال:لا لاتقط روحك البحر ودني البحر شوقتني والله لروحت البحر البحر جنبنا ولا نروحه الا نادر .
سالم : بس كذا من عيوني الخميس الجاي انشاء الله اوديك .
منال: خلاص وعد.
سالم :وعد
a
السلام عليكم


الجزء الثالث


طيب منال نزلي فطري ابوي تعرفينه مايستغى عن مجابل وجهك لازم تفطرين معاه
منال:هههههههههههههههههه تطنز
سالم:لا والله اقول الصدق ....قال لمحمد يناديك
منال:بروح انزل
منال: صباح الخير
الجميع:صباح النور
ام سالم: امممممممممممممم من ناداها ابوها نزلت انا مارضت
ابو سالم:هلا ببنتي ليه مانزلتي تفطرين .....وعاليه تركي عنك الغيره
منال: افااااااا يالغاليه والله احبكم ولا افرق بينكم
ابو سالم:منال اش فيها عيونك ووجهك احمر .
منال:مافي شي الله ....يلعن ابليسك ياسالم تخليني اكذب
سالم: في ذيك اللحظه.. مات من الخوف لو منال تعلم ابوها انها كانت تبكي ...والسبب الي قاله سالم... والله لايستغرب ان ابوه يطرده من البيت
لان ابوه يغالي منال حيل على اخوانها بالرغم من انا سالم اول ولد عنده ومسك سالم قلبه... الله يستر
بو سالم: لا فيك شي انا غشيم عنك انتي مريضه
منال : يمكن يبى بتجي لي الانفلونزا
سالم :بس لاتجيكي انفلونزا الطيور
منال: تنكت مع وجهك
بو سالم: لازم اليوم اوديكي المستشفى
منال: لا يبى مايحتاج اذا زاد علي اقول لسالم يوديني
بو سالم: طيب انا بروح لشغالي تلمرون على شي
الجميع: سلامتك
بو سالم: الله يسلمكم
الكل طلع وام سالم راحت تطبخ وتسوي شغلات بالبيت ومنال ساعدتها وبعدين راحت
للكمبيوتر تشوف مشاركاتها والرد عليها
منال/ مشتركه في منتدى......
تحط دروس لتعلم الانجليزي بسهوله وترد على الاسئله المتعلقه بدروس الانجليزي
وتعمل هذا بدون مقابل ولكي تحس بقيمة شهادتها وهي بطبعها تحب تساعد الغير على قد ماتقدر
وبعد تحط خواطرها الي من تايفها
وكان في المنتدى معجب بكتابات (الم )
الم هو الاسم المستعار لمنال في المنتدى
معجب بخواطرها وبتبرعها بحل جميع الاستفسارات والاسئله وكل شي يتعلق بالانجليزي
وكان دائما يرد على جميع خواطرها ويدور على اي سؤال بس كذا علشان تجاوب عليه
بس منال ماكانت تلاحظ هالشي والسبب كثرة الي يردون ويستفسرون ويسالون وكان كل همها انها تساعد بس
ماكانت لتلاحظ الي يرد والي مايرد
المعجب كان الاسم المستعار له (حنون واحب بجنون)
وكان اعجابه لقلم الم وليس لشي ثاني
ومنال: كانت بعد تساعد بنت جيرانهم مها في ثالث متوسط كانت تعلمها انجلش في كل عصريه
لان ام البنت طلبت منها ولا حبت تردها
ويوم الثلثاء قبل يوم الخميس يوم الطلعه
جات مها وتعلمت درسها وجات بتطلع واطلبت من منال تعطيها كتابها علشان منال كاتبه كل شي في كتابها الي مازالت محتفظه فيه طول هالسنين
ومنال اصيبت باحراج لانها ماخذه راحتها تكتب بعض الاشياء في الكتاب بس انحرجت وعطتها اياه وقالت لها ضروري تجيبه يوم الاربعاء
ووافقت مها واطلعت
صار يوم الاربعاء في المدرسه
مها : صباح الخير ساميه
ساميه: صباح النور مها
ساميه:شالاخبار
