§¤~¤§ وظائف شاغرة §¤~¤§ ]دولة قطر

بنات ردوا على ساعدوني أحصل اي وظيفه في مكان محترم ضروري

الله يوفقكم بناات ..

انا توظفت واشتغلت في بنك قطر الوطني

الفال للجميع ان شاء الله

ترى البنك طالبين موظفين شهاده ثانويه وعامه والرد يكون في اقل من اسبوعين

قلت لكم من قبل بس بشرط بدون نقاب للموظفات والمكاتب خلط لان قسم النساء انلغى من كل الفروع

اختي صدى الحب انتي متى سووا معاج المقابله لاني انا سويت من شهر وبعدهم مانادوني .. وبعدين اي فرع انتي تقصدين .. بليز ردي علي بسرعه .. انا اقصد الاسلامي والا العادي؟؟

بنااااااااااااااااااااااااااااااات للحين ماقدرتوا اتسوون لي شي تكفون أي وظيفه ابأي راتب مو مهم بس مكان محترم

الله يوفق الجميع اختي زينب والله مااعرف اختي بوين ؟

انا بعد سووا مقابله معاي بنك قطر بس ماادري ليش مانادوني مع ان شكلهم كانوا مستانسين علي خخخخخ

اختي صدى انتي اشتغلتي بالكوستمر سيرفس او الhr او العمليات؟

ليو بارد قطر حتى انا سووا معاي مقابله وقالولي خلاص موافقين وبنرد عليج بسرعه بس عقبها ماعطوني ويه ..؟ انتي شو صار معاج ؟؟

أشكرج ليوبارد على الرد بس اتمني اللي تقدر اتساعدني ابأسرع وقت

نور اي انا بعد كأنه خلاص موافقين وخيروني بين الاماكن بس بعدين ماردوااتصلوا,,,ماادري شبلاهم

العفو حياتي زينب,,اتمنى لو اقدر اساعدج والله:)

خواتي انتو جامعيات او ثانويه ؟؟

لان انا جامعيه مالي علاقة بالكاستمر سيرفز

والحين احنا لنا تدريب خاص بالجامعين بس :)

والمقابله سوها معاي على نهاية شهر سبعه

وردو علي بالموافقه ثاني يوم والحين صار لي اسبوع اداوم

واذا بالنسبه للااسلامي او العادي ترى كلهم واحد

بعد التدريب يشوفوون المكان الناقص ويحطون فيه

والمقابلات كانت في الفرع اللي بالكورنيش ..

اختي انا جامعيه .. وهم اتصلوا فيني عشان المقابله بس كان في الفرع الي بالخليج الغربي وانا ماقدرت اروح .. بس هم قالولي انهم تبع العادي مب الاسلامي .. شكلي ضيعت الفرصه علي يالله خيرها في غيرها .. لانهم اتصلو لي نفس اليوم الساعه 11 وقالول تعالي المقابله الساعه 1 فقتلهم مايمديني اجي وانا كنت نايمه ومسطله .. صج ماانعطى ويه

ليوبارد انا اتصلوا فيني مره من الاسلامي ومن من الفرع العادي وطبعا كل واجد مقابلته غير عن الثاني .. فسويت مقابله في الاسلامي وطنشت للعادي .. حتى الموظف الي ببنك قطر الاسلامي قالي خلاص احنا موافقين بي ناطرين المدير لانه مسافر ,, ومن عقبها اتصلوا علي الفرع العادي وقالول تعالي مقابله وانا مارحت لاني اعتمدت عالاسلامي .. لان الريال يوم اتصل بي قالي احنا لازم نسويلكم برنامج تدريب طبعا انا اتكلم عن الفرع العادي فانا طنشت وقلت الاسلامي ماقالوا فيه تدريب المهم . شكلهم الاثنين طلعوا واحد وراحت علي

وين قدمتوا اوراقكم في هالبنك ومن متى ؟؟؟؟؟ وين اقدر اروح اقدم اوراقي الحين ممكن ولا خلاص؟؟؟

بنااااااااااااااااااااااااااااات ابغي اشتغل

الماسه القطريه هم من قبل كم شهر كانوا حاطين اعلان في الجريده انهم يبون موظفين .. واحنا قدمنا عن طريج النت بس مادري يصير تقدمين الحين وا لا لا؟؟ بس ماعتقد يصير لان الي قبلوهم الحين يالسين يعطونهم دوره

أول شي حبيت أشكر أختي الرائعه قوت القلوب على موضوعها واللهـ يسهل عليها ويوفقها على فكرتها ..

ثاني شغله يابنات أنا عندي مشكلة بشغلي ..

أنا دشيت الجامعة دفعت 2003 وكنت مظلومه بهالدفعه ودشيت قسم اللغة الإنجليزية بس ماشيت بحكم القوانين..

الحمدلله على كل حال ..

من 2004 وأنا أدور على شغل مو لاقيه بتقولون معقولة بقول أكيد..

لان الوالد اللهـ يحفظه يخاف علينا خوف خصوصاُ البنات ومايرضى يدخلنا بمكان خلط ..

وقدمت على مدرسة مستقله 2006 كانوا تقريباً بيقبلوني بس قالوا شهادتج قديمه 2003 وإحنا نبي شي جديد..

قلت ماعليه آخذ شهاده يديده ويبتها هالسنه صج ماكنت أدرس ولا شي بس الحمدلله جبت 75%

وأنا عندي شهادة توفل من قبل ..

وخذت شهادة الـ ICDL من مركز معترف فيه وأنتظر تجيني شهادتي من دبي ..

بس حبيتكم تساعدوني اللي تعرف وظيفة بمكان نسائي مافيه خلط ولا 1 % <<< طلب الوالد

ودي يكون إدارية بمدرسة مستقله أو كاتبه بس أحسن من هالقعده في هالبيت لي 3 سنين قاعده زهقت..

شاكرة لكم قرايتكم للنهاية

همس الدوحة

اتصلي على المدارس المستقلة ( تلقين أرقامهم في موقع المجلس الأعلى للتعليم )

و أسأليهم عن الوظايف الشاغرة حق الثانوية ..

و إن شاء الله خير ..

ياربي متى بنحصل شغل ؟؟

اهئ اهئ اهئ

والله ملل قعدة البيت والقهر كل يوم عندي امل حد يتصل علي ،،ارقد واحط التلفون عند راسي خخخخ

واللي يقهر زيادة نفس ماتقولون نسوي مقابله ويكونون مستانسين ويقولون بنتصل عليكم ،، آخرتها مايردون

يلا الله كريم>>>> إن شالله نشتغل كلنا بعد العيد على طووووووول >>>آميييييين

اختي نور ..

ترى الوطني الاسلامي مايوظف موظفين جدد اول مره يشتغلون في البنك

لازم يكون مر عليج سنه او سنتين في بنك قطر الوطني العادي او اي بنك من برع

هم قالو لنا هالكلام في دورة التدريب اللي قاعدين ناخذها الحين

سلام بنات حد يعرف مدراس مستقله تبي مدرسات علوم او كيمياء او احياء تسلمون