محتارة أي روضة تدخلين طفلك،، حياكم

Ba7reneyah;9446728:
عزيزتي اتصلي على Little Gems School
وشوفي معاهم

حبيبتي هذي وين عاد مكانها؟؟

وجديدة ولا شلون؟؟
ما في احد تكلم عنها من قبل!

ومشكوووورة على تعاونش

Little Gems School
في وين تصير هذه المدرسة وأكيد نظامها مو عربي من أسمها

عندي سؤال عن روضه الدعاء في احد عنده معلومات عنها

في جبله حبشي موجودة ؟؟؟؟؟؟؟؟؟؟؟؟؟؟؟

وعندي سؤال انا من عالي ومدرسه بوابة المعالي قريبه لي وايد

افكر في المستشقبل اودي ولدي فيها {{ بعد سنه

كم رسومها الشهريه للروضه ؟؟؟؟؟

مدرسة بوابة المعالي مرحلة الروضة 35 دينار بدون مواصلات

Little Gems School
هذي في شارع البديع

بناااااااااات قولولي دلوني
هل ينفع ادخل ولدي الحضانة عمرو سنة لان ابي اشتغل او ادرس
وما عندي احد يجاود ولدي

'طبعا عادي توديه حضانة اعرف ناس يودونهم بعمر شهرين

فيه احد يعرف عن مدرسة المنار مرحلة الروضة مستوى التدريس والمدرسات شلون الي عندها فكرة تفيدنا

batolo;9259590:

هلا أمهات

شلونكم

رجاء خاص المرة الثانية أسأل عن المدارس ولا أحد يرد علي
في منكم أحد سمع عن مدرسة المجد الخاصة؟؟؟
لأني سجلت ولدي فيها وهو مواليد 2005 وخلوه كي جي 2 لشهر 9 لان نظامهم جدي هو المفروض 1 بس يوم سألت عنها قالو انها مدرّسة وحدة حق كل المواد هل تعتقدون هذي النقطة سلبية؟

ارجوكم اللي يعرف اي شي عنها يقولي

جوهرة من الماس;9304742:
هلا بل اخت نور العمر اذا كنتين تقصدين الي في عالي فمكانه قريبه للمركز الصحي ورى مدرسة عالي الابتدائيه للبنات

هلا أختي مدرس كانو ممتازة جدا انا سامعة فيها بس الكورس على ما اعتقد 1000 دينار



او كورسين ماادري بس سمعت عنها وايد زينة

ماشاء الله المدارس كثيرة والواحد يحتار فيها وبالنهاية ترى مو شرط إذا واحد عجبته يكون الثاني بعد عاجبته ... يعني الواحد يشوف أكثر من رأي قبل لايستقر على المدرسة...

noormaram;9562207:
Little Gems School
هذي في شارع البديع

اشكرك جزيل الشكر على ردك

اختي معاها معلمة تعمل معاها في نفس المدرسة اولادها في مدرسة المجد تقول الانجليزي كلش ممتاز ويعرفون كل شئ اما العربي لو ما تتعب معاهم ما فهموا شئ توديهم في الاجازة الى ناس يعلمونهم وفي ايام الدراسة هي اتابعهم
والله العالم :cool:

ممكن اعرف تفاصيل عن مدرسة المجد وين مكانها وبكم ؟؟؟

واابغي رايكم في مدرسة المهد وخصوصا فرع المحرق ؟؟؟

ومدرسة الابداع؟؟؟؟؟؟؟

مدرسة المجد في الزنج والبعض يمدحها
اما مدرسة المهد فرع المحرق توها ما صار لها واايد فعليها مشاكل وناس وايد ذموها بعكس فرع سار فالكثير من الناس تمدح فيها
مدرسة الابداع في المنامة ويمدحونها مع انها جديدة

سلام عليكم

شخباركم يا امهات

بغيت اسأل عن روضة الغدير او انوار الغدير الي في جدعلي اذا كانت اوكي او لا

ياريت تردون علي

كنت بودي بنتي مدرسة بوابة المعالي من كثر ماشفتكم تمدحونها هني وبعد رحت اليوم المفتوح الي حق التسجيل وشرحت لنا المديره المنهج وجذي

وبعدين صديقاتي ثنتينهم ذموها وقالوا لي كلا هرار مايهتمون بس يعلمونهم اناشيد وجذي ومافي اهتمام كلش كلش بالنسبه للحمام يخلونهم بالأثنين يروحون الحمام ولا في عندهم اهتمام حتا لو ولد وبنت روحون الحمام عادي

وحطيت عليها اكس كبيره

والحين متحيره اني من منطقة جدعلي وافكر في الغدير قريبه مني لأنها ويش رايكم فيها

روح الياسمين ما انصحش في بوابة المعالي من الي سمعته خصوصا سالفة الحمام وايد كريهه السالفه وماعجبتني كلش

وبعد بسألكم عن روضة الأمام الحسين هي صوب البنك الوطني في سند صوب بلدية سند وايد اسمع يمدحونها في احد سمع عنها

والله سمعت ناس واايد يمدحون في روضة انوار الغدير والاعضاء ممكن يفيدونك اكثر الي مودين عيالهم هناك

اما عن كلامك عن بوابة المعالي خوفني واايد وشكلي بغير رايي وبسحب التسجيل

احد منكم سمع عن مدارس المنار في سلماباد

3bm;9643165:
سلام عليكم

شخباركم يا امهات

بغيت اسأل عن روضة الغدير او انوار الغدير الي في جدعلي اذا كانت اوكي او لا

ياريت تردون علي

كنت بودي بنتي مدرسة بوابة المعالي من كثر ماشفتكم تمدحونها هني وبعد رحت اليوم المفتوح الي حق التسجيل وشرحت لنا المديره المنهج وجذي

وبعدين صديقاتي ثنتينهم ذموها وقالوا لي كلا هرار مايهتمون بس يعلمونهم اناشيد وجذي ومافي اهتمام كلش كلش بالنسبه للحمام يخلونهم بالأثنين يروحون الحمام ولا في عندهم اهتمام حتا لو ولد وبنت روحون الحمام عادي

وحطيت عليها اكس كبيره

والحين متحيره اني من منطقة جدعلي وافكر في الغدير قريبه مني لأنها ويش رايكم فيها

روح الياسمين ما انصحش في بوابة المعالي من الي سمعته خصوصا سالفة الحمام وايد كريهه السالفه وماعجبتني كلش

هلا وغلا والله اني عيالي كلهم في أنوار الغدير ما شاء الله ممتازين الحين اول واحد في صف أول اعدادي ومازال ممتاز بس اني عيالي في فرع جدحفص واكيد الفروع الثانية نفس الشئ لان الادارة وحدة وصراحة برنامجهم قوي وأساس الاطفال كلش قوي