شو صار معاج بشرينا
و ما عليج منه شكله دلوووووع صح
و ان شاء الله يرضى عليج و انتي الله يهديج
جان كلمتي خالتج بتلفون البيت دامج وعتيه
المهم العتي واللوم ما يفيد الحين بس دامج اتحبينه
لازم تتحملينه و يرضى عليج بعد الي اتسوينه
والله يوفقج يارب
البنات ماقصرو
والله يبعد الزعل انشاءالله
ويهنيج ويتمم عليج السعاده ويرزقج بالذري الصالحه انشاءالله
اللهم اميــــــــــــــــن
طمنينا عليج شو صار معاج احنا في الانتظار
ضشكرااا لك من كان هنا وحب يفجر همي شوي ,,
مسجات ماطرش لي ولا حتى اطسل
معنه معودني يكلمني كل مايلاقي فرصه في شغله ومسجات من بينا على طوووول
المهم هنيه انا طرشت له مسج من الساعه 11 ونص
والحين الساعه 1 .. ولا حس ولا خبر من صوبه
المهم انا مابدق ولا بطرش مسج
بخيه جذيه لين مايرضى بروحه
احبه ,, بس مابعق عمري عليه
غلطت بس ماكفرت عشان يقاطعني
المهم ,,,
تسلمون على كل مشاركاتكم وردودكم
والله يجزاكم خير
كفو عليك احنا معاك وخلك على موقفك
وانا متأكده اهو بيرجع يصالحك
بس عاد لا تكونين عجوله
اوكي يا عمري خلاص انه بادلعك بداله :)
ان شاء الله بعد الفطووور
بيكلمج وهو مستانس
وكلامي من كلام لولو بحر مكنون
أهلين إختي منى عمري..
بإذن الله يروح الزعل بينكم..وأنا كلامي من كلام البنات..خلاص إنتي
سويتي اللي عليج وحاولتي تراضينه بشتى الطرق...وإنتي أساسا
ماغلطتي..شو يعني أكلم خالتي نص الليل..وصدقيني هو مش زعلان منج
بس يتغلى وطريقتج في التمادي لإرضاءه بتخليه يتعوّد على هالتصرف
لذلك بما إنج ماغلطتي ومع هذا إعتذرتي ومافاد معاه،لا تتمادين بالاعتذار
أمسكي عمرج شوي مهما كنتي تحبينه،لأن بعد الزواج بيتعوّد على الزعل
لأتفه الأسباب..ولا تعودينه انج تعتذرين على أشياء ما أخطأتي فيها..
الله يوفقج يارب،ويسعدج..آمين
b6b6:
مرحبا الغالية ....
في البداية أنا حبيت أبين لج غلطة بسيطة إنتي إرتكبتيها ...
وهي .. إنج وعدتي زوجج إنج ما تتكلمين في التليفون في وقت متأخر...
كان من المفترض إنه يوم يكلمج ويطلب منج هذا الطلب إنتي إتين وبإسلوب حلو إتقولينلة ...( حاضر يا عيوني و إن شاء الله ما بتشوف إلا الشي إلي يسرك) وبعدين إتقولينله بس في حالة إتصلوا فيه الأهل و إتحددين له خالاتي أو عماتي .. بناتهم ... خواتي و إخواني أنا لازم أرد عليهن يمكن محتايين شي ظروري الإنسان ما يدري شو يستوي فأنا لازم أرد عليهن وأكيد إنت ما بترضى بهالشي إن يتمن يتصلن و أنا ما أرد ويمكن يخافن علي و يحاتوني....
و ريلج كان غلطان في زعله منج ... صحيح إنتي وعدتيه بس فوق هذا هذي خالتج وهو لازم يتفهم هذا الشي دام هو يعرف الموضوع إلي هي إتكلمج فيه...
و صدقيني هذا ممكن يعطيج شعور بعدم الثقة فيج ....مستقبلا...و هذا أكبر غلط..
نصيحتي لج حبوبه .. علمي زوجج اسلوب الحياة أو المعاملة إلي إنتي إتحبينها و إلي عشتي و إتعودتي عليها .. لا تقولين بصبر و بتحمل ... قوليله هذا الشي أحبه وهذا لا ولكن بإسلوب حلو بحيث ما يقدر يردج ... لكن إذا عودتيه إنج تآخذين أوامر منه وإتنفذينها وبس وهذا الشي ما يرضي هوى نفسج فيوم من الأيام بتنفجرين ... الحل في إيدج و الخيط موجود لو إنقطع صعب يرجع ..
علمية إسلوب الحوار والصراحة في الكلام ...
و أخيرا أنا ما أبا أزيد الطين بله ..بس حبيت أنبهج لهذا التصرف إلي صدر و بشكل غلط من الطرفين منج ومنه و إنتي أحينه لا إتبينين إنج إنتي الغلطانه ....
قوليله هذا الكلام : حبيبي وقرة عيني ( ....فلان ...)
لعلي وعدتك بشيء أنت تكرهه ونفسي لا تحب أن تفعله لأجلك ...
و لكن .. هناك ما أريدك أن تعلمه .. و لا أريد أن أسر به إلى نفسي و أريدك أن تشاركني فيه
أنت تعجبني و الأجمل فيك حسن تدبيرك للأمور صرامتك وتفهمك ...
