§¤~¤§ وظائف شاغرة §¤~¤§ ]دولة قطر

يسلمو عزيزتي مناير

بنات اللي تعرف اماكن يشغلون الثانويه العامه اهم شي يكون مكان مخصص للنساء ..
بنات ماتعرفون جامعه بفلوس او كليه فقطر بس تكون مب خلط لانه بنت خال تبي تكمل دراستها ومشكوورين

هلا الطاوله حبيبتي

في قطر كل جامعه خلط

بس في كليات وجامعات مو معترف فيهم مو خلط :)

شواقه
ممكن تعطينا اساميهم

مناير مشكورة وتسلمي يارب

بس ياريت تقولي لينا عناوين واماكن مراسله الاماكن دي

لاننا ل الاسف مش بنشتري جريدة الشرق بنشتر ي الرايه فقط

وينكم يابنات أنا أتابعكم من زمان وسجلت عشان تساعدوني

ياليت لو تعرفون مكان مافيه اختلاط أكون ممنونة


تخصصي إدارة مكاتب

هلا عنود ياقلبي

شرايج بالمدارس المستقله طالبين نفس تخصصج اعتقد

شواقه ^^:
هلا عنود ياقلبي

شرايج بالمدارس المستقله طالبين نفس تخصصج اعتقد

مشكورة ياقلبي ماذبحني إلا المدارس المستقلة من كثر ماقدمت عليها !!


أي مدرسة تعرفين قوليلي أنا تخصصي إدارة مكاتب ومعاى دورة كمبيوتر

الله يعينج

لان اعرف بنات وايد متخرجين المدارس هم يتصلون لهم يبونهم

شوفي مدارس الفوج اليديد اللي بتفتح بداية السنه قدمي عليهم من الحين

دشي موقع هيئة التعليم

شواقه ^^:
الله يعينج

لان اعرف بنات وايد متخرجين المدارس هم يتصلون لهم يبونهم

شوفي مدارس الفوج اليديد اللي بتفتح بداية السنه قدمي عليهم من الحين

دشي موقع هيئة التعليم

يحليلج ياشوق بموت من الضحك !!

تدرين أنا اشتغلت مرسدة لغة عربية كبديلة مؤقتة عن مدرسة في حالة ولادة وبعد ماخذوا مصلحتهم مني أنهوا خدماتي وقدمت على ألف مدرسة مستقلة لكن للأسف محد قبلني عرفتي شلون ؟

لو تعرفين مكان مافيه اختلاط قوليلي الله يوفقج يارب

مشكورة على تفاعلج معاى

حياتي حاسه فيج

اوكي شرايج تقدمين على ديوان الخدمه وهم بيوزعون اوراقج

شواقه ^^:
حياتي حاسه فيج

اوكي شرايج تقدمين على ديوان الخدمه وهم بيوزعون اوراقج

قدمتهم بس صدقيني حظي مو شي ! وكلما كلمت وزارة قالوا مافيه شواغر !!!!


شيء مؤسف قطرية وتعاني من البطالة !


مشكورة شواقة فديتج

حبيبتي عنود

ماعليه الاوتفرج ان شاء الله

نطري شوي بس وان شاء الله بتشتغلين وتبشرينا

ترى الحال من بعضه :)

شواقه ^^:
حبيبتي عنود

ماعليه الاوتفرج ان شاء الله

نطري شوي بس وان شاء الله بتشتغلين وتبشرينا

ترى الحال من بعضه :)

فديت شواقة ياناس الله يرزقج بس آنا متخرجة من عام 2001 :(

هلا عنود قطر ان شاء الله يوفقج ويوافق الجميع بس لايش متشائمه ادعي الله
وان شاء الله يستجاب دعائج مثل مايقول المثل
كل حركه فية البركه
قدمي بالعكس انا اشوف احسن لج الاهم تكون عندج الخبرة
وياهلا فيج على ماعتقد المستشفى الاهلي في فرص توظيف
.شوفي في نفس الموضوع الاعلان:shy:

[glint]للقطرين والقطريات[/glint]فرص عمل مميزة برواتب مغرية
مطلوب لجهة حكومية موظفين من حملة البكالوريوس تخصص:ادارة اعمال - محاسبة - هندسة مدنية - هندسة معمارية - حقوق - مترجم - متخصص في صياغة المراسلات والمكاتبات - مهندس شبكات - مبرمج.
* حملة الثانوية العامة :
فني صيانة حاصل على شهادة ICOL ,+ A - موظفات بدالة على المام بالانجليزية - موظفين لديهم خبر في الارشيق الالكتروني - موظفين لديهم خبرة في المخازن .[glint]ملاحظات :[/glint]* على ان لا يقل التقدير عن جيد .
* العمر يتراوح ما بين 20 - 40 سنه .
* الخبرات لا تقل عن 3 سنوات .
المرفقات المطلوبة :صورة شخصية - المؤهلات العلمية - شهادة الخبرة -صورة البطاقة الشخصية - شهادة حسن سيرة وسلوك .
ارسال السيرة الذاتية على ص . ب (22449 )

يعطيج الف الف عافية على الجهود الطيب ياغاليتي مناير قطر
ولكم والتوفيق جميعآ:shy:

يؤ عنود حبيبتي صار لج فتره متخرجه والله عبالي توج

معقوله؟
هالسنين كلهاا

والله انج صبوره

كسرتي خاطري :(

الله يوفقج حبيبتي والله دعيت لج

يبيلهم حد يحكهم ويلوع جبدهم لين مايشغلونا

تعلن وزارة الداخلية عن حاجتها للوظائف التالية:
حملة البكالوريوس:
* باحث علاقات دولية(بكالوريوس اعلام أو ليسانس اداب تخصص لغة انجليزية ).
* باحث نظم معلومات ( بكالوريوس حاسب آلي ).
* محاسب ( بكالوريوس أدارة واقتصاد).
* باحث علاقات عتمة ( بكالوريوس اعلام ).

حملة الثانوية العامة:
* كاتب شئون ادارية - سكرتير .

[glint]شروط عامه:[/glint]الافضلية للقطريين.
اجتياز الاختبترات المهنية والفحوصات الطبية والمقابلة الشخصية .
ترسل الطلبات معنونه باسم السيد / مساعد مدير إدارة الشئون الادارية بمبنى الملحق الاداري لوزارة الداخلية بالخليج الغربي خلال اسبوعين مرفق:
السيرة الذاتية مع صورة من المؤهل العلمي مصدق من الجهات المختصةوصورة من شهادات الخبرة العلمية والدورات وصورة البطاقة الشخصية أو الجواز وصورتين شخصيتين .

لن تقبل الطلبات الغير مستوفاة الشروط والمستندات

تعلن جهة حكومية عن رغبتها في التعيين على الوظائف التالية :

محلل نظم ( الافضلية للقطريين )- باحث اعلام وعلاقات عامة (للقطريين فقط ).
ترسل الطلبات باسم الشئون المالية والادارية مرفق المستندات المطلوبة على فاكس /4416246 خلال اسبوعين من تاريخه.