مها : الحمد لله
مها :شخبارك انتي
ساميه:مو زينه
مها: ليش
ساميه:ماذاكرت عدل المواد والانجلش اليوم اختبار تجريبي ولا ذاكرت عدل
مها: ليش عاد شنهو عندك الي منعك ماتذاكرين
ساميه:مافي شي بس مافيه وقت
مها:بصوت خفيف من برادتك
ساميه:شنهو
مها:سلامتك
مها:اجل انا ذاكرت عدل وخاصة الانجلش اي شي ماتعرفينه قوليلي واعلمك
والله بنت جيرانه ماقصرت علمتني واخذت منها كتابها علشان اعرف اقرأ عدل اكتابي مو واضح مع انها خطتي بس مافهم لها مضبوط
ساميه:اشوف هذا هو الكتاب
مها: اي
ساميه :قديم من كم سنه ذى
مها: اي صاحبته متخرجه من الجامعه من ثلاث سنين
بس شوفي الحرص لللان محتفظ بالكتب حقين المدرسه ولا رمت ولا واحد
ساميه:ماشاء الله عليها
وكتابها مرتب ترتيب وخطتها واضحه كانه اوضح من الي تدرسنى انجلش
ساميه: مها عطيني اياه بس الخميس والجمعه ورجعه لك يوم السبت علشان انقل الاجابات الي فيهم لانه واضح مره
مها:والله ماقدر انا قلت لصاحبته اليوم ارجعه لك
ساميه:مها قولي لها بس يومين ماراح تخالف انتي تقولين انها طيبه راح توافق
مها: والله مدري احس بحراج
ساميه :مافيه احراج بس يومين ورجعه لك يوم السبت
مها:بصوت خفيف والله خايفه ترجعينه بعد سنتين مو يامين
طيب والله بنحرج بس بقول لها وامري لله
مها: تدق باب بيت منال
مها:السلام عليكم
منال: وعليكم السلام
كيفك مها وش اخبار الامتحان
مها: الحمد لله عرفت كل شي تقريبا
وهذا بفضل الله ثم بفضلك
منال:وبفضل اجتهادك بعد لاتنسين
مها:منال انا اسفه
منال :على شنهو
مها :ماقدرت اجيب كتابك اليوم
صديقتي ساميه ظلت تحن علي تبي تنقل الاجابات منه
وحلفت لي تجيبه يوم السبت
منال: الله يلعن ابليسك
والله خرعتيني عبالي في شي
صج ماعندك سالفه
عادي والله حبيبتي
مها: مشكوره والله ماتقصرين فضايلك علي ماتنعد
منال:اشدعوه
مها:طيب مع السلامه
منال:الله يسلمك
حياكي
مها :الله يحيك
a
يوم الخميس يوم الطلعه للبحر
سالم:منال مابقى شي كل شي جاهز
منال: اي كل شي جاهز ماتوقع نسينى شي
وماكملت جملتها الا رن جوالها
الوووووووووووووو
سلوى الي اهي بنت خالت منال وصديقتها الروح باروح
وهم في نفس العمر بس سلوى متزوجه لها عشر سنوات يعني من عمرها 16 او 17 سنه
وعندها ولد وبنت خالد وخلود
سلوى:السلام عليكم
منال:وعليكم السلام ورحمة الله وبركاته
هلا سلوى
سلوى :هلا منال شخبارك
منال: الحمدلله صرت بخير من سمعت صوتك
سلوى : اممممممممممم اكيد مو انا صديقتك وبنت خالتك العزيزة والي ماتقدرين تستقنين عنها
منال: امممممممم بدت تمدح في نفسها عارفين انك عزيزة وغاليه عاد مو كل مره تعيدين الاسطوانه
سلوى :افاااااااااا خلاص زعلت منك
منال: لا مستحيل بنت خالتي وحبيبتي وصديقتي مستحيل تزعل مني صح
سلوى: المشكله انك تعرفين انك غاليه عندي ومستحيل ازعل عليكي
سلوى :المهم طولتيها ... بقولك انتي فاضيه الحين... وراك شي
منال: اي وراي طلعه
سلوى : وين العزم انشاء الله
منال: البحر
سلوى:بذمتك ... والله انك خاينه ولا تعلم ولا شي اشدعوه