الحياة تمضي وكلها عقبات و مواقف إما حزينة أو جميلة ...
والشخص فينا يحب أن يفضي ما بقلبه إلى غيره أو يسدي له معروفا ...
وكما قيل الأقربون اولى بالمعروف ....
إني لك سمعا وطاعة ونفسي لما تريد قنوعة و لكن ألا تظن أن من حق أهلي علي أن يسألوا عني أو يحدثونني فيما يظونونه خيرا لي .. يشاركونني أفراحهم وحزانهم و أشاركهم همومهم وآراءهم ..
و إن تأخر الوقت من الليل ...
إنك إخترتني من بين بنات آدم زوجة وخليلة لك و أما لأبناءك ووثقت و سعدت بإختيارك فتحمل أهلي هذه الفترة البسيطة التي ستنتهي حتى تغلق علي بابك و نعيش بالعش زوجين و أرعى في المستقبل فراخك...و أبين لهم ما تحب وما لا تحب ... و أنفذ لك كل مطالبك ...
أتمنى إنه يتفهم ...بس أرجوج لا إتبينين إنج غلطانه و إتمين ترسلين له وايد مسجات إعتذار ...
إرسليله هذا الكلام إلي كتبته لج وقوليله في آخر المسج ....
( لن أذوق غمضا حتى ترضى )...
و سلامتج الغالية والله يحفظج و يسهل أمرج ....و يزيدكم حب و يجعل زوجج قرة عين لج ..
:clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :clap: :yes: :yes: :yes: :yes: :yes: :yes: :yes: :yes: :yes:
ترا عادي الريايييل اللي يحبون حريمهم
واايد يدلعون ويتغلون ويزعلوون من اي شيء
فاستحملي
Rabna yefarag hamek we yes3ed albeq enty we kol el muslemat
ها شنو اخر الاخبار رضى لو للحين؟؟
العسوووووووله:
كفو عليك احنا معاك وخلك على موقفك
وانا متأكده اهو بيرجع يصالحك
بس عاد لا تكونين عجوله
اوكي يا عمري خلاص انه بادلعك بداله :)
(r) (r) (r) :flower:
ما عليك خليك على موقفك لاترسلين له ولا تكلمينه وياليت تقفلين جوالك يومين ...يكون افضل بعدها راح بفهم ان الاحساس والمشاعر غاليه .... (( ومن تغلى يخلى ......لو هو بالحيل غاااااااالي ))
فاهمه حياتي ...وياليت تهدين نفسك لاتخافين بندلعك انا واختي عسوووووووووله .....:yes:
M
Miss_AbuDhabi
عروس متألقة
10-10-2006 | 08:57 PM
ما عليج لا تضايقيـــن هوو بس يبا يتغلا ويدلع بيرد وبيتصـــلبج
الله يخليكم لي بعض
طبع ريلج نفس ريلي بس انتي خليج على رايج
الظاهر هذي اول زعله بينكم وماعرفتي طبعه اذا زعل
انتي سويتي الي علليج هو بروحه بيهدى وبيتصلج
الله يهدي سرج
طمنينا
بشرينا عسى تراضيتو
ماعليك انتي ماغلطتي
وكلام جليله صح ميه الميه
الله يوفقكم ويدي سركم
لاتعودينة يمشي كلمته عليج
صدقيني انا عودته والحين تعوود كل شي بكلمته ومايغير اللي براسه الا اذا زعلت عليه
حركاااااااااااااات هااااااااااا :shy: انا اتوقع انه يتغلى عليج الرياييل يحبون هالحركات
والدلع .. عاد المشكلة ان هم يتحملون نحن ما نتحمل قلوبنا ارهيفه هههههههههههههههههه
انتي لا تحنين على راسه كل شوي اطرشيله ماسج وهو متضايق تراهم ما يحبون جذي
خليه فترة وبروحه بيهدا وبيسأل عنج .... ولا تنسين تبشرينا :shy:
ا
اغلى من العمر
عروس متألقة
11-10-2006 | 06:39 AM
انتي سويتي اللي عليكي وارسلتي وراضيتي وتأسفتي وهوا عاجبه الحال
اللحين خليه ولا ترسلين شي وهوا بيفكر باللي صار وراح يرجع بنفسه ويكلمك
زي اغنية ياطبطب وادلع يايقول ان انا اتغيرت عليه
انا ازعل اولع ماهو همه انا ازاي ارضيه
شـــــــــــــــــــكـــــــــــــــــــــــــــــرا لكم خواتي بنات عروس
الحمد الله البارحه تراضيت ويا ريلي ,,
والسالفه ومافيها
الحبيب يدلع ,,,
هوه يدلع وانا اتولع ,.,
الله يهديه ,,
وهاذي كانت اول زعله بينا
والله يبعد الزعل انشاااااء الله
مابقى شي على العرس لو بيتم يعذبني بالتغلي
الله يعني لين 3 شهور
المهم الحمد الله كل امورنا تمااااااااااااااااااااااااااااااااااااام
ولا تحرموني من دعاويكم
والله يجزاكم ألف خير