منال: اش فيكي .. يعني لو علمتك بتروحين
سلوى :اكيد .... انتي تتكلمين عن البحر مو اي طلعه
منال: ماتوقعت والله انك بتروحين علشان كذا ماقلت لك
سلوى : ليه ماتوقعتي
منال: لان زوجك اللزقه موجود ومستحيل يخليك تروحين معانا
سلوى: بس زوجي اللزقه على قولتك اذا كان بيجي معانا ماراح يرفض جيتي معاكم لان هو بيصير معانا
اشرايك
منال: لالالالا حرام عليك صحيح هو ولد عمي وعزيز وغالي بس يمنع حريتي
ابي اخذ حريتي
سلوى : افااا خلاص مانبي نروح
منال : طيب طيب ولو بتروحون متى تجهزووون يالعله احنا ترى جاهزين بس انا اللبس عباتي وسالم يشغل السياره
سلوى صحيح
طيب بروح بسرعه بسأل احمد اذا موافق انلحق عليكم بسرعه وبشوف بيت زوجي بعد اذا بيجون
منال: ياليت ترى الجمعه كل ماكثرت صارت احلى
سلوى طيب يالله مع سلامه
منال: الله يسلمك بسرعه لالاتاخرين وردي علي في الجوال طيب
سلوى طيب
منال: سالم الله يسلمك اخوي عندي لك خبر بتفرح له كثيررررررررر
سالم: شنهو هالخبر الي بيفرحني اكثيررررررررر
منال:امممممممم كم تعطيني
سالم : قولي ولا تنلغي الطلعه كلها
منال ماتوقع اذا عرفت بتلغيها الا يمكن تطولها
سالم: طيب قولي وش تبين
منال : مابي الا سلامتك
سالم : منال الله يسلمك بس بتقولين ولا
منال: سلوى وزوجها وعيالها بيجون معانا البحر ويمكن يجي معاهم
سالم: لالالالالالالالالا بذمتك
منال: لا والله بذمتك ماعرفتها
سالم حرام عليك انا ماعلم في الغيب قولي
منال:يمكن يجون معاهم بيت عمي وطبعا الاخت حنين بتكون معاهم
سالم وهو طايير من الفرحه : اقول منال وش رايك نخليها اسبوع بدل يوم
منال: صج والله واو وناسه وبعد احسن لك يكون معك احمد ولد عمي يسليك في الطريق وفي الرحله
سالم: الا يغثني هو وعياله الشياطين ذيلي مو اطفال
منال: اتحمل علشان اختك حبيبتك
وعلشان ؟؟؟؟
سالم: راح اتحملهم بس علشانك
منال : تسلم ياخوي الغالي
ركبوا السياره وكانت سياره احمد وراهم على طول وسيارة عمهم
وبعدها بمسافه مب بعيده كانت سيارة فيصل(فيصل ولد عمهم اصغر من
احمد عمره27) كان راكبه معاه اخته حنين عمرها 20 واخته ليلى عمرها 17 وتاخروا اشوي لانهم كانو يجهزون الاغراض
احمد كان كل شوي يرن حرن السياره
سالم:درينا انك ورانا خلاص
الله يعينا عليك والله
منال:هههههههههههههههه
لهدرجه منغث منه بس هو والله طيب وعلى نياته
سالم:وش مصبرنا عليه غير طيبته وهبالته
ولا بعد الي يكمل اعياله الشياطين معاه الله يصبرنا بس
منال: راح نستانس وتشوف ان ماقلت اختك قالت
سالم: انشاء الله
وصلو في وقت المغرب تقريبا
اوصلوا وجلسوا جنب البحر واركنوا السياره وحطوا الخيم
ونزلوا كل الاغراض لشوي وغيره
وجلسوا سالم مع احمد يجهزون للشوي
ومنال ويا سلوى وحنين وليلى ومرت عمهم والعيال كانو في الخيمه
دخل خالد عمره 9سنوات ويا اخته خلود 7 سنوات منال ماعندك شيبس
سلوى :خالد خلود اسمها خالتي منال مو منال
خالد : ليش اقولها خالتي اهي اختك
سلوى : اكثر من اختي اهي بنت خالتي وصديقتي
خالد: طيب خالتي منال: عطيني شيبس
منال: من عيوني حبايبي عيالي
خالد : خالتي منال :احنا مو عيالك احنا عيال امي وابوي
انتي وين عيالك
منال: احمر وجها ولا عرفت شتقوول
سلوى : خالد اخذت الشيبس يالله اطلع انت وختك ورح لبوك
منال : خليهم لازم اجاوب لهم علشان يعرفون ويفهمون لازم الاطفال نرد على اسئلتهم مانطنشهم
حبيبيي خالد انا ماعندي اولا د لاني ماتزوجت
خالد : ماعندك زوج
منال: لالالا
خالد :ليش
منال : لان الله مابعد يكتبلي
خالد : وليه الله ماكتبلك ومتى يكتبلك
منال: مدري
سلوى : خالد رح انت وختك لبوك ولا ابي اشوفك
سلوى :منال لاتاخذين ببالك هو اصغير ولا يفهم
منال: عادي اهو ماقال شي غلط
وفكرت منال وسرحت اشوي
اجل ماللوم سالم يوم يقول عني عانس الي الاطفال الصغار الي عمرهم مايتعدى العشر
يسألون ويلاحظون اجل الناس الكبار والفاهمه شنهو يقوولون وادمعت عيونها واعتصرها الم غير طبيعي
بس حاولت تكتم على قد ماتقدر علشان ماتخرب الجلسه
سلوى حست ان منال زعلت فحبت تغير الموضوع
سلوى : منال اجل وين خالتي ومحمد وعمي بوسالم
منال : امي بتروح لجارتنه اليوم ملكت بنتها وابوي مشغول
ومحمد ماهو راضي يجي معانا
سلوى: امممممممممم
منال اشرايك نتمشى على البحر
a
منال: طيب قومي يالله نروح احنا ليش جاييين علشان ننحبس في الخيمه
وكانت حنين وليلى في ذاك الوقت نايمين لانهم مناموا يوم كامل ماتوقعوا هالطلعه
جات فجأة
اطلعوا منال وسلوى وراحوا يتمشوون على البحر
وطالعت منال في البحر وحست انها قاعده تقط اهمومها في البحر وجاتها خاطره وامسكت جوالها وراحت للملاحظات وكتبت هالخاطره ماتقدر تكتمها لازم تطلعها
الخاطره (موت القلوب)


الموت الحقيقي هو ان تموت وانت مازلت حيا ترزق"
ليس بالضروره
ان تلفظ انفاسك..
وتغمض عينيك..
ويتوقف قلبك عن النبض
ويتوقف جسدك عن الحركه
كي يقال...
انك فارقت الحياة
فبيننا الكثير من الموتى
يتحركون...
يتحدثون...
ياكلون...
يشربون....
يضحكون...
لكنهم موتى ... يمارسون
الحياة بلا حياة
فمفاهيم الموت لدى الناس
تختلف
فهناك من يشعر بالموت
حين يفقد انسانا عزيزا
ويخيل اليه ان الحياة
قد انتهت
وان ذلك العزيز حين رحل
اغلق ابواب الحياة خلفه
وان دورة الحياه بعده قد
انتهى
وهناك من يشعر بالموت
حين يحاصره الفشل
من كل الجهات
ويكبله احساسه بالاحباط
عن التقدم
فيخيل اليه ان صلاحيته في
الحياة قد انتهت
وانه لم يعد فوق الارض
مايستحق البقاء من اجله
والبعض..
تتوقف الحياة في عينيه
في
لحظات الحزن
ويظن انه لانهايه لهذا الحزن
وانه ليس فوق الارض
من هو اتعس منه
فيقسو على نفسه
حين يحكم عليها بالموت
بلا تردد
وينزع الحياة من قلبه
ويعيش بين الاخرين
كالميت تماما
فلم يعد المعنى الوحيد للموت
هو الرحيل عن هذه الحياة
فهناك من يمارس الموت
بطرق مختلفه
ويعيش كل تفاصيل وتضاريس
الموت
وهو مازال على قيد الحياة
فالكثير منا
يتمنى الموت في لحظات
الانكسار
ظنا منه ان الموت
هو الحل الوحيد
والنهايه السعيده
لسلسله العذاب
لكن..
هل سال احدنا نفسه يوما
ترى .. ماذا بعد الموت؟
نعم..
ماذا بعد الموت؟
حفرة ضيقة
وظلمه دامسة
وغربه موحشه
وسؤال .. وعقاب.. وعذاب
واما جنه .. او نار..
فهم كانوا هنا..
ثم رحلوا
غابوا ولهم اسبابهم في الغياب
لكن الحياة خلفهم
مازالت
مستمرة
فالشمس مازالت تشرق
والايام مازالت تتوالى
والزمن لم يتوقف بعد
ونحن مازلنا هنا..
مازال في الجسد دم
وفي القلب نبض
وفي العمر بقية
فلماذا نعيش بلا حياة
ونموت... بلا موت؟
اذا توقفت الحياة باعيننا
فيجب ان لاتتوقف
في قلوبنا
فالموت الحقيقي هو
موت القلوب....

سلوى شتسويين منال
منال: اكتب خاطره جات ببالي
سلوى حتى وانتي تتمشين تكتبين خواطر
منال : شنسوي بعد
ماتجي الخواطر الى في الاوقات النادره وقت النوم ولا على غروب اوالفجر ولا جنب البحر
تعرفين انتي
سلوى:شعرفني
طيب كتبي خواطرك لاتطير بعدين وتقولين مني وانا بتمشى اشوي
منال : هههههههههههه
اشدعوه تطير قلالك ملفقه
خالد وخلود يمه نبي نركب الدباب
سلوى :اي والله حتى انا نفسي اركبه بعد
منال: هي انتي استخفيتي انتي مرأة تركبين دباب
سلوى : اي عادي الحين ليل ولا موجود احد
بعدين حتى انتي راح تركبين معانا انا وخالد في دباب وانتي وخلود في دباب
مستحيل اخليهم يركبون لحالهم
منال:مجنونه انتي مهما كبرتي وجبتي اعيال راح تظلين طفله
سلوى :وانا توني في عز شبابي الي يسمعك يقول شيبت
سلوى:منال جربي والله وناسه
منال: اسفه خلي احمد يركب مع خالد
سلوى : لا والله فشله نبي لحالنا انا وانتي بنات
منال: مستحيل ماعرف
سلوى:سهل هو مايبيله راح تتعلمين تعالي واعلمك
سلوى : احمد بو خالد نبي نركب الدباب انا ومنال والعيال
سالم:ههههههههههههه شنهو دباب يركبونه حريم
سلوى : وش فيه الحين ليل ولا في احد
احمد: طيب تعرفون تركبونه
سلوى : اي ركبته انا من قبل وعلى منال انا اعلمها
ركبت سلوى وخلود في دباب
ومنا ل وخالد في دباب
جاه سالم يعلم منال كيف تركب
واشر لها على مكان وقال لها ذي البنزين
والمكان ثاني وقال لها ذه اذا بقيتي توقفين الدباب فهمتي ومشى على طول عنها قبل ماتجاوب عليه لان عمه ناداه
نادته بس ماسمعها
كانت تناظر في دباب تبي تعرف كيف تشغله
وفي ذاك الوقت تحركت سلوى بدباب وكانت تمشي بسرعه
خالد كان متفاعل من الي يصير وضغط على البنزين بسرعه
خالد ضغط على البنزين على الاخر ودخلت عبات منال تحت الكفر وماعرفت شنو تسوي فضغطت على الفرامل وانغلب الدباب عليهم وطاحت على ورى وخافت على خالد ومسكته وضمته بقوه ولا حست الى طاحت على صخره كبيره
ونزل منها دم كثير
^وخالد ماصار له شي لان منال كانت حاضنته
^
^
^
^
^
^
^
^
^
وش تتوقعون يصير لمنال
وش رايكم اكمل او لا
X